#ته_مربوطة_٢١_٢٢
#LOLO #لولو_محمد
((((((ته مربوطه ))))))))
الحلقه الواحد و العشرون
سمر / دلوقت بقيت بنات
و تضربه تالت
حسام / تصدقى نسيت معاكى حق حلال الله اكبر
حسام يمسك تكايتين و ينزل فى سمر ضرب
سمر / استسلمت استسلمت
حسام يبطل / كل يوم من دا
سمر تقوم تجيب تكايتين و تحدفهم فى حسام و تطع تجرى يحدفها و تحدفه مصطفى و عليا يدخلوا تكايه تيجى فوش مصطفى
مصطفى / طب نجيلكوا فى وقت تانى تكونوا رايقين لف و ارجع تانى
......................
عليا / لا ارجع فين انا عاوزه اللعب معاكوا
سمر تدى واحده لعليا
سمر / هنقطعهم
مصطفى بصياعه/ انسى مش ولاد الدسوقى اللى يتهزموا من شويه بنات
سمر تقرب منه اوى و ترفع حاجبها
سمر / بقى حضرتك شايف كدا
مصطفى / اللى تشوفيه حضرتك ادى التكايه بتاعتى لو عوزانى اضرب نفسى بيها عادى لو عوزانى اضرب حسام تؤمرى
الكل يموت مالدحك
حسام / اصيل يا صاصا
مصطفى / هيبه برضه و الانسان ضعيف
حسام / خلاص انا و عليا ضدكوا يا هيبه
عليا / و انا موافقه يلا
عليا تحدف مصطفى بواحده و حسام يحدف سمر و الكل شغال ضرب فى بعضه هيام تطلع مالمطبخ تلاقى الضرب شغال و الصاله متبهدله عالاخر و الكراسى فى الارض
هيام / لا انا مليش قعاد فى المرستان ده العيل اتجننوا
عليا / خدنا ايه مالعقل تعالى اللعبى معانا تعالى
هيام/ بس بقى بلاش مياعه انجرى قدامى اغرفى معايا الاكل و انتى يا مقصوفه الرقبه
سمر / انا
حسام / امال انا يعنى
حسام يضرب سمر بتكايه كانت فى ايده
سمر / هههههههههه بطل
هيام / انتى يا موكوسه
سمر / يبقى انا ايوه يا ماما
هيام / روقى على منجيب الاكل ابوكى زمانه بيجيب اختك و جاى
سمر / حاضر يا ماما
هيام و عليا يدخلو المطبخ و سمر تبدا تعدل فى الكراسى و حسام يروح يساعدها و مصطفى يقعد حسام يجيب تكايه من عالارض يحدفه بيها
مصطفى / حاسب
حسام / انا كسلت امشى المشوار و ارجعهم تكايه تكايه فقولت احدفهم اسهل هى جت فيك معلش
مصطفى / ابقى خد بالك يا خويا
حسام يمسك واحده تانيه و يحدفها فيه
مصطفى / تانى
حسام / اعمل ايه مانت اللى قاعد فى قلب الهدف
مصطفى / هى قالت روقى يا موكوسه و لا يا موكوس
سمر / ههههههههه موكوسه
مصطفى / و شهد شاهد من اهلها بقولك ايه انا بقالى اربع ساعات واقف على كعوب رجليا بلف مع الست هانم على حاجات ملهاش تلاتين لازمه
سمر / امال عاوز تتجوز بالساهل
حسام / سيبك منو ده هيبه انتى نسيتى و لا ايه
سمر / طب اوعى اما اخلص
حسام يساعدها و مصطفى يقوم هو كمان يلم باقى التكيات و يرصهم عليا تطلع مالمطبخ شايله اطباق الاكل سمر تدخل تساعد و حسام وراها
هيام / بتعمل ايه يا حسام يابنى
حسام / بساعد معاكوا ولا انتى بتعتبرينى ضيف والله ازعل
سمر / لا ضيف مين دانت صاحب بيت خد شيل ههههههههههههههههه
حسام / ماشى وماله بس تعملى حسابك ان سيرفيس المحشى ده منابى ابقى مدى ايدك فيه
حسام واقف شايل السيرفيس و عمال ياكل منه
سمر / ماشى انا مش همد ايدى بس ابقى اقدر عالباقين بقى
حسام يحشرلها صابع فى بقها و يطلع يجرى و هى واقفه بتدحك جنب امها
هيام / ابن حلال حسام
سمر / فعلا ابن اصول
عليا تدخل
عليا / انا جوعت هو بابا اتاخر كدا ليه يوووه انا هروح اكلمه
صوت باب بيتفتح
عليا / اهو جه اهو يلا لحسن مش هنلاقى صابع محشى يوحد ربنا مع الوحوش اللى بره
سمر / الف هنا اتلمى يا بت
عليا / انا هتلم بس بطنى مش هتتلم عن اذنكوا
.......................
عالسفره
سمر / على فكره احنا كلنا بكره معزومين على العشا مع الدكتور محمد
هيام / دا مدير سمر
حسين / باذن الله
سمر / و انت كمان جاى يا حسام متنساش
مصطفى / وانا
عليا / لا خليك انت بابا قالى متلعبيش مع العيال الغلسه
مصطفى / بلاش انتى
عليا / يا سمر
مصطفى / خلاص هتنزل المرادى بس اعملى حسابك المره الجايه لا يمكن تنزل الارض ابدا
عليا / ههههههههههههههه هيبه هيبه يعنى
مصطفى / امال
الكل يدحك
حسين / صحيح شريف جالى النهرده المحل
سمر تبص لحسام
هيام / خير
حسين / طالب ايد سمر
مصطفى / اوباااااا
الكل يبصله
مصطفى / حلو اوى الممبار يا طنط تسلم ايدك ناولينى واحد كمان يا عليا لو سمحتى
عليا تناوله
هيام / هنقول ايه ابخات بقى شاب زى الورد زى شريف طول بعرض راجل ملو هدومه يتقدم مره و يتبهدل يا قلب امه قدام امه و اهله و يتكرش من بيتنا سبحان الله يجى تانى برجليه على الله يتمر
سمر / انا شبعت عن اذنكوا
سمر تقوم تقف حسام يقف
حسام / انا جعان و لو قومتى انا هقوم اقعدى كملى اكلك
حسام عمال يلم فى ايده المحشى اللى كان فى الطبق
سمر / انت بتعمل ايه
حسام / جعان و انتى واطيه و ممكن تقومى عادى اعمل ايه مانتى متنضمنيش
سمر تقعد و هى بتدحك
هيام / والله يا حسام انا بحبك
حسام / و انا كمان والله يا طنط
عليا / انت ساكت عادى كدا يا بابا
حسين / اصل انا كمان بحبه
مصطفى / مين شحيبر
سالى / بطلوا هزار بقى
هيام / سبينا ندحك شويه يا سالى بقالنا كتير ناسينه بصى يا سمر احنا مش هنضغط عليكى بس فكرى يا بنتى كويس فى موضوع شريف
مصطفى و هو بياكل / شريف ايه بس يا طنط دا امينو و نفخ عالفاضى اوعى يغرك يعنى طب دا الباشمهندسه سمر تجيبه الارض اسالينى انا قادره و انا عارفها احلقيله احلقيله و صدقينى هيجيلك سيد سيده اه والله حلو اوى الممبار يا طنط
صمت
مصطفى يرفع عينه يلاقى الكل بيبص عليه عليا تجيب طبق الممبار كلو تحطه قدام مصطفى و الكل يفطس مالدحك
سمر / عشان بتزعلوا لما بشد عليه اهو اتفضل
عليا / الله هو انتى مفيش حاجه بتعجبك خالص
سمر / بقى كدا اشبعى بيه ياختى اشبعى بيه
مصطفى / لعلمك الاكل ده كلو معمول عشانى صح و لا لا يا طنط
هيام / صح يا روح طنط
مصطفى / خلاص متمديش ايدك بقى و كفايه عليكى كدا هنجيبلك هدوم منين احنا بعد كدا
سمر تقوم تقف / هيبه
مصطفى / بلا هيبه بلا بتاع ده محشى
سمر تقعد تانى و هى بتدحك / اه ان كان كدا ماشى
عليا / لا فاجئتنى
مصطفى / و لسه ياما هتشوفى انبهارات
عليا تحطله صابع محشى فى بقه و هو بيقعد منفوخ و يهز كتافه و يعوج فى رقبته
سمر / انا قررت ارفض دبى و عرضت على حسام لو عاوز
مصطفى / حسام مين ده فقرى من يومه بس اخوكى الصغير يسد معاكى
عليا / يا سلام
مصطفى / هاخدك معايا
عليا / ماشى
حسام / مش سهله يابنى فى اصول
مصطفى / ماشى ماشى خلى الغريب يروح دبى و احنا هنا
سمر / ماشى يا مصطفى هرشحك
مصطفى / ايه ده انتى صدقتى و لا ايه انا بهزر مقدرش انا على الغربه و الجو ده كنت سافرت لحسام من يوم متخرجت بدل دوختى ليل نهار عالشغل
حسام / حقيقى ياما اتحايلت عليه
مصطفى / بصى مالاخر كدا و جد دبى دى مش سكتنا احنا دى بلدنا نبنى و نعمر فيها و ناخد من خيرها و مدام ربنا كارمنا فيها نتشحطت ليه بقى بعيد
هيام / والله يابنى عندك حق
مصطفى / حله محشى بقى معايا و انا مروح عالكلمتين دول
عليا / بس يا طفس
مصطفى / بيقولك اقرب طريق لقلب جوزك ايه
عليا / قصدك لكرش جوزك
حسام / و انا كمان مش هسافر
سمر / طب فكر من النهرده لبكره
حسام / مفيهاش تفكير يا بنتى مانا قولتلك
سمر / خلاص هعتزرله
هيام / طب دبى و خلصنا و شريف هتعملى معاه ايه
سمر / زى دبى بالظبط عروض كويسه بس للاسف مش مناسبانى او انا مش مناسبالها هعمل ايه يعنى
هيام / و تفتكرى شريف هيسكت على كدا اكيد المرادى هيبعد و عمره مهيرجع تانى
سمر / يهمنى راحته
هيام / و ترجعى تعيطى عشان معدش عندك صحاب مش كدا
حسام / احم احم
هيام / قولها حاجه يا حسام يابنى عقلها هى بتسمعلك
حسام / انا شايف ان مينفعش نضغط على سمر فى قرار زى ده و ان دى حياتها هى و لازم تقرر لوحدها و توافق او ترفض لازم نكون جنبها اى كان قرارها
هيام / يعنى لو قررت تنهى حياتها و تنتحر لازم نقف جنبها و نقل دى حياتها
حسام / لا طبعا بس احنا معليناش الا النصيحه و بس
هيام / متقول حاجه يا حسين
حسين / مهو حسام جاب مالاخر و بعدين اصبرى ميمكن نصيبها لسه مجاش او يمكن يكون خايف يجى
حسام / يمكن ليه لا مهو لو جه دلوقت هيترفض هو كمان فربنا شايله كدا على جنب
حسين / ربنا يسهل بقى و يغير الاحوال
حسام / اه والله
هيام / انا هتنقط
سمر / تسلم ايدك يا ماما الاكل حلو بس انا ملحقتش ادوق الممبار خطيب بنتك الطفس كلو كله
عليا / بالهنا و الشفا
سمر تهز راسها باستهزاء و عليا تطلعلها لسانها
مصطفى / حد قالكوا ارغوا شغلوا بقكوا فى حاجه مفيده
سمر / تصدق انت صح شغلوا بقكوا فى حاجه مفيده كلو كلو لحسن هيجى ياكلنا بعد كدا صحيح هى طنط ليلى مجتش معاكوا ليه والله القاعده نقصاها
حسام / اصل انا و هى كنا معزومين عند خالتوا النهرده بس انا مروحتش لما اتصلتى بيا استاذنت و مشيت
سمر / لو كنت اعرف والله مكنت اتصلت
حسام / طب كويس انك متعرفيش عشان اللحق اى حاجه مالاكل ده متتهد يابنى يخربيتك
مصطفى / مش انت اللى بترغى
هيام / ههههههههههههه فى جوه تانى يا ولاد
حسين / احلى حاجه فى السفره دى ان مفيش فيها حواجز كانهم اسره واحده
حسام / ماحنا اسره واحده فعلا يا عموا مش متربيين سوا
حسين / تصدق يا حسام انا عمرى مرتحتلك
حسام / الحال من بعضه والله يا عموا هههههههههههههههههههه
حسين / هههههههههههههههههه لا بس الوضع اتغير
حسام / حبيبى ياعموا
مصطفى / يلهوى مش قادر اخد نفسى شكلى تقلت باين و لا حد مالعيال دى كان باصصلى فى اللقمه
سمر / دا اكيد الممبار طول الليل سهرانه بحشى فيه لما وسطى اتقطم و ملحقش ادوقه يا مفترى ليه
مصطفى / عديلى اللقمه بقى امال لو مكنتش خطيب اختك
سمر / خطيب اختى تاكلنى
مصطفى / و اكل اختك كمان بس هى ترضى
حسين / طب نقوم احنا بقى عشان كدا كدا ملناش لزمه
مصطفى / اسف يا عموا
هيام / لا خد راحتك هما بيحبوا الحاجات دى
عليا / ماما
هيام / ايه هو انا قولت حاجه غلط مبتسهروش طول الليل تتودودوا
سمر / كح كخ ميه شرقت
حسام يناولها ميه تشرب
سمر / مش عارفه انا مين بيجيب فى سيرتى عالاكل انا
حسام / الحمد لله شبعت
سمر / انت لحقت تاكل حاجه
حسام / اهو خطفت كدا مهو مش هبقى انا و مصطفى يعنى
سمر تقوم تقلب طبق ورق العنب قدام حسام
سمر / كل كل هو انت اقل منه و يبقى يمد ايده فى الطبق
حسين / الا هو انا محدش بياكلنى ليه
سالى / ولا تزعل نفسك يا بابا يا حبيبى
سمر / يا سلام و هو يعنى انتى احسن منى اتفضل يا بابا
عليا / طب والله والله كمان مره لانا اللى ماكلاك يا بابا
حسين / خلاص يا بنات كفايه هموت
هيام / هو انا يعنى بنت البطه السودا و انا كمان هاكلك
حسين / ياريتنى متكلمت طبق حسام فاضى حسام مبياكلش
حسام / حسام مين اجرى يا مصطفى عالحمام دول مجانين
مصطفى / اجرى يا مجدى
مصطفى يدخل الحمام و حسام واقف عالباب هيام تروحله
هيام / انا كنت فكراك هتقف جنبى و تقنعها
حسام / طب عمى و قرانى انتى مش قريانى ليه
هيام / انا نفسى افرح بيها قبل مموت عاوزه اطمن عليها
مصطفى يطلع مالحمام
حسام / هتتطمنى باذن الله و مع واحد احسن من شريف كمان بس اصبرى اديها وقت بس
مصطفى / احتمال يكون احسن من شريف
حسام يزغده
مصطفى / مشيت
...................
(◉‿◉) (◉‿◉) (◉‿◉) (◉‿◉) (◉‿◉) (◉‿◉) (◉‿◉)
#LOLO #لولو_محمد
((((((((((ته مربوطه ))))))))
الحلقه الثانيه و العشرون
حسام / طب عمى و قرانى انتى مش قريانى ليه
هيام / انا نفسى افرح بيها قبل مموت عاوزه اطمن عليها
مصطفى يطلع مالحمام
حسام / هتتطمنى باذن الله و مع واحد احسن من شريف كمان بس اصبرى اديها وقت بس
مصطفى / احتمال يكون احسن من شريف
حسام يزغده
مصطفى / مشيت
...................
حسام / سمر بتتحسن اهو بتدحك و تهزر اديها بس شويه وقت خلاص والله هانت
سمر تدخل بس هما مياخدوش بالهم
حسام / متضغطيش عليها سبيها تقرر براحتها طب والله ماما انا كمان خنقانى فى موضوع الجواز بس انا مستنى الفرصه الكويسه و باذن الله هتيجى متخافيش
هيام / ربنا يطمن قلبك يابنى
سمر / الله يسهلوا
حسام / انتى هتفضلى تتسحبى كدا طول عمرك
هيام / من يومها بتمشى على طراطيف صوابعها
حسام / بتحاول تطول نفسها بس على مين يا قزمه
سمر / انا جبت فوطه عشان تنشف ايدك
حسام / تســــلــــملـــــــــى الفوطه
سمر تحدفه بيها
حسام / ماشى افتكريها بس
سمر تدحك / خلص بقى عاوزه اغسل ايدى
حسام يحدفهالها / سورى يا طنط بس فرصه و جتلى اتفضلى ياختى لايدز فيرست
سمر / تدخل و تقفل الباب
هيام / تحب اكلمها
حسام / نبقى عملنا ايه استنى شويه و انا هكلمها
هيام / يا مسهل يارب
............
فى الصاله
مصطفى / ياعموا عليا فاضلها سنه و نص على متخلص كليه احنا ممكن نعدى الترم ده و نتجوز فى اجازه نص السنه
حسين / مهو ده اللى بقوله هتيجى فى البكالوريوس و تخيب
مصطفى / على رقبتى والله ياعموا مهتقصر انا مش هخليها تحط ايدها فى قشايه هجيب اللى بتنضف لماما تنضفها كل اسبوع و الاكل مش مشكله هبقى اساعدها او حتى نجيب دليفرى او نتلاجئ عليكوا او على امى عادى يعنى هنتصرف والله لو لقمه بجبنه انا راضى
حسين / يابنى كل ده مقدور عليه بس لو حصل حمل وولاده السنه كدا هتضيع اصبر يابنى كمان كام شهر
مصطفى / الشقه جهزت فاضل ننزل نجيب العفش و نفرشها و بعدين اقولك انا بوعدك اهو قدامها ان مفيش حمل خالص الترم الاول
حسين / طب سبنى افكر
مصطفى / اسيبك قد ايه يعنى احنا بنام بدرى
حسين / انا بفكر افسخ الخطوبه
مصطفى / لا ياعموا خد وقتك براحتك يعنى..... انا قولتلك متكلميهوش كدا مبتسمعيش الكلام تفضلى تزنى تزنى لحد مهتودينا فداهيه
عليا / دانا برضه اقولك انا هقوم اغسل ايدى خليك انت بقى
................
فى الشركه باليل
حسام / بتتودودوا فى ايه بقى بالليل انتى و عليا
سمر / عليا دى نصى التانى قبل منام بحكيلها يومى و هى كمان بتحكيلى يومها المواقف الحلوه المواقف الوحشه و بعدين بتاخدنى فى حضنها و انام
حسام / هى اللى بتاخدك فى حضنها
سمر / اه ايه فيها حاجه
حسام / يا بختها
سمر / حســــــــــــــام
حسام / ايه بتاخد مزه فى حضنها مش انا باخد المخده
سمر / ههههههههههههههههههههه انت بتدحكنى مووووت
حسام/ طب ايدك على عشره جنيه بقى تمن الدحكه
سمر / بس كدا ميه بحالها تحت الحساب
حسام / ههههههههههههههههه
سمر / ايدك بقى على خمسه جنيه
حسام / ايه الخم ده
سمر / الله طب دانا عامله معاك احلى واجب و عملالك ديسكاوند
حسام / خدى فلوسك اهى مش عاوز منك حاجه
سمر / يابنى انت متقدرش عليا
سحر تدخل
سحر / ايه متدحكونى معاكوا
سمر / البيه عاوز يفرض ضريبه عالدحك عشره جنيه عالدحكه
سحر / ليه بس يا بشمهندس داحنا مصدقنا داحنا سنين مشوفناهاش و لا شوفنا حتى ابتسامه البركه فيك بقى
سمر تبص التاحيه التانيه
حسام / تعرفى يا سحر البنى ادم لما بيقرب من ربنا حياته بتفرق اوى
سحر / طبعا طبعا طب عن اذنكوا انا بقى
حسام / ربنا معاكى
سمر / هتطلع دلوقت تمسك ودن اى حد و يقطعوا ففروتى
حسام / هو انتى بيهمك
سمر / لا مبيهمنيش طبعا ميهمنيش مهم علاطول بيتكلموا مبدحكش مش عاجب بدحك مش عاجب مهما هعمل هيتكلموا حتى لو فى شرفى هيتكلموا وهما وراهم ايه يعنى غير الكلام احنا لو اشتغلنا قد مبنتكلم على الاقل والله حال البلد دى هيتصلح
حسام / طب ممكن نطنش بقى و نشتغل
سمر / فكره حلوه
حسام / على فكره طظ فيهم مدام كدا كدا مش عاجب خليكى فى اللى يريحك ادحكى و هزرى و انبسطى و احلى حاجه فيكى انك فاهمه الدنيا عارفه ان محدش هينفعك فانفعى انتى نفسك يا سمر يلا هاتى اما اراجع الكميات بتاعه مشروع الشراقوه
.........................
فى البيت بالليل
سالى نايمه و سمر فى النص بتتكلم مع عليا عالحرف
عليا / بس بابا قال هيفكر
سمر / مستعجله تسبينى يا عليا
عليا / اسيبك ايه بس يا عبيطه دانتى نصى التانى يا سمسمه
سمر / بس بابا كان معترض على ايه بالظبط
عليا / الدراسه طبعا و خصوصا الحمل
سمر / معاه حق
عليا / مهو مصطفى وعده ان مش هيحصل حمل فى الترم الاول
سمر / حبوب منع الحمل دى بتاذى يا بنتى
عليا / انا مش هاخد اى حاجه انا قولتله هو هيتصرف بقى انا مالى
سمر / هيتصرف ازاى يعنى
عليا / و انا مالى يا سمر هو قالى كدا
سمر / هو قالك كدا ماشى الا صحيح يا عليا بينى و بينك يعنى انتوا بتتكلموا فى كدا
عليا / لا كلو الا كدا
سمر / انا بحسب يعنى اصل فى بنات هى و خطيبها يعنى ممكن ينسجموا و ينسوا نفسهم يتكلموا فى كدا و لا كدا و لا كدا
عليا / يعنى هو مش كل كدا تبقى كدا فى كدا كدا و فى كدا كدا و انتى فاهمه يعنى
سمر / اه اه طبعا هو فى حد فاهمك قدى
عليا / بقى كدا
سمر / هههههههههههههه بتحبيه
عليا / بموت فيه يخربيته لحسلى مخى خالص
سمر / هو مكنش فى اصلا
عليا / اخص عليكى بس تعرفى الاحلى من انى بحبه ايه
سمر / ايه
عليا / انه بيحبنى فى حاجات كدا هى حاجات صغيره اوى بس بتفرق
سمر / ممكن تحكيلى
عليا / بصى لما بنروح كافيه مثلا يعنى بحس انه بيحاول يخبينى بحس انه مبيبقاش عاوز حد يشوفنى
سمر / ليه يعنى
عليا / بصى بينقى ترابيزه جنب الحيطه و يقعدنى وشى للحيط و هو جنبى علاطول بيقولى انى كدا ببقى اقربله يعنى
سمر / بس انتى كدا مبتشوفيش الناس هو يتفرج و انتى لا ليه
عليا / يتفرج ايه و ناس ايه يا سمر هو عينه بتتشال من عينى اصلا
سمر / و ايه كمان
عليا / ساعات بيمسك ايدى
سمر / بس هو خطيبك
عليا / عارفه والله بعدها بدايق بس اعمل ايه و بعدين انا اتكلمت معاه فى الموضوع ده قولتله ان مينفعش يمسك ايدى
سمر / و قالك ايه
عليا / فى الاول دحك و قالى سيبيه يمسكها يا فوزيه يمكن تطرى فى ايده و دحك و كدا بس بعد كدا فهم و بطل بس يعنى كل حبه كدا بنغلط
سمر / المهم الغلط ده اخرته ايه
عليا / هو انا بعمل ايه يعنى دا مسك ايدى هو كان باسنى
سمر / اه و ماله بجمله بقى
عليا / اسكتى يا سمر فى مره باس ايدى ووشى احمر و جاب اللوان و بجد مكنتش عارفه اعمل ايه
سمر / و عملتى ايه
عليا / معملتش اتجمدت مكانى قالى انه بعد كتب الكتاب يعنى هيبقى من حقه يعنى انتى فاهمه بقى
سمر / و سكتى
عليا / لا طبعا قولتله انسى مفيش بوس غير بعد الجواز احمد ربنا انى بخرج معاك اصلا اصلها خلوه
سمر / ايوه
عليا / بس تقولى ايه دحك و قالى خلوه دى حاجه خلوه خالص انتى هتبقى مراتى و هتشوفى هبوس يعنى هبوس انا بقالى سته و عشرين سنه مستنى الحلال اوم لما يجى مبوسش دانا اولع الدنيا
سمر / هههههههههههههههه مجنون
عليا / و ده اللى مجننى بيدحكنى يا سمر مستعد يعمل اراجوز عشان ادحك هو صحيح بيعمل حساب للناس اوى و مش دايما مستعد يتنازل و عنيد بس بحس انه بيحاول يسعدنى حتى لو ايه هو بيعمل اللى يقدر عليه و انا مش هقدر اطلب منه اكتر
سمر/ ربنا يهنيكوا ببعض و يكون زوج صالح ليكى و يرزقكوا بزريه صالحه
عليا / اخبار حسام ايه
سمر تتنهد / كويس
عليا / ايه اللى حصل
سمر / بدات احس ان الناس فى الشركه بيتكلموا علينا انا ميهمنيش الناس بس هو ملوش ذنب يعنى دى سمعته
عليا / على اساس ان هو البنت يعنى لو حد فيكوا هيخاف على سمعته يبقى انتى
سمر / مانتى عارفه انهم بيتكلموا عنى من زمان بس هو ذنبه ايه
عليا / تفتكرى حسام بيحبك يا سمر
سمر / لا طبعا انا بالنسباله اخته و بس حسام مش زى شريف حسام يعنى ممكن يكون زيى كدا
عليا/ بس حسام مش بيرفض الجواز لمجرد الرفض انا اللى اعرفه انه بيحب واحده
سمر / حكالى عنها مره قالى انه بيحب واحده مجنونه فاكره انها هتغير العالم بس مبيحبش يتكلم عنها خالص
عليا / و مين قالك انها مش انتى
سمر / حسام مش زى شريف حسام عمره مقالى كلام حب و لا حتى بصلى كدا يعنى
عليا / كدا
سمر / بطلى
عليا/ و انتى يا سمر قلبك ده مبيتحركش خالص
سمر / قلبى تعبان
عليا/ والله انتى اللى تعباه خرجيه من قفصه ده يا بنتى صغر عليه
سمر / خرجته قبل كدا حصل ايه انجرح و انا انكسرت استفدت ايه خليه جوه مدارى خليه فى الامان
عليا / بس انتى كدا بتفكرى غلط يعنى منين بتحبينى و منين بتسبينى اعرض قلبى ينجرح منين مقتنعه ان الحب و الجواز مجازفه و حاجه وحشه بتقتل الست و منين بتوافقى انى ارتبط
سمر / اقولك ايه انا مقدرش اتحكم فيكى اخاف يمكن بكره تقوليلى انتى السبب انتى اللى منعتينى انتى اللى خلتينى لوحدى زيك
عليا / مش يمكن اقولك انتى السبب انتى اللى ممنعتنيش و سبتينى
سمر / مانا هحميكى مش هسمحله و لا لحد مش هسمح لحد يقربلك و لا حتى يزعلك لكن انا مين يحمينى يا عليا مين
عليا / احنا كلنا انا و بابا و ماما و حسام حتى مصطفى و تصدقى حتى سالى
سمر / انا مش خايفه على نفسى انا عارفه انى مش هندم على قرارى
عليا / قرارك ليه ميتغيرش مكل حاجه فيكى اتغيرت هو انتى سمر من كام شهر بصى للبسك لشكلك لدحكتك اللى بنحمد ربنا عليها كل يوم
سمر / يا عليا انا حتى لو اتغيرت فده من بره بس روحى لسه مكسوره من جوه
عليا / ادى فرصه لشريف او يمكن حسام مش يمكن هما اللى يصلحوا الجرح اللى جوه ده مش يمكن يكون فى ايدهم الشفا
سمر / و يمكن يكون فى ايدهم موتى مش عاوزه اكون عبئ عليهم انتى عارفه انتى بتطلبى منى ايه
عليا / تحبى و تتحبى و تتجوزى و تخلفى و تفرحينا و تفرحى ماما
سمر / اى انسان هرتبط بيه هيكون ضحيه انسانه مريضه و مجنونه زيى ذنبه ايه يتحط تحت الاختبار اربعه و عشرين ساعه ذنبه ايه انى اشيله فوق طاقته
عليا / انتى مش هتعملى كدا
سمر / يبقى هشيل نفسى و هحاول اعمل المستحيل عشان مفشلش و لا ان العلاقه تفشل و هضغط على نفسى و هفضل اضغط لانى عارفه ان العيب فيا لحد مموت و ساعتها هيحصل ايه
عليا / اشمعن الموضوع ده اللى بتبصيله بالسواد ده يا سمر
سمر / لان دى حقيقته بصى حواليكى هاتيلى ست واحده حققت حاجه بعد الجواز بصى عليهم مبهدلين ازاى شايفه طالع عينهم مع عيالهم و بيتهم ازاى و ياريته عاجب الراجل مش فارق معاه مراته بتعانى من ايه طول اليوم المهم انه يشوفها علاطول على سنجه عشره ميهموش انه يوفرلها على الاقل الاحتياجات الاساسيه عشان تكون حلوه الراحه النفسيه و النوم لا دى مش شغلته امال هو متجوزها ليه
عليا / مش كلهم زى بعض
سمر / انتى متخيله ان مصطفى ممكن فى يوم يشيل عنك فى شغل البيت دا مبيعرفش يعمل لنفسه كوبايه شاى
عليا / مش كوبايه الشاى هى اللى هتتعبنى و بعدين فى حاجات تانيه اهم من الشاى
سالى / بقولكوا ايه بطلوا خناق يا تتكلموا فى كدا يا تسكتوا خالص و تسبونى انام احسن
سمر / ادى اخرتها اتفضلوا ناموا انا غلطانه
سالى / هو انتوا مبتتشطروش الا عليا
عليا / نامى يا بتاعه كدا
سالى / انا برده
................
تانى يوم
سمر فى العربيه بتتكلم فى التليفون
سمر / ايوه يا حسام ازيك
حسام / كويس الحمد لله فينك مجتيش ليه
سمر / انا النهرده اوف معلش بقى هتقل عليك فى الشغل
حسام / ليه خير تعبانه و لا ايه
سمر / لا هروح الجمعيه فى اجتماع هناك للمتطوعين فقولت فرصه اكلمهم عن دكتور محمد و اعرفهم بيه و استاذنته كمان اوصل تبرع من الشركه للجمعيه و هو وافق
حسام / و كدا بيفرق ايه عن بتوع الزيت والسكر
سمر / ولا اى حاجه بس على الاقل هو مبيشتريش الاصوات هو بيشترى دعايه
حسام / بزمتك فى فرق
سمر/ بص يا حسام طز فى الانتخابات و طز فى المرشحين الناس جعانه لو الكل مش هيخدم يبقى على الاقل الناس شبعت ولو يومين ولو فيهم حد هيخدم فلازم ياكل لان الجعان عمره مهيفكر فى مصلحته او مصلحه البلد هيفكر ازاى ياكل و ياكل عياله حتى لو باع نفسه و بلده
حسام / عمر البلد محالها هيتصلح
سمر/ على الاقل بنحاول نكون سبب فى الخير سبب فى حاجه حلوه
حسام / ماشى بقولك ايه انا هجيلك
سمر / لا مش عوزاك تيجى
حسام / ليه بقى ان شاء الله
سمر / انا فكرت امبارح و لقيت اننا لازم نبعد عن بعض شويه
حسام / والله العظيم
سمر / والله يابنى ده لمصلحتك انت مش عاوزه حد يتكلم عنك مش عوزه حد يغلط فيك
حسام/ و مين اداكى الحق تقرريلى
سمر / لا طبعا ليا كل الحق انا اختك و خايفه عليك
حسام / لا يا هانم حضرتك مش اختى و لا مسؤله عنى
سمر / انا قررت و خلاص سلام بقى عشان وصلت
حسام / انا لسه مخلصتش كلامى
سمر / اعتبر موبايلى فصل شحن سلام
سمر تقفل السكه و تقفل الموبايل
...................
الفصل الثالث والعشرون من هنا
