رواية بنت العز الفصل الرابع 4 بقلم ميرفت السيد
#بنت_ال_عز
بارت ٤
تاني يوم بابا صحاني وكان جايب فطار
قعدنا نفطر معاه بصمت
كسر الصمت وقالي: انا اسف انا عاوزك تفهمي ان في حاجات كتير انتي متعرفيهاش وانا عاوزك تعرفي السبب
: انا سمعاك يابابا اتفضل قول
انا كنت متجوز ومخلف ولد ولما انفصلت امه الله يرحمها ويسامحها عشان عارفة نظام عيلتنا اخدت ابني وهربت اختفت
اتجوزت امك وهي واهلها كانوا عارفين موضوع طلاقي اتجوزت وخلفتكم وفجأة طليقتي ظهرت وجت البيت بابني وبدأت تضغط عليا بابتي الي اتحرمت منه سنين وكانت عاوزة ترجع انا رفضت
بدأت تستعطف جدك واعمامك وهما حاولوا يقنعوني لحد مابدأت اوافق
والدتك رفضت الوضع دة ومع العند بتاعي اتجوزت وامك تعبت نفسيا وطلبت الطلاق انا رفضت اسألي خالك واهل امك وهي اصرت كانت عزيزة النفس جدا وبالنهاية نفذتلها رغبتها وندمت عليها ندم عمري حاولت بكل الطرق ارجعها لدرجة اني عرضت عليها نحيب شقة برة رفضت
وبعد سنتين مراتي تعبت و ماتت وامك برضه رفضت ترجعلي
سافرت اباشر شغل العيلة في جدة واخدت ابني معايا وكنت زاهد صنف الحريم خلاص
لحد ماقابلت مراتي الأخيرة عن طريق معارف وهي مطلقة بدون أولاد لقيتها غلبانة وقلبي اتفتحلها اتجوزنا واهي حامل
: ماما عمرها ماجابت سيرة الكلام دة خالص ولاخالي
الله يرحمها عمرها مااساءت ليك بكلمة
🥺
الله يرحمها يارب
:بابا انا بس باكره المفاجآت بس اكيد احب اتعرف باخويا وبمراتك
بجد يا حبيبتي انتي فرحتي قلبي 😀
:طيب بابا انا عاوزة ارجع شغلي
لا ماينفعش مفيش بنات هنا بتشتغل
:ازاي يعني 😒 وشهادتي وحياتي
حبيبتي انتي بسن جواز
:بابا انا كدة مش هارتاح.هنا
اهدي بس وانا هاتناقش مع الحاج عز هو شغلك مع خالك انا هاكلمه ونشوف
:تمام بس لو محصلش انا هامشي
بتهدديني ياعلا
:لا انا مش هاعمل حاجة غصب عني ومش هقعد وسط الحريم استنى عدلي انا كان عندي حياة وانت مكنتش طرف فيها وانا زافقت ندخل حياة بعض بس محدش فينا يلغي شخصية التاني يابابا انا مش طفلة ارجوك بلاش تعاملني زي اي بنت هنا مجرد ست وبس انا بنتك وزي ماانت سندي انا سندك مش سنيدة ومش ضل
ابوها سكت ونزل بهدوء
شوية وبعتلها جدك عاوزك تعالي في القاعة
نزلت علا وكل العيون بتبص عليها لحد.ماوصلت للقاعة
لقت المجلس منعقد 😁
جدها وابوها واعمامها وبس
جلست جدها قال: يااولادي انا عاوزكم اسمعوا الكلام الي عند علا والي وصلني من ابوها وانا لاول مرة احتار في أمر
الكل بص لعلا ابوها قال: علا عيدي كلامك على جدك واعمامك
علا باستغراب : بابا دة موضوع شخصي خاص بينا
جدها قال : انتي لسة متعرفيش عوايدنا هنا مفيش أمور شخصية كلنا اهل الكلمة الأخيرة ليا بس مؤخرا بدأت اتناقش واسمع لأن الزمن اتغير واتقدم قولي يابنتي طلبك
علا باستسلام: حاضر ياجدي
انا عاوزة ارجع شغلي وبابا قال ان دة ممنوع
وانا قلتله اني كان ليا حياة قبله ومش هالغيها ولاهاغيرها انا هاشاركه فيها يعني انا مقدرش احجر على تصرفاته ولاتصرفاتكم.مع امي زمان لأني مكنتش ناضجة ولا واعية
انما حياتي الي تخصني محدش هايجبرني الغيها
انا اتعلمت واشتغلت مع خالي وعملت شغل وعملاء وفلوس وليا شخصيتي وليه اقعد استنى العدل وسط الحريم لو سمحتوا انا عاوزة امارس حياتي الطبيعية وبس
كل دة الجد صامت وبيسمع وكذلك الاب والأعمام
محدش علق وبعد فترة صمت الجد قال: علا سيبينا شوية نتناقش وابلغك بقراري
علا بحدة :بس ياجدو لو محصلش الي انا عاوزاه مع كامل احترامي هارجع لخالي
قالتها بقوة وجراءةومشيت
الجد :قوية بنتك يامعتز انا نسيت للحظة انها بنت
معتز:لايستهان بيها ياحاج والله
علي: والله ياجماعة انا طول عمري ميال للبنات وباحب علا لانها قوية ورزينة وعاقلة
عبد الله : الي تشوفوه
عبد الملك: انا شايف انها اتعودت على نمط وصعب تغيره ولو رفضنا هاتعمل مشاكل بس في حل تاني احنا نجوزها ونخلص من مشاكلها
عامر: انا معاك ياعبد الملك بس مين من شباب العيلة فاضي
معتز : وهل هي هاتقبل اصلا دي هاتعمل ثورة هنا
الكل ضحك
علي: الاهم مين هايقبل ياخد نمرة شرسة كدة
الجد: محتاجة تتروض ياولاد
عامة انا وصلت لقرار وبما إني عارف انها هاتتعبنا وبما ان عبد الملك اعقل مافيكم قررت اني ......
وبعد ماقالهم قراره سألهم ايه رأيكم
الكل وافق على قرار الجد
روح اندهلها يامعتز
دخلت علا: 🤔🤔
الجد : علا انا بعد مشاورة اعمامك ووالدك وباجماع قرار كبار عائلة العز قررت ........
😳😳😳😳😳😳😳
علا: 😱😱😱😱😯
ياترى ايه القرار 🤔🤔🤔🤔
يتبع
#بنت_ال_عز
#M_s
