#بقلم لولو محمد
((((((ته مربوطه ))))))))))
الحلقه الخامسه عشر
سمر / شريف الوضع كان مختلف
التالته / بقولك ايه يا بت احنا عاوزين نفرح بيكى بقى بطلى دلع ماله حسام
سمر / هو الجواز بالعافيه و بعدين حسام دا مجرد صديق
الاولى / انا اكبر منك و بقولك الواد ده بيحبك انا قولتك على شريف انه كان بيحبك و انتى مسمعتنيش
التانيه / و بعدين انتى مش شايفه نفسك انتى بتدحكى اكتر من يوم مظهر فى حياتك
سمر / اه فعلا عن اذنكو
سمر تروح تدخل الاوض تدور على حسام تلاقيه قاعد مع اتنين و اول ميشوفها يجرى عليها و يمنعها مالدخول
.....................
سمر / انت فين يابنى ازيك يا حج محمود
حسام / انتى بتعملى ايه هنا ايه لحقتى تخلصى معاهم تعالى بس تعالى
حسام يطلعها مالاوضه
سمر / فى ايه يا حسام
حسام / مفيش انا بس مصدع اوى و كنت تعبان ممكن تاخدينى البيت
سمر بقلق / سلامتك مالك بس فى ايه
حسام / مفيش بس لازم اروح هتوصلينى
سمر / اكيد تحب نروح لدكتور
حسام / لا انا بس نروح و هبقى كويس
سمر و حسام يمشوا و فى العربيه
سمر / انت لسه تعبان
حسام / لا بقيت كويس الحمد لله
سمر / هو كان ايه اللى حصل
حسام / اما انا عملت شويه اغانى فى الفلاشه جامده استنى هسمعك
تشتغل اغنيه فضل شاكر قلبى عايش و حسام و سمر يغنوا معاها
حسام / انا بحب الاغنيه دى بحس انها تمثلنى يمكن ازعل مره منك يمكن ابعد لحظه عنك
سمر / لكن اوعى تفكر انك من قلبى بتروح
حسام/ ههههههههههه الله مانتى حلوه اهو
سمر / اصلى انا كمان بحبها اوى
حسام / عنك مين يقدر يبعدنى و انت عشق الروح
سمر / حتى اشوفك يا حبيبى شو بعد اللحظات روعه فعلا
حسام / بس مين يفهم
سمر / ازاى دا مفيش حد مبيحبش الاغنيه دى دا كلها احساس كلمات و لحن وصوت
حسام / و غباء
سمر / غباء
حسام / انا بقول نغير الاغنيه
حسام يقلب فى الاغانى لحد اغنيه وائل جسار نخبى ليه
سمر / سبها دى بحبها اوى هى كمان نخبى ليه فى اسرارنا
حسام / اه والله و لو ننسى مشاعرنا نكلم مين يفكرنا يا روح الروح بتنسانى و انا فاكر و مش نساى تغيب عن عينى من تانى و منغير حب اعيش ازاى اه والله اعيش ازاى
سمر / هههههههههههههههههه
حسام / و دمعه حب فى عنيا بتستناك يا احلى ملاك قالولى الحب ليه علامات فى نبض القلب و الهماسات فروح تروح تنادى عليك الا مبتعبرنى
سمر / ههههههههههههههههههههههههههه بوظت الاغنيه
حسام / يخربيتك
سمر / هههههههههههههههههههه اسكت
حسام / فعز سكتنا نتكلم عيونا بتحكى و بتحلم و انا حسيت بانفاسك تدفى اديا و تسلم
سمر / تحبنى موت و احبك موت و احساسنا يونسنا و اقوى مالحياه و الموت
حسام / هو ده ايوه بقى
سمر / ههههههههههههههههههههههه
حسام / اخيرا
سمر / عندك اغنيه بكلمه منك بتاعه شيرين
حسام / اه رقم سبعه استنى هشغلها
سمر / بكلمه منك تنسينى اللى عدى اوام تخلينى احس بقيمه الايام تطمنى لسنين قدام بكلمه منك تورينى اللى مش شيفاه تريحنى من الهم اللى انا شيلاه تعيشنى اللى مش عيشاه
حسام / كان فين هواك من بدرى يا حبيبى و كل ده فين دانا من قبلك انا عايشه مع العايشين
سمر / بكلم نفسى من الوحده بقالى سنين و انا فى ديقتى مكنتش عارفه اشكى لمين و دلوقتى و لا بعمل حساب بعدين و دلوقت عرفت ابدء حياتى منين
حسام / اموت انا
سمر / هههههههههههههههههه عرفت انا دنيا معرفهاش عشان خاطرك بحب حاجات محبتهاش و لو تندهلى مستناش
حسام بصوت عالى / يا سمر
سمر / لقيت كل اللى مش لقياه و لو فى حد زعلنى انا مسمحاه و لو فى جرح انا هنساه
حسام / بجد و النبى
سمر تبص مالشباك و تهز راسها مع الاغنيه
حسام / ايه سافرتى لفين
سمر / اقفل اقفل الاغانى دى بتفسد اخلاقى
حسام / اه فعلا بتخليكى تدحكى و ووشك ينور و عنيكى تلمع اه فعلا فسق ورزيله
سمر / بس بقى انا بجد بحب الاغانى الرومانسيه اوى خصوصا اللى باحساس
حسام يطفى الكاست
حسام / انتى جبانه على فكره
سمر / اجبن خلق الله بخاف من كل حاجه و على كل حاجه بس تعرف انا معدتش بخاف دلوقت
حسام / بجد و النبى ليه بقى
سمر / عشان انت موجود
حسام يسهم سمر تبص مالشباك
سمر / انا عارفه انك هتبقى موجود وقت مهحتاجك عارفه انك مش هتخزلنى ابدا قلبى بيقولى كدا بيقولى متخافيش منه و لا معاه بيقولى حسام كان معاكى طول الوقت شافك فى ضعفك فقوتك فحزنك ففرحك و لسه مستحملك
حسام / تفتكرى ليه
سمر / عشان انت عشره على عشره فى الرجوله ميتر ههههههههههههههه بجد يا بختها اللى هتتجوزك
حسام / انتى بتقولى الكلام ده من قلبك
سمر / اكيد ربنا يسعدكوا
حسام / احنا مين
سمر / انت و البنت اللى بتحبها صحيح مش هتعرفنى عليها
حسام / هو باباكى موحشكيش يا سمر
سمر / ليه يا حسام اركن لو سمحت
حسام / انا بسال عشان
سمر / هيفيد بايه السؤال هو كان فين راح فين موحشتوش مفكرش يسال عليا
حسام / ميمكن دور عليكى معرفش يوصلك
سمر / احسن يارب يكون بيتعزب يارب يكون مزلول زى مزلنى و زى معزبنى
حسام / خافى من دعوتك يا سمر متعرفيش هو فين دلوقت
سمر / هيكون فين زمانه بيلاعب ولاده و ناسينى بس تعرف انا عمرى منسيته بسال نفسى كل يوم انا غلطت فى ايه
حسام / منغير عياط
سمر / عملتله ايه ليه عمل فيا كدا ليه
حسام / غلط
سمر / ايوه غلط ايوه غلط انا حبيته كان اول حب فى حياتى كسرلى قلبى و رمانى امال لو مكنتش من دمه حته منه خلانى ابص للعيال خلانى اكره نفسى خلانى اتمنى الموت من ربنا و مطلوش ربنا ياخده ربنا ينتقم منه انا بكرهه بكرهه اوى و بحبه بحبه اوى يا حسام و مش قادره انساه ليه عملت فيا كدا يا حسام ليه
حسام / انا اسف
سمر / روحنى لو سمحت انا تعبانه محتاجه انام
حسام / حاضر
..................
فى البيت
عليا / بابا فى دار مسنين
حسام / وطى صوتك سمر لو عرفت
هيام / هى متعرفش
حسام / انا مكنتش ضامن رده فعلها خفت تشوفه يجرالها حاجه ختها و مشيت و مش عارف اعمل ايه دانا بس جبت سيرته ماتت مالعياط امال لما تشوفه هيجرالها ايه
عليا / دى ممكن ترجع اسوء مالاول مصدقنا حالها اتصلح و بدات تتعدل
هيام / دا بردوا ابوكوا مينفعش يبقى دار مسنين مينفعش يتبهدل فى اخر ايامه
عليا / صعبان عليكى و مصعبش عليكى اللى عملوا فينا
هيام / انا عشت معاه ايام حلوه كتير و هو كان حنين صدقينى معرفش ايه اللى قلب حاله بس متاكده انه مش وحش
عليا / مش مهم رايى و رايك المهم سمر
سمر تطلع من جوه
سمر / فى ايه يا جماعه مش هناكل و لا ايه انا جعانه موت
عليا / هغرف اهو
سمر / تعال اقعد يا حسام واقف ليه
حسام يقعد على اقرب كرسى و هيام تقعد جنبه و تبصله يهز راسه لا
هيام / دا انسب وقت كلنا هنا حواليها
حسام / طب بعد متاكل
هيام تهز راسها
سمر / بتتودودوا فى ايه
حسام / بقولها انى جعان جدا
سمر / طب متيجوا تاكلو الاكل اتحط
الكل يقعد ياكل منغير نفس و سمر تاخد بالها
سمر / هو فى ايه انا مش فاهمه حاجه
حسام يبص لعليا و هيام
حسام / بصى يا سمر احنا اكتر ناس عارفين اللى مريتى بيه فى حياتك
سمر / لو فى عريس انسوا
عليا / بابا فى دار مسنين
المعلقه تقع من ايد سمر و الدموع تنزل من عنيها ورا بعض ورا بعض تغمض عنيها و تبص يمين و شمال بسرعه لحد متبطل تبص لحسام
سمر / عشان كدا خلتنى امشى من هناك
حسام / انا خفت عليكى
سمر / لو الناس عرفت ان ابويا فى دار مسنين هيقولوا ايه ابو سمر النمس مرمى فى دار مسنين الناس ميعرفوش هو عمل فيا ايه يلا نروح نجيبه
.............................
فى الدار
عليا و هيام يدخلوا اوضه حسين و سمر تقف عالباب و تلف فجاه تخبط فى صدر حسام تمسك فى تيشرته جامد و نفسها يعلى و الدموع تنزل من عنيها
حسام / مالك
سمر / مش عاوزه اشوفه ضعيف مش هقدر اشوفه مكسور دا ابويا مهما كان مينفعش اشوفه متبهدل خلينى لما يروح اشوفه و هو على رجليه احسن صح
حسام / انتى شايفه كدا
سمر / واحشنى بس خايفه اشوفه مش عارفه كل ذكرياتى معاه بتتخانق مع بعض الحلو مع الوحش متلخبطه و خايفه اعمل ايه قولى اعمل ايه
عليا تطلع / ايه مش هتخسى بيسال عليكى
سمر ترفع عنيها لحسام و تاخد نفس عميق و عينه فعينها دموعها تقف و تمسح وشها و تبدا ملامح القوه تظهر على وشها تبص فى عين حسام و تهز راسها اه و تلف لعليا
سمر / جايه
...............................
فى الاوضه
حسين قاعد على كرسى و هيام على كرسى تانى بيعيطوا عليا تدخل و سمر ملامحها خشب وراها و حسام وراهم
حسين / سمر ؟؟؟
سمر تقف بعيد وراسها لفوق و تبصله و بتعانى تمسك دموعها
حسين / انا اسف يا سمر انا دورت عليكى فكل حته والله دورت سمحينى يا بنتى
سمر تجرى بره و تقع على باب الاوضه و تنهار مالعياط حسام يمسكها و يقومها
حسام / انتى كويسه
سمر / لا ابدا مش كويسه ابدا انا اقوى من كدا انا اقدر اقف انا اقوى من كدا
حسام / ايوه
سمر / لا مش قادره مش قادره
حسين يطلع مالاوضه و هيام و عليا مسندينه سمر تمسح دموعها و تمشى جنب حسام
......................
قدام البيت
عليا و هيام و حسين يطلعوا البيت و سمر قاعده بتعيط فى العربيه حسام يفتح بابها و يوطى على رجليه و يقعد جنبها
حسام / تحبى نروح فى حته
سمر / عارف اغنيه شيرين متاخده مالايام
حسام / اه مالها
سمر / كنت بكره اسمعها لانى كنت بتخيل اللحظه دى اروحله و لا اسيبه و لا افضل مكانى مخدناش منه يا قلبى الا وجع القلب مفيش فوق غير سرير واحد بنام عليه انا و اخواتى اطلع اما نجيبله سرير و فرش و كام طقم
حسام / ماشى
.....................
فى البيت
حسين / ليها حق مترضاش تبصلى انا ربنا انتقم منى شر انتقاب من يوم مطلقتك و انا من هم لهم خسرت كل حاجه بعت بيتى و خسرت شغلى و عيالى رمونى لما فلوسى خلصت رمونى بنتى رمتنى فى دار مسنين هى و اخوها رمونى زى مرميتكوا
هيام / بنتك
حسين / اه بنتى سالى
عليا تحط صينيه عصير
عليا / اتفضل يا بابا
حسين / فاتنى كتير اوى يا عليا كبرتى و بقيتى عروسه ايه ده انتى كمان مخطوبه بسم الله ما شاء الله تلتاشر سنه و انا ضايع منغيركوا
عليا / الحمد لله على كل حال
حسين / مفتكرش ان ليا ذكريات عندك تشفعلى
عليا / ماما كانت بتحكيلى حاجات حلوه كتير
حسين / انا دورت عليكى والله روحت مدرستكوا عرفت انكوا سحبتوا الملفات رجعت البيت عشان اسال ابراهيم عنكوا قالى انكوا روحتوا جمعيه خيريه و مرضاش يقولى انتوا فين كان خايف اكون جاى اخدكوا من امكوا قالى ان سمر فقدت النطق قالى انها ممكن تتنكس لو شافتنى كنت بروحلكوا بيتكوا اللى فوق السطوح اشوفكوا من بعيد لبعيد بس روحت فمره لقيتكوا عزلتوا انا حاولت والله اكلمكوا بس خفت على سمر
هيام / ممنوش فايده الكلام ده يا حسين
حسين / لا منه انا ظلمتك يا هيام ظلمتك جامد اوى و معرفتش قيمتك غير لما سبتك عرفت قيمتك لما جبت واحده غيرك تعرفنى ان الله حق ربيت اللى مش من دمى عشان فى الاخر ياخد خيرى و يرمينى و حتى اللى من دمى بنتى سالى رمتنى مفكرتش فى ابوها
عليا / انسى اللى فات يا بابا المهم انك هنا انت بقى اللى هتحط ايدك فى ايد مصطفى خطيبى و تكتبوا الكتاب انت هتزفنى لعريسى
حسين / باذن الله يا حبيبتى باذن الله
هيام / دلوقت بناتك بقوا حاجه ترفع الراس سمر مديره شركه هندسيه بتقبض اللوفات فى الشهر و عليا فى كليه الصيدله و خطيبها مهندس قد الدنيا
حسين / تربيتك يا هيام تعبك فيهم
جرس الباب يخبط
عليا / انا هفتح
عليا تفتح الباب تلاقى البواب بيطلع سرير من الاسانسير
البواب / الباشمهندسه سمر بعتت عربيه نص نقل عليها السرير و الملل و المرتبه دول و انا طلعتهم و هجيب نجار يركبهم
عليا تبص لمامتها / هنحطهم فين دول
هيام / ساخرى المشايه فى اوضه اختك و حطى السرير جنبها
عليا حاضر / دخل الحاجه يا عم عبده ورايا
هيام / شوفت يا حسين هى مكنتش مش عاوزه تشوفك هى كانت بتوضب نومتك هنا دى مقدرتش تستحمل تعرف انك فى دار مسنين انت فى الاول و الاخر ابوها
حسين / اصيله
..................
فى محل ملابس
حسام / بيتهيالى ده مقاسه
سمر / ماشى عاوزه سته من كل حاجه سته كفايه صح
حسام / اه كفايه اوى لو عوزتى تانى هاتى
سمر / انا مش عاوزه يبقى ناقصه حاجه
حسام / مش هيبقى ناقصه حاجه متخافيش
سمر تهز راسها
.................
فى البيت بالليل
هيام / بس ده اخر اللبوم صور لينا
حسين بيتفرج عالصور
هيام / دى صوره سمر و هى بتاخد جايزه الموظف المثالى و هنا و هى اصغر مديره دى خدتها السنادى و دى صورنا فى المصيف
.............................
(◉‿◉) (◉‿◉) (◉‿◉) (◉‿◉) (◉‿◉) (◉‿◉) (◉‿◉)
#LOLO #لولو_محمد
(((((((ته مربوطه ))))))))
الحلقه السادسه عشر
فى البيت بالليل
هيام / بس ده اخر اللبوم صور لينا
حسين بيتفرج عالصور
هيام / دى صوره سمر و هى بتاخد جايزه الموظف المثالى و هنا و هى اصغر مديره دى خدتها السنادى و دى صورنا فى المصيف
.............................
عليا / و ده اللبوم خطوبتى هيعجبك اوى
حسين بيتفرج عالصور بحسره سمر تفتح الباب
سمر / مساء الخير
سمر تحط الشنط جنب الباب و تدخل جوه و متبصش على حد
هيام / متزعلش اديها وقتها
عليا تقوم تقلب فى الشنط
عليا / دى هدوم عشانك يا بابا انا هروح احط العشا
عليا تدخل تلاقى سمر نايمه عالسرير بهدومها
عليا / ايه يا مزه فى ايه
سمر / مرهقه شويه يومى كان طويل
عليا / على فكره بابا ندمان اوى على اللى عمله ابن الست اللى اتجوزها و بنته رموه
سمر / بنته هه يعنى لينا اخت
عليا / اسمها سالى منعرفش عنها حاجه
سمر / يا ترى يا دنيا مخبيالى ايه تانى
عليا / يا ستى انا اتكلمت مع مصطفى و قال هيجى بكره هو و ماما ليلى و حسام يسلموا على بابا و يرحبوا بيه
سمر / ماشى
عليا / انتى كويسه يا سمر
سمر تبص لعليا / انتى شايفه ايه
عليا / لا انتى مش كويسه
سمر / اطفى النور و سبينى شويه هبقى كويسه انا بس محتاجه اقفل عينى شويه
عليا / من امتى يا سمر بتنامى لوحدك
سمر / مش هنام هفضى دماغى بس
عليا / ماشى هروح احضر العشا لما اخلص هناديكى
سمر / ربنا يسهل
....................
عالاكل
هيام / سمر بتقعد هنا على راس الترابيزه و انا بقعد هنا و عليا بتقعد هناك قدامى الناحيه التانيه
حسين / انا هقد جنبك
سمر تطلع من الاوضه هى و عليا تروح تقعد عالكرسى قدام ابوها جنب عليا و تسيب راس الترابيزه فاضى و تبدا تاكل
حسين / انا سبتيلك مكانك فاضى
سمر / معدش مكانى انا كنت بملاه بس لحد مانت ترجع
حسين / كتر خيرك
سمر / فى اى حاجه نقصاك اى حاجه
حسين / لا مفيش شكرا
سمر / فى فلوس فى الدرج ده بنحطها مصروف للبيت لو احتجت حاجه خد منه
حسين / انا بكره هنزل ادور على شغل
سمر / هو حضرتك بعت المحل
حسين / طلعت مبفهمش فى الانتيكات اذا كنت رميت اغلى جواهر عندى فى الشارع اتدبست فى مجموعه اى كلام بمبلغ كبير و اداينت و بعت المحل و حاولت اشتغل فى كذا مشروع لحد مالفلوس كلها ضاعت اشتغلت عند كذا حد و لما عجزت مشونى
سمر / انا هشوفلك محل كويس و حضرتك شوف تحب تعمل فيه ايه و باذن الله هملاهولك بضاعه متقلقش من الفلوس
حسين / بس انا
سمر / انا شبعت عن اذنكوا هدخل انام عندى شغل الصبح
سمر تقوم من على الاكل و حسين يعيط
هيام / فى ايه يا حسين
حسين / مش عاوزه تبصلى بتغصب نفسها تتكلم معايا انا افشل اب فى الدنيا
هيام/ هى كدا بص سمر ليها دنيا لوحدها
عليا / امال لو كنت شفتها زمان دى مكنتش بتدحك اصلا و لا حتى على اجمد نكته بتشتغل و بس دا ربنا هداها السنادى جامد اوى
هيام / و لما ربنا جمع شملنا اكيد حالها هيتصلح اكتر
حسين / ربنا كريم
...........................
فى اوضه نوم سمر
هيام و سمر و عليا جنب بعض
هيام / هو ينفع ابقى معاه بكره فى البيت لوحدينا
عليا / هو لو حب يردك يا ماما هتوافقى
هيام / دا مطلقنى بالتلاته
سمر / تعتبر طلقه واحده مفيش حاجه اسمها بالتلاته
هيام / ارجعله بعد اللى عمله
سمر تتلف / امال بتطلبى منى اسامحه على اساس ايه
هيام / الوضع مختلف يا سمر دا ابوكى من دمك
عليا / و ابو عيالك
هيام / بدرى اوى عالكلام ده مينفعش نطلب منه يرجعلى عشان يعيش معانا مينفعش نجبره
سمر / معاكى حق عليا خدى بالك من دواه اوعى يخلص اتاكدى ان عنده كل حاجه مينفعش يبقى محتاج لحاجه
عليا / ربنا يسهل
..........................
اوضه حسين
حسين نايم فى اوضه فيها سرير 120 و جنبه تريدميل و قدامه حيطه مليانه شهادات يسمع حركه يقوم يطلع بره يلاقى سمر بتتكلم فى التليفون
حسين / سمر ؟؟؟
التليفون يقع من ايد سمر
حسين / حقك عليا يا بنتى خضيتك
سمر تجيب التليفون مالارض
سمر / لا حصل خير فى حاجه يا بابا ناقصك حاجه
حسين / انا سمعت حركه خفت يكون حرامى و لا حاجه
سمر / لا متخفش الباب عليه اربع ترابيس انا بس بحب اشتغل بالليل لما يناموا عشان اركز
حسين / كنتى بتكلمى حد
سمر / دا حسام
حسين / ولد كويس حسام
سمر / ايوه
حسين / انا اسف اوى يا سمر
سمر / متعتزرش من فضلك متعتزرش
حسين / بس انا غلطت
سمر تتنهد / تلتاشر سنه يا بابا تلتاشر سنه مش هيروحوا بالاعتزار متزلش نفسك متحاولش اصل مش هينفع دى مش علقه جامده و لا نومه عالسلم و لا شعرى دول تلتاشر سنه من عمرى و عمر امى و اختى تلتاشر سنه قد عمرى اللى عشته معاك صح
حسين / انا هعمل اى حاجه عشان
سمر تعيط / هتعوضنى عن ايه هتقدر اصلا هتقدر تنسينى اللى فات و تصلح اللى انكسر جوايا هتقدر ترجع الزمن هتعمل ايه قولى هتعمل ايه
حسين ساكت
سمر / دا بيتك و اهلك و انا فى الاول و الاخر بنتك من دمك (تنهيده كبيره ) بس لازم تعرف ان اللى انكسر مبيتصلحش و لو حاولت تصلحه هيجرحك اكتر ارميه و ابدء صفحه جديده انا هعمل معاك كدا هعتبر ان كل اللى فات محصلش هعتبر انك كنت مسافر و رجعت هعتبر انك كنت فى حرب مثلا و قالولنا انك مت و اكتشفنا انك عايش هنفرح بيك صدقنى
حسين ساكت
سمر / انا اسفه انا اللى اسفه اوى كان نفسى بجد لما ترجع من غيبه طويله زى دى اترمى فحضنك و اعيط و اشتكيلك من كل اللى جرالى فى غيابك بس حقيقى مش قادره حقيقى غصب عنى صعب اوى عليا بس ارجوك ادينى وقتى و باذن الله كلو هيتصلح باذن الله كلو هيبقى تمام بس انا محتاجه شويه وقت
حسين يهز راسه و يدخل اوضته سمر تبص فى الموبايل تلاقى الخط لسه مفتوح
سمر / الو انت لسه عالخط
حسام / كنت بسمع
سمر / مش عيب
حسام / انا اسف
سمر / حصل خير كدا كدا كنت هحكيلك
حسام / انتى عامله ايه كويسه
سمر / تعرف ان ليا اخت سالى
حسام / هتعملى معاها ايه
سمر / مش عارفه انا اسفه اصلا انى اتصلت بيك فوقت متاخر زى ده بس حاولت اشتغل معرفتش اركز خالص انا تايهه و مش مظبوطه خالص
حسام / خديلك يومين اجازه و ريحى
سمر /اريح فين هنا
حسام / اتكلمى معاه يا سمر خليه يحكيلك على اللى شافه فى بعدكوا
سمر / عشان يصعب عليا يعنى طب مهو صعبان عليا منغير حاجه بعد العز اللى كان فيه بقى فى الشارع و مين اللى رموه بنته
حسام / و ابن مراته دا كان عيل زباله اسالينى انا كنت كل يوم بضربه لحد معزلوا
سمر / هو كان قد ايه
حسام / كان اصغر منى بسنتين تقريبا كبير يعنى عيل شحط زمانه بقى راجل سيس دلوقت
سمر / استنى ثانيه سالى ازاى ترميه دى عيله
حسام / اه اخرها اتناشر سنه ده لو كان خلفها علاطول يعنى
سمر / تفتكر اعمل ايه
حسام / انتى عاوزه تعملى ايه
سمر / جبتك يا عبد المعين
حسام / انا لو منك اكيد هروح اشوف اختى و اكيد عيل زباله زى ده رمى ابويا فى دار مسنين اكيد ممكن يرمى اختى فى الشارع
سمر / هى فى الاول و الاخر اختى برضه
حسام / اكيد
سمر / خلاص بكره الصبح هاخد العنوان من بابا و اروحلها
حسام / انا هاجى معاكى
سمر / تيجى معايا فين يابنى
حسام / مهو انا مش هسيبك تروحى عند الكلب ده لوحدك و بعدين انا بقالى كتير مضربتش حد هاجى معاكى يمكن ربنا يكرمنى و الاقى سبب اضربه
سمر / هههههههههههههههههه ربنا يسهل
حسام / ناويه تعملى حاجه يوم الخميس
سمر / يوم الخميس احنا لسه الجمعه
حسام / لا بقينا السبت
سمر / يا رخم اقصد لسه بدرى عالخميس و اشمعن الخميس
حسام / عيد ميلادك يا سمورتى
سمر / اه هعمل ايه يعنى هدارى طبعا
حسام / تدارى من ايه
سمر / من ماما و مصها فى شفايفها و ادى سنه كمان عدت منغير جواز بقيتى سبعه و عشرين سنه و فاضلك تلت سنين عالتلاتين امتى اكمل التلاتين بقى عشان تسكت عنى
حسام / انا فاضلى شهر و اكملها عادى يعنى و ماما مبتبطلش زن
سمر / ليه تكسر احلامى دا كان الامل اللى عايشه عليه
حسام / انا بقول نريحهم انا و انتى و نتجوز و خلاص هههههههههههههههههه اهو بدل ماحنا معنسين كدا
سمر / بطل بقى دى تبقى نكته والله
حسام / يا سلام للدرجادى انا وحش طب دانا موز الموز كله
سمر / انت السباطه كلها
حسام / مبلاش انتى يا زعزوعه
سمر / انا زعزوعه يا زوقزيقه انت
حسام / مش احسن مبقى بلونه تفرقع فى وشك
سمر / بلونه قصدك ايه ان انا طخينه
حسام / جدا مش بقولك هتفرقعى
سمر / لو انا طخينه انت درفيل
حسام / سيد قشطه لو سوحتى
سمر / بطل هزار بقى
حسام / ماشى هاجى معاكى بكره يلا هروح انام بقى و انتى كمان خشى نامى
سمر / ماشى سلام
سمر تقفل التليفون و تدخل على ابوها الاوضه و تقعد جنبه عالسرير يصحى علاطول
حسين / فى حاجه يا سمر
سمر / سالى عندها كام سنه
حسين / اتناشر فى اولى اعدادى
سمر / دى عيله يا بابا هى مامتها عايشه
حسين / لا متوفيه هى عايشه مع اخوها و مراته و ابنه
سمر / ايه رايك نروح بكره نجيبها تعيش معانا
حسين / انتى بجد ممكن تعملى كدا
سمر / دى اختى يا بابا و صغيره و اكيد مامنش عليها مع واحد رمى ابويا فى دار مسنين
حسين يحضن سمر و سمر مشدوده اوى و بعدين تلين و تحضنه و تطبطب عليه
حسين / انا عمرى مهنسالك الجميل ده ابدا
سمر / مفيش جميل و لا حاجه دى اختى نام و ارتاح و الصبح نروح نجيبها
حسين / ماشى ربنا يكرمك ربنا يبارك فيكى يارب
سمر / تصبح على خير يا بابا
.........................
فى اوضه هيام
هيام / انتى بتستاذنينى
سمر / دا بيتك و انتى اللى تقررى مين اللى يفضل و مين اللى يمشى كفايا انى جبت بابا منغير ماخد اذنك بصى لو الموضوع هيدايقك انا ممكن اخدلهم شقه و اشوف حد يراعيهم و اروح و اجر عليهم متشيليش انتى هم
هيام / و انتى تعرفى عنى كدا اى كانت هى اختك و اى كان فهو ابوكى لا اقدر ابعدهم عنك و لا ابعد عنهم يابنتى محدش يعرف قسوه الشارع الا اللى اترمى فيه و اللى مرضاهوش على بناتى مرضاهوش على بنات الناس هاتيها يابنتى هنا هاتيها
سمر / كنت عارفه ان قلبك كبير و انا متاكده اننا هنحبها
هيام / ربنا يسهل يا بنتى يلا نامى شويه بقى
سمر / لا انا ورايا شويه شغل نامى انتى يا ست الكل تصبحى على خير
......................
فى العربيه
حسام / هو ده العنوان ؟؟؟
حسين / اه هو زمانها جت مالمدرسه دلوقت بتروح الساعه 12
سمر / طب يلا بينا
الكل ينزل مالعربيه و يطلعوا شقه و يخبطوا عالباب تفتح بنوته اول متشوف حسين تترمى فى حضنه و تعيط
شابه من جوه / مين يا سالى ..... ايه ده انت رجعت انا هتصل بسيد
الشابه تدخل تتكلم فى التليفون
سالى / بابا متسبنيش هنا خدنى معاك
حسين / لمى هدومك عشان تيجى معايا
الشابه / هدوم ايه ياخويا اللى تلمها و مين دول اللى معاك خشى يا سالى جوه خلصى الاكل و انت لم الناس اللى معاك و اطلع بره قبل مسيد يجى يطين عيشتك احنا مش كنا خلصنا منك
سمر/ بعد اذنك يا بابا بصى احنا مش جايين نعمل مشاكل بس لو انتى عاوزه مشاكل منصحكيش ابدا تبدائيها معايا ماشى
الشابه / و دا من ايه ان شاء الله
سمر / انا جايه اخد اختى و ماشيين
شاب يطلع السلم بسرعه
الشاب / على فين ان شاء الله
سمر / اكيد انت سيد اهلا انا سمر النمس جايين ناخد اختى سالى فى هدوء
سالى / دا قعدنى مالمدرسه من ساعه موداك الدار و مشغلينى فى البيت خدامه و مراته دى بتضربنى يا بابا
الست / بس يا بت
سمر / ياريت ميكونش فى عندك اى مانع ان سالى تلم حاجتها و لا اقولك بناقص خالص تعالى يا سالى سيبيهالهم يلا بينا
سيد / على فين يا سنيوره هى تكيه منغير بواب
حسام يضرب سيد يوقعه عالارض
حسام / اسف مقدرتش اقاوم
سمر / يلا يا سالى خلصينا قبل متقلب بغم يلا يا بابا
الكل يمشوا
....................
فى العربيه
سالى / انتى بقى سمر بابا مكنش بيبطل كلام عليكى
سمر / بجد يارب يكون بالخير
حسام / عالبيت و لا هتروحوا فى حته الاول
سمر / عالبيت الاول هنشوف حاجه لسالى تلبسها و بعدين ننزل نروح نجيبلها شويه لبس على بجامات و نشوف هنعمل ايه فى المدرسه
...........................
