((رواية تضحية حب ))
بقلم اسلام محمد
الفصل السادس
((لبست ونزلت وانا ماشي لقيت عربية بتزمرلي ببص ورايا اشوف مين هنا كانت المفاجاة ))
ببص ورايا اشوف مين الي في العربية كانت سلمي وقفت لقيت سلمي نزلت جيت امشي لقيتها بتنادي عليا ))
سلمي : احمد احمد
وقفت
سلمي : احمد انت مش بترد عليا ليه
احمد : نعم يا سلمي عايزة اي
سلمي : اي الطريقة دي يا احمد ماللك
احمد : مليش
سلمي : لا فيه يا احمد وقافل تلفونك ليه كل ما ارن عليك بديني ماللك في اي يا احمد انت كنت فين الفترة دي
احمد : هههههه يعني الهانم متعرفش
سلمي : باستغراب هانم ؟ لا يا احمد معرفش اومال انا جي ليه عايز اعرف كنت مختفي فين
احمد : ابقا اسالي الباشا ابوكي
سلمي : يابا ماله بابا
احمد : اسالي بابا كنت فين
سلمي : في اي يا احمد الالغاز دي ما تتكلم وتقول كنت فين
احمد : كنت في القسم
سلمي : بي اندهاش كبير قسم اي يا احمد
احمد : ابقا اسالي ابوكي
سلمي : يا احمد انا بجد مش فاهمة حاجة ممكن تركب نقعد في اي حتي ونتكلم
احمد : لا
سلمي : علشان خاطري يا احمد
احمد : ماشي
سلمي : اركب
((احمد ركب وطول ما هما في الطريق احمد ما تكلمش وصله كافيه ونزله وقعده ))
سلمي : في اي بقا كنت في القسم ليه وكنت بتعمل اي وبابا اي علاقته بي الموضوع واي الطريقة الي بتكلمني بيها دي
احمد : ابوكي الي كان حبسني
سلمي : بابا ؟ وبابا هيعمل كدا ليه يا احمد
احمد : علشان عايزني ابعد عنك
سلمي : في اي يا احمد ازاي واخر مرة انت كنت عندنا بابا كان موافق عليك وكان مبسوط بيك
احمد : لا كل دا طلع صورة بس علشان يضحك عليا
سلمي : مستحيل بابا يعمل كدا
احمد : ابقا اساليه
سلمي : طب والكلام دا حصل ازاي
احمد : ابوكي بعت واحدة في الورشة الي انا شغال فيها طلبت من الاسطا بتاعي شغل رحت علشان اعمل الشغل دا طلعت شقة دعارة والبوليس دخل وقبض علينا بعد كدا بعتلي رشدي باشا الي كنتي جيباه علشان يعيني في النيابة
سلمي : رشدي ماله بي الموضوع دا
احمد : طلع كان شغال مع ابوكي وهو الي كان همزة الوصل بيني وبين ابوكي وكان بيهددني لاما ابعد عنك لاما هيحبسني ويقتل امي بي حقنة هوا
سلمي : ازاي بابا يعمل كدا مستحيل بابا مش وحش اووي كدا
احمد : لا ابوكي اوحش من كدا
سلمي : انا مش قادرة اصدق
احمد : لا صدقي وهو عندك اهو تقدري تروحي اسابيع
سلمي : طب وانا ذنبي اي يا احمد تعملني بي الطريقة دي انا بحبك يا احمد وانت عارف كدا كويس ومقدرش اتخيل حياتي مع حد تاني
احمد : وانتي عارفة يا سلمي إني بحبك ومقدرش استغني عنك بس اعمل اي ابوكي لو مبعدتش عنك هياذيتي
(( في الوقت دا يجي الجرسون ))
الجرسون : اهلا وسهلا يا فندم اجيب لي حضرتكم حاجة
احمد : قهوة مظبوط
سلمي : خليهم اتنين قهوة مظبوط
احمد : هنا ابتسم
الجرسون : تحت امركم يا فندم
سلمي : كنا بنقول اي
احمد : كنا بنقول الي انا كمان بحبك ومقدرش اعيش من غيرك بس ابوكي لو مبعدتش عنك هياذيني
سلمي : وانا يا احمد هتسبني
احمد : هو انتي فاكرها بي الساهل قوليلي اعمل اي قوليلي حل واحد
سلمي : نتكلم مع بابا
احمد : اتكلم معاه اقوله اي بقوللك كان هيحبسني ويقتل امي
سلمي : بدات تعيط
احمد : سلمي سلمي خلاص متعيطش اكيد هتلاقي حل
سلمي : بجد يا احمد
احمد : اها بجد يا قلب احمد
ومسك احمد المنديل واداه لي سلمي
احمد : امسحي دموعك دي دي غالية عندي اووي
سلمي تمسح دموعها : طب وانا غالية
احمد : دا انتي اغلي الغالين والله انا بحبك اووي ياسلمي
سلمي : وانا كمان بحبك اووي يا احمد
احمد : طب هنعمل اي مع ابوكي
سلمي : مش عارفة
احمد وسلمي يسكنه شوية ويجي الجزيره وينزل الحاجة
احمد : شكرا
الجرسون : العفو يافندم
ولسة ساكتين وهنا سلمي تتكلم
سلمي : احمد
احمد : نعم يا سلمي
سلمي : ما تيجي نهرب
احمد : هههه يا سلام واجيللك راكب حصان واخدك عليه ونمشي ونروح جزيرة تانية والله صدقي فكره
سلمي : هههه يا احمد انا بتكلم جد
احمد : طب ونروح فين وامي واخواتي اسيبهم لي مين دول ملهمش حد غيري
سلمي : ناخدهم معانا
احمد : هههه يابنتي بطلي بقا عقل الطفلة الي فيكي دا وفكري بي عقل سلمي العقلة هههه
سلمي : ما تيجي نتجوز ونحط بابا قدام الامر الواقع
احمد : اها فعلا ونعمل زي فلم نيلي كريم وتيجي تاخدي السن قبل كتب الكتاب وانا احب اديلوا القسيمة ههههه
سلمي : ههههه دا انت بارد كل ما اقوللك علي حاجة تهدر
احمد : لا يابت وانتي الي بتكلمي جد دا انتي شايفة كام فلم وجبة تطلعيهم عليا
سلمي : طب ما انا مش عارفة اعمل اي
((وهنا وفاجاة وعلي غير المتوقع ))
ابو سلمي : انا اقوللك تعملي اي
سلمي : بابا
ابو سلمي : هو انا مش حذرتك ما تتكلمش معاها تاني لاكن الواضح الي انت الكلام مش بينفع معاكي
سلمي : يا بابا
ابو سلمي : امشي روحي علي العربية استنييني هناك وحسابنا لما نروح
سلمي : يابابا قولت امشي
((وهنا سلمي تنظر لي احمد وتمشي تروح علي العربية واحمد في غاية الخزن يمكن كان عايزاه تقول لا يابابا انا هفضل معاه وانا بحبه يمكن عايز يحس ان هو بيتحارب عليه مش الراجل بس الي لازم يحارب ))
ابو سلمي : اخر تحزير ليك لو اتكلمت مع بنتي تاني انا همسحك من علي وجه الكون
احمد : حاضر بس ممكن اطلب من حضرتك طلب
ابو سلمي : قول انجز عايز اي
احمد : تقعد اتكلم معاك
ابو سلمي : احنا مفيش بينا كلام الموضوع منتهي
احمد : طب حضرتك اقعد اسمعني لي اخر مرة مش هتخسر حاجة
ابو سلمي : اتفضل اقعد
احمد : طب حضرتك عملت فيا كل الي عملته دا وانا متكلمتش دخلتني السجن وهددتني بي قتل إمي وكل دا علشان ابعد عن بنتك صح
ابو سلمي : اها صح
احمد : طب ممكن اسالك سؤال
ابو سلمي : اتفضل
احمد : طب ليه ما خلتهاش هي تبعد ؟
ابو سلمي : علشان عبيطة ومش فائقة لي نفسها وعايشة في دور الحب والكلام الفاضي دا
احمد : عمر الحب ما كان كلام فاضي الحب لو مكنش يبني ميهدش الحب دايما بيعمر مدام طالع من القلب الحب هو عبارة مستقبل حياة بنعشها عايزين نستمر فيها الحب دايما ومكانة دايما اي اتنين بسحبه بعض تلاقيه قلبهم علي بعض نفسهم يعملوا اي حاجة علشان يسعدوا بعض ويكونوا مع بعض الحب عمره ما كان كلام فاضي مش معنة إن فيه بتلعب بي اسم الحب وبتصنع منه كلام واوهام يبقا كل الناس كدا قلب الراجل لما بيحب مش بيهد الراجل ليبني بيكون اب واخ وصديق بيكون ليها حياة لو بعدت عنه تبقا عاملة زي العيلة التيها الي مش بتعرف تتحرك غير وهي مع ابوها
ابو سلمي : الكلام والخطب بتاعتك دي ملهاش لازمة
احمد : دا مش خطب ولا كلام دي الحقيقة انا بحب بنتك وبنتك بتحبني ليه انت عايز تفرق ما بنا لعلمللك عمرها ما هتقدر تنساني ولا هتقدر تبعد عني مهما عملت وصدقني انت الي هتطلع خسران
ابو سلمي : الكلام انتهي واخر حاجة ليك هقولهاللك ابعد عن بنتي علشان المرة الجاية متلمش غير نفسك
(( وهنا مشي الباشا واحمد قعد شوية بعد كدا مشي ))
((فيلا بتاعت سلمي ))
سلمي روحت بعد ما ابوها قلها تروح علي العربية ودخلت علي الاوضة بتاعتها وبعد ما ابو سامي خلص مع احمد راح علي الفيلا ودخل ))
السفرجي: اهلا سعادة الباشا
ابو سلمي : سلمي فين
السفرجي : جت من شوية ودخلت علي الاوضة بتاعتها
ابو سلمي : ماشي روح انت
(( ابو سلمي طلع ودخل علي اوضة سلمي وفتح الباب))
ابو سلمي : هي كلمة وهي هقولها تاني الواد دا انا مش عايزك تقبليه تاني دا واد صايع طمعان في فلوسك دا مش بيحبك
سلمي : يابابا انت فاهم غلط احمد انسان محترم وبيحبني وعمره ما بص لي الفلوس والكلام دا
ابو سلمي : حب اي يابنتي دا عيل زبالة مفيش حاجة اسمها حب وهي آخر كلمة الواد دا انا مش عايزك تقبليه تاني
سلمي : يابابا
ابو سلمي : مفيش كلام
((ابو سلمي خرج من الاوضة وهنا سلمي خدت التلفون رحت ترن علي امها))
معلومة * ابو سلمي وامها منفصلين من اكتر من سنتين وابوها كان منعها إن هي تكلم امها وامها كانت مسافرة امريكا وكانت عائشة هناك ))
سلمي هنا رنت علي امها :
سلمي : إلو يا ماما
ام سلمي : ازيك سوما كدا ياحبيبتي كل دا متكلميش ماما ولا تسالي عليها
سلمي : معلش يا ماما انتي عارفة بابا كان محرج عليا إن اكلمك
ام سلمي : عارفة يا سوما ولا يهمك ياحبيبتي بس هو الي قاللك تكلميني
سلمي : لا يا ماما هو مبعرفش إن بكلمك انا بكلمك علشان محتجاكي اوي يا ماما
ام سلمي : ماللك يا سوما في اي
سلمي : بابا عايز يحوزني بي العافية
ام سلمي : اي دا لا طبعا مفيش حاجة اسمها بي العافية
سلمي : والله يا ماما
ام سلمي : مين هو دا
سلمي : ابن شريكه في الشغل
ام سلمي : اها ابنه ماجد دا ولد جميل جدا يا سلمي
سلمي : يا ماما انا مش بحبه
ام سلمي : طب قوليلي في حد تاني
سلمي : اها يا ماما فيه
إم سلمي : مين يا سوما
سلمي : احمد يا ماما
إم سلمي : احمد مين
سلمي : احمد دا كان زميلي في الكلية وهو بيحبني اووي
إم سلمي : طب هو ابن مين
سلمي : لا ياماما احمد واحد غلبان ومن اسرة علي قد حالهم لاكن هو والله محترم اووي
ام سلمي : هههههه يعني ياحبيبتي عايزة تسيبي ماجد وتجوزي دا
سلمي : اها يا ماما
ام سلمي : خلاص يا حبيبتي انا جيه بعد اسبوع ولما اجي هحاول اتكلم مع ابوكي لاكن لازم اشوف احمد دا الاول
سلمي : حاضر يا ماما والله احمد هتحبيه جدا هو ولد محترم اووي
ام سلمي : هههه حاضر ياحبيبتي اول لما اجي هكلمك
سلمي : ماشي يا ماما
ام سلمي : باي ياقلبي
سلمي : باي يا ماما
((وهنا قفلت سلمي ))
((نرجع لي احمد ))
احمد بعد ما خل مع ابو سلمي راح فهد يدور علي شغل بس ملقاش وروح هنا علي البيت وهي عمالة تقفل من كل ناحية وهو مش عارف يعمل اي وهو ماشي روح البيت وفتح ودخل ))
امي : اي يا احمد اتاخرت كدا ليه
احمد : معلش يا امي كنت بدور علي شغل وكمان قبلت سلمي
امي : قبلت سلمي طب وقالتللك اي وحصل اي
احمد : قالت إن هي بتحبني ومش هتقدر تبعد وعايز تفضل معايا
امي : حلو ياحبيبي والله دي بنت خلال
احمد : ما هو كان حلو لحد ما حصل حاجة خلاها مش حلو
امي : حصل اي يابني
احمد : ابوها لقيته داخل علينا وزعق فيها وهددني إن لو مبعدتش عنها هياذيني
امي : دا امها دا راجل مفتري
احمد : اه والله يا امي
امي : معلش يابني بكرة ربنا يعدلها
احمد : يارب. يا امي انا هدخل انام شوية بعد كدا هصحي انزل شوية
امي : ماشي ياحبيبي ربنا يرزقك ياحبيبي ويوسع عليك وينولك الي في باللك ويعطيك ما ياخد منك ويبعد عنك ولاد الحرام
احمد : يارب ياست الكل ربنا يسمع منك يارب
((ونزل احمد باس علي دماغ امه وايدها))
احمد : انا هدخل يا امي انام عايزة حاجة
امي : سلامتك ياحبيبي
((وهنا احمد دخل الاوضة ولسة هيغير هدومه لقا الباب بيخبط ))
احمد : مين
بسملة : انا ياحبيبي
احمد : تعالي ياحبيبتي
بسملة : انت جيت
احمد : اها ياحبيبتي وهنام
بسملة : ماشي ياحبيبي اسيبك انا
احمد : ماشي ياحبيبتي
((وهنا بسملة جت تخرج لاكن رجعت تاني وقالت ))
بسملة : يا احمد
احمد : نعم ياحبيبتي
بسملة : هو انت لقيت شغل
احمد : لا يا بسملة ربنا يبعت
بسملة : خلاص ماشي يارب
احمد : خدي هنا
بسملة : نعم
احمد : انتي كنتي عايزة اي
بسملة : لا ما خلاص مش عايزة حاجة
احمد : يابت قولي باين عليكي
بسملة : كنت عايزة فلوس للدرس بس خلاص بقا مش لازم
احمد : ياحبيبتي الي تقوليه تطلبيه علطول هو انتوا ليكوا غيري
بسملة : ربنا يخليك يا حمادة
احمد : امسكي ياحبيبتي
((ادها احمد الفلوس ))
بسملة : شكرا ياحبيبي
احمد : انا داخل انام بقا
بسملة : ماشي مش محتاج التي قول قول متكسفش هههه
احمد : هههه اها عايز فلوس الدرس
بسملة : هههه
انتظروا الفصل السابع
الفصل السابع
(( بعد ما احمد اعطاء الفلوس لي بسملة اخته وقعده يهزروا شوية احمد نام وصحي علي مكالمة سلمي ))
احمد : الو
سلمي : الو ياحبيبي
احمد : اي يا سلمي عاملة اي
سلمي : بخير وانت
احمد : الحمد لله
سلمي : بابا قاللك اي
احمد : قالي اخر مرة لو مبعدتش عن سلمي هياذيني
سلمي : طب وانت ناوي تعمل اي
احمد : مش عارف
سلمي : طب هو جيه البيت واتخانق معايا ومنعني إن اكلمك
احمد : وبعدين هنعمل اي
سلمي : انا كلمت ماما وحكتلها عنك وقالتلي إن هي جاية بعد اسبوع وهتكلم بابا في موضعنا بس عايزة تشوفك الاول
احمد : تشوفني انا
سلمي : اها يااحمد
احمد : ليه
سلمي : علشان تتعرف عليك وتشوف انك بتحبني ولا لا
احمد : خلاص ماشي يارب بس تعرف تتعامل مع ابوكي
سلمي : باذن الله
احمد : تخيلي إن ممكن مامتك تاثر علي ابوكي
سلمي : ممكن ليه لا
احمد : مش عارف بس هما منفصلين من فترة وابوكي مش هيتقبل كلامها
سلمي : لا لا ماما شاطرة جدا ان هي تقنع اي حد
احمد : ياريت يا سلمي ياريت
سلمي : باذن الله ياحبيبي متقلقش
((وهنا سلمي دخل عليها ابوها ))
سلمي : طب هكلمك شوية كدا ياسارة
احمد : ههه حاضر
سلام
سلمي : سلام
ابو سلمي : عاملة اي يا سلمي
سلمي : الحمد لله
ابو سلمي : مش هتاكلي
سلمي : لا
ابو سلمي : هو انتي زعلانة ياحبيبتي انا والله خايف عليكي الواد الي زي احمد دا مش هيعرف يسعدك
سلمي : لا يابابا هيقدر
ابو سلمي : ياحبيبتي دا واحد مش لاقي ياكل هياكللك منين
سلمي : هناكل اي حاجة
ابو سلمي : وليه ياحبيبتي تقبلي انك تعيشي مع واحد يتعبك وفي الي يقدر يريحك ولد مثقف وابن ناس ومحترم
سلمي : لا يابابا انا غاوية تعب
ابو سلمي بعصبية : طب انا غلطان إن جي اتكلمي معاكي ويكون في علمك اول ما ماجد يرجع من السفر هتتخطبوا علطول مفهوم
سلمي : يابابا افهمني
ابو سلمي : مفيش تفاهم هتقومي تاكلي ولا لا
سلمي : لا
ابو سلمي : إن شاء الله عنك ما كلتي
((خرج ابو سلمي وسلمي قعدت زعلانة ))
واحمد هنا صحي وطلع برا الاوضة ))
امي : صح النوم ملحقتش يعني تنام
احمد : اصل صحيت علي تلفون من سلمي بتقول إن امها جاية بعد اسبوع وعايزة تقعد معايا وهي هتقدر تقنع ابوها
امي : يابني مش انت قولتلي إن هما مطلقين
احمد : اها يا امي دا هي عايشة في امريكا اصلا
امي : ربنا يهدي الحال يابني
احمد : طب انا هنزل المشي شوية يمكن ربنا يبعت
امي : روح يابني ربنا معاك يارب ويرزقك بي رزقنا
احمد : والله يا امي انا معايش غير بي دعواتك الحلوة
امي : ربنا يخليك ليا يابني
احمد : ويخليكي ليا ياست الكل انا هنزل يا امي
امي : سلام ياحبيبي
((وهنا احمد نزل وقال يقعد علي القهوة شوية ))
القهوجي : اجيللك حاجة يا استاذ احمد
احمد : هات واحد شاي
القهوجي : من عيوني
احمد : تسلم
((وهنا دخل الاسطا ))
الاسطا : خليهم اتنين شاي
القهوجي : حاضر
احمد : قاعد زعلان
الاسطا : حمد لله علي سلامتك يا احمد
احمد : ههههه الله يسلمك يا ابو الواجب
الاسطا : انا عارف يا احمد انك زعلان
احمد : لا لا وهزعل من اي
الاسطا : حقك عليا يا احمد بس والله غظب عني
احمد : غصب عنك تشهد ضدي غصب عنك تتبلا عليا غصب عنك كنت هضيع مستقبلي ومستقبل اخواتي غصب عنك تخون العيش والملح غصب عنك اي دا انت كنت بتديني الورشة وعمري ماخنتك في جنية طول عمري براعي ربنا معاك بتديني اقل من الي بياخده اقل صنايعي بقول ياض استحمل عادي وفيها اي ما هو الي معلمك بتيجي عليا وبتديني شغل اكتر من الي موجود وبقول عادي ما هو واخدك زي ابنه مفهاش حاجة ياجدع دا انت كنت بتخليني اوصل حاجات لي البيت عمري ما عيني ارتفعت علي حد من حريمك ولا علي بناتك غصب عنك لما امي راحت المستشفي بسببك وكانت بين الحياة والموت ليه حرام عليك دا انا عمري ما عملت معاك حاجة وحشة ليه تعمل معايا كدا ليه
الاسطا : غظب عني غظب عني والله يا احمد دول هددوني بي قتل بناتي لو مكنتش انفذ الي هما عايزينه
احمد : وعلشان خاطر تحمي بناتك تدمرني انا وتقضي علي مستقبلي انا واخواتي مفقرتش لو انا كنت اتحبست كان اخواتي دول هيعيشوا ازاي كان مين هيصرف عليهم ومين هيخلي بالهم منهم دا ملهمش حد غيري
الاسطا هنا يبكي بي الدموع : حقك عليا يا احمد اقسم بالله يابني ما كان قصدي والله العظيم كلت غظب عني سمحني يا احمد سمحني
وهنا الاسطا قام يبوس علي راس احمد وعلي ايده
احمد : لا لا يسطا انت اها اذنتي لاكن انا ميرضنيش انك تبوس علي ايدي انت مهما كان خيرك عليا
الاسطا : والله يابني والله انا كنت بموت وهما ضغطه عليا حقك عليا
احمد : لا حقك ولا حاجة يسطا المسامح كريم ربنا بقا يسمحك
الاسطا : يعني انت مش زعلان
احمد : لا خلاص المسامح كريم
الاسطا : طب مش ناوي بقا ترجع الشغل تاني الورشة ملهاش لازمة من غيرك
احمد : لا يسطا احنا حلوين اووي كدا
الاسطا : يبقا لسة زعلان
احمد : والله ما زعلان
الاسطا : خلاص يبقا ارجع الشعل
احمد : صدقني مش هقدر اشتغل انا وانت في مكان واحد حقك عليا
الاسطا : علي راحتك يا احمد بس الورشة مفتوحة في اي وقت دي ورشتك اي وقت عايز تيجي مكانك موجود
احمد : كتر خيرك يسطا
الاسطا : استاذن انا
احمد : اذنك معاك
((بعد ما الاسطا مشي احمد شرب الشاي وكانت الساعة ١١طلع نام وفات اسبوع علي الحال دا واحمد مش لاقي شغل لحد ما في يوم صحي علي صوتي التلفون ))
احمد : الو
سلمي : الو ياحبيبي عامل اي
احمد : الحمد لله يا سلمي انتي عاملة اي
سلمي : انا كويسة جدا جدا
احمد : دايما يارب بس اي سبب الفرحة دي كلها
سلمي : ماما جت وعايزة تشوفك
احمد : اي دا بجد امتا وفين
سلمي : بص هي لسة واصلة من ساعة واول ما جت كلمتني وعايزة تشوفك وقالتلي اجيبك واروحلها علي البيت اي رايك
احمد : موافق طبعا هلبس علطول وجي
سلمي : لا انا في العربية هعدي اخدك من البيت
احمد : خلاص ماشي عقبال ما البس وانزل
سلمي : باي يا روحي
احمد : باي ياحبيبتي
((احمد قفل وقام بسرعة خد دش ولبس وجيه بفتح الباب ونازل ))
امي : اي دا في اي ما تقول صباح الخير الاول
احمد : معلش يا امي انا اسف صباح الورد
امي : علي فين كدا
احمد : ام سلمي جت وطلبت ان هي تقبلني وانا نازل سلمي هتعدي عليا واروحلها
امي : يارب يا بني ينفخ في صورتها وتقدر إن هي تقنع ابو سلمي
احمد : يارب يا امي ادعيلي
امي : بدعيللك يا حبيبي قلبي وربي راضي عنك
احمد : سلام ياست الكل
امي : سلام ياحبيبي
((احمد نزل ولقا سلمي مستنياه))
احمد : احم احم
سلمي : اركب يلا ياحبيبي
احمد : حاضر
((احمد ركب العربية ومشين))
احمد : عاملة اي
سلمي : مبسوطة يا احمد
احمد : علشان شوفتيني ولا علشان ماما جت
سلمي : ما انا بشوفك علطول ههههه
احمد : اخص عليكي
سلمي : بهزر يا حبيبي طبعا علشان شفتك وعلشان ماما جت واول لما جت كلمتني علطول كنت فاكرة إن هي هتنسي الموضوع
احمد : وانا والله كنت متخيل إن هي مش هتكون مهتمية إن هي تقبلني بي السرعة دي
سلمي : يلا المهم عايزك تقعد قدام ماما كدا وتثبتلها قد اي انت بتحبني
احمد : دا مش اثبت لي امك بس دا اثبت لي الدنيا كلها
سلمي : هههه لا كفاية امي
احمد : هههه حاضر
سلمي : يلا ياحبيبي انزل وصلنا
احمد : اي دا هي امك قاعدة في شقة مش في فيلا
سلمي : لا ماما شايفة ان هي تشتري فيلا ليه وهي مش مستقرية هنا فا اشتريت الشقة دي علشان تقعد فيها لاما تيجي زيارة ولا حاجة
احمد : خلاص ماشي
سلمي : يلا بقا انزل
احمد : حاضر
((نزل احمد وسلمي وطلعه الشفة وهنا سلمي رنت الجرس))
سلمي : احم احم
احمد : ربنا يستر
سلمي : ههه يارب
((هنا فتحت ام سلمي ))
ام سلمي كانت قصيرة وعنيها زرقة وشعرها اسود كانت جميلة جدا ))
سلمي : ماما وحضتنها
ام سلمي : وحشتيني اووي اووي يا سوما
سلمي : وانتي كمان يا ماما
ام سلمي : لو كنت وحشتك كنت كلمتيني
سلمي : احم طب ممكن ناجل الكلام دلوقتي
ام سلمي : ههه حاضر
سلمي : اعرفك يا ماما احمد
ام سلمي : اهلا اهلا اتفضل يا احمد
احمد : شكرا
ام سلمي : ليها حق سلمي تفكر فيك كل دا
احمد : احم احم ليه يافندم
ام سلمي : اصللك زي القمر
سلمي : مش قولتلك يا ماما
احمد : متشكر والله يا فندم
ام سلمي : اي فندم فندم دي انت رايح تقدم علي وظيفة هههه
احمد : طب اقول لي حضرتك اي
ام سلمي : قولي يا انجي
احمد : احم حاضر يافندم
إم سلمي : فندم تاني
احمد : قصدي حاضر يا انجي
ام سلمي : ايوا كدا شاطر
ولا انا باين عليا ست كبيرة
احمد : لا طبعا دا حضرتك اصغر من سلمي والله بما شوفتك ماتخيلتش انك امها غير لما هي قالتلك ماما وحشتيني
ام سلمي : دمك عسل يا احمد
احمد : ربنا يخليكي يا انجي
ام سلمي : قولي بقا انت بتحب سلمي
احمد : انا مش بس بحبها انا بموت فيها
إم سلمي : طب واي الي يثبت انك بتحبها مش يمكن كلام وخلاص
احمد : الي يثبت ان بعد ما ابوها حبسني وهددني بي قال امي وقالي بو شفتها تاني انا هاذيك وانا برضوا لسة يكلمها ومصمم عليها
ام سلمي : اوما يجاد حبسك
احمد : اه والله حتي اسالي سلمي
سلمي : اه والله ياماما
ام سلمي : طب هو انت اتكلمت معاه
احمد : رحتله اول مرة ورفضني تاني مرة وافق عليا
ام سلمي : تمام حلو
احمد : لا ما طلع بيخدني علي قد عقلي علشان ابعد عن الموضوع بس
ام سلمي : بص هو انت شكللك محترم وقمور كدا ومدب وباين عليكي بتحبها بجد
احمد : اه والله بحبها اووي
ام سلمي : واضح
احمد : احمد بيبص لي سلمي وعايز يقولها مش قولتللك هقنعها ههههه
ام سلمي : طب بص انا لسة حية من السفر بكرة إن شاء الله هعدي عليه وهتكلم معاه
احمد : انا متشكر ليك جدا جدا يا فندم قصدي يا انجي
سلمي : هههههه
ام سلمي : ههههه معلش بعيدين هتاخد عليها
احمد : اكيد طبعا وخصوصا إن اسم سهل وجميل زيك يا انجي
إم سلمي : اي دا دا طلع رومانسي دا انا شكلي هتجوزك وبلاش سلمي ههههه
احمد : هههههه
سلمي : هههههه
احمد : يعني خلاص اعتمد عليكي يا انجي
إم سلمي : يعني انت قدامك خد تاني تعتمد عليه
احمد : لا والله
ام سلمي : خلاص بقا اعتمد عليا
سلمي : انا متشكرة جدا يا ماما
ام سلمي : ياحبيبتي انتي بنتي وانا بتمناللك السعادة مع الإنسان الي هيقدر يسعدك الي يكون بيحبك وانتي بتحبيه مش الي يشتريكي بي فلوسه واحمد باين عليه بيحبك ابوكي دايما كدا بيفكر في الفلوس بس ما دا كان سبب الي انا وهو اطلقنا عن بعض هو همه الفلوس وانا كنت عايزاه يهتم بيا يتكلم معايا كنت كلاما اجي اتكلم معاه يقولي مش فاضي عندي شغل
احمد : مشكلته فعلا إن هو مفكر كل حاجة الفلوس لاكن فعلا الواحدة بتدور علي الانسان الي يهتم بيها ويحسسها إن هي رقم واحد دانيا بتبقا محتاجة اهتمام كلمة حلوة يقولها الفستان دا حميل التسريحة دي حلوة شكل حلوة النهاردة كدا
ام سلمي : يابنتي قومي خدي احمد وامشي شكله إنا الي هتجوزه بجد
احمد : هههههه
سلمي : هههههه خلاص يا ماما متحسدنيش هههه
ام سلمي : لا ياحبيبتي انا بهزر ربنا يهنيكم بي بعض
احمد : طب انا هستاذن انا
ام سلمي : لا طبعا احنا لازم نتغداء سوا
احمد : لا مش هقدر انا اسف
ام سلمي : في اي هو انا علشان عائشة في امريكا فاكر إن مفهمش في الاصول دا انا كنت من الجيزة هههههه
احمد : خلاص ماشي هههه
ام سلمي : هنحضر الغدا ونتغدا سوا
سلمي : خلاص بقا يا احمد ماما هتزعل
احمد : لا وانا مقدرش علي زعل انجي
ام سلمي : عسل يا احمد
(( وهنا الباب يخبط ))
ام سلمي : قومي افتحي يا سوما
سلمي : حاضر يا ماما
((سلمي راحت تفتح الباب واول لما فتحت قالت ))
سلمي : بابا
