رواية بنت العز الفصل التاسع 9 بقلم ميرفت السيد
#بنت_ال_عز
بارت ٩
الجد قال: متقدم لك واحد من اولاد عمك وطبعا ابن عمك اولى من الغريب
معتز :مين ياحاج 🤔
عمرو يا ترى مين: ياجدو
الجد :عزيز
علا:😳😳😳😳😱
معتز:ونعم الشباب مش عشان ابن اخويا هو فعلا راجل 🤗
عمرو : ايه رأيك يا علا 🤔
علا: لأ لأ طبعا
الجد باستغراب: ليه يا علا انا شايف ان هو مناسب لك جدا وشاريكي 🤔
معتز :ليه يا علا لأ طب قوليلنا رافضة ليه 🤔
علا: عشان ده انسان مغرور ومافيش قبول من ناحيته هو مجرد ابن عمي وبس
عمرو: طب اديله فرصه
علا: ما ينفعش يا عمرو مش قادره اتخيله زوج
الجد: زي ما اتفقنا قبل كده يا علا لما ترفضي عريس لازم تكون اسبابك مقنعه ده ابن عمك واي حد يتمناه فأنا مش هاقبل منك رأي إلا لما تقعدي معه وتتكلموا
معتز: كلامك صح يا والدي
الخال: ما تستعجليش اسمعي منه في الاخر قرارك انتي
علا باستسلام: خلاص يا جماعه تمام
الجد :اظن انتي خلاص هتقعدي معنا انتي ريحتي اعصابك
علا: طب والشغل يا جدو
الجد :انا كلمتي واحده اتفقت معاكي تنزلي شغلك مع خالك ولولا الظروف دي كان زمانك بتنزلي الشغل معاه وكده كده بمجرد ما تتجوزي هتقعدي في البيت يعني مسألة وقت
علا: يعني لو رجعت يا جدي هانزل الشغل مع خالو عادي
الجد: اه يا حبيبتي طبعا
علا بصت لخالها وقبل ما تتكلم قال لها خليك هنا وسط اهلك ووقت ما تحتاجيني هتلاقيني ما تخافيش علا حضنته ووصلوه لحد عربيته وودعوه هي وعلاء
معتز والاعمام راحين شغلهم عندهم مزارع ومصنع أغذية وكلهم بيشتغلو فيه
علا جريت ورا باباها قالت له: ممكن اطلب منك طلب
قال لها: اتفضلي انتي تؤمري
علا: بابا انا مش عايزه اتجوز عزيز
معتز:طب ممكن نتكلم لما ارجع وبرده عاوزك تقعدي تتكلمي معه قبل ما تحكمي عليه
علا رجعت شقتها عملت نسكافيه ووقفت تشربه في البلكونه وهي بتفكر 🤔🤔
علاء كان بيلعب تحت في جنينة البيت وهي شيفاه وكل شوية يشاورلها وهي تبتسمله
شوية ودخلت تعمل قهوة ملقتش ولقت ان في حاجات كتير ناقصة البيت نزلت استئذنت جدها تخرج تتسوق للبيت
بعت معاها السواق وهي بالطريق عربية اعترضت طريقهم وكانت هاتعمل حادثة معاهم
ومن الخبطة علا فقدت الوعي
العربية الي اعترضت الطريق وخبطتهم نزل منها ٤ رجالة مسلحين ملثمين طلعوا السواق بره العربيه نيموه على الارض ووجهوا المسدس على دماغه وواحد فتح الباب وسحب علا وهي فاقده الوعي وركبها عربيتهم وضربوا السواق على دماغه فقد الوعي وهربوا
السواق فاق وجري على التليفون بتاعه اتصل بالجد وحكاله
طبعا الدنيا اتقلبت في بيت عز وطبعا هم ليهم أقارب بالشرطة وتم عمل محضر والبوليس فرغ الكاميرات مكان الحادث العربيه كانت بدون ارقام والاربعة الي خطفوها ملثمين
عزيز قال لهم بانفعال كده سكة البوليس هتبقى طويلة
ومش هينفع غير سكة ثانية خالص
وسابهم كلهم وقرر يدور بطريقته وزي المجنون جري على عربيته وعمرو جري وراه وركب معاه
عزيز راح لاكبر عصابه في المنطقة ولانه كان شقي وهو صغير وقلبه جامدكان عارف كل الي بيشتغلو شمال
راح و طلب مساعدتهم في البحث زعيم العصابه كان اسمه مجدي الكبير وبيحب عزيز لأنه انقذه من الموت قبل كدة
قال له عينيا ياعزيز وبعد شويه اتصالات مجدي قال لعزيز الموضوع صعب لان اللي عمل كده مش من رجالتي ولا من رجالة غيري واضح انه استعان ببودي جارد من من شركة او بيشتغلوا معاه مش مأجرهم بس انا برده هاحاول وهأوصي كل اصحابي انت عارف غلاوتك عندي عزيز انا عمري ما انسى وقفتك جنبي
عزيز قاله وانا مستعد لأي مبلغ
مجدي عيب دة انت اخويا
عمرو كان بيتابع الي بيحصل وهو معجب برجولة عزيز وهايموت من القلق على اخته والكل في العيلة بيدور بطريقته وبينهم اتصالات ومفيش اي معلومة او طرف خيط
عزيز وعمري راحوا البيت الجد قال له :عملت ايه
قال له: مستني اهو أي معلومة بس مش هاسكت لحد مااعرف مين عمل كدة ومين يتجرأ يلمس بنت من عيلة عز
الجد قاله: والبوليس كمان بيدور ومحدش عارف اي حاجه
معتز كان رجع من القسم وقالهم مفيش جديد بس انا ماسكتش عملت اتصالاتي بحبايبنا وعملت مكافئة للي يدلنا بس على اي طرف خيط والدنيا مقلوبة
عزيز دخل اوضته فضل يلعب رياضة بغل وهو هايتجنن
والكل على اعصابه وبيسألوا نفسهم مين ممكن يعمل كدة وليه
وفي مكان احتجاز علا
فاقت لقت نفسها متكتفة في اوضة فضلت تصرخ وتزعق
لحد ماالباب اتفتح ودخل ٢ بودي جارد ووراهم راجل أربعيني طويل ووسيم
قالها: اهدي كدة انتي مطولة معانا شوية يابنت ال عز
قالتله: انت مين يا حيوان دة انا لو فكيت ايديا هاقتلك واهلي مش هايسيبوك
: تصدقي شرسة زي مااتقالي 😁 بس زي القمر
وقرب منها صرخت فيه : اوعى تلمسني ياكلب ضحك:ماتخافيش 😂😂 دة مش غرضنا منك
هاتولها الأكل واتأكدوا انها اكلت
علا: خرجوني من هنا يابهايم😭😭😭
ضحك وسابها وخرج وجابولها الاكل رفضته وفضلت تصرخ خرجوني باقولكم البودي جارد غصب عليها تاكل بقت تعض ايده وبنستعدة زميله سيطروا عليها لحد مااكلت ونامت فورا لأن الاكل كان فيه مخدر 🥺
على منتصف الليل وبعد اعلان العيلة عن مكافئة جه تليفون لعزيز من مجدي قاله تعالى وهات معاك رجالتك انا وصلت للمكان
عزيز لم اولاد عمه وقرايبهم كلهم ورجالته واتجه لمجدي ب٥ عربيات محملين الرجالة
مجدي قاله: العربيات الي خطفوها عدت على جماعة حبايبنا عالصحراوي وشافوها داخلة في فيلا مهجورة هناك
عزيز: تسلم يا مجدي
مجدي: دة اقل واجب ياللا بينا
عزيز : ورانا يارجالة
مجدي ورينا المكان واخلع انت وصحابك ومكافئتهم محفوظة لان الليلة دي داخلها بوليس وبمحرد مانوصل لازم اقول لقرايبنا الي في الشرطة
مجدي: تمام طول عمرك رجولة
وبعد الوصول للمكان اتصلوا بالشرطة بس قبل وصولها عزيز قرر يقتحم المكان هو و رجالته
فجروا الباب ودخلوا و.... 😳
ياترى حصل ايه
يتبع
#بنت_ال_عز
#M_s
