رواية خادمة البرق (كاملة جميع الفصول) بقلم الاء محمد
_اصحي ياضي الساعه بقت تسعه
بخضه=يانهار ابيض تسعه ايه انا كده هتاخر علي المقابله
بضحك_بهزر معاكي يابت الساعه لسه ٨انا كنت بقومك بس
=يالهوي عليكي يا ماما وعلي هزارك
_مالو هزاري يابت
=عسل زي العسل يا قمر انت
_ايوه كده جدعه ،قومي يلا لحسن تتاخري فعلا
=حاضر يا ماما ،ادعيلي بالله عليكي الناس اللي رايحالهم دول كبره وليهم اسم ف البلد ياريت يوافقوا عليا
_ان شاء الله يابنتي ترجعي منصوره ومجبوره الخاطر
=امين يا حبيبت قلبي من جوه
********************************
انا ضي عندي ١٨سنه في منكم شايفني صغيره انا فعلا صغيره بس شيلت المسؤوليه بدري خلصت دبلوم فنادق كنت بشتغل وانا بدرس لاني انا اللي بصرف علي البيت بابا متوفي من وانا عندي١٣سنه عايشه انا وماما واختي الصغيره نور ١٥سنه
يلا بينا نكمل
********************
وصلت البيت أو بالأصح قصر قصر فخم اوي ياولاد قابلني الحارس _رايحه فين يا انسه
=انا ضي وجايه علشان المقابله بتاعت الشغل
_ايوه صح اتفضلي يا انسه المدام جوا ف انتظارك
ف نفسي=بسم الله يارب وفقني علشان امي واختي يارب
سرحت من اللي شوفته ينهاري علي المنظر ده تحفه فنيه مش بيت هو معظمه اسود وكمان مضلم بس انا بحب اللون الاسود حب خرافي هو و الليل كمان
_اهلا انسه ضي
=اهلا بحضرتك
_اتفضلي اقعدي
=شكرا
ست كبيره ف الخمسين انيقه هاديه رزينه غيري تماما
_انا مدام اميره رئيسه الخدم
ينهار ابيض إذا كان دي رئيسه الخدم ست البيت هتبقي ايه
_روحتي فين
=انا مع حضرتك بستمع ليكي
_شكلك هاديه ومطيعه
هيهيهييييي اوي اوي مقولكيش
=شكرا لحضرتك من ذوقك
_انا اعرف والدتك من زمان كانت صديقتي علشان كده وافقت انك تيجي هنا عندنا
=ماما قالتلي انكم كنتوا اصدقاء من ايام المدرسه وفضلتوا علي تواصل لحد دلوقتي
_فعلا ياريت تبقي عند حسن ظني بيكي
=اكيد يا فندم تحت امرك دايما
_اتمني ،البيت هنا ليه قواعد لازم تتطبق عندنا الخطأ لا يغفر
الله الله ايه الكلام ده انا دخلت قصر مسكون ولا ايه يا نهار ابيض عليا
بقلق=حاضر يافندم
_مواعيدك من ٧ل١٠
١٥ساعه شغل كتير اوي ده
_عندك اي اعتراض
=١٠الوقت هيكون اتاخر مش هعرف اروح ف الوقت ده ينفع تخلي الوقت بدري شويه
_عندنا غرف للخادمات تقدري تقعدي فيها وليكي اجازه يوم ف الاسبوع تشوفي اهلك
ياربي اعمل ايه لازم اوافق علشان مدرسه اختي وعلاج ماما لازم اتحمل
=تمام يافندم
*******************
وهنا كانت بدايه لعنتي
*******************
اخدت اليونيفورم بتاعي واستلمت الشغل اتعرفت علي بنات جديده مريم ومي جمال وطيبين خالص
_ضي هتروحي غرفه الباشا تنضفيها وباسرع وقت ممكن علشان هو علي وصول
=تحت امرك
-بسرعه يا ضي علشان لو شافك هيطين عشتك
=ليه يامريم
-هو الباشا كده مبيحبش يشوف حد غير مدام اميره
=اومال فين مراته وابنه
-الباشا مش متجوز ومش بيطيق صنف البنات اصلا
=هو كبير
-عنده ٣٣سنه بس ايه جباااار
=ده بجد طب فين مامته وباباه
-اللي اعرفه انهم توفوا ف حادث طياره من ١٠سنين
=ربنا يرحمهم هو اسمه ايه
-يارب ،اسمه برق
=ده ايه الاسم ده
-اسم علي مسمي بعيد عنك تجنبي مقابلته ويلا بسرعه الحقي خلصي قبل ما يجي
************
اخيرا خلصت قبل ما يجي
ببص علي الاوضه قبل ما اطلع =الله عليكي يابت يا دودو الاوضه بتبرق يابت
بلف لقتني بحبك ف حاجه صلبه اوي ايه اللي جاااب الحيطه هنا
=اااااه ياراسي
بصووووووت جهوري مخيف_انتي مين
ببص فوق بسبب فرق الطول الكبيره اوي ده =انا ضي
الله الله ايه الحلاوه والجمال ده اقسم بالله
_ايه اللي جابك هنا
=كنت بنضف الاوضه
قعد علي الكرسي اللي ف اخر الاوضه الضخم والاوضه شبه ضلمه زي البيت كله سعادتك
_انتي الخدامه الجديده
=اه
_عندك كام سنه
=18
_طفله يعني
=العمر مجرد رقم
_بره
=نعم
بزعيق_بقوووولك بره
ده ايه ده يا خويا ملبوس ده ولا ايه طلعت اجري لحسن يحدفني بحاجه
نزلت جري دخلت المطبخ وانا حاطه ايدي علي قلبي
=يالهوي عليا
-مالك يابت
=انا شكلي قبلت الباشا
-نهارك ابيض وحصل ايه
=مفيش اتكلم عادي وبعد كده شخط فيا من غير سبب
_اتكلم معاكي بجد ده عمره ما اتكلم مع حد كلمتين غير محمود باشا ومدام اميره
=مين محمود ده
-صاحبه الوحيد وأيده اليمين ف الشغل محدش قابله ولا اتعامل معاه كله يسمع عنه هو يدي الاوردر لمحمود باشا ومحمود باشا ينفذ غير كده محدش اتعامل معاه واللي اتعامل معاه كان علي الله حكايته
=غامض بقي وكده
-احسن ياست ربنا يبعده عننا
=ليه بتقولي كده يامي انا شوفته مش شرير اوي كده زي ما بتقولي
-علشان لسه متعرفيهوش لما تعرفيه هتتاكدي ملي بقولك
_ضيييي
=اؤمري يافندم
_اطلعي للباشا عايزك
=*******
#خادمه البرق البارت الاول
