#بقلم #لولو_محمد
(((((((ته مربوطه )))))))))
الحلقه الثامنه و العشرون
حسام / انت متاخر ليه كدا تعال تعال
سيد / انا بصراحه كنت جاى اسلم و امشى اصل معايا فى العربيه فتوح اخو مراتى مانت شوفته قبل كدا و مش عاوز احراج يعنى بس انا قولت لازم اجى لحسن البشمهندسه تزعل منى و لا حاجه
حسام / ميصجش تيجوا لهنا و متاخدوش واجبكوا ناديلوا و اتفضلوا معايا
سيد / انا والله خايف بس
حسام / يا سيد خلاص الموضوع ده خلص و انتهى ناديله و يلا
...............
فى البلكونه فوق
عليا / اللحقى يا سمر مش ده عريسك
سمر / اخرسى يابت بدل محدفك من هنا انا ليا حساب تانى مع سيد و حسام
عليا / و حسام ذنبه ايه
سمر / كان المفروض يطردهم هما الاتنين
عليا / تانى بقولك ايه براحتك بس والله لو بوظتى الليله مهكلمك تانى ابدا
سمر / عنك ريحتى
سمر تدخل الصاله تلاقى فتوح و سيد
فتوح / يدوم العز يا هندسه
حسام / اتفضل عالاوضه جوه اتفضل
سمر تشد حسام و فتوح و سيد يدخلوا و ليلى تحطلهم اكل
حسام / ايه فى ايه
سمر / انت ازاى تدخل البقف ده بيتى
حسام / مش عيب بنوته رقيقه و طعمه زيك كدا تقول بقف
سمر / و هقول اللعن من كدا لو ممشيش
حسام / دا جاى يبارك لعليا و ماشى متافوريش لو كان جاى عشانك كنت كسرتله رجله
شريف يدخل
شريف / هو مين ده اللى مزعلك يا حسام قولى و انا اقوم بالواجب
سمر / تدخل تقف معاهم ياكلوا و يغوروا انت فاهم
حسام / ههههههههههههه طب بس اهدى حاضر
حسام يدخل يقعد مع سيد
شريف / مالك حد دايقك و لا ايه
سمر / انا مش طايقه روحى
شريف / فى ايه بس
سمر / حيوان انا طردته من هنا قبل كدا و معزمتوش و جاى برضه يفرض نفسه هو فاكر نفسه داخل تكيه
شريف / مين ده
سمر / متشغلش بالك حسام هيتصرف
شريف / طب اهدى حصل خير انا كنت طالع اسلم عليكى عشان مسافر اسكندريه
سمر / دلوقت و هتيجى امتى يعنى مش هتحضر الفرح
شريف / فى حوار مهم حصل فى الجيم هناك هروح اظبطه و ارجع علاطول
سمر / عليا هتزعل منك
شريف / لا باذن الله هاجى عالفرح عشان كدا هسافر دلوقت مش الصبح
سمر / طب سيب سمر معايا
شريف / انا مبقدرش ابعد عنها
سمر / بس الطريق و دى صغيره
شريف / لا خليها تتفسح هى اصلها بتحب اسكندريه اوى
سمر / ربنا يخليهالك
شريف / متاكده انك مش عوزانى اضربلك الواد اللى جوه ده
سمر / هههههههههههه شيلاك للتقيله
شريف / انا ماشى انا بقى
شريف يمشى و سمر تدخل تلاقى سيد و فتوح بياكلوا زى البهايم اول ميشوفوها يقوموا يقفوا
فتوح / ازيك يا هندسه يدوم العز
سمر / الف هنا منورين
سيد / دا نورك بس بسم الله ما شاء الله ليله و لا بتوع السيما
فتوح / بس انتى مشوفتيش ليله سيد بقى انا نقطه باربع رقاصات قاموا بالليله و مراكب و بيره لحد الصبح
سمر / معلش اصل احنا ملناش فى الحاجات دى
سيد / والله كدا اريح حتى ربنا يباركلهم
سمر / تؤمروش باى حاجه
فتوح / صحيح يا باشمهندسه انا كنت عاوز يعنى اعتزرلك عن اى حاجه حصلت يعنى و نصفوا النفوس
سمر / مفيش حاجه حصلت نورتوا
فتوح / يعنى انتى مش زعلانه منى
سمر / خلاص يا معلم الحوار ده خلص
فتوح / انا بطمن بس
سمر / اطمن عن اذنكوا حسام لو سمحت ثوانى
حسام يطلع ورا سمر
سمر / هما بايتين و لا ايه
حسام / اقومهم من عالاكل يعنى
سمر / لا افضل حطلهم فى اكل لحد ميقوموا يكلونا بالمره
حسام / انا والله مش طايقهم بس دول فى بيتنا خليهم ياخدوا واجبهم و يمشوا
سمر / والله خساره فيهم اللقمه بالسم الهارى يارب
حسام / انتى اللى بتقولى كدا
سمر / اعمل ايه مهو لو ماما شافتهم
حسام / هتعمل ايه متخافيش خلاص ماما عرفت الليله و مش هتتكلم فى الموضوع ده تانى و لو اتكلمت يا سلام اوضتى مستنياكى دى حتى قالتلى انها مرتاحتش مع حد غيرك
سمر / مين دى
حسام / اوضتى
سمر / انا ناقصه جنانك عالمسا
حسام / البنات دول يا جدع محدش يفهمهم تعقل يقولوا ممل تتجنن يقولوا مجنون ارضيكى ازاى مش عارف والله
سمر / متحاولش انت كدا كدا عاجبنى
حسام / بجد و النبى
سمر / بس مشيلى الناس دى بقى ابوس ايدك
حسام / خشى مع البنات و انسيهم اقولك انزلى تحت
....................
تانى يوم قدام الكوافير
حسام واقف جنب مصطفى قدام عربيه الزفه
مصطفى / طولوا اوى و كمان امك دخلت قعدت جنبهم جوه
حسام / طلعوا اهم
ليلى و سمر و مرمر و عليا يطلعوا مالكوافير و ليلى شغاله زغاريط
مصطفى / لا مقدرش انا عالحلاوه دى
عليا / يا بكاش
مصطفى / لا والله انا بقول بلا فرح بلا كلام فاضى و ننجز و نطلع على بتنا و ناخد اليوم من اوله
حسام / و ايه كمان
مصطفى / استغفر الله العظيم
حسام / استغفر استغفر
ليلى / انتوا هتقفوا ترغوا يلا هيام عماله تستعجلنا الناس ماليين القاعه
حسام / الله مش هنستنى سمر
سمر / ها ها ها خفه
حسام / عجبتك الواد مصطفى لسه مغششهانى
سمر / متبقاش تغش منه تانى هيضيعك
حسام / اكتر من كدا دانا واقع
سمر / هههههههههههههههههه اركب اركب
ليلى / انا هركب انا و مرمر فى العربيه التانيه اركبى جنبه انتى يا سمر
حسام / طب يلا يا جماعه هنتاخر
الكل يركب و الزفه تتحرك و شغالين كلاكسات
مصطفى / ايه ياعم هنقضيها زمامير متشغل الفلاشه
حسام / بس كدا تؤمر دانا مجهزلك شويه اغانى عنب
حسام يشغل اغنيه الناس الرايقه احمد عدويه و عليا ترقص بايديها معاها
سمر / وفرى مجهودك للفرح
مصطفى / انتى اللى بتقولى كدا يا هندسه
سمر / قصدك ايه يعنى
حسام / هترقصى يعنى فى الفرح
سمر / لا طبعا انت بتهزر انا مبرقصش
مصطفى / و بحب الناس الرايقه اللى بتدحك علاطول اما العالم المدايقه دانا لا مليش فدول
حسام / بيرمى عليكى على فكره
سمر / و مليش فالدمع لالا و لا فى الناس الشياله كل اللى فقلبه حاجه اول باول يقول
مصطفى / على على يا بنى ايه الاصوات دى
سمر / هههههههههههههههههههههه
مصطفى / لا روحها رياضيه تعجبنى
حسام / و بحب اللى مخليها على الله اللى ميحسبهاش العمر قصير ليه نتغير و لا منعشهاش
سمر / اه والله
سمر ترقص بايديها من تحت لتحت
حسام / يا شيخه
سمر / ركز يا بابا فى الطريق لتقلبنا
حسام / بقى كدا طب اهو
حسام يزود السرعه و يطلع فى حته مفتوحه و يفضل يلف بالعربيه سمر تترمى عليه يفرمل فجاه و يحوشها بايده قبل متخبط فى الازاز و يبص على سمر و هى بتحاول كاتمه غيظها و باصه فى الدواسه و هو مبتسم ورا عليا قافشه فى ايد مصطفى
مصطفى / لا انا بقول نروح بجد
عليا / اتلم
عليا تسيب ايد مصطفى و حسام يطلع عالقاعه فى صمت
.........................
فى القاعه
عليا و مصطفى بيرقصوا سلو عالدانس فلور و سمر واقفه فى جنب حسام يروحلها
حسام / سمر سمر سمر سمر
سمر/ ايه
حسام / مش انا حلمت بيكى امبارح
سمر / معقول
حسام / اه انتى كنتى لابسه ابيض فابيض و انا كنت لابس اسمر فاسمر
سمر / و بعدين
حسام / و بعدين الدى جاى قال اصحاب العريس و العروسه يتفضلوا عالمسرح فانتى حطيتى ايدك فايدى كدا و جيتى ترقصى معايا
حسام يحط ايد سمر على دراعه تسحب ايدها و تبص يمين و شمال
حسام / ايه ده يعنى مش هتحققيلى حلمى و لا ايه اهون عليكى اموت و انا محققتش احلامى
سمر / انت مالك النهرده يا حسام هو عشان عديت اللى حصل فى العربيه و لا ايه
حسام / فكيها بقى النهرده فرح اختك امال لو مكنتيش ولعتيها امبارح فى الحنه
سمر / امبارح كنا بنات بس النهرده فى ناس ميصحش
حسام / هو انا قولتلك اديها عشره بلدى انا بقولك نرقص سلو هنقف نتهز فمكانا زى بندول الساعه متافوريش بقى
سمر / بطل بقى يا حسام
حسام / لما تشوفينى بقى برقص مع غيرك متطقيش
سمر / ليه يعنى
حسام / ايه ده انتى مش هتطقى بجد
سمر / لا عادى يعنى براحتك
حسام / افتكرى ان الكعب غيرك و خلاكى تعلى علينا طب يارب يتكسر
سمر / هههههههههههههههههههههههه
سيد و فتوح يدخلوا
سمر / يا ربى ايه اللى جابهم دول
حسام / مين ... اه
فتوح / ازيك يا هندسه
الدى جاى ينادى/ اصحاب العروسين يتفضلوا عالدانس فلور
سمر / انت لسه واقف يلا يا حسام
سمر تشد حسام للدانس فلور و هو مندهش يروحوا يقفوا و هى باصه فى الارض و هو منشكح اوى على اغنيه سيبى روحك لمحمد عدويه سيبى روحك و ارقصى بين ايديا و اللمسى حضنى بايديكى و ادحكى
حسام / مش هتدحكى بقى
سمر / ايه
حسام / مش هتسمعى كلام الاستاذ محمد عدويه
سمر / بس بقى
حسام / طب اهمسى باى حاجه
سمر / بطل
حسام / عارفه نفسى فايه عايز دلوقت اشيلك و بيتنا نجرى عليه ... دا هو اللى بيقول مش انا
سمر تبتسم و هو يبتسم
حسام / انتى و انا نرقص سوا عالارض و لا عالسما قلبى سامعه قلبى و انتى خدك عليه ... تسمع ازاى ياعم دا بينها و بينى متر و نص
سمر / انت بتقول ايه يا حسام
حسام / ابعدى كمان شويه روحى اقفى فاخر القاعه اصلى بكهرب انا ايه ده
سمر / الناس
حسام / ميولعوا مش ده شعارك
سمر / الحمد لله الاغنيه خلصت اوعى كدا
حسام يمسك ايدها هى تبصله
حسام / شكرا انك حققتيلى حلمى
سمر تسحب ايدها و تمشى و هى مكسوفه
.........................................
بعد الفرح
هيام / انا هموت مالتعب خلاص مش قادره
حسين / على قولك انا مقعدتش طول الفرح
سمر / عقبالك يا سوسو
سالى / لو هتبقى ليلتى حلوه كدا ماشى
سمر / هتبقى احلى باذن الله
سالى / انا هدخل انام بقى لحسن هموت مالتعب
سمر / والله الواحد مش عاوز يدخل الاوضه و هى مش فيها
هيام / على رايك البيت تحسى ان ناقصه حاجه
سمر / ربنا ميحرمنا منها يارب يا بختك يا سى مصطفى خدت السكر بتاعنا
حسين / هههههههههههههههه عقبالك يا بنتى
سمر / انا فال الله و لا فالك يا بابا عقبالى ايه
هيام / انا داخله انام
تليفون سمر يرن
حسين / حسام مش كدا
سمر / اه
حسين / انا داخل انام بقى متطوليش
سمر/ هههههههههههه حاضر
سمر ترد
حسام / كل ده عشان تردى كنتى بتعملى ايه
سمر / و لا حاجه قاعده عالكنبه جنب الباب الشقه محتاجه تتفور
حسام / بس ايه الجمال ده كنتى اموره اوى النهرده
سمر / لا يا راجل بس صحيح مشوفتش يعنى خناقات كنت معشمه نفسى والله
حسام / انتى بس اللى مكنتيش لابسه النضاره طب دانا اتقدملى يجى اربع خمس عرايس النهرده
سمر / عشنا و شوفنا البنات هى اللى بتتقدم
حسام / طبعا دول طوابير يا ماما طوابير
سمر / حوش حوش
حسام / طب انا اشاور بس اشاور كدا تلاقى ميه يمين و ميه شمال
سمر / هههههههههههههههههههههههههه بطل بقى
حسام / البيت ملوش حس منغير مصطفى
سمر / انت هتقولى عليا كمان سايبه مكان كبير
حسام / زمانهم هايصين دلوقت
سمر / اتلم عيب كدا
حسام / انتى فهمتى ايه انا قصدى بياكلوا الديك الرومى و العشا دانا شايلها بايدى و ريحه الحمام لسه فمناخيرى
سمر / يا طفس
حسام/ هو لا كدا عاجب و لا كدا عاجب
سمر / متقرش عليهم و خلاص انت عارف هما بيعملوا ايه دلوقت
حسام / عارف
سمر / لا اقصد يعنى سبهم فى حالهم
حسام / عقبالك
سمر / انت كمان
حسام / الا قوليلى يا سمر انتى ايه رايك فى الحب بس المرادى بعد مشوفتى اختك بتتجوز و قد ايه كانت فرحانه
سمر / اسالتك الفصيله فاوقاتها القفيله
حسام / دا كتاب جديد فى السوق
سمر / بص يابنى انا مش بتاعه حب و لا كلام من ده و ان عريسى يمثل قدام الناس انه فرحان و يشلنى و يقعد يلف بيه بقى موضه قديمه و انه يغنيلى و يصدع الناس بصوته البشع دى عمرها مكانت علامات حب
حسام / امال ايه هى علامات الحب
سمر / كتير انه يحترمنى و يحتوينى و يفهم انا بحس بايه انه يطمنى و يقولى كلو هيبقى تمام
حسام / كلو هيبقى تمام
سمر / ايوه يقول كدا انسان يكون بيفهم يعنى ايه واحده تسيب بيت اهلها و دنيتها و حياتها عشانه
حسام / مهو كمان هيسيب كل حاجه عشانك
سمر / انا عاوزه انسان يقدر ضعفى مش يستقوى عليا ينصرنى و يسندنى و يقوينى انه يسمعنى حتى لو بهبل بس يسمع حتى لو هحكيلوا كلام ملوش معنى يسمعنى
حسام / مانا بسمعك اهو
سمر/ ايوه زيك كدا
حسام /زيى ؟؟ كملى يا اخره صبرى
سمر / اكمل ايه بس سيبك انت دا حوار فاكس اصلا
حسام / واحد مستعد يتخلى عن الكام ساعه اللى بينامهم عشان يتكلم معاكى واحد مبيقدرش ينام الا لما يسمع صوتك واحد مبيفكرش الا فيكى و بيحلم باللحظه اللى يجمعكوا فيها بيت و تمليله بيته عيال يجننوه و انه بدل مكان حر طليق يسلمك انتى مفاتيح حريته يروح بدرى عشان يلعب معاكى انتى و العيال و بدل ميجيب لنفسه هدمه جديده يجيب بامبرز و لبن ذبادى
سمر / مثلا يعنى و فيها ايه
حسام / هو ايه اللى وفيها ايه الله يحرق غبائك
سمر / انت بتزعق ليه انت مش بتقول ازاى الواحد يحب اه هو ده الحب
حسام / على فكره انتى بت اى كلام عشان كل الصفات دى موجوده بس مش دى مشكلتك
سمر / تانى يا حسام مانا قيلالك امبارح انا بخاف انا لحد النهرده ملقيتش اللى يطمنى
حسام / طب انا كحسام مثلا مثلا يعنى لو كنت مثلا يعنى دا مجرد افتراض بحبك اعمل ايه عشان اطمنك
سمر ساكته
حسام / سمر سمر الو الو انتى قفلتى السكه و لا ايه انتى يا مجنونه
سمر / معاك
حسام / خضيتينى
سمر / متعملش يا حسام انت مش محتاج تعمل اى حاجه عشان تطمنى
حسام / بجد و النبى
سمر / انا معنديش استعداد انى اخسرك يا حسام عشان كدا معنديش استعداد انى اتخيل حتى اى دور ليك غير ده
حسام / يا شيخه ماشى و ماله احسن من مافيش تعرفى انا كان نفسى اكون قدامك دلوقت لسببين
سمر / الاول
حسام / اشوف عنيكى و انتى بتتكلمى
سمر / و التانى
حسام / ارزعك كف احولك فيه
سمر / هههههههههههههههههههههههههه ولا تقدر
حسام / انجرى يابت نامى كته نيله اللى عاوز يكلمك اساسا
سمر / انت تطول اصلا
حسام / اقفلى كدا جتك القرف فى حلاوتك
سمر / هههههههههههههههههههه تصبح على خير
حسام / و انتى من اهله
.........................
