بقلم #لولو_محمد
((((((((((ته مربوطه )))))))))
الحلقه الثالثه و الثلاثين
مصطفى / ادينى الحقنه بسرعه ارجوك محتاجه الجرعه
حسام / انا عاجبنى الطقم ده هاخده اوزنه لو سمحت وشوف تمنه كام
عليا / انتى مش هتنقى و لا ايه
سمر / انا مبنقيش هديتى هو هيختارهالى
الكل يبص لبعضه ثوانى و يدحكوا فى الخباثه
.....................
فى الشركه بعد فتره
حسام و سمر يدخلوا المكتب و بوكيه ورد يوصل
حسام / دا من شريف الكرت .....قلب المؤمن دليله الف مبروك و عقبال مبارك فى شريف الصغير ..... عشم ابليس
سمر / والله فيه الخير
حسام / صحيح النقاش خلص الشقه ظبطها مش عاوزه تيجى تتفرجى
سمر / قولتلك كل دى شكليات بالنسبالى
حسام / مهو مش هينفع كل حاجه احنا اللى ننقيها و بعدين دى مملكتك انتى
سمر / اعمل اللى انت شايفه صح
حسام / مالك مدايقه ليه
........................
سمر / كل مالفرح يقرب بخاف اكتر
حسام / ليه
سمر / مش عارفه
حسام / لا عارفه بس مش عاوزه تقولى
سمر / مش هتفهمنى هتزعل منى
حسام / عمرى قولى
سمر / انا مش عاوزه دخله
حسام يرفع حاجبه
سمر / اهو شوفت انا مقولتش هنلغيها انا بس عاوزه اجلها شويه عاوزه نعيش مع بعض فتره كدا نجرب
حسام / طلب غريب و صعب ليه
سمر بارتباك شديد / مش عارفه بقى
حسام / انتى عارفه انتى بتطلبى منى ايه الاول
سمر / عارفه بس والله غصب عنى انت قولت انك بتحبنى مقولتش انك بتحب جسمى
حسام / لحظه واحده متخلطيش الامور
سمر / انا مش عاوزه اتكلم فى الموضوع ده
حسام / فاضل اسبوعين عالفرح و لازم نتكلم
سمر / طب ناجل الفرح
حسام / مالك يا سمر
سمر / خايفه ارتاحت خايفه
حسام / منى
سمر / لا خايفه تسبنى خايفه انك تشبع منى و تسبنى انت عمرك مهتفهم انا كبنت وضعى مختلف خالص عن كست انت فاهم و لا لا
حسام / وضع ايه يا هبله
سمر/ اقولك ايه بس
حسام/ بصى يا سمر اهدى انا مش هضغط عليكى قولتلك قبل كدا و مش مستعجل ماشى خدى وقتك بس عاوزك تفتكرى كويس ان ده مش سهل بس هحاول عشانك عشان انتى و عدتينى انك هتحاولى
سمر / بجد
حسام / خليها تيجى فوقتها احسن بلاش تيجى غصب عنك اكيد مش هتبقى حلوه
سمر / انا بحبك على فكره
حسام / ادحكى عليا ياختى بكلمه
سمر / هههههههههههه الله يرحم
حسام يتنهد
سمر / انا عارفه انى اللى طلبته مش حاجه حلوه و انها تقريبا اصعب طلب ممكن اطلبه بس انت فاهم
حسام / فاهم و مش هضغط عليكى قولتلك احنا كنا فين الحمد لله
...........................
فى البيت قبل الفرح بيومين
سمر بتقيس الفستان و عليا و سالى واقفين حواليها و هى واقفه سرحانه فى شكلها فى المرايه تليفونها يرن
عليا / دا حسام
سمر تشاورلهم يطلعوا الكل يطلع مالاوضه و ترد
سمر / الو ازيك
حسام / وحشتينى
سمر / انا مخنوقه بشكل
حسام / ليه بس
سمر / بقيس فستان الفرح مش متخيل حاسه انى بقيس بدله الاعدام
حسام / هو وحش اوى كدا
سمر / يهبل حلو لدرجه الجزع
حسام / زى صحبته يعنى حاجه كدا من كتر حلاوتها تموع النفس
سمر / انا بتكلم بجد و مش عارفه اقعد بيه و لا اتحرك كتير اوى كتير فعلا
حسام / ههههههههههههههههه ادفع نص عمرى و اشوفك لبساه
سمر / كلها يومين و تشوفنى ببلاش
حسام / و ان كنت مش قادر اصبر يومين
سمر / هو اللى بعمله ده صح
حسام / اثبت لا بقولك ايه انا طلع عينى لحد موصلت للحظه دى اهدى كدا و صلى عالنبى مصدقت
سمر / تعبانه يا حسام انا مبنمش بجد انت مش حاسس
حسام / لا اله الا الله
سمر / حقك عليا انا عارفه انى خنقتك
حسام / انا بس مدايق انك مدايقه المفروض انك مبسوطه
سمر / يمكن عشان كدا عمرى محاولت اعبر عن مشاعرى ناحيتك يمكن عشان كدا كنت دايما بحاول ابعدك عنى يمكن لانى عارفه انها مجرد مشاعر
حسام / متستهونيش بالمشاعر
سمر / اخرتها ايه
حسام / انتى مسوداها ليه كدا اخرتها خير ان شاء الله على فكره انا هعدى عليكى بالليل جايبلك هديه و كمان بالمره نعمل بروفا على رقصه الفرح
سمر / رقصه ايه انسى انا مبعرفش ارقص
حسام / هئأأأأأأؤ عليا يابت و لا لازم احط البرافان عشان تعرفى ترقصى
سمر / لا دا رقص بنات مع بعض مش قدام الناس عيب
حسام / و هو انا هخليكى ترقصى قدام الناس برضه
سمر / انا توهت منك
حسام / انا اقصد الفيرست دانس مش هنقف قدام الناس مش عارف امسك ايدك يعنى
سمر / قال يعنى عمرك مرقصتها
حسام / انا مش خايف منى انا مرعوب منك اجى احط ايدى عليكى الاقى ضربه كدا كدا على راى مصطفى متنضمنيش
سمر / هههههههههههههههههههه والله عسل
حسام / كلهم بيقولولى كدا
سمر / كنت بتكلم عن مصطفى
حسام / خليه ينفعك سلام
سمر / استنى بس كنت هقولك كلمه
حسام / اولها ب
سمر / و اخرها ك
حسام / قولى
سمر / بطاقتك
حسام / و انا كمان بطاقتك اوى يعنى بطاقتك عالاخر
سمر / ههههههههههههههههههههه
حسام / طب والله حلوه
سمر / جدا طب على فكره بقى بطاقتك اوى اوى اوى
حسام / فين الكلام ده و انا قدامك مش عارف كانك بتاجرى واحده تانيه تكلمنى فى التليفون
سمر / بطل بقى يا حسام بدايق
حسام / ماشى هعدى عليكى بالليل و نشوف
سمر / ماشى سلام
.....................
فى البيت بالليل
عليا / مش هتروحى الكوافير
سمر / مكنت عندها امبارح هى شغلانه
عليا / بطلى هبل قومى
سمر/ هروح بكره خلاص بقى انسينى
الباب يخبط عليا تفتح تلاقى حسام ماسك فى ايده شنطه هدايا
عليا / اه ان كان كدا ماشى
حسام / هو ايه اللى ماشى
عليا / مفيش ادخل ادخل طب كنتى قولى انك مستنيه حوس
سمر / حوس فعينك يلا انجرى على جوه
عليا / الله يسهله بتغير عليك من اختها انا داخله اقفل مع ماما الشنط اصل عروستك ايدك منها و القبر
عليا تدخل و حسام يدى لسمر شنطه الهدايا سمر تيجى تفتحها بوكيه ورد
سمر / ايه ده
حسام / حزمه جرجير ايه رايك
سمر / هههههههههههههه ادخل يا رايق ادخل
حسام يدخل و يقفل الباب و يحط البدله على الكرسى ويقعد سمر تقعد جنبه يبص فى عنيها يلاقيها حمره
حسام / انتى كنتى بتعيطى و لا ايه
سمر / انت ايه اللى جابك
حسام / لقيت نفسى فاضى قولت اجى اخد الجمعيه انا ناقص جنانك عالمسا
سمر / قوم روح
حسام / الفلابينيه بتاعتك انا تعال يا حسام روح يا حسام متتلمى يا بت بقى بدل مديكى باللوكاميه فى خلقتك
سمر / هههههههههههههه
حسام / تموتى فى التهزيق
سمر / انا مخنوقه اوى بجد
حسام / طب يلا نخرج شويه
هيام تطلع من جوه
هيام / ايه ده انت جيت امتى
حسام / لسه واصل ازيك يا ماما
هيام / كويس كنت لسه هكلمك نزل معلش الشنط دى العربيه كدا خلصنا انا هدخل اللبس
حسام / هى دى هدومك
سمر / و لا اعرف فيها ايه و لا يفرق معايا اعرف
حسام / اصل مستحيل اربع شنط يكونوا هدومك ليه يعنى بقولك ايه متقولى لامك متلبسش و تيجى انتى معايا نودى الشنط و نفتحها و نعرف فيها ايه
سمر / انت ليه حبتنى ليه انا
حسام / طب و انتى ليه حبتينى
سمر / بطل رخامه متردش عن سؤالى بسؤال
حسام / هجاوبك لو عرفتى تجاوبى
سمر / سؤال سهل اوى بص لنفسك انت اكتر راجل قابلته فى حياتى بالقليل اوى تسعه و نص على عشره
حسام / حكمتيها ازاى عرفتى منين انى تسعه و نص مش اربعه و لا سته حتى عرفتى منين
سمر / كل حاجه شوفتها معاك كل المواقف اللى مرت فى حياتنا
حسام / يعنى مش خايفه كل ده يتغير بعد الجواز بعد مزى مبتقولى مشبع منك و اخد اللى انا عاوزه اكتر جمله مستفزه فى تاريخ البشريه اللى انا عاوزه و كان الراجل مجرد حيوان هو ده كل اللى هو عاوزه
سمر / متغيرش الموضوع انت حبتنى ليه
حسام / عشان حلوه و بريئه عشان ناجحه و طموحه دماغك نضيفه هو مش نضيفه اوى يعنى فيها شويه تراب و عفره كدا بس باذن الله هنضفهم بصى يا بنتى متساليش حد هو بيحبك ليه لان الحب هو الحاجه الوحيده اللى لو ملهاش سبب هى كدا بايد ربنا هو اللى بيحببنا فى بعض و هو اللى بيكرهنا فبعض
سمر / يعنى مش هتزهق منى بعد الجواز المشاعر اللى جواك مش هتنطفى
حسام / هتنطفى و هيطلع مكانها مشاعر تانيه احلى و اغلى الموده و الرحمه و العشره
سمر / هتزهق هتمل الشغف هيروح
حسام / بكره لسه مجاش و مش عاوز افكر فيه مش عاوز اضيع وقتى فى انى افكر فى حاجه معرفش هتحصل و لا لا كلو احتمال
سمر / اوعدنى انك هتستحملنى اوعدنى انك مش هتسبنى ابدا
حسام / اوعدك
هيام تطلع مالاوضه
هيام / انتوا لسه منزلتوش الشنط
حسام / هنزلها اهو فيها ايه الشنط دى
هيام / هدوم على مليات على مفارش كدا يعنى
حسام / قشطه يلا بينا هتيجى يا سمر
سمر / اه جايه
.....................
يوم الحنه بالليل
الكل نايم و سمر واقفه فى البلكونه تليفونها يرن تدخل تجيبه و تطلع تقف فى البلكونه تانى
سمر / ازيك
حسام / انتى لسه صاحيه ليه معقول مش قادره تنامى الا لما تسمعى صوتى
سمر / هههههههههههههههههههههه
حسام / طب جاملينى اكدبى عليا اى حاجه مش كدا
صمت
حسام / اممم ماشى خلاص واضح انك مش فالمود
سمر / عرفت منين انى صاحيه
حسام / بصى تحت
سمر تبص فالشارع تلاقى حسام قاعد على كبوت العربيه و بيشاورلها
حسام / معرفتش انام قولت انزل اخد لفه بالعربيه جابتنى لعندك
سمر / انت مجنون صح
حسام / انا بحبك
سمر / بكره فرحى
حسام / سبحان الله و فرحى انا كمان ايه الصدف السعيده دى .
سمر/ هههههههههههههههه انت مشكله
حسام / انتى عارفه انا بقالى قد ايه بحلم باللحظه دى
سمر / انت عارف انا بقالى قد ايه بخاف ماللحظه دى
حسام يسكت
سمر / بس انا مش خايفه
حسام / بجد
سمر / مش خايفه يا حسام مش خايفه عشان انا بثق فيك عشان انت معايا يا حسام عشان انت وعدتنى
حسام بيبص لفوق و مبتسم و ساكت
سمر / مش هتقول حاجه
حسام / مانا لو لاقى كلام اقوله كنت قولت انتى عارفه من يوم مقررنا اننا نتجوز و انا بعد الايام عشان يجمعنا بيت بعد الثوانى و الدقايق مين قال ان الساعه ستين دقيقه دا الساعه النهرده ستميه دقيقه مش عاوزه تمشى بنت الجزمه
سمر / هههههههههههههههههههه مش خايف
حسام / لا
سمر / لا؟؟
حسام / لا .....استنى معايا وايتنج ... دى ماما اكيد قلقت عليا
سمر / روح رد عليها و انا هدخل انام
حسام / هتنامى
سمر / لو معرفتش انام هكلمك
حسام / وعد
سمر/ وعد يلا روح نام و ارتاح بقى
حسام / هو احنا ليه مش ساكنين جنبكوا ايه الفقر ده
سمر / ههههههههههههههههه متمشى بقى يابنى خلينى ادخل
حسام / طب بالراحه متزوقيش الله سلام يا حبى
سمر / سلام يا حو..سام ههههههههههههه
حسام / واطيه سلام
حسام يشاورلها و يركب العربيه و يمشى و هى واقفه متبعاه و مبتسمه تلف تلاقى امها وراها تروح تحضنها
هيام / ربنا يهدى سرك يا بنتى و يتمملك على خير و يسعدك
سمر / ربنا يخليكى يا ماما
..........................
