رواية شبيهتي الغنية الفصل السادس 6 بقلم اسراء عبد الله
رواية ( شبيهتى الغنية )
بارت 6
فى بداية يوم جديد يحمل الكثير من الأحداث
هند وهى تحرك ساره برفق .. يلا يا بنتى قومى هنتأخر
ساره بملل .. هنتأخر على أى
هند.. عندنا محاضرة انتى نسيتى
ساره وهى بتقوم وبتجرى على الدولاب ..نسيت خالص كويس انك
جيتى
ساره بتخلص لبس بسرعه وبتطلع هى و هند وبيروحوا الجامعه
بسيارة ساره
(بقلم / اسراء عبدالله )
وعلى الناحية الأخرى فى شركة زين الرفاعى بالتحديد مكتب فارس
عليا بعصبية بعد ان دفعت باب المكتب .. برن عليك من امبارح مش
بترد عليا ليه واصلا ازاى تقفل التلفون فى وشى انت اتجننت
فارس بيقوم من على الكرسى بتاعه وبيمشى نحيتها بهدوء مخيف
حتى يصل امامها ويضر*بها بالقلم
عليا وهى تضع اديها على وجهها تتحسس مكان القلم بوجع .. انت
اتجننت ازاى تمد ايدك عليا
فارس بنفس الهدوء .. مين الى كنتى قاعده معام فى المطعم امبارح
عليا بعد ان سيطر عليها التوتر .. م م م م مطعم أى انا مخرجتش من
البيت امبارح
فارس بيمسك اديها ويتنيها ورا ضهرها .. لأخر مره هسألك وبعدها
هتشوفى فارس تانى عمرك مشوفتيه .. مين دا انطقى
عليا .. دا دا دا خالد كان معايا فى الجامعة
فارس وكان ماسك ايدك ليه وكذبتى عليا لما سألتك انتى فين ليه
عليا بتقرب من فارس بخبث .. اسمعنى يا حبيبى انا هفهمك كل حاجه
فارس .. اخلصى انطقى
عليا.. بص يا حبيبى دا خالد كان معايا فى الجامعه وكان بيحبنى وجه
طلب ايدى من بابا بقاله فترة بس انا رفضت عشانك طبعا
فارس مصدقش كلامها وقرر يمشى معاها فى الكلام عشان يعرف هى
عاوزه منه اى .. وبعدين
عليا .. بس يا حبيبى طلب يشوفنى امبارح و صعب عليا فقولت
هشوفه لأخر مره عشان يبعد عنى وكنت عارفه انك مش هترضى
تخلينى اشوفه عشان كدا مردتش اقولك
فارس.. وكان ماسك ايدك ليه
عليا بكذب .. انا كنت قاعده بكلمه عادى وبقوله انى بحب حد
ومينفعش اخونه ولا اتخطب وارتبط بحد تانى لقيته فجأة مسك
أيدى جامد بس سحبتها منه علطول
فارس بخبث يتلائم مع الحية الماكثة امامه .. تمام ي حبيبتى انا أسف
انى شكيت فيكى وضربتك بالقلم بس حطى نفسك مكانى
عليا بتقرب من فارس وبتحضنه وبتقوله حصل خير يا حبيبى وأنا
اسفه عشان خبيت عليك
فارس بيبادلها الحضن وهو قرفان منها وبيسأل نفسه انا أزاى حبيت
حرباية زى دى
(بقلم / اسراء عبدالله )
....
فى بيت عز الرفاعى
سهر .. عجبك حالت ساره دى
عز .. مالها مهى كويسه اهى وصحيت من النوم راحت الجامعه
سهر .. عز انت بجد مش شايف بنتك حالتها بقت عامله ازاى من
ساعت مانت قررت تجوزها واحد هى مش بطيقة
عز عارف ان ساره متغيرة فعلا ومبقتش بتضحك زى الأول ووشها
باين عليه الزعل بس مش عاوز يرجع فى قراره وشايف ان علاقته
بأخوه اهم من بنته
بيسكت عز ومش بيرد على سهر فبتقوم تدخل اوضتها وهى على
وشك البكاء على حال بنتها فهى بنتها الوحيدة ومدللتها كيف لها ان
تراها فى هذه الحاله ولا تستطيع فعل شئ
....
(بقلم / اسراء عبدالله )
هااا عرفت حاجه عن نور قالتها هدى وهى ممسكه بى هاتفها وتنتظر
الرد من الطرف الأخر
سعيد .. لسه بس هلاقيها قريب ادينى اسبوع بالكتير هكون لقيتها
هدى لسه هتتكلم بتسمع صوت الباب بيخبط فبتقفل التلفون فى وش
سعيد وتخرج من اوضتها
هدى.. علا حبيبتى انتى جيتى امتى
علا..لسه حالا يا ماما وحشتينى اوى وبتقرب من مامتها وبتحضنها
وبعدين تقولها هى فين نور يا ماما
اشمعنا يعنى سألتى على نور ومقولتيش فين سها قالتها سها بحقد
واضح فى كلامها
علا مش بترد عليها وبتقرب منها وتحضنها وبعدين بتسأل على نور
تانى
هدى .. نور مختفية بقالها يومين ومنعرفش عنها حاجه
بتخرج شهقةحزن من فم علا وبتقول .. انتى بتقولى اى يا ماما ازاى
دا يحصل ومحدش فيكم يفكر يرن عليا ويقولى
هدى.. ادخلى غيرى انتى دلوقتى وكل حاجه هتتحل بأذن الله
علا بتعيط وبترد على مامتها وتقولها ونعمة بالله
(علا اخت نور عندها 15 سنه فتاة بسيطة فى لبسها وشكلها وكل
حاجه فيها وبتحب نور جدا لأن نور احن حد عليها فى البيت وكمان
نور الى اقنعت هدى تسيب علا تروح الرحلة الى علا لسه راجعه
منها )
( بقلم / اسراء عبدالله )
.....
مستحيل يا بنتى اعمل كدا انتى عوزانى استغل البنت الى خبطتها
والى انا السبب فى حالتها دى قالتها ساره بعصبية من هند وخطتها
الغبية فى رئيها
هند .. اسمعى منى بس انا عاوزه مصلحتك واحنا مش هنأذى البنت
فى حاجه
ساره .. مش هنأذيها اه بس هنستغلها
هند .. يستى لما تفوق ابقى عوضيها بالطريقه الى تعجبها وتريحك
ساره وبدأت تقتنع .. طيب والدكتور أحمد أكيد مش هيوافق يساعدنا
فى الخطة دى
هند بثقة .. لا الدكتور احمد دا سيبيه ليا انا هقنعه
ساره بخوف من خطة صديقتها .. ربنا يستر ومتودنيش فى داهية
يتبع...
