روايه العشق والقدر الفصل الحادي عشر
العشق والقدر
بقلمي ليلي هشام
البارت11
عند رعد وعمر كانو قاعدين علي علي السفره بيكلو معاهم في جو مليان حب ودفي.
رعد بياكل:كفايه يا طنط انا مش هاكل كل ده.
مني بتحطله اكل:كل يابني واتغذي دا انت شكلك هافتان خالص.
عمر بمرح:يا طنط انتي كده بتزغطيه مش بتأكليه😂
كلهم ضحكوا😂😂
رعد:بس بصراحه اكلك حلو جدا يا طنط.
مني:لا دا مش طبخي دا طبخ حياة هي الي عامله الاكل دا كله.
رعد بص لحياة وكانت قاعده قصاده باظبط وهي بصتله وانكسفت وحطت وشها في طبقها.
كلو وخلصو وقامو شربو الشاي واستأذنوا علشان ييمشوا
حياة قامت مع رعد وعمر توصلهم لحد الباب
عمر: فرصه سعيده يا انسه حياة.
حياة:انا اسعد يا استاذ عمر وبجد شكرا انك لقيت الكتاب وجبته.
عمر:لا شكر على واجب انا معملتش حاجه يلا سلام..... عمر بهمس لرعد:انا هستناك تحت.... رعد:ماشي.
رعد:فرصه سعيده وشكرا علي الاكل.
حياة:العفو
رعد:مكنتش اعرف أن اكلك حلو كده.
حياة:بجد.
رعد بابتسامه:بجد.... حياة ابتسمت وحط وشها في الأرض ووشها كله بقي احمر.
رعد:يلا سلام.
حياة:سلام.
رعد لسه هينزل علي السلم رجع تاني.
رعد:حياة نسيت اقولك.
حياة:في حاجه ولا اي.
رعد ميل علي ودنها وهمس:اوعي بعد كده تفتحي الباب منغير ما تلبسي حاجه.
حياة المرادي محطتش وشها في الأرض فضلت بصاله بس وشها كان عباره عن كتلة دم.
رعد نزل وحياة فضلت واقفه وكانها في دنيا غير الدنيا وبعدين فاقت لنفسها ودخلت.
في نفس الوقت كان عمر نزل وفتح باب العربية ولسه هيركب رفع أنظاره تلقائي لفوق لقي اسيل قاعده في البلكونه بصلها وهي كانت بتبص عليه علشان تشوفه.
رفع عمر أيده ببطء وتردد وشاور لها باي.
هي كمان رفعت أيدها وشاورتله وانكسفت ودخلت.
عمر فضل باصص لاثارها شويه وبعدين ركب العربيه.
رعد نزل وركب جنبه.
عمر:اي يا عم كنت فين دا كله.
رعد:اديني جيت اهو
عمر وهو باصص قدامه:اخدت بالك يا رعد من كمية الحب والدفي الموجوده في بيتهم دي تحسه كده زي ما بيقولوا بيت عمران بناسه.
رعد:مم اخدت بالي وكنت مبسوط اوي واتمنيت اني ابقي في يوم من الايام من اهل البيت دا.
عمر وهو باصص قدامه:انا امي واحشتني اوي يا رعد.
رعد بصله مره واحده وبعدين ركن علي جنب الطريق وبصله.
عمر: بالرغم أن انا مشوفتهاش اوي يعني مقعدتش معاها كتير الا اني فاكر كتير من ملامحها بيقولوا الإنسان ينسي اي حاجه في الدنيا الا رحت الام عمره ما ينساها لأن دي اول ريحه شمها لما شوفت طنط مني دي واهتمامها ومعاملتها لينا حسيت اني نفسي اوي في الاهتمام ده.
رعد:انا اسف.
عمر بصله:اسف علي اي.
رعد:اسف اني كنت فاكر اني اقدر اعوضكوا
بس انا بعترف اني فشلت.
عمر مسك أيده:متقولش كده انت عمرك ما فشلت ولا أثرت معانا في حاجه بس يا رعد في حاجات مينفعش تتعوض انت طول عمرك سند وضهر ليه انا وملك كنت ابونا وسندنا وكل حاجه لينا بس الام عمر ما في اي حاجه في الدنيا تقدر تعوضها قولي انت في حاجه عووضتك عن ماما الله يرحمها.
رعد:لا.
عمر:ربنا يخليك لينا... رعد:ويخليكوا ليا
عمر بمرح:امشي بقي من هنا احسن نتمسك بفعل فاضح في الطريق العام😂
رعد ضحك:طول عمرك وس*خ وتفكيرك شمال زيك.
عمر:😂😂😂
العشق والقدر بقلمي ليلي هشام........
.....................................................
روحت ملك البيت وطلعت اوضتها رمت شنطتها علي السرير وقعدت بغضب وكانت بتفرك أيدها بعصبيه جدا وكان جواها احساسين مختلفين عن بعض تماما.
قلبها:يا تري مين دي وكان واقف معاها ليه وليه بتتقرب منه بالشكل ده؟؟
عقلها:وانتي مالك يهمك في أي اصلا؟؟
قلبها:متنساش برضو أن هو اول حب في حياتي.
عقلها:ومتنسيش برضو أنه سابك بدون سبب وحتي ساب اخوكي الي هو صاحب عمره ده واحد ماتآمنلوش افرض ارتبطوا وسابك فجاه هاتامنيله برضوا.
قلبها:الي بيحب عمره ما يتخلا عن حبيبه.
عقلها:وانت ايش عرفك أنه بيحبها؟
قلبها:وانت ايش عرفك أنه مبيحبهاش؟
ملك بهستريا:كفايه بقاااااااااااااااا
حطت ملك أيدها علي ودانها وضمت رجليها وفضلت تعيط حاسه انها مخنوقه ووحيدة رغم أن عمر ورعد مليين عليها دنيتها بس البنت في الأوقات دي مبتحتاجش غير مامتها هي الوحيده الي تقدر تفهمها وتقدر تدلها علي الصح.
رعد وعمر داخلين من باب الڤلا سمعو صوت ملك وهي بتزعق
رعد وعمر:ملك
جريو هما الاتنين علي اوضتها رعد فتح الباب لقاها ضامة نفسها وبتعيط بهستريا جري علي هو وعمر
رعد بلهفه:ملك مالك يا حبيبتي في أي؟
عمر:يا ملك بطلي عياط وقوللنا في أي اي الي حصلك؟
ملك وبصت لرعد وهي لسه بتعيط:بابا وماما وحشوني اوي يا رعد.
بص رعد لعمر لأن عمر لسه قايلوا نفس الكلام وحتي هو لما طلع من بيت حياة وهو حاسس أن أبوه وأمه واحشينوا بس تماسك علشان خاطر اخواته ضم رعد ملك لحضنه وفضل يطبطب عليه ويهديها لحد لما نامت كان رعد قعد جنبها وعمر قاعد الناحيه التانيه بص رعد علي ملك لقاها نامت بيبص لقي عمر كمان نام بصلهم الاتنين وابتسم وغطاهم كويس وكفي النور وطلع راح اوضته وغير هدومه ولبس بنطلون قطني ابيض وعاري الصدر ونام علي السرير وحط أيده ورا رأسه وقعد يفتكر تفاصيل اليوم ولما شاف حياة ولا فتاحتله الباب بلبس البيت ولما ميل عليها وهمس وبعدين افتكر لما احمد جاله علشان المشروع الي هو عاوزه
Flash Back
رضوي:رعد بيه
رعد وهو باصص للورق:في حاجه يا رضوي؟
رضوي:احمد بيه العمري بره.
رعد انتبه وبصلها:داخليه يا رضوي.
رضوي:حاضر
دخل احمد ورعد قام سلم عليه.
احمد:ازيك يا رعد.
رعد:اهلا يا احمد ازيك اتفضل.
احمد فك زرار بدلته الرصاصي وقعد.
احمد:طبعا اكيد أنته مستغرب انا هنا ليه.
رعد:لا مش مستغرب اصل أنته كل حاجه بتعملها فجاه بتيجي فجاه وتمشي فجاه يعني مش مستغرب.
احمد:انا هتكلم علي طول علشان معطلكش.
رعد:ياريت.
احمد:انا عندي ارض كبيره في الغردقه وكنت بفكر ابني عليها اوتيل كبير يبقي تصميمه مميز وملقيتش احسن منك يعملي دراسة جدوي في المشروعي ده ها اي رأيك
رعد بتفكير:هفكر وارد عليك في أقرب وقت
Back
رعد اتعدل واخد تليفونه واتصل على....
رعد:الو ايوه يا احمد انا موافق........
