رواية احلام المراهقه الفصل العاشر 10 بقلم هي هي جنتة
السلام عليكم ورحمة الله وبركاته
معاكم اليوم الفصل العاشر
احلام المراهقه
بقلم هي جنتة
طلعت سلمي من غرفتها لقت ياجين مستنيها لابس ومتشيك
ياجين:سلمي جاهزه
سلمي متوتره جدا وخايفه : ايوا جاهزة
مى راي قربت من سلمي وقالت ؛متخافيش انا معاكي
ركبت العربيه مع ياجين قدام ومى راي في الكرسي ورا
وهما ماشيين مى راي قالتلها:سلمي دا مش الطريق
اتوترت سلمي وقالت:دا مش الطريق انت رايح فين
ياجين:متخافيش هنروح مكان احسن من التاني
اول لما سمعت انه غير المكان بدأت تخاف وتتوتر بزياده
وهي متعوده لما بتحس بخوف بتقرأ قرآن وخصوصاً اية
الكرسي وقعدت تقرأ بصوت مسموع جميل جدا يأثر القلوب
وقف ياجين العربيه وقالها :انتي بتقولي ايه
سلمي:بقرأ قرآن
ياجين:جميل جدا ومريح حاسس اني روحت في مكان تاني
مش مكان للبشر
سلمي : القرآن كلام الله عز وجل انه مهدء للنفوس الضاله
ومريح للاعصاب ويبعث في النفس الطمأنينة والسكينة والسلام
ياجين شغل العربيه ومشي تاني وسلمي كملت قراءه
وقعد تقول بسم الله الذي لا يضر مع اسمه شيء في الارض ولا في السماء وهو السميع العليم
اعوذ بكلمات الله التامات من شر ماخلق
وقف العربيه ونزل ولف عند سلمي وفتح الباب وقالها انزلي
سلمي كانت خايفه بس توكلت على الله واستجمعت
شجاعتها ماهو لو ماتشجعتش دلوقتي مش هتلاقي فرصه
تانيه
دخلت هي و ياجين فندق راح الاستقبال اخد مفتاح وطلعو
في الاسانسير ودا كله وسلمي بتقرأ قرآن
فتح باب غرفه ودخل فيها وقال اتفضلي سلمي
سلمي :احنا هنا بنعمل ايه
ياجين:هتعرفي دلوقتي وراح يجيب ازازة مايه من التلاجه
وبسرعه شغلت سلمي جهاز التسجيل عشان تسجل كلامهم
ياجين جاب لسلمي مايه وهو صب لنفسه كاس واخده
وقعد علي الكرسي ورجع راسه لورا وقال :انتي عارفه انا
كنت جايبك هنا لهدف في دماغي اني اكسر نفسك لانك اتكبرتي عليا
بس لما سمعتك وانتي بتقرأي القرآن مش عارف ايه اللي
جرالي دلوقتي انا مش عايز اي حاجه حتي الكاس دا مش
عايز اشرب منه مش عارف ليه
سلمي :ليه عايز تكسر نفسي
ياجين:لان مفيش بنت عصيت عليا الا انتي
سلمي :ولا حتي مى راي
ياجين اول لماسمع اسم مى راي وقف وقال:انتي تعرفيها منين
سلمي :انت كنت تعرفها
ياجين :دى بنت زي اي بنت لعبت بيها شويه وسبتها
سلمي:لعبت بيها بس ولا قتلتها
ياجين:ايه قتلتها مين قالك كدا
سلمي محدش قالي انا معايا الدليل وطلعت فونها وسمعته
محدثته هو مى راي
مى راي: ياجين انا حامل عايزاك تيجي تخطبني
ياجين:ايه حامل ..حامل من مين
مى راي:حامل من مين منك ان اللي اغتصبتني ودمرت
حياتي ووالدي لو عرف اني حامل هيقتلك
ياجين:نزلي الزفت اللي في بطنك بدل مأموتك
مى راي:تموتني انا بكرا هروح لوالدتك وهقولها على كل
حاجه وابقي شوف هتموتني ازاي
ياجين:لو فكرتي بس مجرد فكره انك تكلميها مش تروحيلها
هموتك
وقفل السكه
سلمي:ها ايه رأيك بقي
ياجين: انتي جبتيه منين انتي لازم تموتي زيها ولسه بيقرب عليهاعشان يخنقها
وهنا مى راي بدأت تتعصب ولما بتتعصب الجو بيبرد جدا
وممكن حاجات تتكسر وممكن النور يقطع
سلمي لما شافتها كدا بسرعه قالتله : ياجين اعقل هتروح في
داهيه البوليس هيقبض عليك بسهوله جدا لاني واحنا طالعين خليتك تبص للكاميرات
في الفندق يعني لو قتلتني كلها دقايق وهينقبض عليك
ياجين:ليه ياسلمي ليه وقعد علي الكرسي وحط راسه بين
ايديه انا عارف اني عملت جريمه في حق مى راي انا اسف
انا اسف وقعد يبكي
بدأت مى راي تهدأ
سلمي :متتأسفش مني اتأسف منها يمكن تسامحك
ياجين:وهي فين عشان اتأسف لها ما خلاص هي ماتت وانا قتلتها بإيديا دول
سلمي مي راي موجوده هنا معانا
ياجين:هي فين هي ..وبص لقاها طالعه من ورا سلمي سابتهم سلمي وطلعت برا الغرفه
مى راي سامحيني ارجوك انا كنت ماعمي شيطاني وشهواتي
عمياني ارجوكي اتوسل اليكي تسامحيني دا كله وهو بيبكي زى الطفل الصغير
مى راي:انا ممكن اسامحك بس بشرط انك تسلم نفسك دلوقتي حالا
ياجين:حاضر هطلع من هنا علي الشرطه بس سامحيني ارجوك
مى راي:ربنا يسامحنا كلنا ربنا يغفر لي ولك
سلمي واقفه قدام الباب لقت ياجين طالع من الغرفه انسان
مكسور انسان محطم وفي نفس الوقت انسان نائب من جريمه بشعه ركبو العربيه
سلمي :هنروح فين دلوقتي
ياجين:هسلم نفسي عشان تسامحني بس عايز منك طلب
سلمي:اتفضل
ياجين:عايز اسمعك وانتي بتقرأي القرآن تاني
سلمي بدأت القراءة وياجين يبكي وصلو للشرطه
سلم نفسه واعترف علي مايا انها ساعدتو في قتل مى راي
وبعتت الشرطه قوه للقبض على مايا بتهمة التحريض على القتل
سلمي قبل ما تسيب ياجين وتمشي طلب منها طلب
ياجين:ممكن تجيبيلي كتب عن الدين الاسلامي والقرآن
سلمي لما سمعت كدا بقت فرحانه جدا وبكت :حاضر ان
شاءالله هجيبلك القرآن الكريم باللغه الكوريه
وهجيبلك كتب كتير عن الاسلام أسأل الله العظيم رب العرش
العظيم ان يشرح صدرك للاسلام
ياجين كان فرحان بكلامها وهي كانت بتتمني من الله ان يهدي قلبه الاسلام
وبعد ما خلصت وهتمشي قعدت تدور على مى راي وتنادي عليها بس مفيش رد قالت يمكن روحت السكن
بعد ماروحت لقت البنات مستنينها واول لما شافوها جرو
عليها وحضنوها وقعدو يبكو
سلمي:في ايه بتبكو ليه
هانا :احنا اسفين مكناش نعرف انك كنتي بتحاربي لوحدا
يو :احنا مش اصحاب ليه خلتينا اخدنا فكره وحشه عنك
سلمي : خلاص يابنات اللي حصل بقي المهم ان الموضوع خلص وكل واحد اخد جزاتو
بعد اذنكم هروح اريح شويه اصلي اليوم كان حافل
دخلت الغرفه واول لما دخلت ......
اترككم في رعاية الله وحفظه
احلام المراهقه
بقلم هي جنتة
