رواية تضحية حب
الفصل الثامن عشر
بقلم اسلام محمد
((احمد كان هيتجنن ويعرف مين هو الرقم المجهول احمد راح الشغل تاني يوم بعدها استأذن وراح الشركة وقال إن هو عايز يعرف الخط دها بأسم مين وقالهم الرقم وكانت المصيبة إن صاحبة الرقم سهير السيد احمد ودا اسم ام احمد طب احمد طلع وهو هيتجنن وكان ماشي ومش عارف يتصرف ازاي وقعد يكلم نفسه ويقول ))
احمد : ازاي ازاي انا هتجنن مستحيل دا يحصل امي هي اللي تعمل كدها ليه دها هي عارفة انا بحبها قد اي بس ازاي الرقم اللي كان بيكلمني صوت راجل ازاي ازاي انا هتجنن اكيد في حاجة غلط امي انا تعمل كدها ازاي وليه اصلا مهي عارفة انا كنت بحبها قد اي مفيش اي مبرر اللي هي تعمل كدها ازاي ازاي ازاي ليه يا امي كدها
((احمد طبعا مشي راح قعد في الورشة وكان شغال وسرحان جدا وكان كل ما حد يجي يساله علي حاجة يتعصب عليه لحد ما خلص شغل وهيروح ومكنش عارف هيكلم امه يقولها اي احمد روح البيت ودخل علي شقته ومدخلش اطمن علي امه ولا كلمها دخل ))
نادية : اي ياحبيبي انت جيت
احمد : ايه السؤال دها ما انا واقف قدامك اهو ولا هو غباء وخلاص
نادية : انا آسفة يا احمد مقصدش
احمد : خلاص خلاص
نادية : ماللك ياحبيبي في حاجة مضيقاك
احمد : لا مفيش
نادية : مفيش ازاي انت مش شايف وشك عامل ازاي
احمد : قولت مفيش وبعدين ماله وشي مش عجبك
نادية : خلاص يا حبيبي انا آسفة احطللك تاكل طيب
احمد : لا مش عامل
نادية : ليه انت كلت برة
احمد : في ايه انتي فتحالي تحقيق من ساعة مدخلت ايه العيشة الي تقرف ديه
((احمد دخل الاوضة ورزع الباب وطلع هدوم ودخل يستحمي وطلع لقي نادية قاعدة كانت متزوقة وقاعدة مستنياه احمد دخل لبس وراح نايم علي السرير وطفي النور ))
نادية : احمد حبيبي
احمد : خير
نادية : مش عايز نسهر مع بعض شوية
((وهي بتحضنه))
احمد : انا تعبان وعندي شغل سبيني في حالي
نادية : طب ياحبيبي قولي اي الي مضايقك مش انا مراتك حبيبتك
احمد : قولت مفيش زفت حاجة سبيني انام
((احمد نام ونادية فضلت قاعدة شوية لحد ما الباب خبط قامت تفتح كانت أم احمد ))
نادية : اهلا يا امي اتفضلي
امي : هو احمد لسة مجاش نادية : لا جيه ونايم
امي : عجيبة اومال مجاش ليه يطمني عليا
نادية : معلش بس يا امي تلاقيه تعبان شوية
امي : تعبان ماله
نادية : شوية ارهاق شوية ونام
امي : ماشي يا بنتي اسيبك علشان تنامي
نادية : طب تعالي طيب اشربي حاجة
امي : لا ياحبيبتي تسلمي
((نادية دخلت وام احمد راحت الشقة واحمد صحي من النوم بدري ونزل علي القهوة ))
القهوجي : اجبللك حاجة يا استاذ احمد
احمد : هاتلي قهوة سادة
القهوجي : عمرك ما شربتها سادة
احمد : هو في ايه انت هتحقق معايا
القهوجي : خلاص يا استاذ احمد مقصدش وعندك واحد قهوة سادة
((راح القهوجي وجاب القهوة واحمد فضل قاعد علي القهوة وبعد كدا راح علي الورشة كان محمود لسة مجاش وفضل شغال لحد ما محمود جيه كان اتأخر ساعة ))
محمود : سلام عليكم يا رجالة
احمد : ايه الي اخرك يا باشا
محمود : راحت عليا نومة بس
احمد : طب مخصوم ليك نص يوم علشان تعرف تصحي بدري تاني
محمود : ((بص لأحمد وهو مستغرب )) تمام ماشي يسطا
احمد : يلا ادخل شوف شغللك
محمود : حاضر
((دخل محمود واحمد واقف برة شغال ))
محمود : صباح الخير يا معلم
عبدة : صباح الخير يابا
محمود : في ايه ماله احمد
عبده معرفش انا جيت اصلا لقيته مش طايق نفسه
محمود : من ايه دها
عبده : الله واعلم
محمود : شوفت خصم نص يوم علي الصبح اصطباحة سودة
عبده : ياعم احمد قلبه ابيض ومش هيهون عليه يخصم حاجة دها كلام بس وخلاص
محمود : علي رأيك
احمد : هو في ايه في اليوم الاسود دها هو احنا هنقضي اليوم كلام مكل واحد يشوف شغله احنا مش قاعدين في قهوة
((محمود وعبده كانوا في قمة الدهشة لاكن علشان عارفين احمد من زمان مزعلوش منه احمد خلص شغل علي الساعة ٩وراح حاسب نبيلة وهو مروح التلفون رن ))
احمد : الو
سلمي : اي ياحبيبي عامل ايه
احمد : الحمد لله انتي عاملة ايه
سلمي : الحمدلله ايه يعني مسألتش عليا
احمد : معلش بس مضايق شوية
سلمي : من ايه بس
احمد في باله : وديه اقولها ايه ديه اقولها ان امي اللي عملت كدها
سلمي : احمد احمد
احمد : ايه يا سلمي
سلمي : ايه اللي مضايقك
احمد : الشغل بس شوية
سلمي : هانت ياحبيبي
احمد : علي ايه
سلمي : قولتللك مفاجاة
احمد : ماشي
سلمي : عايزاك تجيلي بكرة كدها علي الساعة ١٠الصبح
احمد : اجيللك فين وليه
سلمي : في الشركة ما انا الي بقيت مسكاها دلوقتي وليه دي تعرفها لما تيجي
احمد : خلاص حاضر
سلمي : ماشي ياحبيبي اسيبك بقا علشان لو هتاكل
احمد : ماشي باي
سلمي : باي
((احمد قفل وطلع ودخل علي شقته قعد ينادي ))
احمد : نادية نادية
((فتح احمد الباب بتاع الشقة وكانت نادية طالعة من عند ام احمد ))
نادية : ايه ياحبيبي انا كنت قاعدة مع ماما شوية
احمد : طب تعالي حطيلي اكل
نادية : ((مستغربة)) طب مش هتطمن علي امك
احمد : قولت تعالي حطيلي اكل
نادية : حاضر
((دخلت نادية واحمد دخل خد دش وغير هدومه ونادية حطت الاكل لأحمد وهنا احمد قال ))
احمد : مش هتاكلي
نادية : انا كلت عند ماما
احمد : يعني ايه كلتي عند ماما هو انتي معندكيش واحد جي وتاكلي معاه
نادية : لا ياحبيبي طبعا عندي جوزي وحبيبي احمد بس هي قالتلي لازم تاكلي معانا ينفع اكسفها يعني يرضيك
احمد : خلاص خلاص
نادية : وياحبييي علشان متزعلش انا هاكل معاك
((قعدت نادية واحمد كله وبعد ما خاصه قام يغسل ايده ونادية شالت الاكل احمد قعد يتفرج علي التلفزيون وكان بيتكلم مع سلمي علي الواتس وهنا الباب خبط ونادية قامت تفتح ))
نادية : اتفضلي يا ماما
امي : هو احمد نام ولا صاحي
نادية : لا صاحي يا امي
((دخلت ام احمد ))
امي : سلام عليكم
احمد : عليكم السلام
امي : في ايه يا احمد مالك
احمد : مليش يا امي
امي : ازاي مفيش دها انتا بقالك يومين مسألتش عليا دها انتا عمرك ما عملتها حتي لو فيك هم الدنيا كله كنت بتسأل عليا في ايه
احمد : مفيش يا امي حاجة قولتللك معلش بس شوية ضغط في الشغل
امي : لأ فيه ما انا لازم اعرف ما انتا ابني وانا عرفاك هو انا زعلتك في حاجة احنا أصلاً مبنتكلمش لو في حاجة زعلتك مني يبني قولي
احمد : نادية
نادية : نعم يا احمد
احمد : روحي اقعدي مع نهي وبسملة شوية
نادية : حاضر
((مشيت نادية ))
امي : قولي بقا في ايه
احمد : عايز تعرفي يا امي في ايه
امي : ياريت
احمد : حاضر ممكن اسألك سؤال
امي : اتفضل
احمد : هو انا عمري زعلتك
امي : لأ عمرها محصلت
احمد : عمري احتجتي حاجة وانا قولتللك لأ
امي : لأ طول عمرك من ساعت ما ابوك ما مات وانت مش مخلينا محتاجين حاجة
احمد : قصرت في حقك في يوم انتي او أي حد من اخواتي
امي : لا يا احمد اي لازمته الكلام دا انت طول عمرك شايلنا فوق دماغك
احمد : اومال ليه ليه يا امي عملتي كدا
امي : في ايه يبني عملت اي متفهمني
احمد : امي انا عرفت اللي انتي الرقم اللي رن عليا وقالي إن سلمي اتجوزت
امي ((هنا بلغبطة ولجلجة في الكلام )) : انا انا
احمد : ابوس ايدك يا امي متقوليش لا محصلش علشان ساعتها هزعل اكتر ما انا زعلان
امي : يا احمد استني بس هفهمك
احمد : تفهميني اي تفهميني اي يا امي دا انتي اغلي حاجة في حياتي ليه عملتي كدا ليه مفيش اي مبرر انك تعملي معايا كدها وانتي اكتر واحدة كنتي عارفة انا بحبها قد اي دها انتي لما جيتي قولتيلي اوعدني انك هتنساها قولتللك حاضر
امي : ومكنتش هتعرف
احمد : انا اصلا معرفتش انتي نفسك معرفتيش تنسي ابويا
امي : متشبهش سلمي بأبوك يا احمد ابوك عمره ما قال إنه مش عايزني
احمد : عارفة يا امي هي قالت كدها ليه
امي : ليه
احمد : علشان ابوها كان عايز يقتلني انا مش عارف بجد انتي عملتي كدها ليه خلتيني اخد إنسانة واظلمها معايا وهي ملهاش يد في أي حاجة وعلشان مزعلكيش وقولت ياض ما هي برده ليها حق تفرح بيك دا امك ومحدش هيحبك قدها وهي خايفه علي مصلحتي هههههه لاكن بعد كل دها تطلع امي هي اللي بعدتني عن الإنسانه اللي بحبها ولعلمك سلمي متجوزتش سلمي فسخت الخطوبة بتاعتها بعديها بكام اسبوع علشان مستحملتش تشوف نفسها مع حد غيري وابوها كمان مات
امي : قاعدة ساكتة
احمد : انا اسف إن كلمتك بعصبية لاكن والله العظيم عمرك ما هتتخيلي انتي وجعتيني قد ايه انا من ساعة معرفت وانا بموت وبتقطع من جوايا
امي : انا اسفه يبني سامحني
احمد : متتأسفيش يا امي انتي مهما كان امي وجزمتك فوق دماغي لاكن اما تحتاجي حاجة مني ابقا بلغي نادية بيها او حد من اخواتي لاكن انا كدها خلاص يا امي
((احمد قام نده علي نادية وقلها تشوف امه تشرب اي وهنا امه قامت وهي زعلانة علي الأخر ومشيت ونادية حاولت تعرف منه في اي لاكن احمد رفض تاني يوم احمد صحي الصبح علشان بروح معاد سلمي وكانت ام نادية قالت لناديه تيجي علشان هتروح معاها مشوار واستاذنت من احمد واحمد وافق راح احمد الشركة ودخل الشركة وراح علي مكتب سلمي وراح للسكرتارية ))
احمد : سلام عليكم
السكرتارية : عليكم اسلام اي خدمة
احمد : انا كنت عايز اقابل استاذة سلمي
السكرتارية : في ميعاد سابق
احمد : اها هي عارفة إن انا جي
السكرتارية : اقولها مين
احمد : قوليلها احمد
السكرتارية : طب ثانية واحدة
((دخلت السكرتارية وطلعت ))
السكرتارية : اتفضل يا فندم هي منتظرة سيدتك
احمد : تمام شكرا
((دخل احمد وسلمي كانت شخصية تانية خالص ))
سلمي : اهلا اهلا انا مش مصدقة انك هنا في الشركة
احمد : سلمي جو الافلام دا مش لايقك
سلمي : اي دها بجد
احمد : اها والله ههههه
سلمي ::ههههه كنت بحاول اتقمص الشخصية بس ههههه عامل اي يا احمد
احمد : الحمد لله انتي عاملة اي
سلمي : تمام الحمد لله بس ايه رأيك في المكتب
احمد : لا جميل جداً ولايق عليكي
سلمي : تسلملي يا احمد
احمد : خير قوليلي عايزاني في ايه
سلمي : وحشتني يا حبيبي
احمد : وانتي كمان وحشتيني
سلمي : بجد يا احمد
احمد : طبعا بجد انا محبتش قدك يا سلمي
سلمي : وانت تقدر كنت دبحتك
احمد : وعلي اي الطيب احسن
سلمي : بص بقا في واحد هيجي دلوقتي عايزك تنفذ طلباته بالظبط وزي ما هيقولك تعمل
احمد : واحد مين دها
سلمي : اهداا بقا هو انت لازم تسأل علي كل حاجة قول حاضر وخلاص
احمد : ماشي
السكرتارية : استاذ بدر برا وبيقول إنه عنده معاد مع حضرتك
سلمي : خليه يتفضل أهو جه أهو
بدر : ((دخل )) سلام عليكم
سلمي : عليكم السلام نورت الشركة كلها
بدر : الشركة منورة بصحبتها
سلمي : اعرفك دها استاذ بدر
احمد : اهلا وسهلا
بدر : اهلا بيك
سلمي : ودها احمد اللي كلمتك عنه
بدر : اها اهلاً بيك يا استاذ احمد
سلمي : انا عايزة الموضوع يكون خلصان في اسرع وقت ممكن
بدر : تمام حاضر انتي عارفة انا مقدرش اأخر ليكي طلب والدك كان ليه جمايل كتير عليا ولولاه هو مكنش زماني بقيت في المكانة ديه
سلمي : متقولش كدها
بدر : بص يا استاذ احمد انا كنت عايز حضرتك تجبلي الورق بتاعك وشهادة التخرج وصورة من البطاقة علشان نمشي في الإجراءات
احمد : لا ثواني بس اجراءت ايه
سلمي : قولنا قول حاضر
احمد : ماشي حاضر
بدر : اتفضل حضرتك دها الكارت بتاعي تقابلني بكرة وتديني الورق ولو تعرف النهاردة بليل يبقا ياريت
احمد : ((مسك احمد الكارت ودها كانت المفاجاة بالنسبة لأحمد ((بدر محمد عثمان مستشار بدار القضاء العالي )) ايه دها هو حضرتك مستشار
بدر : استاذة سلمي هتفهمك علي كل حاجة استأذن انا
سلمي : اتفضل شرفت
((خرج بدر ))
احمد : سلمي هو ايه دها بجد
سلمي : طبعا يا احمد انت من هنا ورابح لازم تعيش مبسوط مينفعش تزعل أبداً لازم كل الليتغ نفسك فيه هيتحقق ولازم نتجوز يا قلبي ونعيش الحلم الي كنا بنحلم بيه
احمد : بصي يا سلمي انا مقدر موقفك لاكن انتي دلوقتي بقيت صاحبة شركة واملاك وانا احمد الغلبان بتاع الورشة
سلمي : صدق زعلت منك من امتا يا احمد انا ببص لكدها
احمد : معلش متزعليش لاكن الايام بتغير وانا مش هستني لما يجي يوم وتذليني بدها
سلمي : احمد بعد اذنك متقولش كدها تاني انت احمد حبيبي اللي عرفته من الاول وعارفة ظروفه انا بحبك يا احمد وعمري ما هفكر اعمل كدها صدقني يا احمد انا بحبك ومقدرش احب حد تاني ومقدرش استحمل ان انا اكون مع حد تاني ارجوك يا احمد روح النهاردة بليل وأديله الورق انا عايزاك تكون انسان تاني خالص
احمد : حاضر ياقلبي
((خلص احمد مع سلمي بعد ما قعده شوية يضحكوا ويهزروا وازاي سلمي قدرت تتعلم الشغل بالسهولة دي وفعلاً سلمي حكتله واحمد خلص وراح الشغل استاذن من الرجالة وطلع جاب الورق والحاجة ونادية مكنتش في البيت كانت عند امها وعلي الساعة ٦ رن احمد علي استاذ بدر ))
احمد : سلام عليكم
بدر : عليكم السلام مين
احمد : انا احمد
بدر : اها اهلاً وسهلاً يا احمد
احمد : اهلا بيك انا جهزت الورق اجيبه لحضرتك
بدر : انا دلوقتي في مطعم ((وقاله اسم المطعم )) تقدر تجيلي دلوقتي ((العنوان )))
احمد : تمام ماشي مسافة السكة وهكون عند حضرتك
((قفل احمد وركب وراح للمطعم وقابل استاذ بدر ))
احمد : سلام عليكم
بدر عليكم السلام ازيك يا احمد عامل ايه
احمد : الحمد لله بخير حضرتك دها الورق اللي حضرتك قولتلي عليه اتفضل ((أداله الورق ))
بدر : وريني ((بدر راجع الورق ))لا تمام يا استاذ احمد باذن الله هكلم حضرتك بعد بكرة واقوللك علي الجديد
احمد : تمام ماشي استاذن انا
بدر : طب اقعد كل حاجة
احمد : لا شكرا عن اذنك
بدر : اتفضل
((مشي احمد وراح علي الورشة ))
احمد : سلام عليكم
عبده ومحمود : عليكم السلام
احمد : اي اخبار الشغل ايه
عبده : كله تمام امسك دها حساب الناس اللي جت استلمت الشغل
احمد : ماشي يا عبده عامل ايه يا حودة
محمود : الحمد لله
احمد : متزعلش مني حقك عليا انا بس كنت تعبان شوية
محمود : لا ازاي ما انت بقيت الاسطا ومن حقك تزعق للصبيان بتوعك
احمد : ما خلاص ياض وبعدين انته اخواتي اصلا وبعدين قولتللك كنت مخنوق ويا عم مش هخصم النص يوم اللي قولتللك عليه
محمود : لا مدام مش هتخصم يبقا كدها مفيش زعل هههه
احمد : هههه خلصانة
((قعد احمد مكمل شغل ومروح علي البيت وهو قدام الشقة رن علي نادية فا سمع صوت التلفون عند امه فا كنسل وقال يروح يطمن علي اخواته احمد راح وهو علي الباب ))
امي : مين اللي بيرن يا نادية
نادية : دها احمد يا امي
امي : مالك يا نادية
نادية ؛ خايفة اووي
امي : من ايه
نادية : لو عرف إن كنت متفقة معاكي انتي وإخواته علشان نعمل كدا مش بعيد يطلقني
امي : انا مش عارفة اعمل ايه دها زعلان مني اووي وقالي أي حاجة عايزاها اطلبيها من نادية أو بسملة ونهي أومال لو عرف إن نهي هي اللي جابت برنامج الصوت علشان نكلمه
نهي : لأ لأ مش هيعرف انا بقيت خايفة يعرف انا بحب احمد جداً ولو عرف إني عملت كدها مش بعيد ميكلمنيش تاني
بسملة : ولو عرف إن انا اللي اقترحت عليكم الفكرة يلهوي دها مش بعيد يدبحني احمد فعلاً مكنش يستاهل مننا كل دها احنا فعلاً غلطنا في حقة عمره ما عمل معانا حاجة وحشة علشان دها يكون جزائه
امي : خلاص يا بسمله : إن شاء الله مش هيعرف حاجة انا اللي هشيل الليلة كلها خلاص بقا اقفله علي الموضوع دها
((وهنا احمد كان وقاف يسمع وفاجأه فتح الباب ودخل عليهم وقال ))
