رواية احببت منتقبه الفصل الثالث 3 بقلم ياسر الانصاري
((( أحببت منتقبه ))) & الجزء الاول ،البارت الثالث &
الزهراء. ماما انا اول لما شوفته وسمعت صوته واتكلمت معاه حسيت اني قلبي هيتنفض من مكانه وطول اليوم عماله افكر في الي حصل ومبتسمه كدا
صفاء بغضب . نعم يا روح امك هو انتي رايحه تتعلمي ولا تعملي الي بتقولي عليه دا
الزهراء . يا ماما انتي عارفه اني مبعرفش اخبي عنك حاجه وانتي سالتيني وبعدين متقلقيش يا ماما انا جايه اتعلم وانتي الي مربياني وعارفه أخلاقي كويس اني لا يمكن اعمل حاجه تغضب ربنا أو تزعلكم مني
صفاء . عارفه يا بنتي كل دا بس أنا ف الاخر ام وخوفي عليكي عمره ما هينتهي يا الزهراء. خلي بالك من نفسك يا حبيبتي وركزي في دراستك وبس وربنا يقدملك الي فيه الخير والصلاح
الزهراء . اللهم امين يا امي
قفلو المكالمه وفضلت الليل كله الزهراء بتجلد في ذاتها من كلام امها. وازاي ضعفت كدا. احتقرت نفسها انها بصت عليه ولمجرد الكلام معاه. وهربت من كل أفكارها با النوم
عند صهيب ... رجع بيته واول لما دخل كانت والدته مستنياه وقلقانه عليه وعلى محمود اخوه
صهيب . يا مساء الاناناس علي امي ست الناس ، ايه الي
مصحيكي لحد دلوقتي يا قمر !
عائشه . مش جايلي نوم من قلقي عليك انتا واخوك
صهيب . وانا قدامك بخير اهو ومحمود متشليش همه دا طاير ف الجو دلوقتي مش معانا ع الأرض اصلا
عائشه باستغراب .. طاير ازاي يا ولا ركب جناحات ولا ايه
صهيب بضحك .. طبعا بتجرجريني عشان اتكلم ، هتجبيه من براء يعني عايشه في دور ابنك ضابط المباحث
وضحكو مع بعض
عائشه .لا بجد احكيلي
صهيب. حاضر يا ستي. محمود باشا بيحب
عائشه بابتسامه والفرحة في عيونها. بجد والنبي
صهيب . ايه يا ست الكل فرحتك هتنسيكي ولا ايه إذا حلفت فاحلف بالله
عائشه. ونعمه بالله كله منك انتا الي لخبطتني
( وضحكت ) ها احكيلي بقي مين دي وبنت مين وشكلها ايه وعندها كام سنه وبتشتغل ايه وو...
صهيب. حيلك حيلك يا كبيره انا مش قدك وبعدين انا هقولك الي اعرفه والباقي ابنك يعرفهولك بقي
عائشه. ماشي قول
صهيب. بنت محترمه بنت ناس انا يدوب اول مره قبلتها النهارده بس سماهم ع وجوههم وابنك ليه نظره ف الناس بردو
عائشه. انتا هتقولي كمل وبعدين
صهيب. بتشتغل مهندسه ديكور وأبوها راجل اعمال وامها ربة منزل زيك كدا يا قمر
عائشه .. حلو كمل
صهيب. بيحبو بعض وعاوزين بعض بس ابوها بحكم شغل ابنك منشف دماغه بس متقلقيش احنا وراه وع فكره هنعملهم زياره الخميس الي جاي. يدوب تجهزي نفسك بقي. ومن الاخر كدا انا فصلت وهموت وانام ومش هنطق حرف ذياده. تصبحي علي خير يا ست الكل
عائشه بابتسامه. ماشي يا اخويا. وانتا من أهل الخير
صهيب طلع اخد شاور وبيلبس هدوم نومه. وامه تحت ع قد ما هي فرحانه ع قد ما هي زعلانه اني الصغير هيخطب قبل الكبير وهي نفسها تفرح بصهيب
صهيب اخد الشاور بتاعه ولبس هدومه وراح يشوف أخته قبل ما ينام بس لقاها نامت ورجع اوضته ع طول
صبح تاني يوم. وكا العاده أمه فوق دماغه
عائشه. انتا يا دكتور الا ربع قوم يلا الساعه 8
صهيب قام ناطط من مكانه. قولتي كام 8 ؟
عائشه. اه يا حبيبي
قام جري علي الحمام وبعد لما دخل بيفكر هو ليه قايم يجري كدا دا لسا عنده محاضره تانيه معقوله كل دا عشان يشوف الزهراء
خرج اكل ساندوتش ع السريع وشرب قهوته كانو اخواته لسا نايمين.
صهيب. انا همشي بقي يا ست الكل ،عاوزه حاجه
عائشه . عاوزه سلامتك يا حبيبي
صهيب . يلا مع السلامه يا قمر
ويدوب خارج رجع تاني طلع فلوس كتير من جيبه واداهم لامه
عائشه . بتوع ايه دول ؟
صهيب. لو البيت احتاج حاجه ، وكمان نسيتي ذياره الخميس ولا ايه مش لازم تاخدي هديه لعروسه ابنك
عائشه عيونها لمعت وبابتسامه.. ربنا يخليك لينا يا حبيبي وما يحرمنا منك ابدا.
صهيب. يلا انا اتاخرت. السلام عليكم
عائشه. وعليكم السلام ورحمه الله وبركاته مع السلامه يا حبيبي
اول لما وصل الجامعه ودخل مكتبه طلب قهوته وكل الدكاتره مستغربه وجوده بدري عن معاده با الشكل دا
دكتور محمد. ايه يا دكتور صهيب جاي قبل معادك الطبيعي يعني !
صهيب بابتسامه. لقيت نفسي صاحي بدري قولت هقعد ف البيت اعمل ايه
وطبعا صهيب عارف كويس من جواه اني مش دا السبب
معاد المحاضره جيه ودخل كا العاده بابتسامته . صباح الخير يا دكاتره.
المدرج. صباح النور يا دكتور
صهيب عيونه بتمسح المكان كله ولم يستدل عليها وبمجرد ما فقد الامل شافها في البنش الي قبل الأخير.
استغرب وجودها هناك برغم اني اول مره شافها ف اول ديسك وباين عليها مجتهده. وقف واتكلم. النهارده هناخد مقدمه عن (__) وبدأ يشرح وعيونه عليها وهي ملاحظه دا بس لا حياة لمن تنادي مفيش اي رد فعل منها
وبعد ما خلص شرح بدأت فقره الاسئله وكل الي عنده سوال بيساله.
والمحاضره انتهت ع كدا. وصهيب مخنوق من جواه لانها مش قدام عينه ومش حاسس بوجودها المره دي. في طلبه طلعت ع مسرح المدرج بتساله وهو بيجاوب والطلبه بتخرج وفجاه .
اتحركت الزهراء من مكانها للخروج
صهيب عيونه معاها وبمجرد ما قربت منه.
صهيب .. خير يا دكتوره محدش سمع صوتك النهارده وكنتي اخر المدرج كدا. انتي زعلانه مننا ولا ايه
والرد كان غير المتوقع.
الزهراء. وانا ازعل من حضرتك ليه ، ايه الي بيني وبينك ممكن يتسبب في الزعل دا انا مجرد طالبه عندك وحضرتك الدكتور بتاعي. بعد اذنك وسابته وخرجت
وهو واقف مذهول من الي سمعه دا ملحقش يرد
طيب هي قالت كدا ليه طيب فهمت ايه طيب تقصد ايه الف سوال مفيش ولا اجابه عليه حاول يخرج وراها ويفهم منها بس كانت ماشيه مع صحابها البنات فا مرضيش يوقفها ورجع مكتبه مخنوق اخد شنطته وركب عربيته ورجع بيته ع طول
شاف أمه. السلام عليكم. عامله ايه يا امي .. بس صوته باين عليه الخنقه
عائشه. وعليكم السلام .. مالك يا حبيبي فيك ايه
صهيب .مفيش يا أمي بس مجهد شويه
عائشه. ادخل خد الشاور بتاعك وان شاء الله تبقي كويس ، هااا جاهز بقي عشان مشوار بكرا ؟
صهيب. فجاه افتكر اني بكرا الخميس. اه يا امي أن شاء الله.... الفون بتاعه رن.
صهيب. السلام عليكم. عامل ايه يا حوده
محمود. وعليكم السلام ،بخير والله. بقولك ايه فينك كدا
صهيب. لسا داخل البيت حالا
محمود. بص يا قلب اخوك انا طول عمري رخم معاك فا معلش استحملني المره دي كمان وعدي عليا عشان نشوف هنعمل ايه بكرا
صهيب بابتسامه. لا ولا يهمك المهم اعدي عليك فين ؟
محمود .ف المديرية ،هنقعد في المكتب ونشوف هنعمل ايه
صهيب. اوك هاخد شاور واغير هدومي ونازلك
وقفل معاه المكالمه
عائشه. معلش يا حبيبي استحمل اخوك انتا كبيرنا بردو
صهيب بابتسامه. لا يا امي ولا اي حاجه وبعدين والله متعرفيش انا مبسوطله قد ايه. هطلع بقي اخد الشاور واغيرر عشان الحق أنزله
عائشه. ماشي يا حبيبي. ربنا يقدرك ع حملك ويخليك لينا.
الزهراء رجعت السكن وهي مخنوقه مش عارفه هي كدا عملت الصح ولا اتسرعت ولا ايه با الظبط ،
قطع تفكيرها فونها الي بيرن
الزهراء. الووو يا ماما
صفاء بعياط. الزهراء. ابوكي خبط واحد با العربيه عندك في القاهره واتقبض عليه وانا عشان أوصله مش قدامي أقل من أربع خمس ساعات. روحيله يا الزهراء وخليكي جمبه لحد لما أوصله
الزهراء بتوتر. طب هو فين با الضبط يا ماما.
صفاء. هو قال الي قولته ليكي وأنه في مديريه امن القاهره
الزهراء. حاضر يا ماما انا هتحرك حالا اهو. وهطمنك مع السلامه
قفلو والزهراء جريت علي المديريه.
صهيب كان خرج يقابل محمود واول لما دخل المديرية
صهيب .بعد اذنك عاوز اقابل محمود بيه
أمين الشرطه. محمود بيه معاون مباحث المديريه ؟
صهيب . با الضبط كدا.
الامين. طيب ثواني أقوله بعد اذنك
ولسا الأمين بيتكلم. محمود دخله يبني تعالي يا دكتور دا مكانك بردو
صهيب دخل وسلم علي اخوه.
محمود. يا امين سيد الدكتور محمود يبقي اخويا الكبير اي وقت تشوفه هنا يدخلي ع طول بدون إذن مني
الامين . تمام يا فندم سابهم وخرج وبدأوا يتكلمو
محمود . معلش تعبينك معانا بقي يا دكتره.
صهيب. ولا تعب ولا حاجه يا حبي
محمود . ها تشرب ايه
صهيب . قهوه مظبوطه
قطع كلامهم دخول الأمين سيد.
الامين. محمود بيه ادخل لمعاليك الراجل الي جاي في حادثه العربيه.
محمود . لا مش وقته سيبه دلو..
صهيب. يا عم شوف شغلك واحنا قاعدين اهو
محمود ابتسم. ماشي يا دوك. دخله يا امين سيد
جابو المتهم المكتب وواقف قصادهم بس كان راجل كبير ف السن
محمود.. اتفضل اقعد يا حاج ..
الراجل قعد .. ربنا يبارك فيك يبني
محمود. حضرتك الحاج مصطفى مش كدا.
مصطفي .با الضبط يبني
محمود. طيب يا حاج خبطت الراجل ليه با العربيه ؟
مصطفي. والله يبني ما كنت اقصد انا فجاه لقيته طلع قدامي حاولت اوقف العربيه وبا الفعل وقفتها بس مكنولش فايده
محمود. حضرتك بتشتغل ايه يا عم مصطفي
مصطفي. موجه عام تدريس يبني
محمود. ماشي يا عم مصطفي
وصهيب قاعد مش عارف يقول ايه ف المواقف الي زي دي
وفجاه لقي نفسه بيقوله . شده وتعدي يا ابويا
مصطفي. هتعدي يبني أن شاء الله وكتر الف خيركم.
فجاه ظهر صوت عالي برا وحد عاوز يدخل
محمود رن جرس مكتبه دخله عسكري
محمود. ف ايه برا يبني
العسكري . واحده بتقول انها بنت المتهم وعاوز تدخل يا فندم وانا بحاول امنعها
صهيب بص للراجل الي دموعه بدأت تظهر. محمود بيه معلش ممكن تخلي بنته تطمن عليه وهو يطمن عليها
محمود ابتسم.. وماله يا دكتور
الراجل فرح ومش عارف يشكر صهيب ازاي.
محمود. يا عسكري دخل بنته يبني
العسكري فتح الباب والبنت دخلت.
البنت. بابا حبيبي (وبتعيط)
مصطفي. معلش يا بنتي متقلقيش دا دا سوء تفاهم بس.
صهيب عينه ف الأرض بس الصوت مش غريب عليه بدأ يرفع عينه وفجاه ...
صهيب. الزهراء ؟
الزهراء . دكتور صهيب !
ونلقاكم في الفصل القادم إن شاء الله وشدو حيلكم شويه
ومعلومه اخيرا الكاتب راجل مش بنت يا جماعه اسمه ياسر يبقي ايه 😅
والسلام عليكم ورحمه الله وبركاته
م / ياسر الانصاري
