اسكريبت خيانه وعد الفصل السابع 7 والاخير بقلم هاجر العفيفي
البارت السابع
تميم بقلق وخوف : لو ساره حصلها حاجه مش هسامح نفسي ابدا
أدهم بقلق : أن شاء الله خير ياتميم متقلقش
تميم كور ايده بغضب وقال : لو اعرف مين ال عمل كده والله ما هرحمه
أدهم : انت كنت فين لما حصل كده
تميم بحزن : انا كنت فى مشوار وانا راجع شوفتها واقعه قدام البيت وبتنز"ف وكانت بتفقد وعيها
أدهم : خير خير ان شاء الله
بعد ساعه من التوتر والقلق خرجت الدكتوره وهي بتخلع الماسك بتعب
تميم بخوف : بالله عليكى طمنيني يادكتور
الدكتوره : الاصابه كانت صعبه شويه بس الحمد لله وقفنا النز"يف وسيطرنا على حالتها احنا المفروض نعمل محضر
أدهم بجديه : معاكي الرائد أدهم زايد انا همسك القضيه دى
الدكتوره باحترام : تمام يافندم ربنا يطمنكم عليها عن أذنكم
سابتهم ومشيت وبعد وقت ساره انتقلت أوضه عاديه وابتدت تفوق
تميم بلهفه قرب منها وقال : حبيبتى انتي كويسه عامله ايه
ساره بتعب : الحمد لله ياحبيبى متقلقش
تميم بتساؤل : شوفتى ال عمل فيكي كده ؟؟
ساره بتوتر : ه ها لاء
تميم بشك : ساره بلاش تخبى عليا قوليلي مين ال عمل فيكي كده
ساره بتوتر وتعب : صدقني معرفش
تميم : تمام بس صدقيني هعرف هروح اخلص إجراءات واجيلك تاني مش هتأخر
خرج من الأوضه وساره قالت بقلق : استر يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروا
تميم : عرفت حاجه يا أدهم
أدهم بتردد : ايوه
تميم بلهفه : طب ايه طمني مصطفى ال عمل كده او ال اسمها ريناد دي صح
أدهم : لاء الصراحه ال عملت كده مراتك ندى الكاميرات كلها صورتها وهي بتضربها وتهرب
تميم بصدمه وعدم استيعاب : انت بتقول ايه اكيد معلومات غلط
أدهم : تميم اهدا بس
تميم بغضب : انا همشى وانت خلص إجراءات المستشفى انا جاي تاني مش هتأخر
أدهم مسك ايده وقال : تميم بلاش تهور
تميم بغموض : متقلقش
قال كلامه وخرج بسرعه من المستشفى
وادهم راح الحسابات بتاعت المستشفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ريناد بتعب من الضر"ب قامت وهي بتبكي وقالت : عشان خاطرى سيبني أمشى ومش هتشوف وشي تاني
مصطفى بقر"ف : انا اصلا مش عايز اشوف وشك بس لازم اربيكي حتي لو هتمو"تى انا امى ما"تت زعلانه مني بسببك خسرت مراتي وحبيبتي بسبب دخولك فى حياتى
ريناد بدموع : غلطت وندمت صدقني
مصطفى بغضب : انا خلاص بلغت عنك وهرميكي فى السجن واخلص منك ووقتها مش عايز اعرف عنك حاجه تاني عشان طلع عليكي قواضى قد كده
ريناد بدموع وهستيريه : لاء لاء هعملك اي حاجه بس س"جن لاء بالله عليك س"جن لاء
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تميم ضر"ب ندي قلم شديد وقعت من قوته وقعت على الأرض
تميم بغضب : عمرى ماكنت اتخيل أن مخدوع فيكي بالطريقه دي عايزه تق"تلي اختي تق"تليها لمجرد أن اختارتها انتي مريضه ياندي
ندي صرخت بغيظ وقالت : ايوه اقتل"ها عشان خدتك مني وأنت اختارتها وسيبتني يبقا تستاهل تمو"ت
والدتها بدموع : ياتميم يابني حقك عليا انا بس بالله عليك متحبسهاش
تميم : انا لو اطول أمو"تك دلوقتي مش هتأخر بس عشان اختى محتجاني جمبها انا هعمل عشان خاطر ال عشره ال كانت بينا وعلشان والدتك الغلبانه دي بس والله العظيم ياندى لو فكرتي تقربي تاني مني أو من اختى تاني صدقيني انا مش هرحمك انتي طالق بالتلاته ومش عايز اشوف وشك تاني
قال كلامه وزقها بغضب وهي وقت على الارض والدتها جريت عليها وحضنتها بدموع وندي كانت بتعيط بندم وحسره على تميم ال ضيعته من أيدها بسبب غباءها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
مصطفى بندم وحزن : انا جاي والله وكلى ندم انا اتعلمت كتير اووى الفتره ال فاتت ومن الدروس ال اتعلمتها أن مينفعش اضيع فرصه زيك تاني
ساره اتكلمت بهدوء وقالت : بص يامصطفى انا لو مر الزمن عمرى ماهنسى انك اتخليت عني بكل سهوله ودمرتني للأسف دي مش هقدر انساها وبسببها مش هقدر ارجعلك لكن فكرة أن اسامحك اطلب من ربنا يسامحك الاول وصدقنى بيتك هيرجعلك تاني ده مش من حقى
مصطفى بدموع : انا خسرت كل حاجه حتي امي وعمر البيت هيعوضني حاجه تاني
ساره بابتسامه : ماما ميرڤت الله يرحمها كنت بتحبك يامصطفى واكيد بس كان شوية زعل صغيرين عيش حياتك وأبداها من جديد وأتعلم من الدرس وصدقني هترتاح
قالت كلامها وكانت لسه هتمشى وقفها صوته : يعني مفيش امل نرجع
ساره بهدوء : ربنا يسعدك مع واحده افضل مني
بعد كلمتها خرجت من البيت بأكمله
وبعد اسبوع تمت كل إجراءات الطلاق وتميم اخد ساره وعاشوا فى بيته
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
بعد مرور سنتين
تميم بابتسامه : أدهم طلب ايدك مني ياساره
ساره بتنهيده : ياتميم صدقني مش هقدر
تميم : ياحبيبتى اعطي لنفسك فرصه جديده انتي لسه صغيره والعمر قدامك طويل عشان خاطرى جربي
ساره بقلة حيله : ماشى ياتميم
(وبالفعل أدهم اتقدم ليها رسمي وحصل رؤيه شرعيه وهي صلت استخاره ووافقت)
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بارك الله لكما وبارك عليكما وجمع بينكما في خير
تميم بابتسامه : مبارك ياحبيبتى مبارك يا أدهم
أدهم وساره بابتسامه : الاه يبارك فيك
تميم : اختى فى عينك يا أدهم دي كل حياتي
أدهم بابتسامه: فى عيوني والله
تميم طبطب على كتفه وباس راس أخته وبعد عنهم
أدهم بحب : مبارك ياحبيبتى
ساره بخجل : الله يبارك فيك يا أدهم
أدهم بحب : باذن الله ربنا يقدرنى واقدر اسعدك واعوضك عن كل ال شوفتيه فى حياتك
ساره بابتسامه واطمئنان: وربنا يقدرني واكون الزوجه الصالحه ليك
أدهم ابتسم وقال : اللهم أمين يارب العالمين
تميم قرب منهم واخدوا صوره جامعيه مع بعض كلهم وكانت الفرحه باينه عليهم
تمت بحمد الله
متنسوش ذكر الله 💚
يارب تكون النهايه عجبتكم هدف من الاسكريبت هو اعرفكم نوالتخ فعلا بيكون سند وكمان اوقات ام الزوج بتكون كويسه جدا بس للاسف الفكره عنهم بغريبه شويه المهم عايزه رايكم سواء بالسلب أو الإيجاب
#خيانة_وعد
بقلمى #هاجر_العفيفى
دمتم في حفظ الرحمن
تمت
