#أسير_عشقها 14...#دعاء_احمد
نوح رجع من شغله و دخل الفيلا وهو بينادي على جيجي
جيجي :نعم يا ابيه
نوح:تعالي اقعدي يا جيجي
شريفه هانم:في اي...
نوح :راغب طالب ايدك يا جيجي اي رايك
جيجي ابتسمت و بتحاول تداري فرحتها :اللي تشوفه يا ابيه.....
نوح:يعني انتي موافقه على طلبه
جيجي هزت راسها بأه وهو بص لوالدته
نوح:اي رايك يا ماما......
شريفه هانم بغضب وخبث :وانت بيفرق معاك رأي انت نسيت كلامك ليا امبارح واني مدخلش في حياتكم
نوح وهو بيبوس راسها:حقك عليا انتي عارفه انك عليا اوي لكن في مواضيع لازم اتقفل زي موضوعي انا وحور انا مش هاذيها و لا حتى مهتم بالارض دي... ابويا الله يرحمه هو اللي علمني اني ماذيش حد و انا مش هعمل كدا مع بنت
وبعدين انتي الخير والبركه
شريفه هانم بخبث :لا يا نوح البنت دي غيرتك وقاسيتك عليا انا واختك و على العموم اهي عندك وانت حر معها وبعد كدا انسى ان ليك ام متجيش تشكيلي او تتكلم معايا انا اصلا ضغطي عالي منكم
نوح بحب:الف سلامه عليكي يا حببتي وغلا تي عندك متزعلي يا أمي وبعدين انتي تزعلي ان ابنك يعمل الصح و ان كان على الأرض ياستي شاوري على اي ارض في الغربيه وهتكون تحت رجليكي المهم ما تزعليش
شريفه هانم بخبث وتمثيل:ربنا يسعدك يا ابني هو انا هعاوز حاجه من الدنيا غير أن ربنا يسعدك
نوح بأس ايديها
نوح:خالص بقى فوكي يا شوشو وانا هكلم راغب احدد معه معاد الخطوبه الاسبوع الجاي
شريفه ابتسمت وهي بتفكر في خططتها هي ميهماش الأرض على اد ما يهما انها تكسر بنت مصطفى و تق"هره زي ما اتق"هرت على موت جوزها
نوح طلع اوضته و لقى حور قاعده على المكتب بتاعه وهي فاتحه ورق كتير ادامها بتدرسه راح ناحيتها وباس راسها
نوح :مساء الخير
حور بابتسامه :مساء النور
نوح:بتعملي اي؟
حور :شوف بقى ياسيدي.... دي حاله ناريمان طفله عندها خمس سنين البنت عندها عيب خلقي في القلب و لازم تدخل جرا"حي فورا
نوح:طب فين المشكله
حور بحزن دفين :حاله أهلها متسمحش انهم يدفعوا مصاريف المستشفى والمبلغ كبير للأسف انت عارف مستشفى دكتور يوسف خاصه وبالتالي مش عارفين نعمل العمليه للبنت
نوح:طب هاتي اسم ابوها وانا هحل الموضوع
حور بسعاده:هتعمل اي
نوح:هحل موضوع الفلوس دا... إن كان علب الفلوس أمرها سهل لكن الطفله دي تستحق تعيش
حور بتلقائيه حضنته بقوه وهي بتدفن وشها في رقبته:مش عارفه اقولك اي بجد شكر
نوح ابتسم و شدد على احتضنها وهو بيدعي ربنا انها متعرفش حاجه عن اللي عمله و اللي كان بيدور في دماغه
حور فجأه بتسحب ايديها من على ضهره و بتبعد :انا انا اسفه انا بس... مكنتش اقصدي .. يعني من فرحتي
نوح وهو بيقرب من وشها و بيبص في عيونها الفضيه :على فكره حضني من حقك لوحدك انا جوزك يعني مفيش داعي للتوتر دا كله
حور بابتسامه باهته:بس انا اتعودت منك على كدا فعادي يعني
نوح :مش قلتلك انسى اللي فات لو سمحتي
حور بابتسامه :حاضر يا نوح المهم انا اكلت... انا لسه ماكلتش اي رايك نتعشي
نوح:عايز انااااامم بس اوكي هقول الخدامه تجهز اي حاجه خفيف ه وانتي سيبي بقى الشغل دا كله وتعالي
حور:اجي فين
نوح بيمسك ايديها و بيحط خاتم من الياقوت الأحمر في ايديها اليمين
حور بصدمه :دا ليا انا.... دا جميل اوي
نوح: مبسوط انه عجبك قوليلي اخدتي دوائكي
حور هزت راسها بأه و هي لسه بصه للخاتم بسعاده
عند جودي
جودي :انت بجد هتخطب جيجي يا راغب
راغب:ايوه متعرفيش خطوبتي منها هتفرق معايا ازاي و انتي لازم ترجعيله بسرعه
حودي:انا مستنيه لحد ما ابقى كويسه لو عرف اني كنت حامل منك و اننا على علاقه ببعض ممكن يقت"لني فيها
راغب بابتسامه حقد:نوح ههه ياه مستني بس اتجوز اخته و ساعتها حاجات كتير اوي تتغير
جودي:راغب انا مش طايقه حور و عايزه ابعدها عنه
راغب وهو بيقفل زراير قميصه:ودا ليه ان شاء الله غيرانه على حبيب القلب مثالا
جودي بسخريه:غيرانه على مين... نوح مش فارقلي كتير كفايه انه ذلني و طلقني واهان كرامتي... انا مش طايقه حور البت دي مستفزين تعرف نفسي اكسر مناخيرها واجيبها الأرض
راغب بخبث:اصبري بس عليا ادخل بينهم وانا اوعدك هخليها تكر"هو
جودي بمياعه:اوعي تكون عايزه جيجي او تكون عجباك
راغب بابتسامه جانبيه :لا من الناحيه دي متخافيش لا هي عجباني ولا فرقالي اصلا دي بس مجرد وسيله ادخل بيها لنوح
جودي:احبك وانت فاهمني يا بيبي
.....................
الصبح عند حور
في الموبيل
سلمي بغضب :انتي غبيه يابنتي كان لازم تبلغيه ان مراته في المستشفي بتعمل عمليه اجها"ض
حور :معرفش يا سلمى انا خفت ومش حابه أتدخل في اي حاجه تخص جودي انتي عارف اني مش بحبها
سلمي:حور انا مش مطمنه للي اسمه راغب دا من كلامك عنه وعن نظراته ليكي وانه كان مع جودي في المستشفى مش مرتاحله
حور:قصدك اي
سلمي:والله يا بنتي مش عارف بس انا شاكه في جودي الصراحه و ربنا يعافيني من أفكاري بس خالي بالك على نفسك و حرسب من الارشنه اللي اسمها شريفه دي واوعى تسكتي ليها تديكي كلمه اديها عشره دي والله مش ناويه على خير
حور:عندك حق انا خايفه منها الصراحه و بحاول اعدي و اتجاهل
سلمي:لا ياختي متتجاهليش المهم متسكتيش لأى حد فيهم
حور:حاضر يا قلبي
سلمي:هقفل دلوقتي عشان اجهز الفطار لسليم ادعيله يا حور النهارده هيسلم ورق مشروعه للشركه اللي شغال فيها انتي عارفه سليم طيب وابن حلال
حور:والله عارفه ربنا يوفقه يارب و ان شاء الله هينجح دا رزق طفلكم الأول وبكرا تقولي حور قالت
سلمي:يارب يا حببتي ياله سلام بقي
خور:سلام
خلصت معها ودخلت غيرت هدومها و نزلت راحت المستشفى
بعد اربع ساعات
كانت قاعده في اوضه الفريق و بتتكلم مع احمد عن حاله معينه
لحد ما قاطعهم صوته الغليظ
نوح من بين اسنانه:حور
حور بصت ناحيه الباب وابتسمت وهي بتقوم تروح ناحيته لكن لصدمتها لقيته بيحضنها وهو بيبطبع بو"سه راسها
أحمد تنحنح بحراج و قام وقف أدام نوح
:اهلا نوح بيه
نوح:اهلا يا دكتور
حور:حصل حاجه... انا لسه ادامي يجي تلات ساعات
نوح بابتسامه :لا يا حببتي انا قلت نتغدا سوا فخليتهم يجهزوا الاكل في البيت و جبته معايا
حور:تصدق اني واقعه من الجوع
قالتها وهي بتاخد منه الشنطه اللي في ايديه وبتروح تقعد
نوح بهمس لاحمد وغيره:قسما بالله لو شفتك قريب منها تاني لاكون مقعدك في بيتك انت فاهم لولا اني مش عايز اخسر ثقتها فيا كنت شلفط وشك يا حليتها
أحمد بارتباك:والله يا فندم ما في حاجه بينا انا بعتبرها زي
نوح بمقاطغه:ميفرقليش بتعملها زي اي... تفضل بعيد عنها انت فاهم
احمد:حاضر حاضر يا فندم
قالها وهو بيخرج من الاوضه نوح ابتسم وهو شايفها بتاكل بشراهه راح قعد جانبها و بدا ياكل وهو بيسالها عن يومها
كأنه بتعرف عليها بالتدريج كأنها فتره خطوبه كل واحد عايز يكتشف التاني بس دي من غير تزيين او نفا"ق لأنهم فعلا متجوزين
بعد كم يوم
حور كانت واقفه أدام الدولاب حيرانه تلبس اي في الخطوبه لحد ما حست بيه قريب منها وبيدفن وشه في رقبتها:الجميل ماله
حور بابتسامه :مش عارفه البس اي في خطوبه جيجي
نوح:الاسود بيكون جميل عليك بلاش تلبسيه
حور بصتله باستغراب وبتحاول تفهم قاصده لحد ما فتحت بوقها وهي مستوعبه انه بيغير
ضحكت غصب عنها وهي بتبصله وبتلف ايديها حوالين رقبته
:افهم من كدا انك بتغير؟
نوح بابتسامه :و هو في واحد عاقل يتجوز واحده زيك وميغرش
حور بسعاده:حلو يبقى وقعت يا شاطر
نوح بغمزه:انا وقعت من اول مره شفتك تصدقي يا حور كنت بحاول اتجاهل نبض قلبي وانتي قريبه مني بحاول السيطره على رغبتي اني احضنك بحاول افضل بعيد لكن مقدرتش بلقى نفسي في النهايه واقع على عتبه قلبك
حور ابتسمت وي بتسند راسها على صدره وهو بيحضنها بقوه
بعد دقايق
بينزل هو وحور اللي كانت لابسه فستان بنفسج طويل كانت جميله جدا و حط روج خفيف جدا بعد ما اتحيلت عليه كتير جدا
راغب كان بيبصلهم بخبث وهو بيبص لشريفه هانم راجع نظراته و ركز على حور و عيونه بتلمع
بالشه"وه.....
حور كانت بتحاول متركزش معه و اتجاهله بعد مده الحفله كانت قربت تنتهي
نوح جاله اتصال خرج يرد عليه و جيجي واقفه مع صاحبتها
حور دخلت الفرندا تشم هوا لحد ما حسيت بانفاسه تلا"مس عنقها ابتسمت وهي بتبصله كانت معتقده انه نوح لكن فجأه بتصر"خ لكن قبل ما يوصل صوتها لمسامع اللي في القصر بيكتم نفسها
حور بخوف كانت بتزقه وتبعده لكنه ابتسم بخبث غمزلها بوقا"حه
راغب :انا قلت ارمي السلام
قالها وهو بيشيل ايديه من على بوقها و بيرجع لحيجي قبل ما تلاحظ
حور دموعها نزلت برعب و هي حاسه برعشه غريبه في جس"مها بقيت تعيط اكتر
لحد ما شافت نوح في الجنينه خافت يشوف دموعها طلعت بسرعه على اوضتها وهي بتحاول تسيطر على الرجفه القويه اللي حاسه بيها و نبض قلبها القوي كانت عرقانه و مرعوبه
