رواية احلام المراهقه الفصل الرابع 4 بقلم هي هي جنتة
السلام عليكم ورحمه الله وبركاته
معاكم اليوم الفصل الرابع
#احلام المراهقه
بقلم هي جنتة
سلمي :لوسمحت يادكتر ممكن اعرف حضرتك ليه اصريت تقابلني في المطار ؟
رى ون وغمض عينيه وتنهد تنهيده طويله : انا بحب مصر
كتييير بالرغم عمري ما زورتها نفسي اشوفها فلما عرفت ان
في حد جاي من مصر مصدقتش وقلت لازم انا اللي استقبله
وبعدها عرفت انها بنت مسلمه فأصريت علي استقبالك
ومندمتش لما شوفتك فرحت اني هعرف حد مصري بجد
لاني سمعت ان اغلب سكان مصر مسلمين ولما شوفتك
بالحجاب فرحت كتييير ولما رفضتي سلامي احترمتك اكتر
سلمي فرحت جدا بكلامه وكانت قد ايه فخوره بإسلامها وحجابها
واستأذنت تبدأ شغلها وبعد انتهاء الشغل حست بهبوط من
قلة الاكل وكانت محرجه تسأل حد علي مطعم وهي بتكلم
نفسها لقت ري ون بينهي شغله وبيلم اوراقه وبيستعد
للمغادره
فحس انها عايزه تسأل عن حاجه ومش عارفه تسأل
ري ون :في ايه د/سلمي مالك حاسس انك عايزه تقولي حاجه ؟
سلمي:ايوا ... اصلي .... 😊😊جعانه ومأكلتش حاجه من
انبارح وحاسه اني هقع من طولي ومش عارفه اي مطاعم هنا
ري ون :😳😳مأكلتيش من انبارح طب مقولتيش ليه في
هنا مطعم في المشفي تعالي نروح نتغدا فيه انا لسه مأكلتش
دخلو المطعم
رى ون : ها هتاكلي ايه ؟
سلمي:اي حاجه بس يكون اكل حلال
ري ون :يعني ايه حلال ؟
سلمي :يعني لو لحوم يكون مذكور اسم الله عليها وقت الذبح
وعلي الطريقة الإسلامية وميكونش ميته او لحم خنزير
ري ون :هسأل المطعم واقولك
دخل المطبخ وسأل لقي مفيش غير لحم خنزير
طلب ارز بطريق غريبه وخضار واكل غريب تاني
وراح لسلمي وقالها مفيش غير لحم خنزير بس لذيذ جدا
سلمي :لا حرام لا يجوز اكله
ري ون :ليه حرام
سلمي :عندنا الله حرم علينا الميته والدم ولحم الخنزير ومالم يذكر عليه اسم الله
رى ون : خلاص جبت خضار وارز انا اصلا مش بحب لحم الخنزير ومش باكله
سلمي جات تاكل من الاكل اللي جايبه قرفت منه وكانت هترجع وقالت :مش قادره اكل منه طعمه وحش خالص
ري ون : بلاش تاكلي منه وشوفي انتي عايزه ايه وانا هجيبه
سلمي لا خلاص عايزه اروح السوبر ماركت ممكن تقولي هو فين
ري ون:لا دا بعيد جدا انا هاجي معاكي
سلمي لا لا لا لا خلاص انا هروح لوحدى
ري ون :دا بعيد جدا وممكن تتوهي تعالي النهارده بس وبعد
كدا روحي لوحدك انا عارف انك محرجه مني
سلمي بصراحه جدا لاني مش متعوده اتكلم مع حد معرفوش
راحو السوبر اشترت خبر طبعا مش زى الخبز في مصر
واشترت شوية جبن ووخضار وبيض ووصلها للسكن ولقاته
طالع معاها في نفس الدور فالتفتت لري ون وقالت:حضرتك رايح فين 😳😳؟
رى ون:رايح السكن بتاعي ماهو انا ساكن في الشقه اللي قصاد شقتكم انا ومجموعه من الدكاتره
فستأذنت سلمي لدخول شقتها وهو دخل شقتو
دخلت السكن لقت د/سونج يو
وقالت اهلا حبيبتي كيف حالك
سونج يو:اهلا سلمي انا بخير وانتي نمتي كويس
سلمي ايوا نمت كويس هو في حاجه الكل بيسأل عن نومي
سونج يو:لا حبيبتي بسأل انتي يعني مرتاحه هنا ولا ايه
سلمي : الحمدلله مرتاحه جدا انا بعمل اكل تاكلي معايا
سونج يو استغربت انها بتدعوها للاكل هما مش متعودين
على كدا قالت:لا شكرا حبيبتي
سلمي عملت الاكل وكلت وحمدت ربها والباقي حطتو في
التلاجه وغسلت الاطباق ورقت مطرحها ودخلت غرفتها
وقبل متدخل سمت الله وقرأت ايه الكرسي ودخلت وهي
خايفه جدا ومرعوبه ونفسها تغتسل وتريح جسمها
فقالت انا هغسل شعري الاول في الحوض
وبعد كدا هغتسل تحت الدش ومش هغمض وهتوضا وهطلع
بسرعه فعلا عملت كدا ولكن قبل ماتطلع لقت مراية الحمام
مكتوب عليها كلام كوري بالدم وبسرعه جابت فونها وصورت
الكتابه وبصت علي الصوره وبترفع راسها عشان تشوف
اللي علي المرايه ملقتش حاجه خافت وطلعت من الحمام
بسرعه صلت وقرأت وردها ونامت من كتر التعب
وهي نايمه لقت بنت بتبكي في ركن في الغرفه فراحت عليها
عشان تشوفها بتبكي ليه لقتها شكلها مرعب وعيونها بتنزل دم
فصحت سلمي من نومها مفزوعه ولقت منبه الفجر بيضرب
اتوضت وصلت ولبست وطلعت اكل من التلاجه فطرت
ونزلت شغلها وكان بدري جدا قبل د/ري ون يحضر
طلعت مصحفها وبدأت تقرأ القرآن بصوت خاشع جميل جدا
رى ون :فجأة فتح الباب وقال ايه الصوت دا من كان بيغني
انتي كنتي بتغني
سلمي:لا دا مش غناء دا ترتيل للقرآن الكريم
ري ون :دا صوت جميل جدا
مايا فتحت الباب ودخلت بدون استأذان
ري ون : مش تستأذني دكتوره وكمان حضرتك هنا ليه
مايا وهي بترقق صوتها وتتمايل : اصل انت وحشتني
د /ري ون
ري ون /دكتوره لو سمحتي الزمي حدودك ولو سمحتي علي
مكتبك مش عايز اشوفك تاني
مايا :طب مانت قاعد مع سلمي اهو
رى ون :سلمي دي مساعدتي ولازم تبقي معايا في كل مكان
ممكن بقي تطلعي برا لو سمحتي
طلعت مايا وكلها حقد على سلمي علشان قاعده مع ري ون
اللي نفسها تكلمه بس مش تقعد معاه وخرجت وهي بتتوعد لسلمي
ياتري ايه اللي مايا هتعمله وياتري ايه اللي هيحصل تاني لسلمي ف الغرفه؟
اترككم في رعاية الله وحفظه
#احلام المراهقه
بقلم هي جنتة
