رواية عشق الادهم الفصل الثاني عشر 12 بقلم رانيا شاهر
ولساا اللي جاي كله حـب بس طبعاً بلمسة الأدهم🫣
ي ماما أنا لسا مش بفكر فالموضوع دا لسا لما نطمن علي مليكة
قالها علي برفق لوالدته وفاء
وفاء بحنان:-ي حبيبي مليكةة ان شاءلله هتتهني وتعيش سعيدة
أدهم كويس وبيحب أختك
علي باستغراب:- أدهم الأباصيري مش بيحب حد ي ماما أدهم مبيحبش غير نفسه وأنا خايف علي مليكة أوي
وفاء بحيرة:- علي أنا هحكي لك بس لازم يفضل كلامنا سر ولازم تساعدنا ان مليكةة تكون لأدهم
علي بدهشة:- مليكة اي حد يتمناها لي ادهم بالذات
وفاء:- هحكي لكـ
يا تري اي السر!!
اي الإتفاق اللي بيدور من ورا مليكةة!!
مليكةة بفرحةة ونازله عالسلالم ي ماما سما فاقت وخفت ي ماما
وبتتنطط من الفرحة🌚♥️
وفاء:- الحمدلله يحبيبتي احنا لازم نروح نزورها يلا اطلعي اجهزي
وصلت وفاء ومليكة وعلي لبيت سما
مليكة جريت على سما وحضنتها اوي وبصوت كله دموع
وحششتيني ي سيمو
سما بحنان:- انا بقيت كويسه يحبيبتي الحمدلله
سما:- ماما أنا هطلع أنا ومليكة اوضتي وانتي هسيبك مع فوفا
وفاء ومامت سما ضحكوا عل كلام سما ودخلوا المطبخ يحضروا الغدا
فأوضةة سما:-
سما:- ينهاري كل دا وانا نايمه مش حاسه بحاجه
كدا تتخطبي من ورايا يخلبوصة🙂ولمين لأدهم وقال عامله نفسك مش طيقاه
مليكة بزعل:- انتي آخر واحده تفكر فيا كدا وكنت منتظرة منك تحسي بيا
سما بندم:- لوكا انتي زعلتي هو انتي يعني مش عارفه اني بهزر
مليكة وهي بتعيط:- أنا مش عاوزة اتجوزه دا انسان غريب وقلبه متجمد مبيحبش حد
سما حضنتها وبدأت تهديها وقالت لها:-
مليكة اهدي انتي لحد امتا هتفضلي بتعملي كدا ف نفسك
لحد امتا هيفضل التردد حته منك
لي بتطردي أي حد يدخل حياتك
لي مش بتحبي يكون حد سندك ويحتويكي
مليكة ارحمي نفسك وقلبك وحاولي تتقبلي أدهم
مصدقاكي انه معاملته صعبه بس لازم تقوي نفسك
اعتبري أدهم سبب بيخليكي تخوضي اختبار إنك تتقبلي حد فحياتك وله التزامات عليكي
اوعي ي مليكةة تسيبي نفسكـ وحيدة
مليكةة بتفكير:- الله المستعان بئا 🥺
سيڤا:- كدا ي ماما بعد كل دا يتجوز غيري
يسرا ببرود:- إهدي ي قلب ماما وحياتك عندي لأبوظ لك الجوازة دي
تعرفي تجيبي لي رقم البت دي
سيڤين:- آه اجيبهولك من شئون الطلبة
يسرا بمكر:- حلو اوي اعتبري أدهم بتاعك
فـ ڤيلا الكـردي
حامد:- يحبيبي أنا منايا اشوفك مستقر ومتجوز وهاجي معاك ان شاءلله نتقدم لها
هيثم بفرح:- خلاص هكلم أخوها ونحدد معاه معاد
سمر والدة أدهم:- اي دا ابني هيتجوز وانا معرفش
هيثم وهو بيبوس ايدها:-
ازاي ي سمورة دانتي الخير والبركة
سمر بضحك:- يحبيبي ربنا يسعدلي قلبك المهم اشوفك مبسوط
مليكة بملل:- مين الي بيرن فالوقت دا
بصت ف التليفون لقته private number
مليكة قررت متردش
رن الرقم اكتر من مرة ولكن مردتش
بعد شويه جات لها ماسچ
("اوعي تفتكري إن أدهم بيحاول يتجوزك علشن بيحبك لا ي شاطرة فوقي دا بيتسلي بيكِ بس لأنه بيحب المغامرات ولأنه كمان عارف انك معقدة ومغرورة فحب يكسرلك غرورك دا
سلام ي قطةة وابقي إحلمي على أدكـ")
مليكةة الدموع فـ عيونها اتحجـرت وماسكه التليفون ومش عارفه اي اللي حصل
يـا ترى اللى جـاي هيكون إي
هنعـرف البـارت الجـاي🦋💜
