رواية العشق والقدر الفصل السادس
العشق والقدر
بقلمي ليلي هشام
البارت السادس
عند حياة خلصت المحاضره وطلعت لقت يارا قاعده في الكافتيريا وعنيها بتطلع نار وبتحرك رجلها اليمين بعصبيه راحت حياة وقعدت جنبها منغير ماتتكلم بس كانت كاتمه الضحك بالعافيه
يارا:اضحكي يا حياة اضحكي
انفجرت حياة من الضحك علي منظر يارا ويارا ضحكت معاها
حياة وهي لسه بتضحك:بس كان شكلك حلو اوي يا يارا وانتي بتطردي 😂
يارا:انتي شكلك عايزه تتضربي صح
حياة:انتي متشطرتيش علي الحمار جايه تتشطري علي البردعه (هي اي البردعه دي اصلا🤔)العشق والقدر بقلمي ليلي هشام
يارا:بني ادم بارد وغلس وتنح وسخيف وشايف نفسه وووو
حياة وهي مبرقه:خلاص يا يارا
يارا:لا مش خلاص ورخم وسئيل ومغرور وشايف نفسه وابن
حياة بصوت عالي:لا لا لا خلاص كفايه
يارا:اي يا بنتي في أي
حياة:بصي وراكي
بصت يارا وراها لقت علي واقف ومربع ايده
علي:ماتكملي وابن اي
يارا كان هيغمي عليها من الخوف
علي بهدوء مميت:ورايا علي مكتبي....ومشي
يارا لحياة:غطيني وصوتي يا حياة داممكن يعملي جواب فصل علي كمية الشتايم الي انا شتمتهالو دي
حياة:يا بنتي متقلقيش إنشاءالله مش هيحصل حاجه بس روحي انتي علي طول واتكلمي كويس بس معلش انا متطره امشي دلوقتي ها علشان اتأخرت بس انا معاكي ها ولما تخلصي كلميني.
يارا:طب سلام
حياة:سلام
مشيت حياة وراحت يارا تواجه مصيرها (نسالكم الدعاء لأختنا يارا😂😂)
.........................................................
عند رعد كان واقف عند شباك كبير ازاز وكان بيتصل علي عمر
رعد:اي يا عمر أنته خلصت محاضرات ولا لسه
عمر:اه خلصت وطالع اي في حاجه ولا اي
رعد:لا بس عاوزك تيجي الشركه تحضر معانا الاجتماع علشان تعرف الشغل ماشي ازاي
عمر:اشطا انا هركب عربيتي اهو وهاجي علي الشركه يلا سلام
رعد:سلام
مشي عمر وهو طالع من الجامعه خبط في حد عمر:انا اسف مأختدش بالي
حياة:تمام مفيش حاجه مشيت حياة وركبت تاكسي ومشيت وماخدتش بالها من الكتاب الي وقع شاف عمر الكتاب ووطي يجيبو رفع أنظاره لقاها مشيت بص للكتاب لقي اسمها مكتوب عليه حياة فريد الالفي اخد الكتاب وركب عربيته ومشي
.......................................................
عند علي ويارا خبطت دخلت المكتب لقته واقف باصص للشباك وحاطط أيده ورا ضهره
يارا:احم......علي مردش ولا اتحرك من مكانه
يارا تاني:احم احم....علي متحركش قيد نمله
يارا في نفسها:هو مات ده ولا اي
يارا:يا دكتور.....اخيرا علي بصلها وراح وقف قدامها يارا بصالو ومتوتره جدا
علي:تفتكري اعمل فيكي اي اعملك جواب فصل ولا امنعك من دخول الامتحان ولا امنعك من دخول الماده بتاعتي
اتغاظت يارا من طريقته:علي فكره يا دكتور انا مغلطش حضرتك الي شتمت الاول وقولتي أن انا انسانه مش محترمه وكمان طردتني من المحاضره رغم أن انا مكنتش اعرف أن حضرتك الدكتور الجديد
علي بعصبيه خفيفه:والله ومين الي ابتدا وقال يا حمار ومين الي قالي أنته بني ادم قليل الذوق ومين بقي الي مد ايدو عليه وضربني بالقلم كنت انا ولا انتي.
يارا خافت من صوته وجت ترجع ورا مأخدتش بالها من الكرسي وكانت هتقع لولا ايد علي حط أيدو ورا وسطها والايد التانيه مسك ايديها بصو هما الاتنين لبعض وتحس أن الزمن وقف علي ماكنش واخد باله من جمالها الا لما قرب منها كده ومكنش قادر يشيل عينة من عليها ويارا بصلاه وسرحت في عنيه وفي غمزاته ولأن يارا اول مره شافت علي اعجبت بيه بس كانت بتناقرو علشان يفضل في حوار داير بينهم فجاه الباب خبط وقطع علي كل واحد أفكاره اول ما الباب خبط الاتنين بعدو عن بعض ويارا كانت بتظبط طرحتها من الارتباك وعلي بعد وعدل تلابيب قميصه وكان جسمه حران كده
علي:احم ادخل
عم محمد: القهوه يا دكتور علي.
علي:حطها عندك يا عم محمد.
عم محمد حط القهوه وخرج هما الاتنين بصو لبعض بعدين علي راح قعد علي مكتبه
علي:تقدري اتفضلي دلوقتي يا يارا انا مش هعمل اي حاجه من الي قولت عليها بس صدقيني لو الموضوع ده اتكرر تاني انا هوصل المسألة لعميد الكليه.
يارا:حاضر يا دكتور عن اذنك
علي:اتفضلي
خرجت يارا واول لما قفلت الباب اتنفست زي مايكون حد كان مانعها تتنفس وافتكرت لما مسكها قبل ماتقع وابتسم ومشيت
.....................................................
عمر كان ماشي بالعربيه ورايح الشركه وبعدين جه في بالو البنت الي خبط فيها فبص للكتاب وفجأه خبط حد داس فرامل جامد نزل بسرعه علشان يشوف الي خبطو
