رواية جرحني ولم يبالي الفصل الثاني بقلم بسنت الشيخ
ادهم : حياه مالك معيطه لي في اي الحصل !!!!!!
انا فتحت الموبايل وجبت الصوره يشوفها واديته الفون
اخدت مني وبص عليها بصدمه ورجع بصلي تاني وقالي
ادهم : هفهمك كل حاجه بس اهدي انتي فاهمه غلط
انا: غلط صورتك انت وواحده في فرحكم وباين انك مبسوط وتقولي غلط الغلط الوحيد هو اني وثقت فيك وحبيتك واتجوزتك وحملت منك كمان وفي الاخر طلعت متجوز عليا طب ليه ده احنا حتي معداش كتير علي جوازنا عشان تلحق تمل أو تزهق
ادهم : سيبيني اشرحلك انتي فاهمك الموضوع كله غلط انا مااتجوزتش عليكي
انا : وده اي ده مش دي صورتك ولا ده خيالك
ادهم : صورتي بس انتي مش الاولي هي الاولي ...
انا : نعم !!!!! يعني اي انت قصدك اني انا التانيه يعني انت متجوزني عليها
ادهم : ايوه اهدي بقي ...... انتي قولتي انك حامل!!!
انا : ده اللي يفرق معاك اني حامل وبالنسبه لأن انا زوجه تانيه ده اي وازاي ده احنا اتخطبنا سنه ومتجوزاك بقالي ثلاث شهور مافيش ليله فيهم نمت بره
ادهم : هحكيلك ( انا متجوز عشق من 5 سنين كنت أنا وهي في الجامعه سوي حبيتها اوي وقررت اني هتقدملها بعد التخرج خلصت كليه وفعلا روحت اتقدمتلها واتخطبنا سنتين لحد ما اشتغلت وكونت نفسي وجبتلها شقه وفرشناها لأن هي يتيمه بعدها اكتشفنا أنها حامل وجابت بنت ليله عندها 4 سنين بعد الولاده اكتشفنا انها عندها سرطان في الرحم واضطرت تشيله وبعد ما بدأنا نعيش حياتنا تاني امي فضلت تزن عليا لما عرفت موضوع انها شالت الرحم اني اتجوز تاني عشان اخلف الولد وبعد زن كتير وضغط من امي ومن عشق اضطربت اني اتجوزك بعد ما امي قالتلي عليكي )
انا كنت بسمعه وهو بيحكي كلنا ضحيه كلنا
انا : انت ظلمت مرتين مره لما قهرت قلب مراتك واتجوزت عليها والمره التانيه ظلمتني لانك ماسيبتنيش لواحد شبهي وكويس ويستاهلني أما والدتك فا هي ماشاء الله ما سبتش حتي الطفله الصغيره حرمتها من أن ابوها ينام في حضنها كل ليله بس والله لا أصلح كل ده حتي لو علي حساب نفسي وتخيل بقي لو انا حامل في بنت اي امك بتقولك اتجوز عليها دي بتخلف بنات
ادهم : انا اسف بس والله ماكان بإيدي حاجه واوعدك أن كله هيتصلح
انا : فعلا كله هيتصلح بس انا اللي هصلح مش انت
ادهم : قصدك اي
انا : بعدين كله هيبان بعدين
سبته ودخلت الاوضه وانهارت في العياط وبعدين سمعت ادهم بيدخل الأوضاع التانيه ونمت انا من كتر التعب
تاني يوم صحي ادهم بيدور علي حياه مش لاقيها في اي مكان بس لفت نظره ورقه علي السفره
حياه :...............
يتبع ............
رواية # جرحني_ولم_ يبالي
بقلمي #بسنت الشيخ
بارت 2
