رواية الحب يعشق الصدف الفصل الثاني 2 بقلم رحمه محمد
#روايه الحب يعشق الصدف
البارت 2
صباح يوم جديد مراد صحي علي خبط الباب بص جنبه كانت ناني نايمه
مراد بص للساعه وكمل بملل: دا وقته
الباب مش مبطل خبط قام وراح يفتح وكان اقرب صاحب ليه عمرو
مراد بزهق: رخاامه علي الصبح كدا
عمرو ببتسامه : اشتقتلك ي بيبي
مراد بص وراه : ادخل
دخل عمرو والاتنين دخلو الصاله
عمرو: رحت القصر قالولي انك مجتش من امبارح قولت اكيد هنا مع.....
وقاطع كلامه صوت طلع من الاوضه: مررراد
عمرو صفر: اوعااا كنت عارف
مراد ضحك: لا ذكي ياض
مراد دخل خد التيشرت بتاعه من الاوضه وطلع لبسو : يلا
ومشي هو عمرو
وفي الطريق تليفون مراد رن وفتح الاسبيكر: هاا
ندي السكرتيره: عند حضرتك اجتماعات مهمه النهارده واول اجتماع بعد نص ساعه مع الوفد الايطالي
مراد بجديه: تمام
وقفل معاها
عمرو بسعاده: فيور المزه الايطاليه جايه تاني
بعد فتره وصل مراد وعمرو قدام القصر بتاعه
طلع الجناح بتاعه واخد شور ولبس بدله وعضلاته برزه وحط البرفان بتاعه وكان شكله حلو اوي وفتح درج كبير في ساعات كتير وكل واحده احلي من التانيه اختار ساعه ونزل راح لاوضه تانيه
مراد: عامله اي يحبيبتي
مامته : الحمدلله يحبيبي كنت فين من امبارح
مراد: كنت في الشقه المهم عندي اجتماع مهم اوي دلوقتي واحتمال اتاخر
مامته: ربنا يحميك ويوفقك في حياتك ديما
مراد باس ايديها ونزل من اوضتها لقي عمرو بيعاكس في الخدامه الي بتحط لي العصير
مراد بجمود : عمرو
ليلي ببتسامه: متخافيش يطنط هو كويس
كانت بتغير لمريض عندها علي الجرح وبتعقمه ومامته قعده بتعيط وخايفه عليه
مامت المريض: ربنا يحميكي ي بنتي ويخليكي لولاكي كان ابني مات
ليلي ببتسامه: بعد الشر عليه ربنا يخليه ليكي
المريض : شكرا ي دكتوره ليلي انا هخرج النهارده صح
ليلي: ايوا بس هتيجي بعد يومين عشان افك السلك
المريض: ماشي
ليلي: حمدلله علي السلامه بعد اذنكم
وطلعت من الاوضه راحت لساره لقاتها بتعالج طفل
ولدت الطفل: شكرا ليكي
ساره ببتسامه : علي اي دا واجبي
ومشيت الام وابنها
ليلي بضحك: الي يشوفك وانتي بتعاملي الاطفال يقول انك كيوت وانتي جواكي حيوان مفترس
ساره: بنت هضربك
ليلي: لا وعلي اي اتهان واتبهدل سكت اهو
ساره: جدعه هااا جايه لي بقا
ليلي بسرحان : بفكر فالي حصل امبارح
ساره: لسه بتفكري في مراد
ليلي بسرحان : مش عارفه لي ي ساره بس شكلو مش عايز يروح عن بالي
ساره بضحك : انه العشق ي ساده
ليلي ضحكت: عشق اي يشيخه اتنيلي انا لحقت
قاطع كلامهم ممرضه: دكتوره ليلي دكتور ايمن عايزك
ليلي: ماشي(وبصت لساره) باي
ندي السكرتيره اول ما شافت مراد : الوفد في اوضه الاجتماعات
مراد: تمام هاتي اوراق الصفقه وتعالي
ندي: حاضر
ودخل الاجتماع هو وعمرو وندي وبداو يتكلمو في الشغل وعمرو باصص ل فيور وكان سرحان مراد خد بالو راح ضربو في رجلو عشان يفوق
عمرو بخضه وصوت عالي: اي في اي
الكل ضحك عليه
مراد بصله بجمود وهمس: انا في شغل
عمرو همس: خلاص بس بلاش البصه دي يعم
وبعد فتره الاجتماع خلص
مراد وهو قايم رايح مكتبو: هاتيلي كل الاوراق الي عايزه تتمضي
ندي: ثواني وهيكونو عند حضرتك
مراد: عمرو يلا شوف شغلك
عمرو:_______
مراد استغرب انو مردش بص نحيتو لقي......
#يتبع
#بقلمي_رحمه_محمد
