رواية تضحية حب الفصل السابع عشر

 رواية تضحية حب 

الفصل السابع عشر

بقلم اسلام محمد 

لو الفصل عجبك متنساش تعمل لايك وتعليق تشجيع وتعمل متابعة علشان يصللك كل جديد ♥️♥️

((بعد ما احمد راح مع وحمود علشان يجيبه هدية لي خطيبة محمود واخمد خده وراح علي موال كبير والمؤلف دا كان احمد متعود بيشتروا منه الحاجات الي عايزها ومحمود كان خايف ليكون الاسعار غالية لاكن فعلا راحه وجابه الهدية وفعلا طلع السعر حلو جدا وبعد ما جابه الهدية احمد ومحمود قعده يهزروا وهما ماشين في المول وفاجاة احمد خلص في شخص وكان المفاجاة إن الشخص دا هو سلمي وبعد ما سلمه علي بعض واحمد عزا سلمي في ابوها وهي سالته عرفت منين  ))

احمد : قرائت الخبر في الجرنان

سلمي : اها حياتك البقية يا احمد وعامل اي في حياتك 

احمد : الحمد لله اتجوزت 

سلمي : ((بحزن )) اتجوزت الف مبروك 

احمد : وانتي اخبار جوزك اي 

سلمي : جوزي ؟ جوزي مين 

احمد : ماجد 

سلمي : انا متحوزتش خالص انا وماجد سبنا بعض بعد خطوبتها بي اسبوعين

احمد : ازاي انتي بتقولي اي 

سلمي : بقوللك انا وماجد سبنا بعض بعد الخطوبة با اسبوعين ومتحوزتش ولا حصل اي حاجة 

احمد : ازاي لاكن انتي كنتي بتحبيه وقولتيله كدا وفي شخص كلمني وقالي الي انتي اتجوزتي من ماجد 

سلمي : موضوع إن قولتلك إن بحبه دا موضوع كبير لاكن اي حكاية  الشخص الي كلمك دا 

احمد : معرفش 

سلمي : طب عندك استعداد نقعد نتكلم مع بعض شوية في اي كافيه 

احمد : ماشي 

محمود : طب استاذن انا بقا ياعم احمد علشان الحق ادي الهدية 

احمد : ماشي ياباشا مع السلامة 

((مشي محمود واحمد وسلمي دخله الكافيه الي في المول قعده سلمي هنا قالت ))

سلمي : اي بقا مسن الي اتصل بيك وقاللك إن اتجوزت 

احمد : معرفش دا كان واحد بيقول فاعل خير تلاقيه ابوكي او امك 

سلمي : لا بابا كان موضوعك منتهي معاه خالص وكان عارف ان انا وانت خلاص كدا وهو استجدعك بعد ما عرضك عليك تاخد فلوس وانت رفضت وامي اصلا سافرت بعد خطوبتي بي اسبوع يمكن قبل ما تسبب ماجد 

احمد : ازاي اومال مين اللي هيكون كلمني اللي كلمني دا عايز يوقع بيني وبينك ومحدش كنت اعرفه عايز يوقع بيني وبينك غير ابوكي 

سلمي : معرفش والله يا احمد لاكن صدقني انا وماجد علاقتنا انتهت بعد الخطوبة بي اسبوعين 

احمد : طب ما كلمتنيش ليه اها صح انا اسف انا نسيت ان سيدتك خلاص ما بقتيش تحبيني وبقيت تحبي ماجد مجودة

سلمي : انا يا احمد انت متعرفش الي انا كنت فيه علشان احكم عليا بي كدا انا عمري ما حبيت ماجد ولا فكرت احب حد بعدك يا احمد انت حب الوحيد في الدنيا دي 

احمد : سلمي انتي بتكلمي بجد 

سلمي : اه والله يا احمد 

احمد : اومال قولتيلي كدا ليه ليه خلتيني ابعد وقولتيلي انك بتحبي ماجد ليه 

سلمي : علشان بحبك يا احمد علشان محدش ترتاح بدل ما انا مسباللك مشاكل علشان مش عايزك كل شوية بابا ياذيك بسببي  

احمد : سلمي انا مش فاهم حاجة ارجوكي واحدة واحدة وفهميني 

سلمي : هقوللك يا احمد فاكر لما قعدت فترة كنت قافلة التلفون ومكنتش برد وبردوا لما فتحت التلفون مكنتش برد وساعات كنت بكنسل عليك 

احمد : اها 

سلمي : ساعتها بابا اول لما دخلت وخدني مني التلفون ومفاتيح العربية وحبسني في الاوضة وقالي لو مكنتش هتوافقي علي ماجد مفيش عربيات ومفيش تليفونات 

احمد : يعني عايزة تفهميني انك اختارتي العربية والتلفون نسيتيني انا 

سلمي : ((وهي بتضحك )) احمد انت بتهزر انت تعرف عني كدا لا طبعا انا عمري ما كنت مادية بعد ما فات كام يوم وانا كنت منعة الاكل وفات اسبوع وابويا شايف إن انا مش هتنزل هنا دخل عليا الاوضة وقالي ))

               ((فلاش باك ))

ابو سلمي : عاملة اي يا بنتي 

سلمي : ((ساكتة ))

ابو سلمي : اي دا انتي لسة مكلتيش مش هينفع يابنتي كل يوم علي كدا 

سلمي : ((ساكتة))

ابو سلمي : خلاص انتي حرة انا مش عايزك تاكلي كويس برضوا علشان تخسي شوية 

سلمي :  ((بصتله اووي وساكنة))

ابو سلمي : طب انا جي اعرف منك حاجة واحدة 

سلمي : نعم 

ابو سلمي : فكرتي في الموضوع بتاع ماجد وانك تبعدي عن الواد الزفت دا الي اسمه احمد 

سلمي : انا بحب احمد ومش هبعد عنه ابدا حتي لو هموت

ابو سلمي : هههههه لا طبعا هو في اي يقتل بنته ((وهنا قال بي بعصبية وغضب )) انا هقتله هو وهسمعك خبرة قريب اووي 

((وهنا ابو سلمي جيه طالع من الاوضة  وهنا سلمي قامت جري ومسكن ايد ابوها وقعدت تعيط وتقوله ))

سلمي  : ابوس ايدك يابابا اعمل فيا اي حاجة لاكن ملكش دعوة احمد

ابو سلمي : انتي بنتي انا مقدرش اعمل فيكي حاجة لاكن هو الي من ساعت مادخل البيت دا وهو خلانا نتفرق وخلاكي تعصيني

سلمي : والنبي يا بابا بلاش تعمله حاجة والنبي 

ابو سلمي : يعني انتي مش عايزاني اقتله 

سلمي : لا والنبي 

ابو سلمي : تمام بس علي شرط 

سلمي : اي هو 

ابو سلمي : تكلمي احمد وتقوليله انك مش عايزاه وتوافقي علي ماجد 

سلمي : بس يا بابا انا بحب احمد ومش هقدر اقله كدا 

ابو سلمي : تمام حلو انا بقول بردوا لنا يموت هتحبيه اكتر 

سلمي : لا يا بابا خلاص والنبي 

ابو سلمي : اي موافقة 

سلمي : ((وهنا سلمي باصة في الارض  وعنيها بتبكي وقلبها بيتقطع ))

اها يا بابا موافقة 

ابو سلمي : ايوا كدا هي دي بنتي الي بحبها الي بتنفذ كلام ابوها

((واداني المفاتيح بتاعت العربية والتلفون والفيزا بتاعتي )) وبعد ما قعدت يومين بحاول اجمع هقولهاللك ازاي وكان لازم إبان قدامك جاحدة علشان تنسي كلمتك وقولتللك إن لازم نبعد وان ما بحبكش وساعت ما جيت الفيلا وشوفتني مع ماجد وانت اليوم دا هزقتني ساعت ما بابا عرض عليك الفلوس كان في الوقت دا نفسي توافق والحد الفلوس علشان ارتاح شوية وبابا كان عايز يثبتلي إن كله بي الفلوس وان الفلوس دي هتخليك تنساني ولما انت رفضت كنت بتقطع بس وبعد ما بابا اطمن ان خلاص ما بقاش في امل لي رجوعي انا وانت تاني بعدين قلت لي بابا إن مش عايز اكمل وهو قالي ان هو موافق ومش هيقف قدامي بس لو كلمتي احمد تاني هنقذ الي قولت عليه وساعتها مكنتش اقدر اكلمك علشان كنت خائفة عليك ))

احمد : ياااه انتي عملتي كل دا وانا الي افتكرت انك اختارتي الفلوس وبعتيني 

سلمي : ومن امتا يا احمد جيت في يوم واخترت الفلوس ودائما كنت انت اختياري لاكن مكنشي بي ايدي حاجة اعملها 

احمد : يعني انت لسة بتحبيني يا سلمي 

سلمي : احمد مالهوش لزوم الكلام دا دلوقتي انت دلوقتي بقيت راجل متجوز 

احمد : انا اتجوزت لما عرفت ان انتي خلاص اتجوزتي وقولت خلاص مدام هي بعتني لازم انشي لاكن مقدرش دايما كنتي قدام عيوني لاكن خلاص لازم كل الكلام دا يتصلح ونرجع انا وانتي تاني مع بعض ولا مش عايزة 

سلمي : بقا دا سؤال يا احمد دا طول حياتي بتمناء اني ابقا معاك لاكن ازاي 

احمد : نتجوز انا وانتي 

سلمي : طب ومرانك 

احمد : مقدرش اطلقها مهما كان بنت غلبانة وبتحبني وعمرها ما عملت حاجة تزعلني ووقفت معايا في حاجات وانتي عارفة ما بقدرش انخلي عن حد كان معايا 

سلمي : عارفة يا احمد وانا موافقة بس علي شرط 

احمد : اي هو 

سلمي : انك تعرفهم مراتك وإهللك 

احمد : بس كدا وانا موافق انتي وحشتيني جدا جدا جدا 

سلمي : وانت كمان والله وحشتني اووي 

((وخلص احمد الكلام مع سلمي وسلمي روحت واحمد كان طاير من الفرحة ان خلاص ما بقاش فيه حاجة واقفة قدام ساعدته وان ربنا هيجمعه بي سلمي حب عمره لاكن كان في دماغه إن ازاي هيقول لي سلمي وامه وإخواته دا لسة متجوز مبقلهوش كام شهر بس كان في موضوع تاني شاغل دماغه وهو مين الي رن عليه مين هو الرقم المجهول الي قاله إن سلمي اتجوزت احمد روح البيت ودخل كانت نادية نائمة علي الكنبة))

احمد : نادية نادية 

نادية : ها احمد 

احمد : اي الي نيمك هنا 

نادية : كنت مستنياك ياحبيبي علشان احضرللك الاكل لاكن لقيتك اتاخرت انت كنت فين 

احمد : كنت في مشوار مع محمود علشان كنا بنجيب حاجة ليه بعد كدا كنت بتمشاء شوية 

نادية : في حاجة مزعلاك 

احمد : لا ياحبيبتي يلا علشان ننام 

نادية  : مش هتاكل

احمد : لا مش جعان عايز انام علشان عندي شغل الصبح 

نادية : ماشي ياحبيبي يلا 

((دخل احمد ونادية وامه وتاني يوم احمد صحي وفات علي امه وإخوانه اطمن عليهم ونزل اول لما نزل رن علي سلمي ))

احمد : إلو 

سلمي : الو صباح الخير يا احمد 

احمد : صباح النور ياقلب احمد عاملة اي 

سلمي : الحمد لله انت عامل اي طمني عليك 

احمد : انا مش مصدق نفسي من امبارح مبسوط جدا ان شوفتك تاني وخلاص في اقرب وقت هتكون مع بعض 

سلمي : وانا كمان يا قلبي مبسوطة بس الحمد لله ربنا كان عايز كدا 

احمد : الحمد لله 

سلمي : قولي كدا انت رايح فين 

احمد : رايح الشغل 

سلمي : شغل اي 

احمد : الورشة انتي نسيتي 

سلمي : لا بس اقتكرتك اشتغلت حاجة تانية بس علي العموم عادي بكرة هعمللك مفاجاة جميلة جدا 

احمد : اي هي 

سلمي : تبقاء مفاجاة ازاي لو قولتللك عليها 

احمد : خلاص ماشي مع اني مبحبش المفاجآت 

سلمي : ماشي ههههه

احمد : يلا انا هقفل علشان داخل الشغل 

سلمي : ماشي باي 

احمد : باي 

((دخل احمد الورشة وصبح علي الرجالة وكان عمال بهزر مع محمود بخصوص الهدية بعد كدا استاذن من الشغل علشان كان الموضوع بتاع الراجل الي كلمه فاعل خير مسيطر عليه جدا وراح فرع اتصالات علشان يسال علي الرقم دخل احمد الفرع وقابل شخص من خدمة العملاء وقاله ))

احمد : سلام عليكم 

خدمة العملاء : تحت امرك يا فندم 

احمد : انا كان واحد صحبي مشتري خط وكان عايز يعرف هو متسجل بي اسم مين بس علشان عايز يبدله بي شريحة تانية 

خدمة العملاء : تمام يافندم ممكن الرقم 

احمد : 011(( قال الرقم ))

خدمة العملاء: اها يا فندم هو اسم واحدة اسمها سهير السيد احمد 

احمد : ازاي انتي متاكدة

خدمة العملاء : اهو والله يا فندم 

احمد : تمام شكرا 

((احمد طلع وهو ماشي وبيكلم نفسه ))

احمد : ازاي ازاي انا هتجنن مستحيل دا يحصل امي هي الي تعمل كدا ليه دا هي عارفة ان    ا بحبها قد اي بس ازاي الرقم الي كان بيكلمني صوت راجل ازاي ازاي انا هتجنن اكيد في حاجة غلط 

                            الفصل الثامن عشر من هنا 

تعديل المقال