رواية الحب الضائع الفصل الثالث 3 بقلم رغد خالد
Part 3Flash back
بعد ما ليلي مشيت مراد تليفونه رن وكان اللواء
مراد:الو ي فندم
اللواء محمد:الو ي مراد تعالالي حالا
مراد بقلق:لي في حاجه ي فندم؟
اللواء محمد: لما تيجى هتعرف
مراد:تمام ي فندم نص ساعه واكون عندك
اللواء محمد:ماشي ي مراد بس ياريت تيجي بسرعه سلام
مراد:سلام ي فندم
مراد قفل مع اللواء وبص حواليه مالقاش ليلي خاف عليها وكان لسه هيرن عليها فجأه سمع صوت صراخ باسمه
مراد بقلق:ده صوت ليلي وطلع يجري ناحيه الصوت لحد ما لقي في مجموعه شباب حوالين ليلي وشاب منهم كان هيلمس كتفها ساعتها اتجمعت الشياطين في دماغه ومسك ايد الشاب بقوه وغضب وضربه
back
مراد:انت ازاي تتجرأ وتحاول تلمس حاجه تخصني
الشاب اللي مراد ضربه:ليه هي المزه تخصك ي بختك بالحلاوه دي كلها
مراد بغضب وهو مازال يضرب فيه:انت ازاي تقول كده ي بن***
ليلي وهي تبكي:خلاص ي مراد هيموت في ايدك
مراد مش سامع منها وبيطلع كل غضبه فيه
واثناء تلك الاوقات
اقترب احد الشباب من مراد ليضربه من ظهره بالمطوه
ليلى: حاسب يامراد وراك
بص وراه لكن الشاب سبقه وعوره ف كتفه
ليلى ببكاء حاد : مراد انت كويس
ضرب مراد الشاب وكلم حد من الوحده بتاعته واخدوا الشباب ف البوكس
مراد : تخدلى الاوساخ دول على الحجز وروق عليهم وانا ساعه وجاى
العسكرى : حاضر يافندم
مراد : خلاص بقا ياليلى عشان خاطرى بطلى عياط
ليلى ببكاء: انا اسفه انا السبب كنت هعمل اى لو جرالك حاجه انا مكنتش هسامح نفسي ابدا
مراد : يا ليلى انا كويس متقلقيش المهم انتى بخير بطلى عياط بقا وتعالى اروحك عشان معايا شغل
ليلى : حاضر بس نعالج جرحك الاول
*في مكان آخر وتحديدا في سوهاج
_ تفتكر هتوافق انها تيجي ي جدي
الجد بصرامه:ومتجيش ليه ان شاء الله نحن اهلها وده بيت ابوها
_مش القصد ي جدي بس هي ممكن تكون متعرفناش عشان لما عمي مشي زمان كانت هي لسه صغيره واكيد مش فاكره حاجه عننا الموضوع دا من ١٥ سنه
الا قولي ي جدي لسه مصمم علي اللي في دماغك برضو
الجد:وانا من امتي بحط في دماغي حاجه ومبعملهاش ي واد ابني هتاجى غصب عنهم انا قولت كلمتي وهي هتتسمع ولا فاكرين اني لما كبرت ما اقدرش امشي كلامي زي زمان ياك
_العفو ي جدي محدش يقدر يقول علي حضرتك كده طبعا بس
قاطعه الجد:مبسش وروح شيع في البلد ان حفيدة عائلة ال نصران رجعت لدارها ولناسها روح يلا ي ادم
ادم:حاضر ي جدي
بعد ما عيسي مشي الجد شرد في الماضي وقال بصوت منخفض وحزن :ربنا يرحمك ي ولدي وتسامحني يارب بس انا بعدتها عننا لمصلحتها السر الى مخبيه جه وقته يظهر دلوقت والبت لازم ترجع لاهلها حتى لو بالغصب
عند ليلى ومراد
مراد: يا امى دا خدش بسيط متقلقيش وسبينى اروح الشغل
الام : ابدا اقعد ارتاح ازاى متعور وتروح الشغل
مراد وهو يقبل راس امه : ياست الكل انا كويس والله بس لازم اروح عشان اللواء عايزنى ومتقلقيش هخلى بالى من نفسي
الام: ماشي بس متتاخرش مفهوم
مراد : والله انا نقيب يا امى وانتى لسه بتعاملينى كانى ف اولى ابتدائى بس حاضر عنيا
الام: تسلملي عيونك يا حبيبي وانت راجع جبلنا انا والبت ليلى ايس كريم وحجات حلوه
مراد بضحك : حاضر بس كدا ومشي وقفل الباب وراه
ليلى بحزن : انا اسفه يا خالتى مراد اتجرح بسببي انا مش عارفه اقولك اى من يوم وفاه اهلى وانتى بتعاملينى زى بنتك واكتر انا مش عارفه من غيرك كنت هعمل اى ف حياتى انا حيالا اهلى كانوا جرانكم ولما اتوفوا ومظهرش حد من اهل امى ولا ابويا اخدتينى انتى وخليتى ليا اهل بعد ما اتيتمت انا يدوب كان عندى ١٠ سنين وبقيت لوحدى بعدها انتى ومراد بقيتوا حياتى انا مش عارفه اردلك الجميل دا ازاى
ام مراد : ياروحى انتى بنتى ازاى تقولى كدا بعد العمر دا دا انتى مامتك الله يرحمها كانت صحبتى واكتر من اختى وابوكى عمره ما قصر معايا ف حاجه بعد وفاة جوزى الله يرحمه ابوكى وقف جمبي وكان ليا اكتر من اخ اوعى اسمعك تقولى كدا تانى انتى فاهمه انتى بنتى ومحدش يقدر يبعدك عنى
ليلى : ربنا يخليكى ليا يا خالتى وميحرمنيش منك
_ قومى يا حبيبتى ارتاحى ف اوضتك شويه
ذهبت ليلى لاوضتها وشردت ف الماضى
ليلى : بابا هو انا ليه معنديش جد وجده وقرايب زى صحابي
محمد : لا ياروحى عندك بس هما مسافرين من زمان روحى يالا العبي مع مراد بقاله ساعه بينادى عليكى
محمد شرد ف الماضى وف سره: اه يابنتى لو اقدر اقولك الحقيقه بس هيجى يوم وتعرفي كل حاجه
يتبع..
#بقلمي_رغد_خالد
#الحب_الضائع
