#ته مربوطة_
#بقلم #لولو_محمد
الفصل الخامس والسادس
#LOLO #لولو_محمد
(((((((((ته مربوطه ))))))))
الحلقه الخامسه
ام زياد / اللى تؤمرى بيه يا ست الكل
سمر تدى زياد لحسام يشيله و يفضل ماشى وراها
سمر / حلو الموديل ده ايه رايك يا حسام البشمهندس حسام صديق الطفوله كان عاوز يجيب كام هديه كدا لقرايبه قولتله لو عاوز احلى هدوم اطفال اكيد هتبقى عند ام زياد
ام زياد / اهلا يا بشمهندس نورت نقى اللى يعجبك و ميهمكش مالحساب خالص خير البشمهندسه سابق
حسام يبص لسمر و هو مندهش و سمر تعبى فى هدوم و تحط عالكونتر
.....................
سمر / كفايه دول بيتهيالى شوفيلى حسابهم كام و اعملى الواجب
ام زياد / خيرك سابق
سمر / انجزى يام زياد ورانا مشاوير يلا احسبى بقى
ام زياد / حاضر
ام زياد تجمع فى الفاتوره و تعبى فى اكياس
ام زياد / سبعميه تلاته و عشرين بعد الواجب والله
سمر تطلع من شنطتها و تديها الفلوس و تنقى حته من الهدوم و تديهالها
سمر /دى هديه منى لحبيب قلب خالته زيزو والله لو كسفتينى مهدخل عندك تانى
ام زياد / والله خيرك سابق
سمر / متبطلى بقى يام زياد الله انا مستعجله يلا سلام اشوفك المره الجاىة عاوزه موديلات بناتى تهبل انت فاهمه
ام زياد / باذن الله
................
فى العربيه
سمر / ايه يابنى مالك مذبهل كدا ليه
حسام / مش فاهم انتى جبتى الهدوم دى كلها لمين و ليه
سمر / ده رزقها يابنى زى مقولتلك ربنا باعتنى سبب بس
حسام / يا سلام سبعميه جنيه ليه يعنى و كل دى هدوم اصلا ليه
سمر / على فكره دى ارخص واحده فى مصر انا عارفه كويس الاسعار
حسام / عارفه لو محل حريمى كنت قولت ماشى اهو ليكى و لا لطنط و لا لعليا لكن دى متخشش فى رجلك يا سمر
سمر / طب مهم مش ليا يا حسام دول برضه لصاحب رزقهم انا كل يوم جمعه بعد الصلاه بطلع على مكان شكل دار ايتام دار مسنين مستشفى كل مره مكان شكل برضه هو ورزقه اوديلهم اللى فيه النصيب لعب بقى ورد هدوم فلوس زى ميطلع رزقهم بقى ساعتها
حسام / ربنا يرزقك يا بنتى هتطلعى على فين دلوقت
سمر / بكره هنروح دار ايتام فانا هطلع على محل تانى اشترى شويه لعب كدا حلوه و بعدين نطلع على محل بقاله اشترى حلويات و لعلمك المحلين اللى هنروحهم برضه تبع الجمعيه
حسام / ماشى اتفضلى
.......................
اخر اليوم
سمر / ايه تعبت و لا ناوى تكمل بكره
حسام / انتى بتهزرى صح انا معاكى للاخر مانا لازم افهم اللى بتعمليه ده
سمر / بكره لما تشوف العيال الصغيره و هى مبسوطه اوى بالحاجات اللى انت جبتها هتعرف
حسام / بس انا مجبتش حاجه انتى اللى جبتى
سمر / ايوه بس كل الناس اللى اشترينا منهم كانوا فاكرين ان انت اللى جبت و دعولك انت و العيال بكره هيشكروك انت
حسام / ليه
سمر / معرفش اهو بجرب اوقعك فى الفخ بتاعى بس صدقنى هتنبسط
....................
تانى يوم
حسام / يابنت اللذينه انا محستش بالفرحه دى من سنين دانا دمعت و ربنا ايه العيال العسل دول ايه البراءه و خفه الدم ده
سمر / افتكر الجمايل
حسام / هتروحى فين الاسبوع الجاى انا جاى معاكى
سمر / الاسبوع الجاى الدور على دار مسنين تبع الجمعيه مكان حلو اوى و فيه ناس حلوه اوى اوى بجد هتنبسط اكتر بكتير جدا من النهرده و ده وعد
حسام / لا جاى وش بس المره الجايه هشارك بجد يا بت اللعيبه يا سمر انا بجد منبسطتش كدا من سنين
سمر / انا كنت عارفه انك هتنبسط اصل الخير ده متعه تانيه سبحان الله بيديك طاقه رهيبه انا بعمل الحاجات دى من تلتاشر سنه من يوم مبقيت فى الشارع من يوم مبقيت زيهم اصل لو مكنش فى راجل محترم اوانا فى بيته لحد منلاقى الجمعيه كان زمانا بنشحت زى ام زياد و يمكن و يمكن و يمكن الله اعلم
سمر تدمع
حسام / انتى هتقلبيها نكد ليه مكنا كويسين
سمر / نروح بقى عشان عندنا شغل الصبح
حسام / انتى الريسه
حسام يسوق
سمر / تعرف لما كنت صغيره كان فى مدرسين بيجوا يدونا دروس خصوصيه فى الجمعيه ببلاش واحد منهم مره قالى ان ربنا على قد مبيحبك بيختبرك بيشوف هتصبرى و لا لا
حسام / بابا الله يرحمه كان بيقول كدا
سمر / ساعات كتير بحس انى مقصره كل مبعمل حاجه عشان اقول لربنا شكرا بيردهالى اضعاف تعرف فى اجازه تالته ثانوى و انا مستنيه النتيجه الجمعيه ادتنى كتاب لمكفوف اكتبهوله عالكمبيوتر و عندهم برنامج بيحول الكتابه لصوت يعنى و ساعات كنت بقعد ازاكرله انا كنت بحب الموضوع ده جدا و بدات اندمج اوى فى الشغل فى الجمعيه طول الاجازه اخر الشهر لقيت مديره الجمعيه بتدينى ظرف و بتقولى ان كان فى واحده فى الجمعيه كانت جايه تتبرع و لما شافت نشاطى و حماسى كنت ستاشر سنه لسه ادتهم الفلوس دى و طلبت يوصلوهالى مكافاه فتحت الظرف لقيت خمسميه جنيه كان مبلغ جامد وقتها كنت هموت مالفرح
حسام / عملتى بيهم ايه
سمر / فى الاول كنت فاكره انى هشترى بيهم الدنيا كنت عاوزه اعمل حاجات كتير اوى كنا طالعين دار مسنين نفس الدار اللى هنروحها الاسبوع الجاى نزلت انا و ماما و اشترينا فاكهه كتير جدا و اطباق فل و اكياس تلاجه و قعدنا غسلنا الفاكهه و عبيناها فى اطباق و حطينا كل طبق فى كيسه و خدتهم معايا مكنتش قادره اشيلهم من الكميه كل الموضوع كان متين جنيه مديره الجمعيه فرحت اوى باللى عملته و انى اخدت جزء من الفلوس و طلعتها لله تخيل انها ادتنى الفين جنيه جايزه
حسام / بتهزرى
سمر / لا والله حصل الفلوس ادتهوملى من جيبها عشان تشجعنى و تشجع كل المتطوعين و عملت حفله و كرمتنى قدام الكل كانت اول جايزه اخدها فى حياتى شوفت ربنا كريم ازاى تديله متين يديك الفين هتردهم ازاى بقى
حسام / و عملتى ايه بالالفين
سمر / اديتهم لماما بس افتكر ان ماما طلعت جزء كبير منهم برده و بقت عندى عادى كل مقبض مبلغ اقطع منها جزء و اطلعه لله سبحان الله بيرجعلى اضعاف و لو مرجعش بتلاقى الفلوس القليله الباقيه فيها بركه و مش راضيه تخلص ابدا
حسام / لازم اجرب الطريقه دى
سمر / بس لازم تبقى واثق فى نجاحها و تخلص النيه لربنا عشان يديك
حسام / على فكره انا مش متفاجئ ماللى بسمعه
سمر / انا عارفه اصل اللى متربى عالعز
حسام / لا عشان انا عارفك و عارف انك من جواكى كويسه و مهما الدنيا ضغطت عليكى مش هتطلع غير احلى مفيكى
سمر / طب ركز فى الطريق بقى لحسن انا دمعتى قريبه و بتاثر بالكلام الحلو ده
.............................
فى الشغل بعد فتره
مصطفى / بقولك ايه يا حسام انا عاوز ازوغ النهرده مالمكتب و فى عندى تسليم مشروع متعملش فاخوك جميله و تخلصهولى و لما اقبض هبقى اعوضك
حسام / ماشى سيبه هخلص اللى فايدى و بعدين هكملهولك مش هاخد شغل جديد
مصطفى / يعنى اخلع
حسام / اخلع يابنى هو انا ماسكك هكملهولك حاضر هو تسليمه امتى
مصطفى / فى اى وقت بس انت عارف السستم كل مخلصت اسرع كل مانجزت اكتر كل مقبضت اكتر منها لله سمر دى هى اللى حطت النظام الزباله ده الواد علاء قالى انهم كانوا بياخدوا مرتب ثابت قبل مهى تمسك و تحط السيستم الغبى ده
حسام / اش فهمك انت خلتكوا كلكوا تشتغلوا ورجلكوا فوق دماغكوا دى بت دماغ
مصطفى / اشبع بيها انا ورايا جو عاوز اللحقه لحسن هيطير منى
حسام / ربنا معاك
..................
بعد فتره حسام يدخل المكتب عند سمر
حسام / ايه هتباتى هنا و لا ايه يلا مفيش غيرنا تعالى اوصلك
سمر / ماشى يلا بينا
فى العربيه
حسام / مدام كدا كدا بيتحاسبوا بالشغل اللى عملوه ليه بقى بتفضلى فى المكتب لوقت متاخر اوى كدا
سمر / عشان اشجعهم يشتغلوا اكتر
حسام / ايوه مهو الفلوس هتشجعهم يا سمر
سمر / بهرب مالبيت يا حسام ارتحت بهرب من زن امى على دماغى كل يوم
حسام / هو صحيح انتى مش عاوزه تتجوزى خالص يعنى حتى لو راجل كويس كدا و ابن حلال و بيحبك برضه لا
سمر / تعرف يا حسام انا كان نفسى اوى يخترعوا جهاز كدا تسلطه عالدكر من دول يقولك احترس هذا الكائن ليس رجلا معدل الرجوله لديه اقل من 4%
حسام / ههههههههههههههههههههههه
سمر / يسموه مثلا رجولهميتر مثلا يعنى
حسام / لا بجد فكره جامده انا بقول نكلم الناس بتوع اليابان يخترعولنا واحد
سمر / انت فاكرنى بهزر
حسام / لا طبعا بتتكلمى جد بس برضه ده ايه علاقته بسؤالى
سمر / اعرف منين انه راجل اعرف منين انه مش زباله و ابن كلب و هيطلع عينى اعرف منين انه هيصونى و يصون عيالى
حسام / بيبان يا بنتى من التعامل الراجل بيبان
سمر / بيتهيالك يا حسام انت لو اتعاملت مع الناس زى مانا اتعاملت كنت شوفت بجد الناس بقت زباله اوى عروسه تطلق بعد شهرين من جوزاها عشان عريسها مش قادر يشوفها بلبس البيت عاوزها هيفا وهبى طول الوقت مفيش تعبانه عيانه لسه صاحيه مالنوم مفيش ازاى هو يضرب الفنله الحمالات و يقعد مكرش كدا تلاقى كرشه مدلدل من عالكنبه كدا سارح متعرفش رايح فين
حسام / ههههههههههههههههههههه
سمر / بطل دحك انا بتكلم جد و عاوزها هايفه يا هيافتك يا اخى
حسام / طب بس اهدى
سمر / و على العكس تماما واحد متجوز واحده غندوره البديكير و المانكير و الحواجب و الرموش صاروخ روسى ارض جو بس البيه يسالها انتى ليه مبتلبسيش جلبيه زى امى و تربطى منديل على راسك
حسام / هههههههههههههههههه انتى بتعرفى الناس دى منين
سمر / لا و الاكتر من كل ده واحده تتخطب لواحد سنه و نص و بعد الجواز بشهرين يسالها انتى صوتك مسرسع كدا ليه بطلى كلام بتعمليلى صداع امال هى بقالها سنه و نص بترغى طول الليل مع ابن خالتك مثلا و لا هو الصوت بيتغير فى التليفون و اللى بيمنع مراته تزور اهلها و اللى بيضربها و اللى بياخد مرتبها و اللى عمال يتجوز و يطلق اهو يجرب و يرمى
حسام / برضه ايه علاقه كل ده بسؤالى
سمر / المجتمع بتاعنا مجتمع مريض يا حسام بيحترم جدا الراجل المطلق و بيعتبره الضحيه و معندوش اى مانع انه يجوزه بنت تانيه يظلمها معاه حتى لو هو واطى و ابن كلب لكن الست اللى اطلقت دى بتبقى رخيصه بتتباع عالارصفه الكل بيبصلها على انها لقمه سهله محدش بيقول ان نصيبها كدا او انها ضحيه لا كان المفروض تصبر و تحارب عشان بيتها و جوزها تحارب عشان مين الزوج لازم يكون وطن عشان الست تحارب عشانه مش سجن
حسام / طب هدى اعصابك بس
سمر/ اقولك ايه بس يا حسام لو الراجل خان مراته بيجيبوا اللوم عالست مانتى لازم تهتمى بنفسك متبقيش خايبه و تسيبيهولها لازم تحاربى عشانه هو اساسا حيوان و لا يسوى تحارب عشان مين دا زانى و عقوبته الرجم مش اننا ندلعه و نهشتكه ليه يعنى مين هو ابن مين فى مصر يعنى
حسام / انا اسف انى سالتك خلاص بقى
سمر / انا اسفه يا حسام بس بجد بتعصب كل واحد من دول فاكر نفسه محصلش فاكر نفسه هيمشى فى الشارع يبص يمين ميه يموتوا يبص شمال الف يغم عليهم و هو شبه الغوريلا اساسا
حسام / طب خلاص اهدى
سمر / تعرف انا جالى مره عريس من اول القاعده بتقبضى كام و بتاخدى حوافز و انتى بتروحى مالشغل الساعه كام و على فكره فى حاجات كتير بعد الجواز هتتغير لما قومت طردته هو و امه مالبيت هو انت مين اقنعك انى موافقه عليك اساسا بتسال على مرتبى ليه هو انت متجوزنى اصرف عليك
حسام / جدعه بس كان ممكن ترفضيه بطريقه احسن شويه من انك تكرشيه هو و امه
سمر / اصلك مشوفتش امه حبيبى يا حماده روح قلب ماما يا حماده هو فى زى حماده يا حماده عليكى و على حماده و ابو اللى جاب حماده
حسام / يخربيته حماده بس اهدى
سمر / هههههههههههههههههه
حسام / يلهوى اقوم اولعلك فى عيله حماده كلها دلوقت عشان ترتاحى
سمر/ اهدى فى ايه
حسام / متقوليش اهدى اصل الموضوع ده بيعصبنى قال حماده قال مين حماده ده اصلا
سمر / هههههههههههههههههههههه
حسام / وصلنا الحمد لله
سمر / لو عاوز خلى العربيه معاك و عدى عليا خدنى الصبح
حسام / لا انا كدا كدا بكره هروح ادفع مقدم عربيه بصراحه شكلى وحش و انا رايح جاى بعربيتك
سمر / طب ايه رايك ابيعهالك مانت كدا كدا انت اللى بتسوقها
حسام / و ماله شوفى هتبيعيها على كام و انا شارى
سمر / طب خدها روح بيها و عدى عليا بكره و نبقى نتكلم بعدين
حسام / بقولك ايه بعد متخلصى خناقتك مع امك كالعاده ابقى كلمينى
سمر / هههههههههههههههههه حاضر سلام
...................
فى البيت بعد فتره
سمر / اعمل حسابك انكوا معزومين عندنا عالغدى ماما ماكده عليا اعزمك انت و مصطفى و طنط ليلى
حسام / ياخبر هو انا فى ديك الساعه امتى بقى
سمر / الوقت اللى يناسبكوا ان شالله بكره
حسام / طب خير البر عاجله و انا فاضى بكره
سمر / هههههههههههه ماشى يا سيدى
حسام / بقولك ايه صحيح هو مين اللى هيعمل الاكل
سمر / ماما و عليا هتساعدها
حسام / مش جاى هبعتلكوا ماما و مصطفى
سمر / يا سلام ليه يعنى
حسام / يعنى انتى عاوزه تقنعينى انك مبتعرفيش تطبخى
سمر / بعرف بس
حسام / خلاص انتى عزمانى بكره و مش هاكل غير من اللى ايديكى هتعمله
سمر / افتكر انى قولتلك بلاش
حسام / ملكيش دعوه انا بايع بطنى بس عاوز ادوق
سمر / انت الجانى على روحك
حسام / قشطه يا وحش
......................
فى العزومه
هيام و ليلى و مصطفى و حسام قاعدين فى الصالون
هيام / منوره يا ليلى والله وحشانى
ليلى / بيتكوا الجديد حلو اوى
هيام / كلك زوق سمر هى اللى بنت الشقه دى على اديدها و لسه ناقلين السنادى من كام شهر لما استلمناها
عليا / الاكل جاهز عالسفره
هيام / اتفضلوا اتفضلوا
عالسفره الكل بياكل و حسام مبيمدش ايده
هيام / متاكل يا حسام يا حبيبى مبتاكلش ليه الاكل مش عاجبك
حسام / مين اللى عامل الاكل ده
عليا تدحك و سمر تزغدها
سمر / انا كل اتفضل
مصطفى / انتى بتعرفى تطبخى
سمر / دوق و احكم
مصطفى / هو مفيش حاجه فى الدنيا مبتعرفيش تعمليها
حسام / فى كتييييير
سمر / واثق اوى زى ايه مثلا
حسام / تعرفى تصلحى عربيه لو عطلت بيكى عالطريق
عليا / ههههههههههه
الكل يبص لعليا
سمر / بص انا مش ميكانيكى بس عندى فكره يعنى اكيد مش هتبقى حلوه لو عطلت بيا بالليل عالمحور مثلا
حسام / تصدقى معاكى حق سمعت ان الحرميه كتروا اوى الفتره دى
مصطفى يغمغم / فعلا هتبقى حاجه وحشه اوى للحراميه
سمر / شكرا
مصطفى يشرق
عليا / اتقفشت متلبس
مصطفى / انتى متاكده انكوا اخوات
سمر / زى مانا متاكده انك اخو حسام ازاى معرفش
حسام / هههههههههههههههههههه
ليلى / بس بجد تسلم ايدك يا سمر الاكل جميل و انتى اصلا مهندسه شاطره بسم الله ما شاء الله مفيكيش غلطه
.........................
(◉‿◉) (◉‿◉) (◉‿◉) (◉‿◉) (◉‿◉)
((((((((((((ته مربوطه)))))))
الحلقه السادسه
عليا / اتقفشت متلبس
مصطفى / انتى متاكده انكوا اخوات
سمر / زى مانا متاكده انك اخو حسام ازاى معرفش
حسام / هههههههههههههههههههه
ليلى / بس بجد تسلم ايدك يا سمر الاكل جميل و انتى اصلا مهندسه شاطره بسم الله ما شاء الله مفيكيش غلطه
.........................
هيام / بس نصيبها قليل اوى يا ليلى تقولى ايه
ليلى / عالجواز يعنى بكره ربنا يبعتلها صاحب النصيب
هيام / بيجى ياختى والله بدل العريس ميه بس تقولى ايه كائن معمولها عمل كل ميجى حد تطفشه
سمر / عمل ايه يا ماما انا اصلا مبفكرش فى الموضوع ده
ليلى / ازاى بس يا سمر يا بنتى البنت ملهاش غير بيتها و جوزها و عيالها
سمر / ايوه بس انا مش عاوزه اتجوز ايه اموت يعنى
ليلى / بعد الشر عنك يا بنتى بس يعنى ليه
سمر / كدا انا مزاجى كدا هو انا لازم اكون زى كل البنات مينفعش اكون معنسه والله كلمه موسيقيه معنسه الله اطعم مالكريمه
حسام /هههههههههههههههه
هيام / مهو لو انتى وحشه و لا مفيش نصيب كنا نقول ربنا عاوز كدا لكن انتى
سمر / انا هقوم اجيب الفاكهه عن اذنكوا
سمر تقوم
هيام / شوفتى يا ليلى طب دا هى كدا مؤدبه
حسام / متضغطوش عليها يا جماعه متسيبوها على راحتها
مصطفى / انا برده بقول كدا احسن
حسام / انا شبعت هقوم اغسل ايدى الحمام كدا صح
هيام / سدت نفسك يا حبيبى معلش
حسام / لا والله الاكل كان حلو جدا و انا كلت بافترا الحمام كدا صح
هيام / ايوه يا حبيبى اتفضل
حسام يقوم يدخل المطبخ يلاقى سمر بتمسح دموعها
حسام / ايه الموضوع مش مستاهل
سمر / انت قومت من عالاكل ليه
حسام / شبعت الحمد لله تسلم ايدك
سمر / انا كنت قليله الزوق اوى مع مامتك صح
حسام / هى اللى ضغطت عليكى
سمر / بس هى كانت بتنصحنى انا مبحبش حد ينصحنى
حسام / بقولك ايه متقلبيهاش نكد اغسلى وشك كدا و ادخلى عليا بالحلو يلا
سمر تبتسم
......................
فى الموقع بعد كام يوم
حسام / شكلك تعبانه مالك
سمر / مفيش كويسه بس شويه صداع
حسام / طب تعالى اروحك
سمر / مليش مزاج اروح انا بس هاخد حبايه مسكن و هبقى كويسه
سمر تطلع من شنطتها حبايه و قبل متاخدها تدوخ و تقع
حسام / سمر سمر
فى البيت
سمر / ايه يا جماعه دوخت شويه محصلش حاجه
هيام / هى تعبانه من امبارح و طول الليل تتلوى فى السرير و قولتلها متروحش النهرده بس تقول ايه فى الدماغ الناشفه
سمر / انا كويسه ايه يعنى اللى حصل لكل ده
حسام بعصبيه/ يعنى ايه ايه اللى حصل لما تبقى تعبانه اقعدى ارتاحى افرضى مكنتش موجود
سمر/ انت متعصب ليه يعنى كان ايه اللى ممكن يحصل
حسام / هو ايه اللى كان ممكن يحصل حد بقى مالعمال يشيلك بقى و لا يتحرش بيكى كنتى هتنبسطى ساعتها
سمر ترفع ايدها على حسام و هو يمسك ايدها
حسام / انتى كنتى عاوزه تمدى ايدك عليا هى وصلت للدرجادى عن اذنك انا ماشى
سمر / فى ستين داهيه
هيام / اموت و اعرف مستحملك على ايه
سمر تدخل اوضتها و تعيط
..............
بالليل
عليا / هتفضلى تعيطى كتير
سمر / انتى منمتيش
عليا / و انام ازاى و انتى فى الحاله دى
سمر / انا تعبت من نفسى يا عليا تعبت
عليا / كلميه و هزقيه
سمر / انتى بتقولى ايه
عليا/ مكنش يصح ابدا اللى قالهولك ده هو نرفزك كان المفروض يتصل يعتزر حتى او يطمن عليكى
سمر / انتى رايك كدا
عليا / امال انتى بتعيطى ليه مش عشان هو نرفزك
سمر / هو كان خايف عليا
عليا / بجد طب خلاص اتصلى اعتزريله
سمر / انا برده شايفه كدا بس الوقت مش متاخر
عليا / هو بيسهر و انتى عارفه و بعدين صالحيه احسن مينام زعلان
سمر / صح معاكى حق نامى انتى هقوم اعتزرله
.................
سمر تمسك التليفون و تتصل و اول متسمع صوت الرنه تقفل السكه
سمر / ايه اللى بعمله ده لا
تليفونها يرن
سمر / ياخبر دا حسام اعمل ايه اعمل ايه اقفل بقى اقفل اقفل
سمر ترد و تعمل نفسها لسه صاحيه مالنوم
سمر / الو
حسام / رنيتى عليا
سمر / لا
حسام / ازاى تليفونك اتصل دلوقت
سمر / اصلى نسيته تحت المخده معلش تلاقيه اتصل بالغلط
حسام / حصل خير مع السلامه
سمر / انت هتعمل نفسك زعلان انت الغلطان
حسام / انا الغلطان تصدقى معاكى حق
سمر / يا سلام امال يعنى انت اللى استفزتنى
حسام / انتى كنتى هتضربينى
سمر / و انت نرفزتنى
حسام / انا كنت خايف عليكى انتى مشوفتيش اللى جرالى لما وقعتى قلبى وقع
سمر / بجد ... ليه يعنى عادى دوخت شويه مفيهاش حاجه
حسام / انتى متعوده على كده يعنى كل شويه بتدوخى و تقعى
سمر / اول مره تحصلى بس الحمد لله انك كنت موجود
حسام / لازم تهتمى بنفسك شويه يا سمر انتى معدتيش عجبانى
سمر / و لا عاجبه اى حد
حسام / ايه
سمر / عمرى معجبت حد و لا عمرى هعجب
حسام / ايه فى عريس تانى و لا ايه
سمر / لا بس مخنوقه شويه
حسام / تحبى تتكلمى
سمر / انا اسفه يا حسام بجد انا مش عارفه ازاى كنت هعمل كدا بجد اسفه اوى
حسام / حصل خير كان باين عليكى اوى انك مبتتصرفيش فوعيك
سمر / انا مش عارفه انت ليه مستحملنى انا اصلا محدش يطيقنى
حسام / عشان انا مش عاوز اخسرك تانى يا سمر
سمر / اقولك سر
حسام / قولى
سمر / فاكر يوم متخانقت مع سعيد
حسام / ايه جاب سيره الملزق ده دلوقت
سمر / يوميها حاولت اموت نفسى روحت لاقرب كوبرى عشان ارمى نفسى فى النيل و اخلص كنت عارفه ان الكل هيرتاح و انا هرتاح
حسام / بتهزرى
سمر / بس معرفتش انط كنت قصيره و السور عالى و كنت لابسه جيبه حاولت مره و اتنين و تلاته و لما فشلت روحت
حسام / الحمد لله انك فشلتى
سمر / لما روحت و لقيتك كنت مخنوقه اوى مكنش المفروض اطردك بس انا مكنتش عاوزه اطردك انا كنت مدايقه انى مصدقتكش انت حزرتنى مره و اتنين و انا مسمعتلكش انت حاولت تحمينى بس انا مسمعتلكش
حسام / ايه اللى فكرك بالموضوع ده دلوقت
سمر / يمكن لو كنت سمعتلك مكنش ده بقى حالى يمكن مكنش قلبى انكسر
حسام / طب متسمعى كلامى و تدى لقلبك فرصه تانيه
سمر / مش هستحمل يا حسام معدش عندى طاقه انى اجرب الموضوع مش سهل زى مانت فاكر اقولك حاجه
حسام / سر تانى
سمر / هو مش سر بس محدش تانى يعرفه
حسام / قولى
سمر / انت الوحيد اللى ممكن اقوله الكلام ده متسالش ليه متحاولش حتى تقاطعنى انا معرفش انا معرفش ليه بقولك الكلام ده و لا حتى اعرف ليه اصلا بحس بيه و اشمعن انت
حسام و سمر ساكتين ثوانى سمر تتنهد
سمر / انت الوحيد اللى بكون معاه على طبيعتى مش محتاجه ابان قدامك قويه انت مش محتاجنى
حسام / بس
سمر / قولتلك متقاطعنيش
حسام / اسف
سمر / انت كنت معايا فى اصعب اوقات حياتى و فكل مره كنت بكرشك كنت بترجع انت مش مجبر ترجع بس كنت بترجع مش مجبر تستحملنى بس بتستحمل مش محتاجنى اكون قويه اسندك بس امى و اختى ملهمش غيرى مينفعش اتعب و لا اضعف و لا اعيط لازم افضل قويه لازم افضل واقفه لانهم محتاجينى اسندهم
حسام / ممكن اتكلم بقى
سمر / لو هتقولى لازم تتجوزى عشان تلاقى حد يسندك يبقى كانك بتقولى اشربى سم فران
حسام / لا مكنتش هقول كدا
سمر / طب اتكلم
حسام / يا سمر انتى بتحملى نفسك فوق طاقتها انتى انسانه رقيقه بشر لحم و دم و انتى كمان محتاجه حد تتسندى عليه و ان مكنوش اهلك يبقى مين
سمر / انا كنت فاكره ان ماما و عليا هيبقوا جنبى بس ماما بتقول ان بكره عليا تتجوز و تتلهى فى بيتها و جوزها و ان بعد الشر بعد عمر طويل ماما اكيد هيجى يوم و تموت و هفضل لوحدى و معاها حق انا مش محتاجه حد انا لازم اعتمد على نفسى
حسام / انتى خايفه من ايه بالظبط
سمر / تصدق لو قولتلك انى خايفه من كل حاجه
حسام / كل حاجه ؟؟؟
سمر / خايفه اتجوز و فنفس الوقت خايفه اكون لوحدى خايفه احب و فى نفس الوقت خايفه محدش يحبنى مش شرط يكون راجل بس اهلى ماما و عليا و انت كمان
حسام / و انا ؟؟؟
سمر / خايفه اكون حمل تقيل عليكوا خايفه اكون بظلمكوا معايا بس انا مليش غيركوا
سمر تعيط
حسام / لا لا لا ليه بس
سمر / مش عارفه برتاح لما بعيط
حسام / انا المفروض اقولك عيطى و طلعى اللى جواكى و ارتاحى بس انا بجد عياطك ده بيتعبنى خصوصا انك مش قدامى اطبطب عليكى و لا حتى
سمر / و لا حتى ايه
حسام / مش عارف بس اكيد لو كنتى قدامى كان الوضع هيختلف خالص
سمر / ياريتك كنت معايا
حسام / ياريت بقولك صحيح
سمر / خير
حسام / هو لو يعنى حصل و مصطفى يعنى بصى هو مجرد كلام
سمر / فى ايه
حسام / اصل مصطفى كلم ماما على عليا
سمر / و ماله و مال عليا عاوز منها ايه
حسام / اهدى اهدى هو عاوز يتقدملها
سمر / بالسرعه دى هو مشافهاش غير مره واحده
حسام / لا الحقيقه اكتر
سمر / انت بتقول ايه هو بس شافها يوم العزومه
حسام / بصى متتنرفزيش بس مصطفى كان بيروحلها الكليه
سمر / ازاى عليا مقالتليش و انت كنت عارف
حسام / لسه عارف النهرده لما حكى لماما
سمر / عليا صغيره
حسام / انتى سالتيها
سمر ساكته
حسام / ايه ساكته ليه
سمر / مصطفى مكنش يصح ابدا انه يقرب من اختى بالطريقه دى
حسام / عارف بصى هو مكنتش نيته وحشه بدليل انه طلب من ماما انه يتقدم رسمى
سمر/ عليا صغيره و مينفعش تنجرح
حسام / و مين قال انه هيجرحها اديها فرصه تختار
سمر / يعنى ابعد
حسام / بالعكس كلميها و لو وافقت اقفى جنبها لحد متتطمنى عليها انا متاكد ان مصطفى هيصونها ولو فكر بس فكر انه يدايقها انا هقفله قبلك كمان عليا دى اختى الصغيره و مش هسمح لمخلوق يجرحها حتى لو كان اخويا
سمر / الصبح هكلم ماما و عليا فى الموضوع
حسام / ماشى خشى ارتاحى بقى و بكره هعدى عليكى بعد الشغل اطمن عليكوا
سمر / لا انا هقابلك بكره فى الموقع
حسام / هضربك يا بت متسمعى الكلام و ترتاحى
سمر / قولى صحيح الناس كانوا شغالين فى المكتب
حسام / مهم لازم يشتغلوا و الا مش هيقبضوا و يا ستى هبعتلك المشاريع اللى خلصت تراجعيها و انتى فى السرير خلاص
سمر / تمام يلا روح نام بقى زمانك تعبان طول اليوم
حسام / كنت هتعب اكتر لو مكنتيش صالحتينى
سمر / كنت فكراك انت اللى صالحتنى
حسام / عادى انا و انتى واحد و ربع
سمر / هتنضرب
حسام / و لا تقدرى
سمر / متستفزنيش
حسام / اعلى مفخيلك اركبيه ده لو طولتيه اصلا
سمر / انا غلطانه انى كلمتك يلا سلام
حسام / سلام يا اوزعه
سمر / و افتخر
حسام / ايوه بقى يلا سلام
سمر / سلام
...............
بعد كام يوم
ليلى / والله انا مش مصدقه اننا هنبقى نسايب
هيام / والله انا اللى مش مصدقه نفسى و الله شرفتونا
سمر / طب نتدخل فى الجد بقى و نتفق عالتفاصيل
هيام / سمر
سمر / ايه يا ماما اللى اوله شرط اخره نور
حسام / معاها حق قولوا شروطكوا و احنا موافقين
سمر / عندك شقه يا مصطفى
مصطفى / هنوضب بيتنا القديم و هعيش فيه
هيام / و ماله دى كانت شقه حلوه
...................
