#بقلم #لولو_محمد
((((((((ته مربوطه )))))))))))
الحلقه الثانيه و الثلاثون
سمر تدحك بصوت عالى
و تقلب الصفح تلاقى صورتها و شعرها اطول شويه
سمر / صورتها منغير متاخد بالها قلبى واكلنى عليها اوى حاسس انها بتضيع منى تانى الكلب اللى اسمه زفت سعيد هابلها فيه ايه اكتر منى ده حتى متخلف و فاشل انا مش هسمحلها ياذيها انا بكره لازم اقتله قبل ميجرحها
سمر تقلب بسرعه و هى مخنوقه
...................
سمر / انا هاين عليا اولع فنفسى الله يحرق الجيش على اللى اخترعه ازاى لحقت ازاى عزلت بالسرعه دى راحت فين انا لو شوفتها هديها حته قلم يحولها دانا رجعت مالجيش عليها قبل مدخل بيتى ليه كدا يا سمر الاقيكى فين دلوقت يا سمر و احنا فى الاجازه هستنى لحد الدراسه يعنى عشان اروحلك الكليه حرام عليكى يا سمر انا ذنبى ايه حرام يا سمر انا معملتش فيكى حاجه تعذبينى ليه كدا
سمر تدمع و تقلب فى الصفح
سمر / تعبت مش لاقيها و اتخنقت مالبلد و اللى فيها ملهاش طعم منغيرك يا سمر انا مسافر و مش ناوى ارجع اروح فين روحت الكليه و ملقتكيش دى تالت مره اروح الكليه شوفت الدفعه كلها و ملقتكيش انتى فين بس روحت الجمعيه ملقتكيش اعمل ايه قوليلى اعمل ايه بس انا مسافر و مش راجع عمرى مهرجع كل حته فى مصر بتفكرنى بيكى كل حاجه فى مصر بتفكرنى بيكى هسافر يمكن انساكى هسافر يمكن اقدر اعيش
سمر تعيط عالاخر و تقلب
سمر / مش قادر انسى سعات بحس انى لو ولعت فى الاجنده دى هنساها بس قلبى مش مطاوعنى ايدى مش هتقدر تلمس ذكرياتى معاكى و بعدين هو انا لو حرقت الاجنده هحرق صورتك اللى مبتفارقش خيالى دموعك و صوتك و انتى بتصرخى فوشى وجعك اللى واجعنى ياريتنى كنت زقيت امك و خدتك فى حضنى ياريتنى ممشيت كنت جبان ياريتنى استنيت ياريتنى طمنتك روحتى فين يا سمر و سبتينى روحتى ليه و عاقبتينى انا معملتش حاجه انا بجد مش قادر على بعدك بفكر ارجع اجازه ادور عليكى تانى بس خايف ملاقيكيش و خايف الاقيكى ايوه خايف الاقيكى خايف من رده فعلى لما اشوفك هعمل ايه لما اشوفك هحضنك و اشيلك و الف بيكى و لا هقف بعيد و اخاف اقرب مش عارف بس الاكيد انى هقولهالك هقولك كل كلمه خفت انى اقولها انا بصلى و بدعى ربنا فى كل سجده يجمعنى بيكى دعيتلك فى الحرم تحققى كل اللى بتحلمى بيه دعيت ان ربنا يجمعنى بيكى يا سمر و انا عندى امل كبير اوى فى ربنا عشان كدا ناوى ارجع اجازه ادور تانى
سمر تمسح دموعها و تتصل بحسام تلاقيه غير متاح تحطه جنبها و تقلب شويه صفح و تكمل
سمر / لقيتها مصطفى لقاها احمدك و اشكر فضلك يارب انا مش عارف اقول ايه بس انا هطير مالفرح انا تقريبا لميت هدومى كلها فنص ساعه لميت كل حاجه بكره هروح للمدير و اقوله انى نازل و اللى يحصل يحصل حتى لو هتشعلق فى عجل الطياره لازم ارجع مصر حتى لو هعدى البحر الاحمر عوم لازم ارجع بلدى يا حبيبتى يا مصر وحشتينى اوى يا مصر بموت فيكى و فترابك يا مصر انا خطى بيرتعش و مش عارف اكتب من كتر مانا فرحان انا هموت و ارجع مصر بس استنى و اهدى هعمل ايه لما اشوفها هعمل ايه يا لهوى ايه القفله دى هتعمل هى ايه لما تشوفنى يا ترى هتكرشنى يا ترى هتعمل ايه بس هى بعتتلى السلام مع مصطفى يبقى مش زعلانه يبقى اروحلها بس لازم اقولها المرادى لازم اقولها كل حاجه لازم تعرف انا هقول و مش هخلى فى قلبى حاجه ربنا مش هيدينى فرصه تالته انا مش هعرف انطق يخربيتك يا حسام انا هديها الاجنده هى هتفهم (((((( بحبك يا سمر )))))) بس هى تقرا بقى و هتحس انا متاكد انها هتحس .
سمر تبتسم و تقلب شويه فى الصفح
سمر / يا حبيبتى يا سمر بتحلوى ازاى كدا الناس بتعجز لما تكبر و انتى بتحلوى ياريت عينى كانت كاميرا ياريتها صورتك عنيها نورت انا شوفتها كانت فرحانه انها شافتنى و انا كنت هطير مالفرح بس مقدرتش اقول حاجه وضعها كان صعب كانت كارهه الرجاله و الجواز حياتها بقت عمليه اوى دحكتها اتكسرت ياترى شوفتى ايه يا سمر و انا مسافر مين اذاكى تانى مين جرحك اوى كدا
سمر تعيط تانى و تقلب شويه صفح
سمر / بتحبنى زرغتى ياما و فرقى الشربات سمر بتحبنى هى مقالتش بس عيب يعنى مش هعرف هى مبتقولش حاجه هى عمرها مهتقول سمر كارهه الدنيا بس حبانى بتقضى معظم وقتها معايا مبتدحكش غير معايا بتدحكلى انا و بس هى قالتلى انها مبتبقاش على طبيعتها غير معايا تبقى بتحبنى ايوه بتحبنى و انا كمان بحبك اوى يا سمر بحبك و مش هسكت الا لما اخليكى تنسى كل الافكار السوده دى من دماغك
سمر تبتسم و تقلب شويه صفح
سمر / شريف مين ده يام شريف قال شريف قال عليكى و على اللى جابت شريف فى ساعه واحده هو ناقص يابت هو احنا لحقنا سعيد تطلعيلى بشريف دانا كنت خلاص هنطق يحرقك انتى و شريف فساعه واحده مصيبه لتطلع منهم و بتحب العضلات و الحركات دى يا هبله دانا تلت شهور جم اضرب ابوه بس انا اللى مش فاضى
سمر تدحك بصوت عالى تانى و تقلب فى الصفح
سمر / رفضته ههههههههه انا فرحان اوى عاوز اروح اطلعله لسانى و اقوله رفضتك عشان بتحبنى نفسى ارقص اه والله والنبى ميجرا حاجه لو رقصت هو اصلا بغل ميسواش
سمر تدحك تانى و تقلب
سمر / انا عارف انها لما هتقرا الكلام ده هتزعل بس انا شوفتك و انتى نايمه شوفتك فى اوضه ماما كنتى عسل اوى نونو صغير نايم كان نفسى ممشيش كان نفسى الوقت يقف و افضل باصصلك كدا كان نفسى اجى و اخدك فى حضنى كان نفسى بس هانت بكره تبقى بتاعتى
سمر تبتسم و تهز راسها و تقلب
سمر / سمر طلبت منى الجواز النهرده مش عارف اعمل ايه انا لو وافقت هبقى بتستغل الظروف و لو رفضت ابقى مجنون ابن مجنونه دى فرصه العمر بس انا خايف انا هتقدم و خلاص و هقولها على كل اللى جوايا و اللى يحصل يحصل بس ربنا يستر و مروحش اقعد اندب حظى جنبك شريف ادعيلى يا اما
سمر تدحك و تقلب اخر صفحه
سمر / انتى قريتى كل مشاعرى بس لازم تعرفى ان كل الكلام ده ميوصفش بحبك قد ايه ميوصفش مشاعرى ناحيتك حلم عمرى كله هيتحقق بكره و تبقى على زمتى مش مهم اى حاجه تانيه مش مهم جنانك و لا افكارك انا هغيرها باذن الله لانى واثق انى بحبك و عمرى مهسيبك تروحى منى ابدا و حياه كل ثانيه عدت من عمرى يا سمر و انا بتمناكى فيها لستغل كل ثانيه جايه فى عمرى عشان اسعدك و رحمه ابويا يا سمر اللى عمرى محلفت بيه لا بكدب و لا بصدق ان مفيش فى الدنيا عندى اغلى منك انى محبتش فى حياتى و لا هحب غيرك انى عمرى مهاجى عليكى و لا هظلمك انى عمرى مهعمل معاكى اى حاجه وحشه من اللى شوفتيها و كرهتك فى الجواز هعيش عشانك و بس حتى لو فضلت ابصلك بس كدا انا راضى انا راضى يا سمر و ان نسيت اقولك اهم كلمه بطاقتك يا بت
سمر تدحك و تقفل الاجنده و تتصل بحسام يرد
حسام / الو
سمر / كان لازم توريهانى اول مرجعت مكنش ينفع تستنى كل ده
حسام / لحقتى خلصتيها
سمر / اللى قريته منها كفايه ياريتنى كنت كتبت زيك ياريتنى سجلت مشاعرى اللى مفيش كلام هيعوضها زيك كنت ساعتها وفرت عليا كلام كتير مش عارفه اقوله
حسام /مال صوتك اوعى تكونى بتعيطى
سمر / لا لا انا كويسه
حسام / بصى انا مدايق اوى من نفسى انا مكنش ينفع اكون صريح معاكى اوى كدا بس مكنش ينفع نبدا حياتنا انا اقصد يعنى
سمر / اللى عملته كان صح انا مينفعش اجى عليك انا لازم اخد القرار صح يا اه يا لا اسلوبى اصلا غلط الفكره فى الاصل كانت غلط امى و ابويا و انت و حتى عليا كلكوا دى مش حياتى لوحدى احنا عيله كلنا بنتاثر بقرارات بعض
حسام / يعنى ايه
سمر / من وانا صغيره عمرى مبصيتلك اكتر من اخ و صديق منكرش انى زمان ياما اتمنتها ايام مكنت بفكر فى الحاجات دى يعنى قبل خناقه بابا و كدا بس كنت دايما عالى عليا
حسام / بتهزرى لا كملى كملى
سمر / مين انا عشان تبصلى مين انا عشان اى حد يبصلى اذا كان ابويا مش ماليه عينه هملا عين الواد اللى قالب المدرسه بص انا مفيش حد استحمل جنانى قدك وقفت جنبى فى اصعب المواقف اه منكرش ان فى ناس كتير غيرك وقفو معايا بس انت كنت مختلف استحملتنى فى اسوء حالاتى و ظروفى انت الوحيد اللى فعلا شوفتنى ضعيفه و مكنتش مكسوفه انك تشوفنى ضعيفه بس
حسام / بس ايه مكنا حلوين
سمر / مش عاوزه اجى عليك اكتر من كدا
حسام / لا تعالى روحى و تعالى براحتك
سمر/ انا بتكلم جد انت مش هتستحمل حتى لو هتستحمل قد ايه هيجى عليك يوم و تلعن اليوم اللى عرفتنى فيه انا مش هقدر اديك اللى انت محتاجه ابسط حقوقك مش هقدر اديهالك
حسام / انا مش مستعجل ادى لنفسك وقت و انا متاكد انك هتعرفى تلمى نفسك و افكارك انتى اقوى من كدا
سمر / لا يا حسام انا اضعف مخلوق عالارض
حسام / لا انا عارفك كويس انتى بس مش قادره تقتنعى انك بنت و دا طبيعى فى البنات التوهه دى و اللخبطه دى طبيعه البنت
سمر / و انت اشعرفك
حسام / انا عارف انا مش تلميذ انا عندى تلاتين سنه
سمر / اوعدنى انك هتستحمل اوعدنى انك مش هتندم
حسام / اوعدك بس بشرط
سمر / ايه هو
حسام / انك هتحاولى انا كل اللى عاوزه انك تحاولى ادينى فرصه و حاولى معايا صدقينى هتنجحى انتى عمرك مفشلتى هتنجحى و انا هساعدك
سمر/ انت بجد بتحبنى
صمت ثوانى
سمر/ ماشى
حسام / انا مش هقولها اول مره فى التليفون مش هقولها و انتى مش قدامى عاوزك قدام عنيا و اشوف ملامحك و انا بقولها دى لحظه فى العمر لحظه اول مره تقول لحبيبتك انك بتحبها لحظه مينفعش تتقال فى الشات و لا الرسايل و لا حتى فى الموبايل مينفعش اضيع على نفسى رده الفعل دى دانا بقالى سنين بحلم بيها
سمر / و انت اش عرفك ان رده فعلى هتعجبك
حسام / عشان انا عارف انك بتحبينى
سمر تسكت مذهوله ووشها احمر
سمر / احم احم و انت اش عرفك يعنى ايه الثقه دى
حسام / عنيكى لما بتبصلى خوفك عليا صوتك لما بتتكلمى معايا سبحان الله بيرق لوحده رده فعلك لمجرد انك حلمتى انى بموت يعنى فى حاجات كتير اوى بتعمليها كلامك معايا و انك لسه مقفلتيش السكه فوشى ممكن نقول انى الشخص الوحيد اللى وافقتى تتجوزيه حتى لو لعبه حتى لو ايه باللذى
سمر / مش يمكن مكنش قدامى غيرك ساعتها
حسام / متحاوليش تكسرى غرورى انتى عارفه و انا عارف و لو كنتى قدامى دلوقت مكنتيش هتعرفى تكابرى و كانت عنيكى الحلوه تفضحك
سمر / مغرور
حسام / هتنزلى معايا بكره نجيب الشبكه
سمر / اما افكر الاول ان كنت هكمل معاك و لا لا
حسام / وحياه امك ..... انا اسف انا بجد والله اسف
سمر / ههههههههههههههههههههههههههههههههههههههههه
حسام / انا مش عارف طلعت منى ازاى انا فى نص هدومى
سمر / بحبك
سمر تقفل السكه و تقفل الموبايل و حسام يبص للموبايل و هو مذهول و يحاول يتصل بيها يلاقيها غير متاح
حسام / والله ابدا
................
فى البيت عند سمر
الكل نايم و جرس الباب يضرب الكل يقوم مفزوع و حسين يقوم يفتح الباب يلاقى حسام
حسام / انا اسف بجد والله انا عارف ان الوقت متاخر انا بجد اسف بس فى حاجه مهمه
هيام / فى ايه يابنى طمنى
حسين / عليا جرالها حاجه
سمر / مين ؟؟؟
حسام يجرى عليها
حسام / بتقفلى التليفون فاكره انك هتفلتى منى يعنى ادينى جيتلك
سمر / انت مجنون بجد
حسام / جننتينى قولتى ايه قوليها تانى كدا
سمر / اقول ايه انت مجنون اتصل يا بابا بمستشفى المجانين خليهم ياخدوه
هيام / هو فى ايه يا ولاد
حسين / تقولك ايه طيب و انا اقولهولك
حسام / مع احترامى يا عمى بس انا مش عاوز اسمعها غير منها
سمر / انا مقولتش حاجه تلاقيك بيتهيالك اصلا
حسام / طب عينى فى عينك كدا
سمر / انا عاوزه انام و بعدين انت مش هتنزل بكره تروح تجيب الشبكه سبنى انام بقى
حسام / طب ورحمه ابويا مانا متعتع من هنا و ادى قاعده
حسام يربع عالارض
حسين / انا كبرت عالجنان ده انا داخل انام
هيام / متقوليهاله يا بنتى و ريحيه جننتى الواد عينى عليك يابنى كنت زينه الشباب يقطعه الحب و سنينه
سالى تطلع مالاوضه و هى بتدعك فى عينها
سالى / مش هتقولها و انتى واقفه يا ماما
هيام / ابقى اقفل الباب وراك يا حسام تصبحوا على خير خشى يابت جوه انتى واقفه هنا بتعملى ايه
سالى / اتشطروا عليا اتشطروا
الكل يدخل و حسام قاعد عالارض و سمر واقفه جنبه تقعد
سمر / عاجبك الفضايح دى
حسام / عاوز اسمعها قوليها
سمر / مبعرفش اقولها هى بتطلع لوحدها والله ولا انت عاوزها مفتعله
حسام / ماشى بس كلمه منى افتكريها كويس اما خليتك تصرخى بعلو صوتك و تقولى بحبك يا حسام مبقاش انا حسام ابن ابراهيم الدسوقى
سمر/ طب هتبقى مين قولى
حسام يمسك ايدها و يبص فى عينها
سمر / اوعى هضربك
حسام / بحبك
سمر وشها يحمر و تحاول تفلت من ايده و تدارى وشها مش عارفه
حسام / بس كدا جبرت النهرده اشوفك بكره تصبحى على خير
حسام يمشى و يقفل الباب
سمر / جزمه
هيام تطلع مالاوضه
هيام / هو برده اللى جزمه
سمر / ماما
هيام/ ايه
سمر تدخل تنام و سالى تحضنها
.........................
فى الصاغه
ليلى / متنقى يا بنتى انتى مكسوفه و لا ايه
سمر / اللى تشوفوه
مصطفى يوطى على عليا
مصطفى / الفضائين خطفوا اختك و بدلوها بالكائن ده كتر خيرهم الصراحه
عليا / لا و انت الصادق دا تاثير حسام
مصطفى / طب و انا ماثرتش فيكى باى حاجه خالص يعنى
عليا / طلعت الدكر اللى جوايا
مصطفى / كل يوم مندا انتى لسه شوفتى حاجه
سمر / بطلوا نم
حسام / ايه رايك فى الطقم ده يا سمر
سمر / حلو
حسام / يعنى ناخده
سمر / اللى تشوفوه
حسام / معلش ثوانى
حسام ياخد سمر بره المحل
حسام / هو فى ايه
سمر / فى ايه يا حسام
حسام / انتى مش عاجبك المحل قولى مش عاجبنى نشوف غيره لكن متقنعنيش انك مكسوفه تنقى يعنى انا كنت معاكى و انتى بتاكلى من على عربيه الفول و تطلعى السقاله و تزعقى فى العمال فدور البت الرقيقه ده مش واكل معايا و لا حتى بعيش حاف
سمر / اولا انا مش عاجبنى اللى بيحصل انا مش عاوزه شبكه ملهاش لزمه المصاريف
حسام / الشبكه دى هديه العريس لعروسته
سمر / طب متنقى هديتى هو انا حوشتك و بعدين ايه يعنى دور البت اللى بتتكسف مش واكل معاك ليه يعنى
حسام ينحنح / لا انا اقصد يعنى قدام الناس يعنى
سمر / شبكتك هديه منك نقيها انت و اى كان زوقك فهو اكيد هيعجبنى
حسام / مفيش بعد زوقى اصلا كفايه انى اخترتك
سمر وشها يحمر
حسام / حاسبى لحسن حد يشوفك يقول سمر بتتكسف و لا حاجه
سمر تزغده و يدخلوا و هما بيدحكوا
مصطفى / ادينى الحقنه بسرعه ارجوك محتاجه الجرعه
حسام / انا عاجبنى الطقم ده هاخده اوزنه لو سمحت وشوف تمنه كام
عليا / انتى مش هتنقى و لا ايه
سمر / انا مبنقيش هديتى هو هيختارهالى
الكل يبص لبعضه ثوانى و يدحكوا فى الخباثه
.....................
