#أسير_عشقها 17...#دعاء_احمد
عد شهر بعد طلاق حور و نوح كانت متد"مره فيها قلبها وجعها و يمكن حاسه بالذنب لأنها هي اللي عملت في نفسها كدا هي اللي حبيته لأقصى درجه حبيته ووصل بيها الحب للعشق
نوح كان وحيد و مكتئب حزين كا"ره نفسه بسبب اللي عمله فيها و خط"فه ليها بالرغم انها من اول يوم شافته وهي ما"ذتوش بالعكس كانت رقيقه جدا معه حتى لما انفصلت حافظت على صورته أدام أهلها و مقالتش عن السبب الحقيقي
في شقه في القاهره
الحج مصطفى :ياله يا حوري عشان نتغدا
حور :حاضر يا بابا ثواني....
خرجت من اوضتها اللي تقريبا مبتخرجش منها
الحج مصطفى :بصى بقى انا اللي عامل الاكل دا كله هتخلصيه
حور بحزن:تسلم ايدك يا بابا ليه مصحتنيش انا عشان احضر الغدا
الحج مصطفى :كنت عارف انك تعبانه و منمتيش امبارح قلت سيبها نايمه وبعدين متنسيش انا شيف قديم
حور:ربنا يديك الصحه و يطول في عمرك يا حبيبي..... صحيح كلمت سلمي؟
الحج مصطفى :اه كلمتها و هي كان نفسها تبقى معاكي لكن انتي عارفه شغل سليم
حور:ربنا يسعدهم سليم شاب ابن حلال و يستاهل سلمي
الحج مصطفى :وانتي يا حور مش ناويه تقوليلي ليه اتطلقتي... طب طب هو اذ"اكي قوليلي بس وانا اقسم بالله لاهجيبه را"كع يطلب السماح
حور بابتسامه :لا يا بابا ما"ذنيش بس احنا مش شبه بعض و انا مش مستعده اكمل حياتي مع حد مش شبهي انت علمتني ان الحياه عشان تمشي لازم نكون فاهمين بعض على الأقل ودا مش موجود بيني وبين نوح
الحج مصطفى :عليا انا... انا عارف كويس انك بتحبيه ولو حصل اي
حور بابتسامه :اه بحبه بحبه اوي لكن في مثل بيقول شاريك بس مش بايع نفسي
وانا و نوح مبقاش ينفع نكمل مع بعض
الحج مصطفى:ماشي يا حور هسيبك لحد ما تيجي و تحكيلي المهم هنرجع الغربيه بكرا
حور:معليش يا بابا انا حابه افضل هنا وخصوصا اني اتثبت في المستشفي كدكتوره رسميه مش متدربه
الحج مصطفى :واسيبك لوحدك دا مستحيل يحصل
حور:وحياتي عندك يا بابا انت عارف انا بحب الشغل اد اي وكمان الأطفال والنبي خليني هنا وبعدين انا مش لوحدي العماره فيها ناس كتير وبعدين احنا في القاهره يعني لو حصل اي حاجه لاقدر الله هلقي امه لا إله إلا الله وافق يا بابا وحياتي عندك انت عارف ان الشغل هو الحل الوحيد ليا اني ارجع لحياتي الطبيعيه
الحج مصطفى :حور مش عايز عناد انا مش هسيبك لوحدك
حور:اسمعني يا بابا انا لو رجعت الغربيه دلوقتي هكتئب و هرجع تاني لنفس قعدتي في الجنينه لوحدي و انا بقرا كتب انا خالص اتخرجت يا بابا ولازم اشتغل لان مهنه الطب مينفعش من غير ممارسه لو بتحبني وافق
الحج مصطفى :سبيني افكر يا حور
حور:ماشي يا بابا
عند نوح
كان بيشتغل وهو بيحاول يلهي نفسه وميفكرش فيها لكن افتكر حاجه قام و طلع اوضته فتح الدولاب و طلع مذكره حور و افتكر اللي حصل من مده
حور كانت بياخد شاور.. نوح دخل الجناح و سمع صوت المايه كان خارج لكن شاف المذاكره بتاعتها و كان عنده فضول يعرف فيها اي عشان حور تخبيها منه دايما
اخدها و خباها في الدولاب
بااك
طلع يقعد في البلكونه فتح المذكره و بدا يقرأ كانت تفاصيل عاديه عباره عن يومها خنا"قتها مع سلمى
لكن وقف عند تاريخ 1.1.2018
(قلبي بينبض قوي خايفه.. النهارده نوح الشرقاوي جاي القصر سمعت ان في قعدت صُلح هتم بين عيلتي و عيله الانصاري و الوسيط هو نوح الشرقاوي اخيرااا يارب راجع الغربيه كان بقاله اربع شهور في القاهره اخيرا هقدر ازوغ من ماما و اشوفه)
نوح كان بيقرأ وهو مصدوم مش فاهم
قلب صفحه تانيه
(ماما قفشتني وانا براقبهم و عقبتني اني اترجم روايه انجليزيه ليها مع ان هي عارف اني مش بحب الروايات الانجليزيه بس هي بتحبها
الصراحه مش مضايقه المهم اني شفته كان وسيم اوي دقنه طولت شويه بس الصراحه شكله جميل اوي بالدقن ياريت تفضل كدا متطولتش اوي... ااامم البليزر الزيتون كان هيليق عليه اكتر بلوفر اسود او رصاصي لكن هو كان لابس ابيض مكنش لايق عليه اوي)
نوح حس كأنه مشلول من الأفكار اللي بتدور في دماغه قلب كم صفحه
(يلللهوي سمعت ان بابا بينه وبين عيله الشرقاوي شغل وأنهم عايزين يطوروا العلاقه بينهم... وانهم عايزين يجوزوني له لالالالا معقول بابا لاحظ اعمل اي أوافق لالالا بس لازم اوفق انا.... مش عارفه)
نوح بدا يفهم و حس بمراره قلب كم صفحه كمان
(انا مخنوقه اوي.... نوح رفض الشغل اللي بين العليتن طب انا ذنبي اي.... طب ليه قلبي وجعني اوي.... انا واحده غبيه غبيه اوي انا حبيته من بعيد حبيت وجوده.... انا بحب اسمعه لما يتكلم في قعدات الصلح.... انا الغلطانه)
(سمعت انه بيجهز بفرحه وهيعمله هنا في الغربيه.... بيقولوا انه مجهز فرح كبير اوي
انا عايزه اخفي اليوم دا من حياتي حاسه اني مك"سوره اوي.... الناس بيقولوا نوح الشرقاوي رفض يتجوز بنت الغندوري و رايح يتجوز بنت تانيه في خلال ست شهور.... عمار ابن خالي طلب أيدي و انا رفضته لان مش حابه اخد قرار غلط انا مش هحب عمار)
(من يومين كان الفرح انا روحت و شفته كان باين عليه انه فرحان.... روحت اسلم على مراته معرفش ليه بس كنت حابه اك"سر قلبي عشان انساه بس هي قالت كلام وجعني جلنار قربتي عرفت اني بحبه من زمان و راحت قالتلها لان حقو"د انا سمعت كلام وجعني اوي.... انا دلوقتي مريضه سكر... مكنتش قادره استحمل كلامها وفجأه وقعت من طولي انا بجد تعبت)
نوح دموعه نزلت وهو فاهم انه السبب في كل دا هو من الاول خطط انه يعمل فرحه في الغربيه عشان يك"سرها
(انا اتخرجت من كليه الطب النهارده بامتياز فرحانه اوي يمكن دي الحاجه الحلوه اللي حصلت من مده طويله)
نوح قلب صفح كتير و فجأه وقف
(انا اتجوزته اااااه اتجوزته امبارح حصل حاجه غريبه في الفرحه.... نوح دخل ووقف المأذون و عمار اتقبض عليه هو اه صعبان عليا بس انا فرحانه بس خايفه)
جيه صفحه تاتيه
(انا بحبه بس خايفه اكر"هه لانه بارد اول مره اخاف من اختياراتي).........
وصل لآخر صفحه
(بدانا نتعامل بطريقه حلوه اوي و اهدني نتفرج على مجره درب التبانه انا بجد مبسوطه و اتمنى علاقتنا تتطور بسرعه)
قفل المذكره و حاطها ادامه وهو بيحاسب نفسه على أفعاله هو اذاها اوي
كان عايز يشوفها فجأه خطرت على باله فكره مجنونه....
