الفصل الرابع عشر.
شيطعونة.
السلام عليكم ورحمة الله وبركاته.
اللهم صل وسلم وبارك على نبينا محمد.
دخل كل من طارق وفاطمة وأمير الي القصر وجدوا سماح ملقى علي الأرض ولا أحد بجانبها.
طارق وهو يركض مسرعا : أما... أما.
أمير بخوف : ستي فوجي يا ستي.
طارق : انجري يابت هاتي مايه من المطبخ.
فاطمة بصراخ : يلهوي يلهوي علي المصايب اللي فوج راسنا حاضر يا خويا هچيب.
نظر أمير الي السلم وجدي كل العائلة تنزل من صوت والدته.
ورد بخوف : أما ايه اللي جرالك بس.
وركضت عليه تحاول افاقتها
حمزة : اهدي يا حبيبتي هي هتفوج دلواج
مرة دقائق حتي استيقظت.
ريم :مالك يا ستي ايه اللي وجعك كده.
سماح بخوف :شوفت واحدة كانت واجفه اهنه وشكلها وحش جوي وكانت بتجرب مني.
زهرة بهدوء :اهدي بس ممكن يكون اتهيأتي مش اكتر.
أمل :فعلا يا امي ممكن من قلة الراحة.
فاطمة ببتسامة صفراء :الف سلامه عليكي ياما واكملت في سرها تعيشي وتاخدي غيرها.
نظرت سماح الي فاطمة بضيق وقالت :الله يسلمك.
وقفت ونظرت الي طارق وقالت :فين اخوك.
طارق بضيق :معرفش ومش عايز اعرف.
سماح :طب كلمه يا ولدي ده من الصبح وهو مش موچود.
أمل :انا كلمته يا ماما وقالي انه في الطريق وقرب يوصل.
سماح :ماشي انا هطلع اريح تعالي يا فاطمة اسنديني.
فاطمة :من عنيا يا امايا انتي توجموريني.
وذهبتا وخلفهما الجميع الي غرفته ولكن زهرة اوقفت زين قائلة :هي لينا فين منزلتش ليه.
زين :لاء انا قولتلها اقعدي انتي وانا هنزل اشوف في ايه وهطمنها.
زهرة :ماشي يا حبيبي ربنا يسعدكم.
زين :آمين.
ثم تركها وذهب الي غرفته وهي خلفه.
نظر أمير الي حبيبته وهي تصعد السلالم وقال ليوقفها :ريم استني.
ادارت ريم ظهرها ونظرت اليه وقالت :عايز ايه.
أمير :لو سمحتي عايز اتكلم معاكي شويه.
ريم :الصباح رباح يا أمير انا تعبانة وعايزة انام.
قامت فيروز بقرص ذراعها ونظرت اليها ثم تحدثت قائلة :طب روحي انتي يا ريم شوفي أمير وانا وهاجر هنستناكي فوق.
وسحبت هاجر في يدها ثم صعدت ولم يبقي احد في المكان الا أمير وريم.
ريم وهي تربع يدها علي صدرها :نعم قول عايز تتكلم في ايه.
أمير وهو يصعد السلم ويقترب منها :انا اسف اسف من هنا لبكره الصبح بس انا كنت متلغبط ومكنتش مصدق ان اختي ممكن تعمل حاجة زي دي.
ريم :بس تصدق ان انا ممكن اعمل كده صح.
أمير :لاء والله انا مكنتش مصدق علشان كده جيت علشان اسألك.
ريم :مجرد سؤالك ده يدل انك صدقت يا استاذ.
أمير :خلاص يا ريم انا قولتلك انا اسف.
نظرت اليه ريم ثم قالت :انا عايز اعرف هي شهد غلطة في ايه لكل اللي عملتهولها انهاردة هي عملت ايه يعني كل ده علشان حبت.
نظر اليها أمير وقال وهو يحاول ان يتحكم في اعصابه :لاء كل ده علشان كلمت وقابلت من ورانا كل ده علشان خانت ثقاتنا فيها كل ده علشان مشيت مع واحد في الحرام.ريم :هي عملت كل ده علشان بتحبه انا عارفة انه كان بيضحك عليها بس هي حبته فعلا ومكنتش قادرة تبعد عنه.
أمير :كانت تقول لامها تقول انها حبت واحد وهو لو راجل كان هيدخل البيت من بابه بس ده مش راجل.
ريم :بس هي الضحية هي اللي اتكسر قلبها.
أمير :هي السبب في اللي حصلها لو كانت حافظت علي قلبها مكنش حصلها كده لو كانت مكلمتهوش مكنش حصلها كده لو كانت خافت ربنا مكنش حصلها كده بس هي اختارت طاريق الحرام فتستحمل بقى.
ريم :قلبها مش بأديها هي حبته وافتكرته راجل هيقدر ده ويدخل البيت من بابه وهو كان قيلها كده.
أمير :الحب مش مبرر للحصل مش كل اما نحب نمشي ورا قلبنا وننسى دينا.
ريم :صح مش كل اما نحب ننمشي ورا قلبنا وننسى دينا عندك حق بس هسألك سؤال انت تعرف منين ان اللي اتجوزها ده هيحافظ عليها بعد ما عملتوا كل ده قدامه انتوا حسسته انها
مش بنت لاء وكمان روحتوا معاه البيت وعملتوا الدخله بلدي يعني باين اوي انكوا مش واثقين في انها عذراء.
أمير :اللي متعرفوش انه رفض الدخله كده وقال انها حاجة بينه وبين مراته.
ريم :بجد برافو عليه راجل فعلا بس مامته هتقول ايه مامته هتعاملها ازاي فكرته في ده وانتوا بتفضحوها.
أمير بغضب :بنفضحها هي اللي عملت كده في نفسها.
ريم :هي غلطت بس انتوا بدل ما تستروها وتعرفوها غلطها فضحتوها وجوزتوها براجل اول مرة تشوفه اكنها زنت بجد حرام عليكوا.
قالت كلامها وهي تبكي ثم تركته وذهبت تحت صدمته.
انتشله من صدمته يد توضع علي كتفه نظر وجدها يد عمه علي.
علي :واقف اجده ليه يا أمير.
أمير :لاع يا عمي مفيش حاجه انا طالع انام.
علي :ماشي. ثم صعد معه.
(نحن بشر نخطأ دائما ولكن هذا لا يعني اننا وحوش)
🖤🖤🖤🖤🖤🖤🖤🖤🖤🖤
صعد الي غرفته وجدها جالسة علي السرير وممسكة بالحبل في يدها وهاتفه ملقى علي الأرض ومنكسر.
لينا بضحكة :ايه يا حبيبي انت فاكر ان الحبل ده هيوقفني.
وقامت بألقاء الحبل له.
زين وهو يجلس علي السرير وينظر اليها بعد ان امسك بالحبل :اكيد لاء بس عرفت نقطة ضعفك.
لينا بتعجب :نقطة ضعفي.
زين :اه.
لينا ببتسامة استهزاء :وايه هيا بقى.
قرب زين الحبل الي فمه وظل يقرأ عليها قرآن.
لينا :انت بتعمل ايه.
لم يرد عليها وظل يقرأ عليه.
وقفت لينا وكادت ان تركض خارج الغرفة ولكنه اوقفها حين مسك يدها.
لينا :اوعى سيب ايدي.
وظلت تضربه علي صدره وحاولت ان تعضه في يده.
انهى زين قرأته وسحبها من يدها علي السرير وهو يكمم فمها ثم سحب قماشه ووضعها في فمها تحت رفضها وصراخها المكتوم ثم سحب يديها الاثنين وربتهما في السرير بالحبل اللذي قرأ عليه.
زين :كده مش هتعرفي تعملي حاجه والتقط السلسلة من الأرض واقترب منها والبسهلها تحت تشنجها ثم ذهب وجلب هاتفها وانزل القرآن وقام بتشغيله علي اعلي صوت ووضعه في الغرفه.
ذهب ليجلس علي الأريكه وينظر اليها وجدها تتحرك وتحاول ان تفك يديها وفجأة وجد الهاتف وقع علي الأرض بقوة وانكسر وسمع صوت سيدة تصرخ في الغرفة.
ظل بقرأ قرآن وهو يقترب الي لينا وجد وجهها لونه ازرق اتجه الي باب الغرفة واغلقه بالمفتاح ثم رجع و ازال القماشة من فمها كل هذا وهو يقرأ قرآن.
لينا بصوت باكي :الحقني يا زين وفجأة تغير نبرة صوتها وظلت تقول كلام غير مفهوم.
وضع يده علي جبينها وظل يقرأ قرآن وجسدها ظل يتشنج حتي هدأت تمام.
سحب يده ونظر اليها وجدها فاقدة الوعي.
🖤🖤🖤🖤🖤🖤🖤🖤🖤🖤
