رواية بنت العز الفصل الثامن عشر 18 بقلم ميرفت السيد
#بنت_ال_عز
بارت ١٨
علا قررت ترجع لشغلها مع خالها وتراعي اخوها وبدل ما كانت مسئولة عن اخوها بس اصبحت ام لاختها
استعادت حياتها السابقة وكانت دايما على تواصل مع ابوها وجدها وكان معتز بيزورهم باستمرار
وهي بتحاول تركز في حياتها ومسئولياتها تجاه إخواتها وبتحاول متفكرش بالماضي
لحد ماعمرو اخوها كلمها وبلغها انه هايتجوز بنت عمه ولازم تحضر الفرح بعد اسبوع
قالتله : الف مبروك ياحبيبي اخيرا 😁
عمرو: عقبالك ياعلا ❤️
: ان شاء الله الخميس الجاي هكون معاك.من الصبح
عمرو: إن شاء الله ومتنسيش تجيبي خالك اتفقنا سلام
اتفقنا سلام ياعريس
عزيز هو كمان رجع لشغله ومش قادر ينسى علا ولا قادر يدخل شقته وهي مش هناك وبيقضي اغلب وقته في مكتبه واحيانا بيبات فيه وبيحاول يتواصل معاها وهي ردها بيكون لسة مش قادرة تقرر ومحتاجة وقت
عمرو قرر يروح لعزيز مكتبه ويعزمه ويتكلم معاه
وبعد ترحيب عمرو قاله : قلت اجي اعزمك بنفسي بقى وحشتني كمان حبيت اتطمن عليك
عزيز بحزن :الف مبروك ربنا يسعدكم
عمرو: انت لسة بتحبها
عزيز: ومش قادر ولاعاوز انساها
عمرو: وليه ساكت ماتحاول
عزيز: حاولت بس مفيش فايدة
عمرو: عامة هي يوم الخميس جاية تقعد معانا ايام الفرح دي فرصتك
عزيز: بجد متأكد انها هاتيجي
عمرو: طبعا دة اخوها الكبير بيتجوز 😒
عزيز : ربنا يسعدك ياعمرو ربنا يهديها ويحنن قلبها عليا 🥺
عمرو: سيبها على الله وعليا انا محضرلكم هدية
عزيز: بلاش خطط تاتي ابوس ايدك 😁
عمرو: لا برة عنك دي هديتي انا محدش يعرفها ولافكر فيها غيري👌
عزيز: ربنا يستر
بنت العز
M. S
