بقلم #لولو_محمد
((((((((((ته مربوطه )))))))
الحلقه الواحد و الثلاثون
ليلى / طب ايه نقرا الفاتحه بقى و نتكلم فى التفاصيل
هيام / بصى احنا مفيش بنا الكلام ده سمر بنتك زى عليا بالظبط و حسام ابننا و منستخسرش فيه اى حاجه و مش هنختلف
ليلى / دا العشم برده بصى زى معملنا لعليا هنعمل لمصطفى و بالنسبالى انا بقى هشوفلى شقه ايجار اقعد فيها على قدى تكون اوضه و صاله
سمر/ ايه الكلام ده يا طنط على فكره انتى مش هتسيبى بيتك
ليلى / يا حبيبتى انتوا هتبقول عرسان و عاوزين تاخدوا راحتكوا
......................
سمر / راحتنا مش فتعبك عمرها دا بيتك و ان قبلتى اننا نعيش فيه معاكى فدا فضل من ربنا و منك
ليلى / انا مش عاوزه ابقى تقيله عليكى
عليا / انا عندى الحل هى يعنى سمر هتبقى بتحب ماما اكتر منى بصى يا ست الكل تلت ايام عند سمر و تلاته عندى و الجمعه نتجمع كلنا
مصطفى / يا ستى خليكى عندنا فى الاول و بعد كدا ابقى نقى لكن انك تعيشى لوحدك دى عمرى مهوافق عليها ليه مخلفتيش رجاله و لا ايه متقول حاجه يا حسام
حسام قاعد سرحان
سمر / حسام
حسام / هاه اللى تشوفوه انا موافق
ليلى / طب تمام نقرا الفاتحه بقى و نحدد معاد الفرح و لا ايه
حسام ساكت
عليا / انا بقول خير البر عاجله هما مش محتاجين خطوبه هما عارفين بعض كويس و لا ايه يا عريس
حسام يبتسم و يبص الناحيه التانيه سمر توطى عليه
سمر / مالك يا حسام
حسام يهز راسه مفيش و يقوم يقف
حسام / بقولكوا ايه اتفقوا على اللى انتوا عاوزينه و انا هاخد عروستى و ننزل شويه هتعوزوا حاجه
مصطفى / اللحقوا داحنا لسه مقريناش الفتحه وواخدها و خارج ايه ياعم انت فاكرها وكاله منغير بواب واخد البت ورايح على فين
سمر / ملكش فيه انا راضيه
مصطفى / صحبتكم السلامه توكلوا على الله
ليلى / ياخويا مستعجل على ايه بكره تزهقوا من بعض اقعد الاول اما نحدد معاد الفرح داحنا حتى مقريناش الفتحه
هيام / بصى يا ست ليلى احنا هنقول شهر توضيب الشقه و شهر فرش يبقى بالكتير كمان شهرين
ليلى / والله كتير دانا كنت بقول الخميس اللى جاى و لا اللى بعديه
مصطفى / ايه يا ماما هو سلق بيض مهو لازم ياخد اللفه اللى اخدتها لازم يعرف انه مش بالساهل و ان الله حق
ليلى / و نعم بالله ايه رايك يا حسام
حسام / اللى تشوفوه
ليلى / خلاص خد عروستك بقى مدام خارجين و اتفرجوا على الدهب و نقوا الشبكه اللى تعجبكوا و ننزل بكره نجيبها معاكوا و تلبسوها و تلفوا بقى عالقاعات تنقولنا معاد قريب و ورنا همتكوا يا بشمهندسين بسم الله ما شاء الله عندى بدل المهندس اتنين و تلاته عاوزه الشقه فى اسرع وقت
حسام / ربنا يسهل
حسين / نقرا الفاتحه
الكل يقرا الفاتحه و اول ميقولوا امين حسام يشد سمر و ينزل و يقفل الباب
مصطفى / شايفين مستعجل ازاى امال انا اللى قعدت شهر بحاله لحد ممسكت ايدك و قال ايه مكسوفه ياختى اتوكسى
عليا / مصطفى
مصطفى / بلا مصطفى بلا بتاع و كل مقربلك تعمليلى كرت ارهاب بسمر اهى سمر نفسها مصدقت اهى
ليلى / هههههههههههههههه يخيبك واد
عليا / انا هقوم اعمل عصير مدام مفيش شربات
........................
فى العربيه
سمر / انت مالك فى حاجه فى الاتفاق مديقك لو فى حاجه دايقتك قولى نغيرها
حسام مبيردش
سمر / مالك يا حسام فى ايه انت زعلان منى فى حاجه هو انا قولت حاجه غلط يمكن عشان حضنتك انا والله عمرى معملت كدا مع حد انا اصلا مش عارفه انا عملت كدا ازاى
حسام / الموضوع مش كدا خالص
سمر / امال فى ايه
حسام يركن العربيه
حسام / وصلنا ده اقرب كافيه انزلى نشرب حاجه
سمر تنزل و عينها على حسام و هو مش باصصلها اصلا و يدخلوا يقعدوا يطلب
حسام / قهوه لو سمحت مظبوط
سمر / نسكافيه شكرا
الوايتر يمشى
حسام / انتى فكرتى فى اللى بنعمله ده حسبتيها كويس
سمر / انت اللى بتسال مانت عارف كل حاجه
حسام / دى مش لعبه يا سمر دا جواز بجد على سنه الله و رسوله
سمر / طب اعمل ايه مانت عارف ماما حاولت والله كتير بس دخولها المستشفى دمرنى شوفت عليا عملت معايا ايه شيلتنى المسؤليه كنت عاوزنى اعمل ايه انا مستعده اعمل اى حاجه عشان اراضيها
حسام / انتى بتقولى ايه يا سمر دى هتتحسب عليكى جوازه اصلا مينفعش كل اللى بيحصل ده غلط
سمر / متخافش محدش هيجيب اللوم عليك و بعدين احنا فى مصر لقب مطلق مش هيعيبك بالعكس الناس هتتعاطف معاك و يعتبروك الضحيه
حسام / بالظبط و انتى
سمر / يفرق فى ايه
حسام / لا يفرق مفكرتيش فى مشاعر والدتك لما نطلق مفكرتيش هتبصلى ازاى هتكرهنى قد ايه
سمر تتنهد / انت عاوز ترجع فى كلامك
حسام / انهى كلام انا متفقتش معاكى اننا كام شهر و نطلق انا جاى على انك تدى لنفسك فرصه بجد
سمر / و انا مقولتش لا مانا هدى لنفسى فرصه و كدا كدا هتفشل هى هياها
حسام / دا جواز يعنى هيتقفل علينا باب يعنى الحواجز اللى بينا هتترفع انتى فاهمه انا اقصد ايه
سمر / انت ليه مكبر الموضوع
حسام / عشان هو كبير انا مش مستعد ان اخد ذنوب على ضهرى قد كدا عشان انتى معندكيش استعداد تجازفى معايا شويه انا مستعد انتى ليه
سمر / انت عاوز ايه يا حسام
حسام / بصى يا سمر الجواز مش ماذون و اتنين شهود و خلاص مش كلمتين و كل واحد هيروح بيته انا و انتى هنعيش سوا هننام سوا
سمر / لا
حسام / بجد
سمر / احنا متفقناش على كدا
حسام / احنا متفقناش اصلا انتى طلبتى منى طلب صريح و انا وافقت و جيت انتى اللى رجعتى فى كلامك
سمر / مش هقدر
حسام يسكت شويه و يخبط بصوابعه عالترابيزه و يتنهد / طب و الحل
سمر / معرفش اعتبره سبب للطلاق و ساعتها محدش هيلومك
حسام / الجواز كدا مينفعش بصى فى جميع الاحوال الجواز مبنى على اساس انك تبنى اسره و استمرار مينفعش تبدائيه بمبدا الانفصال كدا غلط انا معرفش فى الدين بس اكيد غلط
سمر / يا حسام غصب عنى
حسام / اتحجبتى ليه مهو كان غصب عنك و اول مالشيخ قالك حرام اتحجبتى حاربتى شيطانك و اتحجبتى
سمر تبدا تدمع / انا خايفه
حسام / بصى يا سمر خلينا نبدا مالصفر لا من قبل الصفر براحتنا انتى شيلى موضوع الطلاق ده من دماغك و حاولى معايا انا والله مش هعمل اى حاجه ماللى فدماغك خالص بصى ماشى جربينى بس على راى المسال لا تمدح و لا تشكر غير بعد سنه و ست شهر
سمر / مده طويله اوى
حسام / هو انا وحش اوى كدا
سمر/ مش عاوزه اخسرك مش عاوزه اكرهك
حسام / ليه بتحكمى عليا بالفشل من قبل حتى مبدا
سمر / عشان......عشان...... عشان انت بتحب انت نسيت
حسام / عمرك شوفتيها عمر حد شافها فى مخلوق حتى يعرف اسمها
سمر / يووووه عليك بص انسى انت معاك حق دى فكره زباله اصلا انا هقوم
حسام / اقعدى بطلى لعب عيال ايه هى اسوء حاجه ممكن تحصل
سمر/ انى اخسرك
حسام / لا انك تكرهينى لانك عمرك مهتخسرينى بصى انا عمرى مهكبت طموحك هساعدك هحميكى هعمل نفس اللى كنت بعمله و احنا اصحاب بعد الجواز مش هسيبك فى البيت و اقعد مع صحابى لانى اصلا مليش صحاب غيرك عمرى
مهضربك و لا اشتمك و لا اهينك و لا حتى هاجى عليكى عمرى مهاذيكى باى شكل و مش هسمح لاى حاجه طول مانا عايش تاذيكى و ده و عد منى قدام ربنا
سمر / انت مش فاهم
حسام / لا فاهم انتى مش عاوزه تحاولى عشان خايفه مالفشل
سمر / هتفشل مهما حاولت هتفشل هتبقى تحت الميكروسكوب طول الوقت هبقى مستنيالك على غلط انا عارفه نفسى هتبقى فى سجن هتكرهنى
حسام / دى مشكلتى و انا عارف ازاى هحلها
سمر / ولو مقدرتش
حسام / يبقى نرجع للخطه البديله و كل واحد يروح لحاله
سمر / ولو فى طفل بينا مصيره ايه
حسام / هناجل الموضوع ده شويه هنصبر لحد متبقى متاكده مليون الميه ان انا الانسان اللى عوزاه يكون ابو عيالك
سمر / اقولك ايه بس انا اكيد مش هلاقى احسن منك
حسام / يادين النبى امال فين المشكله بقى
سمر / عمرك مهتفهم
حسام / نعمل اتفاق قدامك شهرين من هنا للفرح قررى براحتك و اى كان قراراك انا هبقى معاكى فيه و اوعدك ان حتى بعد الجواز مش هضغط عليكى فى اى حاجه هسيبك براحتك
سمر / سبها لله
حسام / قومى معايا
سمر/ على فين
حسام يحط فلوس عالترابيزه و يشد سمر يركبها العربيه
سمر / انت رايح فين
حسام / فى حاجه مهمه فى البيت عندى لازم تشوفيها
سمر / حاجه ايه انا مش هطلع البيت عندكوا
حسام / انا هطلع اجيبها و انزلك بصى دى حاجه كدا زى خواطرى مكنتش بسمح لامى حتى تقراها انتى الوحيده اللى هسمحلك تشوفيها و تقريها انتى الوحيده اللى هكشف نفسى قدامها
سمر / بجد
حسام / هتلاقى كل ذكرياتى من اول مدخلت تانيه ثانوى مكتوبه بالتواريخ و فى صور كمان حاولى تفرى فيها فيها حاجات يارب تعجبك
سمر / عندى فضول شديد انى اقراها
حسام / يلا يا سمر وصلت ثوانى هطلع اجيبها و اجى
...............................
فى البيت
سمر تدخل فى ايدها الاجنده تلاقى امها قاعده مستنياها
هيام / روحتوا فين
سمر تقعد جنبها
سمر / روحنا كافيه كدا شربنا حاجه و اتكلمنا شويه و جيت
هيام / النهرده اسعد يوم فى حياتى كان قلبى حاسس ان الواد حسام ده فيه الشفا
سمر / شفا
هيام / مانتى كنتى عيانه يابنتى و عياكى كان على عينى اوعى تفتكرى ابوكى هادى كدا مش فارق معاه دا الدوا اللى بياخده هو اللى مصبره و موقفه على رجليه ابوكى تعبان النهرده بعد مالناس مشيو دخل صلى ركعتين شكر لربنا مشوفتيش فرحته كانت عامله ازاى متتصوريش اصلا فرحتى عامله ازاى
سمر / تدوم عليكى يارب
هيام / حسام بيحبك يا بنتى اديله فرصه صدقينى هيصونك و يكرمك
سمر / باذن الله
هيام / انا داخله انام ابقى كلمى عليا بتتصل كل نص ساعه تشوفك روحتى و لا لا و مش عاوزه تتصل عليكى لتكون بترخم و لا حاجه
سمر / حاضر
هيام تبوسها و تحضنها و تقوم تنام و سمر قاعده لوحدها بتتنهد و تمسك الموبايل
سمر / صحيتك
عليا / ابدا انا مكنش هيجيلى نوم الا لما تحكيلى كل حاجه بالتفصيل مش انا قولتلك انا قولتلك فاكره لما قولتلك صح انا قولتلك
سمر / بس بس اهدى
عليا / انا قولتلك ان حسام بيحبك و انتى مصدقتنيش مش هتتخيلى فرحه ماما و بابا النهرده كانت عامله ازاى بجد كنت بحقد عليكى دى ماما مفرحتش بيا كدا و لا حتى بابا انا نفسى مفرحتش لنفسى كدا انا بحبك اوى يا سمر كلنا بنحبك و كلنا فرحانين من قلبنا ربنا يتمها عليكى يارب و يجعلهولك زوج صالح و يرزقك بالزريه الصالحه يارب انتى ساكته ليه
سمر / هقول ايه
عليا / قولى اى حاجه قولى انك فرحانه انك مبسوطه انك مش عارفه تلمسى الارض من كتر مانتى طايره احكيلى الكلام الجامد اللى قالهولك قالك بحبك جابلك ورد قولى بقى انطقى عملتوا ايه من ساعه منزلتوا
سمر/ معملناش
عليا / اوعى تكونى مش مبسوطه يا سمر اوعى تكونى وافقتى عشان خاطر ماما و عياها ..................... طب و حسام عارف ............. متقوليش انه عارف متقوليش
سمر / عليا انا
عليا / انا شوفتك حضناه انا شوفتك
سمر / كنت فرحانه انه جه ووقف جنبى لانى كنت خايفه حد غيره يتقدم و ساعتها ابقى ادبست عليا ابوس ايدك متقوليش لماما
عليا / بس حسام بيحبك بجد مصطفى قالى
سمر / انتى مش فاهمه
عليا / لا انتى اللى مش فاهمه مصطفى قالى ان حسام بيحبك من زمان و مكنش راضى يتجوز عشانك مصطفى قالى كدا والله انتى كدا بتجرحيه هو و لسه لو ماما عرفت سمر انتى بتعملى فيهم كدا ليه حرام عليكى
سمر تعيط / انا تعبانه اوى يا عليا تعبانه و تايهه و مش عارفه اعمل ايه
عليا / انا بجد مش عارفه اقولك ايه
سمر / انسى انسى انا هدخل انام نامى انتى و ارتاحى عشان النونو و متقلقيش كلو هيبقى تمام
عليا/ باماره ايه
سمر / متقوليش انتى بس لمخلوق عالحوار ده و خصوصا مصطفى دا مبيتبلش فى بقه فوله اوعى يكون جنبك
عليا / لا عنده صبه الصبح و نايم من بدرى
سمر / الحمد لله صدقينى كلو هيبقى تمام انا بس محتاجه اجمع نفسى محتاجه شويه وقت
عليا / ربنا يهديكى
سمر / سلام
سمر تقفل السكه تجرى عالكنبه و تطلع الاجنده و تفتح اول صفحه و تقرا بصوت واطى خالص
سمر / منتهى الخنقه حاسس انى نفسى اصرخ و اقول كلام كتير اوى بس مش قادر النهرده عموا حسين اتخانق معايا جامد عشان كنت مروح مع بنته مالمدرسه راجل غبى ليه مش قادر يفهم قد ايه بحبها عارف انها لسه فتانيه اعدادى بس مش بقدر ابعد عنها فى حاجه بتشدنى ليها بقعد اتفرج عليها من شباك المنور اللى فى الصاله
سمر تبتسم وتقلب شويه صفح
سمر / النهرده سمر بتقولى عاوزه تعرفنى بصحباتها اتهبلت دى و لا ايه انا بجد مش عارف كان نفسى اخنقها صحبات مين يا هبله دول شويه معيز جنبك اللى يغيظ انها بتسالنى هى حلوه و لا لا دى مجنونه رسمى حد يقولها يا جدعان حد يقولها انها قمر بنسى نفسى لما بشوفها ببقى نفسى الطريق يطول اوى
بس ببقى خايف تتاخر ابوها الجزمه ده ينيمها عالسلم تانى بيبقى هاين عليا افتح الباب و اشيلها و اخليها فحضنى الله يحرقه مطرح مهو بيحرق دمى هو فى كدا حد يبقى عنده بنت حلوه كدا و يعمل فيها كدا ............... ابن الكلب ابن الكلب قصلها شعرها هاين عليا اقتله ابن الكلاب مش عورها بالمقص فى ايدها والله لولا بابا مانعنى عنه كنت غرزته فى قلبه مشفش خوفها مش عارف انام عاوز ادخلها عاوز اخدها فى حضنى و اقولها متخافيش انا مش هسمح لحد يقرب منك انا اسف يا سمر انا اسف انى مقدرتش احميكى منه
سمر تبدا علامات الديقه تبان على وشها و تقلب فى الصفح
سمر / انا تعبان دوخت عليها مش لاقيها وحشانى اوى بشوفها فى كل البنات كل الوشوش بقت سمر وحشتنى دحكتها اوى وحشتنى عنيها اللى بتقولى عمرى مهتكسر ياريتنى قولتلها قد ايه بحبها ياريتنى مسبتها تمشى انا تعبان بجد منغيرها مش عارف اركز لا فمزاكره و لا فزفت ادعى على ابويا يعنى
سمر تقلب صفح تلاقى صورتهم فى الجامعه
سمر / لقيتها لقيت سمر او هى لقتنى مش عارف بس المهم رجعنا سوا تانى وحشتينى يا سمر بتقولى عاوزه تبقى زيى اقولك ايه يا سمر اقولك ايه انا مش عاوز غير انى اكون جنبك ميهمنيش تبقى ايه سبحان الله بيقولوا انوثه و بتاع بس اقول ايه دى احلوت اكتر من اى وقت شفتها فيه شعرها القصير هياكل منها حته بتلبس الكاب بتاعى و بتبقى قمر يخربيت جمالها هسقط يخربيتك
سمر تدحك بصوت عالى
و تقلب الصفح تلاقى صورتها و شعرها اطول شويه
سمر / صورتها منغير متاخد بالها قلبى واكلنى عليها اوى حاسس انها بتضيع منى تانى الكلب اللى اسمه زفت سعيد هابلها فيه ايه اكتر منى ده حتى متخلف و فاشل انا مش هسمحلها ياذيها انا بكره لازم اقتله قبل ميجرحها
سمر تقلب بسرعه و هى مخنوقه
...................
