رواية ليل الفريد الفصل التاسع 9 والاخير بقلم جني ابراهيم
البارت التاسع (الاخير)
بعد شهر
ليل تعاملها مع فريد بقى رسمى و ده مزعلها جدا ،علاقتها بولاد عمها سليمان بقت إلى حد ما كويسه ، معاذ بدء يتعالج من العقده اللى عنده ،و مالك ومريم علاقتهم بقت قويه جدا و مالك وقف كتير جدا فى ضهرها لما كان ابن عمها يحاول يتعرضلها و مضاه على ورق عدم تعرض و سامر خاف فهرب لانه جبان فى الحقيقه ،فريده و حمزه بقوا بيشتغلوا مع فريد فى الشركه ، اما بقى فيروز اتخرجت وا شتغلت فى الشركه بشهادتها و بدأت تتدرب علشان تشتغل فى الشركه، و بدأت تعجب بحمزه .
عند فريد
فريد استحمى و صلى و لبس هدمه وبعدها افتكر ليل و قد ايه بتعامله برسميه:انا لازم النهارده اعترفلها بحبك ليها و اتقدملها .
فريد راح لجدته
فريد:صباح الخير.
كوثر:صباح النور يا عيون جدتك.
فريد:انا قررت اتجوز.
كوثر بفرحه:مين هى اللى قررت تتجوزها انا اعرفها ولا لا .
فريد:الدكتورة ليل اللى معايا فى المستشفى.
كوثر:الف مبروك يا حبيبي اخواتك هيفرحه اوى لما يعرفه يلا بينا ننزل نفرحهم.
فريد : لا استنى شويه يا حبيبتى لحد ما توافق.
كوثر: هتوافق بإذن الله يا حبيبي.
عند حمزه و فريده
حمزه:انا خلاص هقول لأبيه انى عايز اتجوزها البت كده هتروح منى.
فريده : يا بنى انت لسه تحت التدريب ازاى يعنى هتتجوز
حمزه:هخطبها و بعد ما بنى نفسى نبقى نتجوز.
فريد:صباح الخير يا حبايبي.
حمزه و فريده: صباح النور يا ابيه.
حمزه:ابيه انا عايز اكلمك فى موضوع مهم.
فريد:اتفضل اتكلم.
حمزه بتسرع:انا عايز اخطب فيروز.
فريد:فيروز مين.
حمزه:فيروز اللى انت كنت مشغلها سكرتيره عندك قبل ما تتخرج و تبقى تحت التدريب.
فريد:هتخطبها ازاى وانت لسه تحت التدريب ما اعتمتدش على نفسك.
حمزه:هخطبها و بعديها نبقى نتجوز.
فريد باستسلام:خلاص ماشى.
حمزه: يعنى اكلمها اتفق معاها على الجواز.
فريد:ماشى ، و يلا افطروا علشان تلحقوا التدريب ، واعملوا حسابكم انى مش هروح الشركة النهارده .
فريده:ليه يا ابيه.
فريد:هروح المستشفى علشان فى شغل مهم.
كوثر: ربنا معاك يا حبيبى.
حمزه بمشاكسة: يعنى مبركتليش يا ريري على الخطبه.
كوثر: ايه ريري ديه يا قليل الادب،و غير كده اباركلك ليه هى لسه وافقت عليك.
حمزه:هتوافق ان شاء الله.
فى المستشفى.
ليل شافت سليم وراحتله.
ليل:ازيك يا سليم،انت جاي لمين.
سليم بتسرع: جيالك انتى.
ليل باستغراب: ليه.
سليم:ليل انا عايز اتقادملك للجواز.
ليل:انا اسفه يا سليم لكن انا مش هقدر اتجوزك ربنا يوفقك مع واحده تانيه تحبك.
سليم بحزن:يعنى مفيش امل.
ليل مكنتش عارفه تقول ايه
سليم بحزن:مع السلامة يا ليل .
ليل: مع السلامة.
فى الوقت ده فريد جه،و كان متعصب جدا لما شاف ليل مع سليم .
فريد بغضب:ليل انا عايزك فى مكتبى.
ليل راحتله المكتب.
فريد بغيره و غضب:ازاى تقفى معه لوحدكوا.
ليل بغضب:انا مكنتش وقفه معه لوحدنا احنا فى مستشفى و فيها ناس كتير،وغير كده انت مالك انت هنا صاحب المستشفي مش ولى امرى.
فريد:لكن انا مسمحش ان مراتى تقف مع راجل غريب .
ليل:لكن انا مش مراتك.
فريد: هتبقى مراتى قريب .
ليل اتصدمت من اللى قاله لكن بدات ترجع لوعيها:وانت بقى مين اللى قالك انى هوافق عليك .
فريد:انا الكينج مترفضش.
ليل:لا انا ممكن ارفضك عادى و اكملت بسخريه ولا انت ناوى تتجوزنى غصب.
فريد:انتى عارفه كويس انى مستحيل اعمل كده ثم أكمل بحب انا بحبك يا ليل و مقدرش اعيش من غيرك ،يمكن اتعصبت عليك لكن ده علشان انا بغير عليك و مقدرش اشوفك قعده مع راجل لوحدكم ،انا عارف كويس انك محترمه و ما بتقبلي اى راجل يتخطى حدوده معاك لكن اعمل ايه بغير عليكى.
ليل واقفه مصدومه من اللى قاله معقول فريد بيحبها زى ما هى بتحبه.
فريد:ها ردك ايه على اللى قولته.
ليل : ادينى فرصه افكر.
فريد:تمام بلغيني بكره بقرارك .
فريد طلع من المكتب.
ليل باستنكار:بكره ،ده مشى و سابنى من غير حتى ما يسلم .
ليل طلعت من المستشفى و روحت البيت.
عند مريم
مريم : يا ترى مالك هيرجع امتى من السفريه واحشنى اوى.
مريم جالها رساله على التليفون
مالك:البسي وتعالى على العنوان ده (........).
مريم بحماس قامت لبست فستان لونه ازرق و لبست عليه طرحه نفس اللون
مريم:يا ماما انا خارجه مع مالك .
فاطمه: هو مش كان مسافر،وغير كده ايه الحلوه دى كل ده علشان رايحه تقابلى مالك .
مريم:ما هو رجع من السفر،و يلا بقى مع السلامه علشان متأخرش.
فاطمه :مع السلامه.
مريم راحت المطعم اللى فى العنوان.
مالك لما شافها قام من على الكرسى:ايه الجمال ده.
مريم بخجل:شكرا.
مالك سحبلها كرسى:اتفضلى.
النادل :طلب حضرتكم ايه.
مالك:تطلبى ايه.
مريم بخجل:عصير مانجا.
مالك :عايزين اتنين عصير مانجا.
النادل:تمام يا فندم.
مالك بجديه:مريم انا عايزك فى موضوع مهم.
مريم:اتفضل.
مالك :بصى انا بحبك و معرفش ده حصل امتى واتمنى انك تكونى بتبادلينى نفس الشعور.
مريم بخجل و صدمه:مالك انا .......
مالك وهو بيقدملها الخاتم :تقبلى تتجوزنى .
مريم بفرح:موافقه.
مالك بفرحه لبسها الخاتم :انا هاجى بكره واجيب اهلى علشان اتقدملك .
مريم:ماشى .
مالك و مريم قضوا سهرتهم مع بعض وبعديها مريم روحت و
حكت لمامتها كل حاجة ومامتها بدأت تجهز علشان تستقبل اهل مالك.
فى الشركه
معاذ كان طول الوقت بيراقب فريده ،و قرر يعترفلها بحبه
معاذ:ازيك يا فريده .
فريده بخجل:الحمدلله.
معاذ بتسرع:تقبلى تتجوزينى.
فريده بصدمه:ابيه.....
معاذ بمقاطعه:انا بحبك من زمان ، لكن انا كان عندى عقده و اتعالجت منها ،وانا دلوقتى عايز اتجوزك.
فريده بخجل:هبلغك قرارى لما تيجى تتقدم.
فريده مشت و سابته
معاذ:طب والله قمر.
معاذ كان فرحان جدا و قرر لما يشوف فريد يطلب منه ايد فريده.
عند حمزه
حمزه:فيروز مش تباركيلى.
فيروز:على ايه.
حمزه:هخطب.
فيروز زعلت جدا لما عرفت علشان هى كانت بدأت تحبه :الف مبروك.
حمزه لاحظ دموعها و فرح جدا علشان ده معناها انها بتحبه:هخطب واحده بحبها جدا ،بتدرب هنا فى الشركه،عيونها لونها شبها اسمها فيروز.
فيروز اتصدمت:انت قصدك عليا انا.
حمزه:ايوه،انا بحبك يا فيروز من ساعه ما كنا فى الكليه ،وكنت بتلكك علشان اجى الشركه و اشوفك،وانا حابب اجى اتقدملك و نتجوز .
فيروز بحزن:هتيجى تتقدملى من مين،بابا معرفش عنه حاجه و اهلى برضوا معرفش عنهم حاجه .
حمزه:مش مهم انا مش عايز غيرك ،بقولك ايه انا هاجى اتقدملك بكره.
فيروز بخجل:ماشى.
حمزه:ده معناها ان الجميل موافق.
فيروز:بكره تعرف ردى.
فيروز مشت و هى فرحانه جدا .
عند ليل
ليل بتكلم مريم فى الموبايل
ليل:يا حظك يا مريم ،مالك اتقدملك بشكل رومنسي،ده فريد كان شويه و هيتجوزنى غصب ،ده انا اول مره اشوف واحد بيتقدم لوحده فى المكتب.
مريم بضحك:طب و الله فريد ده عسل ،ده انا هموت واشوف رياكشنه لما تقوليلو ان هو هيجى يطلب ايدك من ابن عمك يوسف.
ليل:ربنا يعديها على خير،يلا تصبحي على خير.
مريم:وانتى من اهله.
ليل قفلت مع مريم وكل واحده فيهم نامت.
عند فريد و مالك و معاذ.
فريد بغضب:ازاى تكلم اختى فى موضوع الجواز قبل ما تكلمني انا الأول.
معاذ:وهى فرقت يعنى يا كينج،و غير كده خلينا نركز فالرايح يخطب بكره ده.
مالك:انتو اكيد طبعا هتيجوا معايا.
معاذ:لا مش هنعرف نيجى علشان هروح اخطب فريده بكره.
فريد:انت هتيجى تخطب فريده مش بكره ولا البعده انت هتيجى البعديه ان شاءالله .
معاذ:ليه.
فريد:علشان بكره احنا هنروح نخطب فيروز لحمزه.
معاذ:طب خلاص اجى بعد بكره.
فريد:ما انا هروح اخطب ليل بعد بكره.
معاذ بتذمر:خلاص ماشى،يلا بقى امشوا علشان عايز انام.
مالك:يلا يا فريد نمشى من هنا.
مالك و فريد مشوا
فى الصباح
ليل بلغت فريد بموفقتها، و فريد كان متعصب جدا انه هيروح
يخطبها من ابن عمها.
عند مريم
اتعرفت على أهل مالك و حبتهم جدا واتفقوا ان الفرح هيبقى بعد ٦ شهور.
عند حمزه
فيروز كانت خايفه جدا احسن اهل حمزه ميتقبلهش لكن اهل حمزه حبوها جدا و هى حبتهم و اتفقوا ان الجواز هيبقى بعد ٥سنين
فى اليوم التالى
فريد طلب ايد ليل و اتفقوا على ان الجواز بعد ٦ شهور مع مالك.
و معاذ اصر انه يتجوز مع فريد و مالك.
بعد ٦ شهور
فرح ليل و فريد و مالك و مريم و معاذ و فريده
ليل و مريم و فريده مبطلوش رقص ، فريد كل شوى كان يشد
ليل عشان مش عايزها ترقص
ليل:يوه بقى ما تسيبنى ارقص يا فريد ده النهارده فرحى.
فريد بغيره:مش عايز مراتى ترقص قدام الناس .
ليل:حاضر.
فريد لاحظ زعلها:خلاص تعالى نرقص مع بعض .
ليل بفرح:انا بحبك اوى.
فريد كان فرحان علشان دى اول مره ليل تقولها:وانا بعشقك يا روح فريد انا كلمات الحب كلها متقدرش تعبر عن حبى ليكى،انتى خلاص بقيتي ليل الفريد.
ليل كانت مكسوفه جدا .
كل عريس اخد عروسته و رقصوا مع بعض و كل واحد بيعبر عن حبه لعشقته .
الفرح خلص وكل واحد اخد حبيبته وهو مبسوط.
بعد خمس سنوات
فرح حمزه و فيروز.
حمزه و فيروز كانوا مبسوطين جدا و مبطلوش رقص من ساعة ما الفرح بدأ .
فريد و ليل خلفوا توأم ،ليالى و هيثم،و مالك و مريم خلفوا، مراد و زين،معاذ و فريده خلفوا ،أسر.
ليل:فاكر يوم فرحنا.
فريد:اكيد طبعا ده كان احلى يوم فى حياتى.
ليل:لسه بتحبنى زى الاول .
فريد:لا،انا بقيت احبك اكتر و اكتر انتى حب حياتى يا ليل،ده انتى النفس اللى بتنفسه.
ليل :بحبك.
كم هو جميل الحب عندما تحب الشخص الصحيح ،الذى يكون لك السند و الدعم و العوض.
ليل الفريد
جنى إبراهيم نبيل
تمت
