بقلم #لولو_محمد
الفصل _١٧_١٨
((((((((ته مربوطه ))))))
الحلقه السابعه عشر
فى العربيه
سالى / انتى بقى سمر بابا مكنش بيبطل كلام عليكى
سمر / بجد يارب يكون بالخير
حسام / عالبيت و لا هتروحوا فى حته الاول
سمر / عالبيت الاول هنشوف حاجه لسالى تلبسها و بعدين ننزل نروح نجيبلها شويه لبس على بجامات و نشوف هنعمل ايه فى المدرسه
...........................
سالى / انا بقالى يجى اكتر من شهر مروحتش المدرسه زمانهم فصلونى
سمر / هنروح نشوف الموضوع ده بكره الصبح مع المدير
سالى / وحشتنى اوى يا بابا اميره كانت بتقول انى مش هشوفك تانى
حسين / منها لله هى اللى قلبت سيد علينا
حسام / اميره دى مرات سيد لايقه عليه
سالى / انت ضربته ليه على فكره سيد ده اخويا و انا بحبه
حسام / مش هو ده اللى قعدك مالمدرسه
سالى / عشان مفيش فلوس و عشان اساعد اميره فى شغل البيت عشان هى حامل
حسام / اه فعلا مبرر
سمر / خف
حسام / انا اسف يا سالى مش هعمل كدا تانى
.................
بعد كام يوم فى البيت
باب الشقه يخبط سالى تجرى عالباب
سالى / دا اكيد سيد اخويا اتصلت بيه النهرده و اديته العنوان
سالى تفتح الباب و سيد يدخل
سيد / ازيك يا ست سالى ايه مصدقتى نستينى
سالى / و انا اقدر برده تعال ادخل ادخل
سيد/ لا منطقه فخمه و الشقه زى الفل
سالى / استنى ثوانى اجيبلك حاجه تشربها
باب الشقه يتفتح و سمر تدخل
سمر / ازيك يا سيد
سيد/ ازيك يا بشمهندسه
سالى تطلع مالمطبخ
سمر / انتى مقولتليش ان سيد جاى النهرده
عليا تطلع مالاوضه بشعرها تلاقى سيد تدخل جرى
سمر / و مقولتيش حتى للى فى البيت ان فى حد هنا بصوا البيت ده مليان بنات انا صحيح مقدرش امنعكوا عن بعض بس لازم يبقى فى معاد لوجودك و انتى لازم بابا يكون موجود و تبلغى اللى فى البيت كلهم ان جايلك ضيوف ماشى
سيد/ جرا ايه يا هندسه هو انا على كدا بقى لازم اخد معاد قبل ماجى اشوف اختى و لا ايه
سمر / اه فى الحقيقه اه لازم تاخد معاد لان اى بيت و له حرمته
سيد / بناقص سلام
سالى / سيد
سيد/ بقولك ايه يابت امى انتى عارفه عنوانى لما اوحشك ابقى تعالى زورينى
سيد يمشى و يرزع الباب وراه
سالى / شكرا
سمر / سالى اسمعى
سالى / لا متشغليش بالك انا داخله انام
عليا تطلع مالاوضه
عليا / مشى مين ده
سالى / اخويا اللى محدش طايقه دا يبقى اخويا
عليا / و يجى متاخر اوى كدا يا سالى ميصحش و مصحتيش بابا او ماما ليه و مقولتليش ليه
سالى / يا سلام مصاحبه البيت نفسها مكنتش فيه يعنى لو كان الوقت متاخر على الاقل سمر كانت تكون روحت ايه اللى يقعد بنت بره البيت لنص الليل يعنى و بعدين على مخلص شغله انا اخويا استاف فى كافيه كبير يعمل ايه يعنى يسيب اكل عيشه عشان يشوفنى
سمر / لا طبعا ميسبش اكل عيشه بس اكيد له يوم اجازه
سالى / خلاص عرفنا عن اذنكوا انا داخله انام عندى مدرسه الصبح
سالى تدخل تنام فى اوضه ابوها
سمر / هو انا غلطت يا عليا
عليا / لا طبعا انتى صح افرضى دخل و احنا نايمين هنعمل ايه ساعتها
سمر / دى اختنا عمرها مهتاذينا
عليا / دى صغيره متعرفش الصح مالغلط و احنا بالنسبالها مش اخواتها هو اللى اخوها
سمر / حصل خير بكره هاخدها بعد المدرسه افسحها و اصالحها
عليا / فكره حلوه اوى
...................
تانى يوم
سمر / ها يا ستى سماح
سالى / انا اصلا مكنتش زعلانه انا كلمت سيد و هبقى اروحله انا يوم السبت يوم اجازته
سمر / ماشى يا ستى المهم انا هجبلك بقى النهرده كل اللى نفسك فيه
تليفون سمر يرن
سمر / الو............ ايوه يا شريف ازيك............... اسفه والله انشغلت خالص ............ بجد انت فى مصر ............. دلوقت حالا ........... للدرجادى ......... بس اصل انا معايا اختى .........طب استنى ثانيه سالى تحبى تاكلى ايسكريم
(سالى تهز راسها )
سمر /خلاص ماشى سلام هجيلك
سمر تقفل الموبايل
سالى/ مين ده
سمر / دا صديق قديم جاى من اسكندريه مخصوص عشان يشوفنى النهرده و جايب معاه بنته الصغيره اسمها سمر برضه تحبى تيجى معايا نلعب معاها
سالى / و ماله يلا بينا
تليفون سمر يرن تانى
سمر / هو ايه الحكايه النهرده .....الو .... ايوه يا حسام ازيك دلوقت بقيت احسن .........انا اتصلت بيك الصبح مردتش اتصلت بمصطفى قالى انك تعبان النهرده و روحت تكشف عند الدكتور هو مقالكش .......... طب والله كلمته و سالت عليك انا كنت ناويه اجى والله بس مكنتش اعرف انت بتكشف فين و
كمان مصطفى مكنش عارف و حضرتك مبرتضش و كمان وعدت سالى انى افسحها ....... لا مش هروح دلوقت لسه بدرى ...... خلاص لما اروح هبقى اكلمك سلام ... سلام
سالى / هو زعلان و لا ايه
سمر / انا بصراحه مقصره معاه جامد هو جنبى طول الوقت و انا اعرف انه تعبان و مقفش جنبه
سالى / هو انتى بتحبيه
سمر / ايه اللى بتقوليه ده
سالى / الحب مش عيب
سمر / بس انتى صغيره
سالى / صغيره ازاى دا اميره اتجوزت سيد اخويا و هى ستاشر سنه يعنى انا فاضلى تلت سنين بس و اتجوز يعنى الطبيعى اكون دلوقت مخطوبه
سمر / ههههههههههه يا ستى مستعجله على ايه
سالى / انا اصلى مليش فى المذاكره فاتجوز احسن
سمر / بصى يا سالى انا معرفش انتى ليه مقتنعه بالكلام ده بس انتى مينفعش تحكمى على نفسك انك فاشله فى المذاكره فى السن ده على فكره و انا فى سنك كان سهل اوى اكون فاشله بس اخترت انى اكون احسن واحده و سبحان الله شوفى دلوقت بقيت مديره فى شركه كبيره و بقبض مرتب كبير بيعدى الخمستاشر الف غير الحوافز و راكبين عربيه جديده اهو صحيح بدفع فى اقساطها بس اهو و ساكنين فى شقه حلوه شوفتى بقى المذاكره بتوديكى لفين
سالى / يعنى انا لو ركزت فى المذاكره هبقى مهندسه شاطره و بقبض فلوس كتير اوى
سمر / انتى و شطارتك بقى و لعلمك كل ماده هتقفليها ليكى منى ميه جنيه ايه رايك بقى
سالى / اتفقنا دانا هاكل الكتب اكل
سمر / هو ده الكلام وصلنا هو ده المكان و ادى مكان فاضى يلا نركن و ننزل
...................
فى كافيه
سمر و سالى يدخلوا يلاقوا شريف و سمر الصغيره على ترابيزه
سمر / اتاخرت عليك
شريف / خالص اتفضلى ايه التغير الرهيب ده طالعه قمر بالحجاب
سمر / ميرسى سالى اختى الصغيره
شريف / انا كنت فاكرك بتتكلمى عن عليا تشرفنا يا سالى بس انا مش فاهم حاجه واحده واحده عليا
سمر / مش هتصدق اللى حصل الفتره اللى فاتت مش احنا لقينا بابا و جه عايش معانا و عرفنا ان عنده بنوته زى القمر اهى قدامك
شريف / انتى قابلتى باباكى و عملتى ايه و اوعى يكون ده سبب الحجاب
سمر / لا مش هو الحجاب ده انا سالت شيخ و قالى انه فرض فلبسته بس هو فجاه كدا الحوار كله حصل فيوم المهم بخصوص بابا بقى معملتش حاجه فاكر لما كنا بنقعد نتخيل سوا هعمل ايه لما اشوفه
شريف / دا كان بيركبك ميه عفريت
سمر / معملتش اى حاجه اتجمدت و اتثبت فى مكانى هههههههههههههههه
شريف / على العموم كويس ان العيله شملها اتلم تانى
سمر / صحيح بقى ايه سر الزياده الجامده دى
شريف / ايه يا سالى تحبى تلبعى مع سمورتى فى الكيد اريا
سالى / ينفع
سمر / لو عاوزه
سالى / يلا يا سمر
سالى تاخد سمر و يروحوا يلعبوا
شريف / كل سنه و انتى طيبه اتفضلى هديه صغيره عشانك
شريف يدى لسمر علبه هدايا و بوكيه ورد احمر
سمر / هو النهرده الايه
شريف / عيد ميلادك نسيتى و لا ايه
سمر / معقول كنت ناسيه خالص الايام دخلت فى بعضها ميرسى يا شريف انت افتركت و كمان دبيت المشوار ده كلو عشان تقولى كل سنه و انتى طيبه بجد ميرسى اوى تعبت نفسك
شريف / تعبك راحه يا بنتى هو احنا فى ديك الساعه و لعلمك بقى انا قررت انى ارجع افتح الجيم اللى تحت البيت فكراه
سمر / ايوه دا مقفول من يوم مسافرت
شريف / هوضبه و افتحه على كبير بقى باحدث الاجهزه و الامكانيات هعمله فرع تانى للجيم اللى فى اسكندريه انا كلمت شريكى و عجبته الفكره و خلاص يا ستى هبقى هنا علاطول جنبك طول الوقت ايه رايك فى الفكره الجامده دى
سمر / فكره جامده و بكدا هقدر اشوف سموره الحلوه كل شويه انا اصلا بحب العيال اوى
شريف / و هى كمان بتحبك اوى ... قصدى يعنى هى اكيد هتحبك اوى
سمر تتنهد و تسكت
شريف / ايه مالك يا ست البنات كنت فاكر انك هتبقى اكتر واحده مبسوطه بس تصدقى لا اكيد مش هتنبسطى هتخافى تنبسطى الدنيا تديكى على دماغك انا كنت فاكرك كبرتى و عقلتى
سمر / شوفوا مين اللى بيتكلم
شريف / مالى زى الفل اهو على الاقل بعرف ادحك
سمر / ماشى
شريف / كل واحد عنده حاجات بتنكد عليه مفيش انسان معندوش مشاكل مفيش حد ممرش بظروف ماندله فى حياته
سمر / بس انا
شريف / انتى ايه ابوكى و رجع ندمان و رجعتى عشتى وسط اهلك تانى و شغلك زى الفل و كنتى الاول يا حسام يا شريف دلوقت معاكى الاتنين طب بلاش احنا بصى كدا هناك سمر الصغيره دى عليها حته دحكه تنسيكى هموم الدنيا كلها
سمر / ربنا يخليهالك
شريف / بصى يا سمر كلنا عندنا سبب عشان نعيش انتى بس مش قادره تلاقى سببك لسه
سمر / لا طبعا اهلى
شريف / لا يا سمر اهلك مبيخلوكيش عايشه انتى بتسمى صحيان كل يوم و اللف عالمواقع و المكتب و شغل طول الوقت ده عيشه ده قفص بتحبسى نفسك فيه والله معرفش انتى بتحبسى نفسك جواه و لا بتحبسى اللى بيحبوكى بره
سمر/ انت متغيرتش بتحب تستخدم الكلام الكبير عشان تبان مثقف و انت اخرك مجله ميكى تتفرج عالصور
شريف / متسيحيش بقى هه
سمر / ههههههههه ماشى هستر عليك
شريف / اخبار حسام ايه صحيح
سمر / اسكت متفكرنيش بتصل بيه من امبارح مبيردش لدرجه انى كلمت مصطفى اخوه قالى انه عيان اوى و راح للدكتور يكشف تخيل راح لوحده حتى ماخدش اخوه معاه و انا لا عارفه هو بيكشف ايه و لا فين والله كنت روحتله
شريف / كويس حسام صح
سمر / اه طبعا بصراحه وجوده فرق اوى شال عنى فى الشغل كتير جدا و بصراحه هو جدع جدا مبيتاخرش عنى فى حاجه خالص
شريف / طب مش ناويه تفتحى الهديه
سمر / اممممم انا مبحبش المفاجات فيها ايه
شريف / شويه بومب على صواريخ هتنفجر اول متفتحيها هيكون ايه يعنى افتحى بقى
سمر / يا غلس
شريف / افتحى هو انا هتحايل عليكى
سمر تفتح العلبه تلاقى برواز فيه صوره ليهم هما الاتنين لابسين زى بعض بالظبط
شريف / ازازه و كبايه فاكره الصوره دى
سمر / الله كانت حلوه اوى ذكريات جميله جدا اوى يا شريف بتفكرنى بيها مش عارفه اقولك ايه
شريف / يوميها قولتلك عاوز اشترى هدوم و جيتى معايا و نقتيلى الطقم ده و بعدين قولتى للراجل هاتلى بقى مقاسى و الراجل وقف متنح يقولك نعم
سمر / الله هو ماله هو انا حره اللبس رجالى اللبس حريمى انا حره هو انا بلبس بفلوسه
شريف/ مقاسك مين يام مقاس انتى كان اخرك تلبسى من مقاسات الاطفال قال مقاس قال
سمر / كان ليه هو انا طخنت اوى كدا
شريف / لا بس هدومك بقت واسعه و اكيد يعنى بتلاقى المقاس ده بسهوله بس تعرفى كدا احلى كتير
سمر / شكرا يا شريف طول عمرك زوق على فكره الطقم ده لسه عندى
شريف / يا شيخه فاكره كنت بتنرفز قد ايه لما انزل الاقيكى لبسه زيى
سمر / و انا كنت بقف فى البلكونه اشوفك لابسه و لا لا و اللبسه مخصوص عشان اغيظك
شريف/ مهو مش كل يوم و التانى اتخانق مع واحد و اضربه عشان بيالس عليكى
سمر / يااااه بقالى زمن مضربتش حد
شريف / اللهم احفظنا
سمر/ هههههههههههههههه وحشتنى ايامك يابن اللذينه
شريف / و انتى اكتر
تليفون سمر يرن
سمر / عليا ..... الو ايوه يا بنتى ..... ايه مالها ماما .... انا جايه حالا سلام
شريف / فى ايه
سمر / انا اسفه اوى يا شريف بس ماما تعبانه اوى و لازم اروح سلام سلام
شريف / استنى انا جاى معاكى
شريف يطلع فلوس و يسبها عالترابيزه و يروح مع سمر و سالى
........................
فى البيت
سمر تفتح الباب ووشها مخطوف النور مطفى مفيش اى صوت و فجاه النور يقيد و صواريخ ورق فى كل حته و الكل بيسقف
سمر / انتوا بتهرجوا كنتوا هتموتونى
عليا / كانت فكره مصطفى ايه رايك بقى
سمر / متعملوش كدا تانى انا اعصابى باظت خالص
حسام / اهلا شريف
شريف / ازيك يا حسام
حسام / متفاجئ بشوفتك الحقيقه
سمر / ازيك يا سيد
سالى / انا عزمته
سمر / انتى كنتى عارفه
عليا / ايه هتفضلوا واقفين كتير يلا بقى نطفى الشمع بقى
حسين / يلا
الكل يقف حوالين السفره و يغنوا سنه حلوه يا جميل و يطفوا الشمع و يروحوا يقعدوا و سمر تقف فى البلكونه حسام يدخلها و فى ايده هديه و بوكيه ورد
حسام / كل سنه و انتى طيبه
سمر / هونت عليك تخضنى كدا انت يعنى مش عارف غلاوه ماما عندى و بعدين انت عارف انا كنت قلقانه عليك طول اليوم ازاى و خصوصا لما عرفت انك تعبان
حسام / انا مكنتش اعرف ان علياء هتقولك ان طنط تعبانه كل اللى كنت اعرفه انى همثل طول اليوم انى عيان عشان مشوفكيش و كل واحد هيعمل مشغول بحاجه عشان متبقيش مع حد حقك عليا خلاص بقى فكيها
سمر / لا والله يا حسام اخص عليك انت عارف انا اتصلت عليك كام مره
حسام / على العموم كتر خيره شريف سلاكى لحد مقولنالك تعالى
سمر / والله فاجانى انا كنت ناسيه خالص ان عيد ميلادى النهرده قال يعنى كان هيفرق اوى
شريف يدخل و معاه سمر الصغيره على ايده
شريف / مستخبيه هنا بقى اهى يا ستى لقيناها
حسام / اه شريف جيت من اسكندريه امتى
شريف / امبارح بالليل مهو مكنش ينفع افوت عيد ميلاد سمر
....................
(✪‿✪) (✪‿✪) (✪‿✪) (✪‿✪) (✪‿✪)
#LOLO #لولو_محمد
((((((ته مربوطه )))))
الحلقه الثامنه عشر
سمر / لا والله يا حسام اخص عليك انت عارف انا اتصلت عليك كام مره
حسام / على العموم كتر خيره شريف سلاكى لحد مقولنالك تعالى
سمر / والله فاجانى انا كنت ناسيه خالص ان عيد ميلادى النهرده قال يعنى كان هيفرق اوى
شريف يدخل و معاه سمر الصغيره على ايده
شريف / مستخبيه هنا بقى اهى يا ستى لقيناها
حسام / اه شريف جيت من اسكندريه امتى
شريف / امبارح بالليل مهو مكنش ينفع افوت عيد ميلاد سمر
....................
حسام من تحت الدرس / حمد الله عالسلامه
سمر / شريف قرر انه يفتح جيم هنا فهيبقى معانا علاطول
حسام / معقول والله لا بجد فرحت اوى من كتر الفرحه مش عارف اقول ايه عن اذنكوا ثوانى
سمر / معلش يا حسام ممكن تحط الهديه و الورد الجميل ده عالبوفيه هناك
حسام / طبعا عن اذنكوا
حسام يطلع بره يجى يحط الورد عالبوفيه يلاقى بوكيه شريف يديله كوع قانونى يوقعه فى الارض و يحط بتاعه مكانه و يروح يقف جنب مصطفى
مصطفى / ايه معجبتهاش الهديه
حسام يبرطم / شريف هيفضل معانا قال شريف قال يا فرحتى
مصطفى / انت بتقول ايه يابنى
حسام / البغل ده انا عارف طلعلى منين
مصطفى / رفضته مره هترفضه تانى
حسام / بالظبط رفضته مره راجع تانى ليه عاوز منها ايه هو ايه معندوش دم جبله و بوكيه ورد احمر حضرتك
مصطفى / خلينى افكر ثوانى كدا .... اكيد نفس اللى انت عاوزه معجب بيها انتوا الاتنين مجانين و ربنا حد يروح للهم برجليه
حسام / ياخى اتنيل هى نقصاك
حسام ياخد نفس عميق و يدخل البلكونه تانى يلاقى سمر بتلاعب سمر الصغيره ياخد طبق جاتوه و يدخلها
حسام / جبتلك طبق جاتوه
سمر / ميرسى تعبت نفسك
شريف / ها ايه رايك ؟؟؟
حسام / فى ايه
شريف/ كنا عاوزين نخطفها معانا نروح الملاهى شويه اهو نفسحهم شويه
حسام / النهرده عيد ميلادها و كل عيلتها متجمعين مفتكرش ينفع تسيبهم و تمشى و خصوصا انهم تعبوا اوى عشان يعملوا حفله زى دى
سمر / والله بقوله كدا بس سمر الصغيره بقى عاوزه تروح الملاهى بس عالعموم ايه رايك ناجلها لبكره
حسام / مينفعش يا سمر بكره رايحين الجمعيه انتى ناسيه و لا ايه
شريف / انتى لسه بتروحى الجمعيه
سمر / طبعا يابنى مفتكرش انى عمرى هبطل ابدا
شريف / خلاص يا ست الكل احنا نروح كلنا بربطه المعلم و اهو كمان سمر الصغيره تتعرف على الجمعيه و تتعود عالخير من صغيرها
حسام / ياااااااايى
سمر تبصله
حسام / ايه فرحان هطير مالفرح
شريف / صحيح يا سمر
سمر / خير
شريف / احساسك ايه و كل عيلتك حواليكى من تانى
سمر / مش عارفه لسه مطبعتش اوى عارف بمشى مع التيار كدا و اشوف هياخدنى لفين
شريف / بس اكيد فرحانه يعنى باباكى و مامتك و اخواتك جنبك و مش بس كدا انا و سمر الصغيره كمان هنا
حسام / و انا ايه شفاف مثلا
شريف / و حسام كمان هتعوزى مين تانى جنبك عشان تبقى فرحانه
سمر/ و مين قالكوا انى مش فرحانه انا فرحانه جدا باللمه الحلوه حوليا بس انت عارفنى وش غم
شريف / انت متعرفهاش لو دحكت تقول ياااااه استر يارب تحسسك انها اكيد هتدفع تمن دحكتها بعد شويه
حسام / بس كل ده اتغير دلوقت
...............
بره سالى قاعده جنب سيد
سيد / قولتيلى بتقبض كام
سالى / زى مقولتلك خمستاشر الف عالاقل انا لما هزاكر و اكبر زيها هقبض اكتر منها كمان
عليا تدخل تقعد جنبهم
عليا / ازيكم منور يا سيد
سيد / دا نورك يا عليا انا لسه كنت بوصى سالى عليكم كنت بقولها تاخد بالها من اخواتها و متزعلهمش و اى حاجه تحتاجوها انا فى الخدمه مانتوا اخواتى برده
عليا / ميرسى يا سيد فيك الخير والله شكرا
سيد/ تؤمرى انا هقوم بقى عشان ورايا شغل
حسين / مبدرى يا سيد
سيد/ الله يخليك يا عم حسين يدوم العز يا هندسه
سمر / نورتنا
سيد / مع السلامه
سيد يمشى
شريف/ مين الكائن ده صحيح
سمر / اخو سالى الكبير
شريف / ماشى هعدى عليكى بكره بعد الصلاه بقى عشان نروح الجمعيه سوا و شكرا عالحفله الحلوه دى
حسام / نورتنا والله متقعد حبه
سمر / انت هتمشى
حسام / اكيد وراه حاجه
شريف / اه فعلا والله بس انا كنت ناوى اللغيها بس مدام مفيش خروج بقى اروح اقضيها فى السريع و افضى نفسى بكره
حسام / والله فكره جامده انا لو منك اعمل كدا
سمر / اكيد كان نفسى تفضل معانا بس مش عاوزه اعطلك على اللى وراك
حسام / طبعا مش عاوزه تعطليه نورتنا والله يا شريف نورتنا انت و سمسمه الصغيره
شريف / سلام يا سمر هكلمك بالليل بقى
سمر / باذن الله سلام
شريف يمشى و سمر تشوف بوكيه الورد الواقع عالارض تروحله
سمر / ايه ده ايه اللى وقع الورد ده كدا خساره حرام
حسام / خساره ايه ده حتى منغير ريحه تلاقيه بلاستك اصلا
سمر / انت مش متخيل انا بحب الورد قد ايه
حسام / بصى ورد اهو احلى مليون مره من البوكيه ده و بعدين ايه هيكلمك بالليل دى هو ايه اللى جابه اصلا
سمر / مالك يا حسام
حسام / مفيش جعان ممكن ناكل بقى
سمر /انت مش انت و انت جعان
حسام يبتسم / صحيح افتحى الهديه بتاعتى
سمر / بس كدا حاضر
سمر تفتح البوكس تلاقى بوكس تانى
سمر / الله
حسام / كملى كملى
سمر / ماشى
سمر تفتح البوكس تلاقى بوكس اصغر تفتحه تلاقى بوكس اصغر
سمر / هتطلع فاضيه فى الاخر و لا ايه
حسام / يا ستى افتحى
سمر / غاوى تعب انت
حسام / لحقتى تزهقى
سمر تفتح البوكس تلاقى جواه اسوره مليانه حروف
حسام / اتش لحسام و اس لسمر و اتش تانيه لهيام و ايه لعليا و اتش تالته لحسين و اس كمان لسالى معلش يعنى انى حشرت نفسى فى وسطيكوا
سمر / حلوه اوى لبسهانى بقى
حسام يلبسهالها و هما فرحانين اوى
حسام / عقبال الشبكه
سمر / ها ها ها خفه
حسين يدخل / كل سنه و انتى طيبه يا سمر
سمر / شكرا يا بابا تعبت نفسك
حسين / مش هتفتحيها
سمر / انا جعانه دلوقت خليها بعد الاكل بعد اذنك
سمر تمشى
حسام / متزعلش اديها وقتها
حسين / دى مبتكلمنيش خالص و لا حتى بتبصلى
حسام/ اديها وقتها بس و هى باذن الله هتبقى زى الفل
حسين يهز راسه و يمسح دموعه و يروح يقعد بعيد
................
بعد فتره فى الشركه
حسام / اللى واخد عقلك
سمر / انا معدتش عارفه اشتغل مش مركزه خالص يا حسام
حسام / ليه يابنتى ماحنا الحمد لله ماشين بمعدل حلو جدا و معندناش اى شغل متاخر
سمر / ايوه انت شغال حلو انا لا
حسام / و انا و انتى ايه
سمر / انا كنت بشيل شغلى و شغلك لوحدى دلوقت نفس المجهود عشان اشيل معاك المفروض وجودك يخلينا ننجز اكتر مش اريح على حسك
حسام / يا ستى انا راضى ارتاحى انتى و انا هشيل الليله كلها مدايقه نفسك ليه
سمر / و انت هتكون موجود علاطول يعنى
حسام يسكت ثوانى / انتوا ناوين تمشونى امتى
سمر / لا والله مقصدش انا اقصد ان مفيش حاجه فى الدنيا مضمونه
دكتور محمد يدخل سمر تقوم تفز
محمد/ السلام عليكم
سمر/ اهلا يا دكتور حضرتك وصلت مصر امتى
محمد / امبارح بالليل ايه ده مبروك النيولوك كدا احسن كتير
سمر/ ميرسى بس كنت بلغتنى بوصولك ولا اى حاجه
محمد / قال يعنى انتى ناقص فى شغلك حاجه عشان تظبطيها قبل ماجى
سمر / اه نسيت ده بشمهندس حسام ابراهيم متعيين هنا نائب بتاعى بس بصراحه هو اللى شايل الشغل كله
محمد / اهلا يا بشمهندس مش سهل ان بشمهندسه سمر تشكر فى حد اكيد انت عبقرى بقى
حسام / دا من زوقها
سمر / حضرته دكتور محمد المتولى رئيس مجلس اداره المجموعه كلها فى مصر و بره
محمد / طب ايه يا سمر مش هنشرب حاجه و لا ايه
سمر / ازاى بس حضرتك ثوانى
سمر تضرب الجرس عامله الاوفيس تخش
محمد / قهوه مظبوطه لو سمحتى ..... المهم انا جاى و جايبلك بشرى حلوه اوى
سمر / خير يا فندم
محمد / مدير فرع دبى اتوفى من اسبوع
سمر / البقاء لله
محمد/ و الحقيقه احنا دورنا على حد ثقه و كفئ يمسك مكانه مكنش فى احسن منك و انتى عارفه كويس ان دى فرصه العمر و انا مراهن عليكى
سمر / دبى ؟؟؟؟
محمد / حلم كل مهندس بصى يا ستى هناك فى اقامه كامله اكل و شرب على الشركه و مش بس كدا عربيه مخصوص مكيفه لتنقلاتك بالسواق بتاعها و مرتبك هو هو بس بالدولار
سمر تبص لحسام
حسام / عرض ميترفضش
سمر / بس انا مقدرش اسافر انا عيلتى كلها هنا
محمد / بصى يا سمر انا رشحتك رغم صغر سنك لانك طموحه و لانى عارف ان بالنسبالك مفيش مستحيل و متنسيش ان فرع دبى هو اهم و اكبر فروعنا و مفيش ترقيه بعد الترقيه دى غير انك تيجى تقعدى مكانى انا بقى و اروح انا اقعد جنب الاولاد ههههههههههه
سمر / هههههههه معقول حضرتك ههههه
محمد/ انا هنا فى مصر اسبوع فكرى كويس دول خمستاشر الف دولار مش شويه و اه نسيت اقولك ده فى الاول بس لكن لما هتثبتى جدارتك اللى انا واثق انك هتثبتيها المرتب هيزيد
العامله تدخل القهوه
محمد / شكرا
سمر / هو فعلا عرض مغرى اوى و الحقيقه انا مش قادره اصدق نفسى اصلا انى اساسا مالاصل اساسا اساسا اترشحت لمنصب زى ده
محمد / لانك تستاهلى يا بنتى بصى يا ستى فكرى و شاورى اهلك مش تقريبا والدتك و اختك يا ستى خديهم معاكى
سمر / اخدهم فين مش بالبساطه دى حضرتك
محمد / انتى لما هتقوليلهم المرتب صدقينى الصعب هيسهل نفسه المهم فكرى براحتك انا بقى نزلت مصر اليومين دول عشان قررت ارشح نفسى فى الانتخابات
سمر / ليه
محمد / الله هو ايه اللى ليه يا ست سمر هو انا مش قدها و لا ايه
سمر / لا طبعا قدها انا مقصدش بس يعنى اقصد هيضيف ايه لحضرتك
محمد/ انا عاوز اخدم بلدى يا سمر
سمر / اه طبعا بس دا لسه بدرى
محمد / مانا لازم اعمل حسابى عشان ميبقاش فى مفاجات كنت سهران بالليل مع مدير الحمله و قالى على برنامج انتخابى محترم
سمر / بالتوفيق باذن الله
محمد / و الحقيقه اتفاجئت جدا لما قالى انه الاسبوع اللى فات عمل استطلاع بين سكان ديرتى عن اسامى المرشحين اللى يتمنوا انهم يترشحوا و يمثلوا الدايره دى و كمان استفتاء على اسامى مجموعه من المرشحين المحتملين و انا وسطهم
سمر / و النتيجه
محمد / الحقيقه الناس متعرفنيش اصلا يا سمر ميسمعوش عنى و عشان كدا نزلت بدرى عشان اخد وقتى براحتى بس الشئ المبشر انهم رشحوكى انتى
سمر / انا ؟؟؟
محمد / انتى بتشتغلى مع جمعيه امل مصر
سمر / ايوه بس ده ايه علاقته انا توهت من حضرتك
محمد / بصى يا سمر من الاخر كدا اهل المنطقه كلهم عارفينك و انا على فكره عرفت انك ليكى علاقه كويسه بكل الناس هناك
سمر / والله انا اتفاجئت
حسام / يا بنتى كل المحلات و الدور اللى تبع الجمعيه فى منطقه واحده يعنى طبيعى الناس تبقى كلها عرفاكى
محمد / المهم يا ستى انتى طبعا مش هتنزلى قصادى مع ان معظمهم طلبو انك تترشحى
سمر/ انا مليش فى الجو ده خالص
محمد / بس على الاقل تقدرى تساعدينى انا برده زى ابوكى الله يرحمه
سمر تبص لحسام
سمر / الرحمه تجوز على الحى و الميت
محمد / انا اسف بس انا كنت فاكره متوفى يعنى اكمنى مشوفتوش خالص ولا بتتكلمى عنه
حسام / هو كان مسافر و الحمد لله رجع قريب
محمد / يبقى لازم اقابله و اتعرف على الاسطوره اللى خلف المعجزه دى
سمر تبتسم
محمد / ها يا اسطوره هتساعدينى و لا ايه
سمر / انا مقدرش اتاخر عن حضرتك انا بس مش عارفه اقدر اقدم لحضرتك ايه بالظبط
محمد / مدير حملتى هيعدى عليكى بكره و اتكلموا بعض و افهمى منه
سمر/ تحت امرك
محمد / انا هقوم بقى عشان اللحق اسافر اسكندريه ابص على الفرع اللى هناك مقولكيش المشاكل هناك للركب و غيرنا المدير مرتين و برده مش سالكين حاجه غم ياريت والله كل المهندسين اللى عندنا زيك
سمر / شكرا يا فندم دا من زوق حضرتك
محمد / انا هرجع الخميس اعملى حسابك انك معزومه انتى و اسرتك الكريمه عالعشا و انت كمان يا حسام ابقى تعال اهو اتعرف عليك يمكن تمسك مكان سمر لما تسافر هههههههههه
حسام مبتسم ابتسامه صفره و يبص لسمر ساكته
محمد / استاذن انا بقى
سمر / هو حضرتك لحقت
محمد / معلش يا ستى والله غصب عنى انتى عارفه المشاغل
حسام / الله يعين حضرتك
محمد يمشى
...............
