#
بقلم #لولو_محمد
#ته_مربوطه_
الفصل التاسع والعشر
(((((ته مربوطه ))))))))))
الحلقه التاسعه
سمر فى البروفه
سمر جوه بتقيس و حسام بره بيقلب فى الهدوم
حسام / يعنى كل النكد ده عالصبح عشان شوفتى حلم وحش امال لو كابوس بقى هتعملى ايه هتولعى فينا
سمر تفتح البروفه / ها انجز حلو و لا لا
حسام يلف يلاقى سمر لابسه بدى ابيض و سالوبيت جينز ازرق و كاب نفس الدرجه
..................
حسام / لفى كدا
سمر / ليه
حسام / خدى لفه بس مش هتخسرى حاجه
سمر تلف
حسام / انتى ايه رايك
سمر / وحش جدا طبعا
حسام / فعلا هو من كتر حلاوته تجزع كدا طب بلاشه قيسى الطقم ده
سمر / دا فستان قصير
حسام / معاه بنطلون اشترتش باين و لا ايه
سمر / عليا متلبسش الكلام ده و اسمه ليجن
البياعه / ممكن جينز سليم اسود يمشى برضه
حسام / ممتاز ممكن لو سمحتى تجيبيه و اه معلش عاوز البدى اسود مش اسمه بدى برضه
البياعه / ثوانى
حسام / طب على متكمل الطقم قيسى الفستان التانى ده هيليق عالبدى اللى انتى لبساه
سمر / هو انت هتجيب ايه و لا ايه
حسام / الله مش بنقى حاجه حلوه ولا اجيب اى حاجه كدا والسلام
سمر / صبرنى يارب هات هو اليوم بيبان من اوله
حسام / ايون انجزى بقى مش هعد اليوم كلو مستنى
سمر تدخل تقيس و البياعه تجيب باقى الهدوم
حسام / عاوز كام طقم كمان يكونوا بناتى اوى غير اللى عالمانيكانات دول على زوقك بس بسرعه والنبى
البياعه / حاضر ثوانى
سمر تفتح الستاره لابسه فستان ابيض ماكسى عليه ورد بمبى فى اسود و بدى ابيض
حسام / ايه رايك
سمر / وحش اوى بص بيجرر فى الارض ازاى
حسام / مش ذنب الفستان ان حضرتك اوزعه ابقى اللبسيله كعب
سمر / افندم
حسام / قصدى هى تبقى تلبسله كعب خدى جابت البنطلون و البدى الاسود قيسى
سمر / انا زهقت
حسام / هو ده اخرك فى الجدعنه يعنى
سمر / حسام انا بجد مدايقه جدا افرض حد شافنى
حسام / هو انتى بتقيسى بدل رقص و لا قمصان نوم
سمر / عيب كدا
حسام / ماعيب الا العيب يا سمر خشى يا ماما قيسى خلينا نخلص لسه ورانا مشاوير تانيه انجزى
سمر / حاضر صبرنى يارب
سمر تدخل تقيس و البياعه تجيبله مجموعه هدوم و تفرجه عليها يختار منهم جيبه و بلوزه
حسام / ايه رايك
البياعه / حلوين اوى
حسام / خلاص هى تقيس بس و هاخدهم كلهم
البياعه / تحت امرك يا فندم
حسام / شكرا
سمر تفتح الستاره
حسام / لا لا وحش اوى صح انا عارف خدى قيسى بقى اخر حاجه و نروح نشوف فى محل تانى المحل ده مفيهوش حاجه عدله يلا يلا انجزى
سمر تبص لحسام و تاخد الطقم تقيسه و شويه و تطلع
حسام / انا برضه راجل ليا نظره اقلعى اقلعى يلا عشان نمشى
حسام يحاسب عند الكاشير و سمر تروحله
سمر / ايه ده
حسام / ايه مش قيستيهم يبقى لازم اشتريهم
سمر / لا طبعا مش لازم مش هما مش حلوين
حسام / اش فهمك انتى صحيح فى لبس البنات يلا انجرى قدامى
.......................
فى العربيه
سمر / ممكن تطلع عالشركه بقى
حسام / فاضل لسه كام حاجه كدا مجبتهمش
سمر / يا حسام انت جبت بدل الهديه اربعه عاوز ايه تانى
حسام / كام بجامه بيت كدا على زوقك على كام جزمه بناتى رقيقه على شويه اكسسوارات
سمر / على ايه كل ده هو حد قالك ان عليا ناقصها هدوم
حسام / يا ستى انا عاوز اجيب لعليا هديه محترمه انا حر اختى حبيبتى و مرات اخويا حبيبى و عاوز اعمل معاها احلى واجب الا صحيح انتى جيبتيلها ايه
سمر / جبتلها خاتم دهب
حسام / حلوه بس انا متاكد انها هتحب هديتى اكتر
سمر / طب انجز عشان زهقت
حسام / اخص عليكى يا سوسو كدا تزهقى منى بالسرعه دى
سمر / بطل مياصه
حسام / تمام يا فندم
..............
بعد تلت ساعات فى العربيه
سمر / انا تعبت و جوعت
حسام / خلاص خلصنا و هاخدك بقى اعزمك على احلى بيتزا دوقتيها فى حياتك
سمر / انا عارفه بس ايه اللى خلانى اسمع كلامك
حسام / اول مره اشوف بنت مبتحبش الشوبينج
سمر / و اول مره اشوف راجل بيعشق اللف و الشوبينج
حسام / كويس على الاقل واحد فينا يبقى ينزل يشترى مش هنعد احنا الاتنين مانتخين فى البيت
سمر / ايه ؟؟؟
حسام / انتى عرفتى صحيح اننا مسافرين اسكندريه مصيف
سمر / طبعا عارفه عليا و ماما نزلوا امبارح جابوا حاجات كتير جدا عشان المصيف تخيل انها اشترت ميوهين ده كويس خليهم ينبسطوا شويه بقالهم سنين مشافوش بحر و لا اتفسحوش فى حته
حسام / و ياترى بقى مين السبب
سمر / لا انا كنت بقولهم سافروا و حجزتلهم فى مره فى رحله تبع الشركه و مكانوش بيرضوا يروحوا
حسام / عشان انتى مكنتيش بترضى تروحى
سمر / انا عندى شغل يا حسام مينفعش اسيب الشغل عشان اقعد قدام البحر و اتفرج على شويه ناس بميوهات
حسام / لا عيب فعلا انا عن نفسى مبعملش كدا خالص انا بقى ببقى فقلب الناس اللى بالميوهات انا ببقى الميوه ذاته
سمر تدحك
حسام / انتى مجنونه دا بحر يخربيتك عوزاهم يلبسوا ايه اسدالات
سمر / مقولتش كدا على فكره انا بس مش جوى
حسام / انزلى وصلنا يلا انا موحوح
جوه المطعم
حسام / يعنى افهم من كدا انك مش هتيجى معانا
سمر / اجى فين يابنى فى صبه الاسبوع الجاى فى كذا مكان و لازم اشرف بنفسى
حسام / هى الشركه مفيهاش غيرك
سمر / كفايه اوى انك هتكون مسافر انت و مصطفى
حسام / و دا سبب تانى يخليكى تيجى معانا انا و مصطفى و ماما و مامتك و عليا هتفضلى هنا ليه ليكى مين تانى هنا تفضلى معاه
سمر / شغلى يا حسام الشركه محتاجانى
حسام / يابنتى مهو كل موقع فى مهندس واقف عليه و كمان نسمه و ابراهيم و علاء فى المكتب هتعوزى ايه تانى ابقى ادى علاء حافز هينزل ياكل النجيله فى الملعب قصدى هيظبلطلك الشغل فى الموقع و ابقى تابعى بالتليفون
سمر / ربنا يسهل
حسام / ماشى يلا شوفى هتاكلى ايه
سمر / مرجريتا صغيره معروفه يعنى
حسام / ماشى
.......................
يوم عيد ميلاد عليا
الكل متجمع فى شقه سمر
عليا / دا احلى عيد ميلاد ليا
سمر / ماشى يا سى مصطفى الله يسهلوا
عليا / و مين قالك انه عشان مصطفى موجود
سمر / اوبا
مصطفى / الله دى بتغلط طب الحمد لله بقى انى لسه مديتكيش الهديه
عليا / بجد دا اول عيد ميلاد ليا و حاسه ان فى ناس كتير حواليا بجد اول مره احس ان ليا عيله حلوه اوى كدا
سمر / ربنا يكترنا و متنقصش ابدا
ليلى / من بقك لباب السما يا سمر يا بنتى و السنه الجايه يبقى معانا مرات حسام و جوزك باذن الله
سمر تبتسم / ايه مش هنقطع التورته بقى و لا ايه يلا يا ست عليا افتحى الهدايا
عليا / واو مين اللى جاب الساعه دى حلوه اوى
ليلى / انا
عليا / زوقك حلو جدا يا ماما ربنا يخليكى ليا
عليا / ايه العلبه الصغيره دى ياترى فيها ايه
سمر تبص عليا تفتح العلبه تلاقى جواها خاتم دهب على شكل كلمه عليا تلبسه و تبقى فرحانه اوى
عليا / اكيد انتى يا سمر صح
سمر تهز راسها عليا تقوم تحضنها
عليا / حلو اوى ربنا يخليكى ليا
حسام / هو ايه مش تستنى يمكن هديتى تعجبك اكتر
سمر/ لا مفتكرش
عليا / انهى علبه
حسام / الكبيره اللى تحت
عليا تفتحها تلاقى فيها مجموعه انتيكات سيلفر مصحف و فازه و علبه مناديل و طقم شمعدانات
حسام / انتى خلاص كبرتى و بقيتى عروسه و نبدا بقى نجهزك
هيام / والله عملت زي انا بقى جبتلك برواز سيرما هاند ميد عليه المعوزتين تحطيه فى شقتك يا حبيبتى
عليا / الله والله كلكوا زوقكوا حلو و هداياكوا حلوه و انت يا استاذ فين هديتك ليا
مصطفى / مع انى اجمل هديه ممكن تاخديها اصلا بس اتفضلى يا ستى انا كمان عملت زى حسام و جبت طقم كريستالات لشقتنا
عليا / ربنا يخليكوا ليا احلى هدايا جاتلى فحياتى يلا بقى ناكل الجاتوه
سمر تاخد طبق و تروح تديه لحسام و تقعد جنبه
سمر / امال فين الحاجات اللى جبناها سوا
حسام / اديتها لعليا من زمان
سمر / مقولتليش
حسام / متاخديش فى بالك انتى
ليلى / صحيح اما انا بقى عندى ليكوا حته مفاجاه
هيام / خير يا ليلى
ليلى / انا عزمت سلوى اختى و مرمر بنتها يجوا معانا المصيف اهو عشان عليا متزهقش بنت لوحدها مدام سمر مش جايه
حسام / و مين قال ان سمر مش جايه
هيام / يا جماعه حصيره الصيف واسعه و بعدين هو المصيف بيحلى الا فى اللمه
حسام / بس انتى جايه يا سمر انتى وعدتينى
سمر / انا قولتلك ربنا يسهل
عليا / اوبا ربنا يسهل يعنى انسى بس بطل زن و انزل من على ودانى
حسام / لا طبعا ميصحش كدا
سمر / نبقى نتكلم وقت تانى يا حسام
حسام / السفر بعد بكره طب لعلمك انتى لو مروحتيش انا مش رايح
هيام / متحاولش يابنى غلبنا معاها بقالنا اسبوع بنتحايل عليها هى مش راضيه
سمر / انا مليش فى الجو ده يا جماعه و بعدين انا هاجى ازحمكوا على الفاضى
حسام / لا مفيش زحمه و لا حاجه الشقه واسعه اوضتين اوضه فيها سرير كبير و التانيه فيها سريرين صغيرين و فى الصاله كنبه بتتفح سرير
سمر / طب ايه هتناموا فى الارض يعنى
عليا / انا و انتى و ماما كالعاده فى سرير واحد و مرمر و ماما ليلى و خالتوا سلوى فى الاوضه التانيه
مصطفى / و انا و حسام فى الصاله عادى يعنى مش حوار مش انتى اللى هتزحمى المكان يعنى هى هياها على فكره و بعدين متخافيش الشقه الصغيره دى كانت بتاخد اكتر من كدا بكتير
ليلى / اه والله مره روحنا انا و ابراهيم الله يرحموا و سلوى و اختى و جوزها و بنتها و كمان كان معانا سيد اخو ابراهيم و مراته وولاده الصبيان الاتنين
هيام/ الله والله تلاقيها كانت فسحه حلوه
سمر / ازاى يا جماعه
حسام / بابا و عموا سيد و عموا محمود ناموا فى الصاله و ماما و خالتوا سلوى فى الاوضه الكبيره و مرمر كانت نونو فنامت معاهم و انا و طنط احلام و عيالها الاتنين و مصطفى نمنا فى الاوضه الصغيره ضمينا السريرين و زنقناهم فى الحيطه و هى نامت عالحرف و احنا تزنقنا جنب بعض
سمر/ ايوه بس انتوا كنتوا اطفال لكن احنا كبار
عليا / قال يعنى انتى بتنامى اصلا دا هما ساعتين زمن اللى بتناميهم فمش انتى اللى هتدورى عالنوم انا اصلا وضبت الشنط و خدت هدوم ليكى معايا خلاص مش فاضل غير الطقم اللى هتسافرى بيه ابقى اللبسى اى حاجه من اللى فى الدولاب
سمر / يا جماعه و الشغل
هيام / طول مانتوا بتتحايلوا عليها مش هتيجى سيبوها هى لما هتلاقى نفسها لوحدها هتحصلنا جرى
سمر / بجد
هيام / غيروا السيره هتقلبها نكد وش الغم دى هى كدا متكملش فرحتنا ابدا انا عامله كنافه بالقشطه تحفه هقوم اجيبها
هيام تقوم و سمر تطلع البلكونه و هى مدايقه حسام يروح وراها و عليا و مصطفى و ليلى بيدحكوا و يتفرجوا عالهدايا
................
فى البلكونه
حسام / ايه مالك واقفه لوحدك ليه
سمر / مفيش
حسام / نفسى الاقى اللى اخترع الكلمه دى و انزل فيه ضرب لحد مكسر كل حته فى عضمه و اخده اجبسه و لما يخف انزل فيه ضرب تانى لحد مكسر كل حته فى عضمه و اجبسه تانى و هكذا
سمر تبصله و تبتسم بابتسامه مكسوره
حسام / عجبنى الخاتم على فكره
سمر / شكرا بس انت ايه حكايتك متجيب مالاخر
حسام / جيب ايه
سمر / انت ايه حكايتك ايه حكايه الهدايا دى كلها لعليا يعنى اى واحده منهم كانت كفايه
حسام / انتى شاغله نفسك ليه يابنتى خلينا فى الجد
سمر / هتتكلم تانى عن المصيف انا مش فاضيه
حسام / لا مش هتكلم عن المصيف انتى حره خليكى لوحدك انشالله ابو رجل مسلوخه يطلعلك
سمر / مفيش حاجه اسمها ابو رجل مسلوخه
حسام يغموض و صوت واطى / لا فى بيطلع للبنات الحليوين اللى نايمين لوحدهم و خصوصا اللى اهلهم فى المصيف
سمر ترفع حاجبها
حسام / ايه مش مصدقانى
سمر / لا ازاى على العموم متخفش لما يطلعلى ابو رجل مسلوخه اكيد اكيد هبقى اتصل بيك
حسام / انا هبقى بعيد بعوم و ابلبط مع البنات اللى لابسين مايوهات
حسام يلعب حواجبه بيغيظها
سمر / يا سلام
حسام / امال يا ماما دول هيقطعوا بعض عليا هتبقى مجزره البحر هيبقى بلون الدم
سمر / مرعب دا مرعب اكتر من ابو رجل مسلوخه نفسه خلينى هنا احسن
حسام / واطيه
سمر / ههههههههههههههههههههههههههه
حسام / لا بجد سمر دى اول مره اطلب منك حاجه
سمر تبص الناحيه التانيه
حسام / اهون عليكى تكسفينى
سمر / صدقنى مش هتنبسطوا فوجودى هاجى ازحم المكان عالفاضى و بعدين ورايا شغل
........................
(◉‿◉) (◉‿◉) (◉‿◉) (◉‿◉) (◉‿◉)
#LOLO #لولو_محمد
((((((ته مربوطه ))))))
الحلقه العاشره
سمر / مرعب دا مرعب اكتر من ابو رجل مسلوخه نفسه خلينى هنا احسن
حسام / واطيه
سمر / ههههههههههههههههههههههههههه
حسام / لا بجد سمر دى اول مره اطلب منك حاجه
سمر تبص الناحيه التانيه
حسام / اهون عليكى تكسفينى
سمر / صدقنى مش هتنبسطوا فوجودى هاجى ازحم المكان عالفاضى و بعدين ورايا شغل
........................
حسام / هاتى اللاب معاكى و انا هشحنلك باقه النت و تابعى الديزاينات من هناك كانك فى المكتب بالظبط و اى حاجه تليفونات بقى
سمر / طب هتسافروا ازاى
حسام / مصطفى هياخد العربيه هو و الستات الكبار و الشباب بقى يسافروا بالقطر
سمر / شباب مين
حسام / انا و انتى و عليا
سمر / سبنى افكر
حسام / عشان خاطرى يا سمر انا اول مره اطلب منك حاجه عشان خاطرى عشان خاطرى بقى مش هتحايل عليكى عيب كدا
سمر / ماشى هظبط امورى و احاول
حسام / لا هتظبطى امورك و هتيجى اتفقنا
سمر / باذن الله
حسام / يا ولد انا كنت عارف انى هقدر اقنعك
سمر تبتسم
.................
يوم السفر
العربيه تحت البيت فيها مصطفى و حسام و ليلى و مرمر و سلوى
مرمر / انا مش فاهمه يعنى احنا جايين هنا ليه مفيش مكان اصلا و لا حتى فى مكان لشنطهم
حسام ميردش و ينزل مالعربيه ووراه علاطول مصطفى
ليلى / انتى يابت مسحوبه من لسانك مانا مفهماكى الحوار
سلوى / بقول ايه متمسكى فى عليا تسافر معانا مع خطيبها و خلى مرمر تسافر مع حسام و سمر
ليلى / فكره انزلى يا مرمر و انتى يا سلوى خدى هيام و عليا جنبك و انا هطلع اركب قدام
مرمر / حاضر
سمر تنزل و شايله شنطه كبيره و على ضهرها شنطه ضهر ووراها عليا شايله كيسه و شانطه اللاب و ماسكه فى ايد هيام ليلى تنزل جرى مالعربيه
حسام / عنك انتى
ليلى / انا بقول منفرقش العرسان و نخلى عليا تركب معانا و مرمر تبقى تروح بالقطر مع حسام
مرمر / ياريت والله نفسى اركب القطر اوى
عليا / اوك اللى تشوفوه
حسام يحاول هو و مصطفى يمين شمال ان الشنط تدخل فى العربيه مفيش
حسام / خلاص مش مشكله انا هاخدها معانا فى القطر
سمر تبص لحسام و تبص الناحيه التانيه
حسام / يلا اطلعوا انتوا و احنا هناخد تاكس للمحطه و نقابلكوا فى الشقه هناك
مصطفى / قشطه سلام
العربيه تمشى
حسام / اشيل عنك الشنطه
سمر / لا دى خفيفه كفايه عليك الشنطه الكبيره
حسام يوقف تاكس و يركب البنات ورا و هو قدام و يروح المحطه يركبوا القطر كرسيين جنب بعض و كرسى لوحده جنب بنت قاعده جنب الشباك
مرمر / انا بحب اقعد جنب الشباك
سمر / خلاص اقعد انت جنبها يا حسام و انا هقعد هنا الناحيه التانيه
سمر تقلع الشنطه و تحطها تحت رجليها و تحط شنطه اللاب على رجلها
حسام / ثوانى و جاى
مرمر / هتروح فين
حسام ميردش و ياخد الشنطه و يطلع بره العربيه سمر تفتح اللاب و تبص فيه
مرمر / منوره يا سمر
سمر تبصلها و تبتسم / دا نورك
مرمر / بتعملى ايه
سمر / بشتغل
مرمر / اه طيب
حسام يرجع شايل كيس كبير
حسام / جبت شويه حلويات و عصير و كانز للطريق يعنى تسالى
سمر تبصله و تبتسم و مرمر تاخد منه الكيسه و يقعد جنبها
حسام / بتعملى ايه
سمر / علاء بعتلى امبارح بالليل التصميم بتاع ابراج العروبه و ملحقتش اخلص كنت بحضر الشنط معاهم
حسام / فيها ايه الشنطه دى لو من حقى اسال يعنى
سمر / فيها هدومى
حسام / يا شيخه هدومك دى رحله اسبوع مش يوم واحد
سمر / اه عارفه فيها فوطه و شبشب و بجامه و بنطالون جينز و تيشيرت و فرشه سنانى و فرشه شعرى
حسام / لا والله كتير دانا واخد حاجات اكتر منك
سمر تبتسم و تبص فى اللاب حسام يلف يلاقى مرمر متابعه حواره مع سمر اوى
حسام / منوره يا مرمر
مرمر تبتسم و حسام يطلع موبايله و يقعد الفيس
.....................
قدام المحطه
العربيه مستنياهم مصطفى ينزل ياخد الشنطه من حسام و يحطها فى شنطه العربيه و سمر و مرمر يركبوا ورا و حسام قدام
حسام / ايه بقالك كتير مستنى
مصطفى / مش كتير انا يادوب وصلتهم الشقه و طلعت الشنط و جيتلكوا
حسام / عدى بقى نجيب غدى و نروحلهم
سمر / لا معلش يا حسام روحنى انا الاول زمان عليا بتنضف الشقه لوحدها اروح اساعدها
حسام / لا متخافيش البواب معاه مفتاح الشقه عشان بياجرها و امبارح مراته روقت الشقه و غيرت الملايات لما قولناله اننا جايين
سمر / طب تماما كدا اطمنت
....................
فى الشقه
ليلى / الغدى وصل اخيرا انا هموت مالجوع جبتوا ايه معاكوا
مصطفى / بيتزا
عليا / يااااااااايى انا بحبها اوى
ليلى / طب يلا نتغدى بقى عشان تلحقوا تغيروا هدومكوا و ننزل نروح البحر
هيام / بحر دلوقت متاخرناش
ليلى / بصى انا اسكندريه يعنى بحر بفضل قاعده من اول يوم لاخر يوم قدام البحر
مرمر / طب ايه رايكوا نروح حمام السباحه اللى روحناه السنه اللى فاتت كان جامد و بيفتح طول الليل يعنى براحتنا ان شالله نفضل لبكره الصبح فى الميه
سلوى / والله فكره يا مرمورتى
مصطفى / ايه راى الباقين
عليا / انا معاكوا فى اى حاجه وش
حسام / و انتى يا سمر
سمر / لا متعملوش حسابى عيشوا انتوا
الكل يبص لبعضه فى صمت
حسام / طب يلا قبل البيتزا متبرد
الكل ياكل و يدخلوا يلبسوا الميوهات حسام يطلع مالحمام لابس ميوه مشجر و عليه تيشيرت كحلى و مصطفى يدخل مكانه يروح يقعد جنب سمر و هى شغاله عاللاب
حسام / شوفتى الميوه هياكل منى حته ايه مش هتلبسى
سمر تبصله
سمر / انا مش هنزل ورايا شغل
حسام / على فكره علياء معاها ميوه زياده
سمر / شكرا بس انا مليش فى الجو ده
حسام / طب ماشى تعالى بهدومك دى مش مشكله اقعدى مع ماما عالترابيزه اتفرجى علينا و احنا فى منتهى الاستجمام و انتى قاعده مع العواجيز ايه رايك
سمر / حسام خلينى اخلص
حسام / هاتى اللاب معاكى مفيش مشكله اقعدى اشتغلى جنبنا يعنى هتبقى اسوء مالعواجيز
سمر / ممكن تسبنى اركز
حسام / خدى راحتك
مصطفى و عليا يفتحوا الباب فى نفس الوقت
عليا / ايه رايك
مصطفى / حلو اوى
حسام يجرى عليها
عليا / ايه مفيش فايده
حسام / زى متفقنا بقى
عليا / هتقلب بغم
حسام / سيبيها على الله
حسام يرجع يقعد جنب سمر
مصطفى / هو فى ايه
عليا / متخدش بالك انت
...............
فى حمام السباحه
الكل يقعد على ترابيزه جنب الميه و اول محسام يجى يقعد
مرمر / انت هتقد ولا ايه تعال انزل معايا
حسام / مصطفى معاكى انزلى
ليلى / حسام متبقاش غلس مصطفى مشغول بخطيبته انزل مع بنت خالتك بدل محد يعاكسها ولا حاجه
حسام / حاضر
حسام يقلع التيشيرت و يديه لامه
حسام / اتفضلى يا ست الكل
مرمر تنزل و حسام وراها و سمر تفتح اللاب تشتغل
سلوى / متنزلى معاهم يا سمر
سمر / شكرا يا طنط بس انا ورايا شغل
سلوى/ بيبيعوا هنا ميوهات على فكره احنا جبنا ميوه مرمر من هنا من فتره
سمر / لا شكرا
هيام / سيبيها على راحتها يا سلوى هى كدا مبتعملش حاجه فى حياتها غير الشغل
ليلى / دى كدا هتعجز بدرى
تليفون سمر يرن تاخده و تروح تقف بعيد عن الترابيزه قرب حمام السباحه
سمر / ايوه يا علاء ايه الاخبار .... تمام تمام ...... طب متنساش تكلمهم يبعتوا اسمنت زياده بدل مالصبه تقف و تابع مع مهندس الموقع ..... تمام اى حاجه تحصل كلمنى علاطول انا بعتلك المشروع كلو تمام قوم باللازم .... شكرا سلام
سمر تقفل و تلف تلاقى حسام واقف وراها و على وشه ابتسامه خبيثه يشد منها الموبايل و يزقها فى الميه تقع
هيام تصرخ / مبتعرفش تعوم
حسام يبص سمر مقبتش يحدف الموبايل لهيام تشقطه و ينزل يطلعها زى الكتكوت المبلول واول متطلع تشتم بكلام مش مفهوم و امها تلحقها بالبشكير عليا تطلعلها
حسام / ايه اللى عملتيه ده انتى نزلتى قعدتى تحت مش تقاومى تنطى تعملى اى حاجه ايه مفيش مقاومه خالص كدا
سمر تبصله بطرف عينها بغل و تبص الناحيه التانيه و هى بتنفخ
عليا / انتى هتفضلى قاعده كدا زى الكتكوت المبلول هتعيى يا بنتى
سمر تبصلها بنفس بصه الغل و تبص لحسام و هى بتنفخ نار من مناخيرها و بعدين تاخد نفس عميق و تتنفس و تهدى
عليا / بصى تعالى معايا عالحمام انا معايا طقم خروج تانى كنت هلبسه و انا مروحه بدل المايوه مش مشكله اللبسيه انتى
هيام / والله فكره بدل مالهدوم تنشف عليكى و تعييى
سمر تنفخ و تقوم و عليا تاخد الشنطه و تروح وراها و تلف تغمز لحسام يبتسملها
ليلى / هو ايه اللى بيحصل هنا بالظبط
حسام / ايه يا ماما
ليلى / و لا حاجه ايه هتفضل هنا مش ناوى تنزل المايه تانى و لا ايه
حسام / ثوانى بس صبرك بالله
شويه و عليا ترجع و معاها الشنطه و تقعد
حسام / هى فين
عليا / هتيجى هتروح فين هى
ثوانى و سمر تطلع مالحمام لابسه البدى الابيض و السالوبيت الجينز اللى اشتروه مالمحل سوا و تترزع عالكرسى و هى مخنوقه و تمسك موبايلها من عالترابيزه و تتاكد انه مش مبلول
حسام / ايه هتفضلى مبوزه انا كنت بلعب معاكى
سمر تبصله و تسكت
حسام / انا اسف حقك عليا خلاص اخر مره وعد مش هعمل كدا تانى خلاص فكيها بقى
سمر / حسام لو سمحت ايه ده نضارتى فين نضارتى
حسام / ايه ده انتى كنتى لبساها امتى
سمر بغل / كانت على وشى لما انت زقتنى
حسام / طب بالراحه متزقيش هنزل ادورلك عليها
سمر / اه و ماله
حسام ينط فى الميه
هيام / مكنلوش لزوم ابدا اللى عملتيه ده دى نضاره حفظ مش مهمه يعنى
سمر / خليه يتعلم
....................
فى البيت بالليل
سمر قاعده بتشتغل عاللاب لابسه تيشرت ازرق و بنطلون جينز حسام يروح يقعد جنبها
حسام / انا نازل اجيب طلبات للبيت تحبى تيجى معايا
سمر تبصله و ترفع حاجبها
حسام / هعزمك على حاجه حلوه بدل النضاره اللى ضاعت
سمر تلف
حسام / طب اعمل ايه مانا قعدت تلت ساعات كاملين تحت الميه لما نفسى اتقطع قلبت الحمام حته حته اعمل ايه طيب الحمد لله انها كانت حفظ نظر و متزعليش انا هعملك واحده تانيه هديه خلاص بقى
سمر / كتر خيرك
حسام/ ميبقاش قلبك اسود بقى عديها
سمر / انت عاوز ايه دلوقت
حسام يبصلها
حسام / يا سمر الجو ممل هنا يلا نخلع بقى
سمر / ماشى يلا بينا
..................
فى العربيه
حسام / دى قايمه الطلبات اتفضلى قدامى
سمر و حسام ينزلوا يدخلوا المول
حسام / انتى واكله سد الحنك
سمر / انت مش حاسس انك عامل حاجه
حسام / نزلتى معايا ليه لو لسه زعلانه
سمر / بديك فرصه تصالحنى
حسام / تعجبنى صراحتك قولى بقى اصالحك ازاى
سمر / بص يا حسام انت اتفقت مع عليا عالتمثيليه دى انت بتستغل انك غالى عندى يعنى و بتلوى دراعى متستنزفش رصيدك يا حسام هيجى عليك يوم و هتحتاجه
حسام / انتى ليه مكبره الموضوع انا مكنتش اعرف انك مبتعرفيش تعومى و مختش بالى اننا فى الغميق
سمر / انت هتهزر دحكت عليا عشان تجيب هدوم على مقاسى بحجه انك هتديها هديه لعليا و سبحان الله كل الشنط تختفى عشان ملاقيش شنطه احط فيها هدوم كفايه معايا و انت تغرقنى بهدومى و سبحان الله عليا جايبه طقم احتياطى معاها بغيار ليا مش شايف انها غريبه كان المفروض تجيب غيارات ليها على الاقل و لا ايه
حسام واقف مسهم
سمر / ايه كنت فاكر انى غبيه مش هعرف اربط الاحداث مع بعض على فكره كان ممكن انتوا الاتنين تقولوا انكوا مستعرين من شكلى و انه بيحرجكوا و انا كنت هاجى على نفسى زى معملت فى الفرح و هلبس اللى انتوا عاوزينه بس بمزاجى يا حسام مش غصب
حسام / انا اسف و اسف ان كنت باجى عليكى انا و عليا و اسف اننا فكرنا اننا بكدا بنرفع عنك الحرج يعنى
سمر / متعتزرش و لعلمك النضاره مش ضايعه انا خبتها اول مطلعت مالميه كنت بعاقبك
حسام / يابنت اللذينه دانا بشت تحت الميه
سمر / تستاهل
حسام / خلاص خالصين بقى
سمر / ماشى بس بليز يا حسام احترم عقلى و احترم رغباتى انا عارفه انها مش حلوه بس انا برتاح فيها
حسام / اهم حاجه عندنا راحتك يا ست الكل و حقك عليا تانى يلا بقى نجيب الطلبات
سمر/ ممكن يا هندسه
حسام يبتسم
..................
