الفصل الثامن
شيطعونة انثي بقلب شيطان
بقلم ايمان عكاشه
السلام عليكم ورحمة الله وبركاته.
اللهم صل وسلم وبارك على نبينا محمد.
🥀🥀🥀🥀🥀
اوقف زين سيارته وصعد الي البيت ثم طرق الباب وبعد مدة قليلة فتح الباب.
زهرة بتعجب :مين حضرتك.
زين : انا زين صاحب وليد.
زهرة : وليد مين.
زين : ابن عمت لينا بنت حضرتك.
زهرة بهدوء : انا معرفش مكان لينا مقدرش اساعدك لو سمحت اتفضل امشي من هنا .
زين : انا مش عايز اعرف مكانها لأني عرفه اصلا.
تعجبت من كلامه وقالت : امال انت عايز ايه.
زين : عايز اتكلم مع حضرتك شويه.
زهرة بتعجب: طيب اتفضل .
دخل زين واغلقت زهرة الباب خلفه.
🥀🥀🥀🥀🥀
بعد مرور وقت جاء المحامي ويدعى سامر ليخبرهم بوصية الجد .
طارق وهو الابن الاكبر بعد سليم قام ليرحب بالمحامي قائلا : اهلين بيك اتفضل يا متر.
سامر : البقاء لله يا استاذ طارق.
طارق بحزن : ونعم بالله.
سماح مسرعة : ايه يا متر احنا كولياتنا موچودي عشان الوصية.
سامر : حاضر يا هانم هطلعها حالا.
واخرج من حقيبته ورقة وظل يقرأ وهم يستمعون وبعضهم مصدوم والآخر غاضب ومنهم من لايبالي.
طارق بغضب : ايه الحتيد الماسخ ده.
سامر : الحاج الله يرحمه كان حاسس بالذنب ناحية سليم بيه الله يرحمه وبنته علشان كده.
سماح بغيظ : عشان اكده كتابلها الدوار بالارض بتاعت الجمح غير ورث ابوها ونصيبها في كول حاچة زي ما هو.
طارق : الكلام ده مش هيوحصل واصل.
علي بغضب عامر : هو فعلا مش هيوحصل عشان هتكون ميته انا ميهمنيش الكلام ده انا اللي يهمني تار ابوي.
وليد وأمير بغضب : واحنا كمان امعاك يا عمي.
طارق : يبجى يلا بينا ندوروا عليها.
وفي هذة اللحظة دخلت لينا ومعها نسرها اللذي كان يطير واستقر بجانبها نظرت اليهم وهي تقول مبتسمة بعد ان سمعت حديثهم : متتعيبوش نفسكم انا جتلكم برجلي.
اخرج علي السلاح من جيبه وقال : كويس انك چيتي برجلك اهنه يلا بجى اترحمي علي روحك.
نظرت اليه أمل برعب وركضت سريعا امامه قائلة : انت بتعمل ايه نزل السلاح ده.
علي بغضب : امشي من جدامي يلا انجري من اهنه.
سماح بغيظ : امشي يا مره يلا ده تار ولازم ناخدوا.
حاولت جذب أمل من ذراعها وابعادها من امام علي ولكنها ظلت مكانها وقالت : انتوا ازاي هتعملوا كده..... علي دي بنت اخوك وكمان انت مش متأكد ان لينا هي اللي عملت السحر ده.
فاطمة بحقد :الحريم مهيتكلموش والرچالة موچودين وكمان انت هتكدبي خالتي سماح ولا ايه.
نظرت امل الي علي وقالت :اللي انت بتعمل ده غلط مش لينا اللي عملت كده انا متأكدة.
سماح بغضب : وايه اللي مأكدلك ده.
أمل : لانه مش منطقي خالص ان احنا نخش نلاقي حضرتك بتحاولي تقتلي عمي ولما نسألك تقولي ان لينا سحرتلك.
سماح : انتي اتجننتي ولا ايه بتشوكي بكلام يا حرمه شوف يابني مراتك بتجول ايه.
علي بغضب : أمل اندلعي علي فوج دلواج.
قال حمزة ليوقفه :علي حرام اللي انت بتعمله ده اهدى شوية
نظر علي الي أمل لكي تذهب من امامه ولكنها قالت : لاء انا مش هسيبك تضيع نفسك مش هسيبك تقتلها.
زاد غضب علي علي عدم انصاتها لكلامه فهذة اول مرة ترفض طلبه ولا تستمع اليه.
علي بغضب وصوته العالي : أمل
وكاد ان يكمل ولكنه وجدها تقترب منه وتحاول نزع سلاحه من يده.
أمل ودموعها متحجره في عينيها : علي لو سمحت نزل المسدس ده لو سمحت سيبه.
مسكها من يدها بقوة ثم سحبها بعيدا عنه وقال :انجري علي فوج دلواج ومتخلينيش اعيد كلامي تاني يلا.
نظر اليهم سامر ثم قال ليفضي هذا الحديث :اعتقد ان حضرتك يا استاذ علي هتنزل سلاحك فعلا علشان في شرطين لازم تلتزموا بيهم علشان الوصية تتنفذ ولو عملتوا عكس كده كل اموالكم هتروح لجمعية خيرية والشرط الأول ان محدش فيكوا يضر الانسة لينا بأي شكل .
طارق بصدمة :واه واه واه ايه الحتيد الماسخ ده احنا لو جتلنا البت دي مش هنورث حاچة.
علي بغضب اعمي تفكيره :انا ميفرجش معايا الحتيد ده انا هجتلها يعني هجتلهافاطمة مسرعة :لاع استنه انا عارفة مين اللي عمل السحر ده.واخرجت ورقة ملفوفة علي شكل مثلث.
سماح :ايه ده يابتي.
فاطمة :ده لجيتو بأوضتك انهاردة واكيد اللي حطتهوك مش لينا لانها مكنتش موچودة اهنه.
سماح :صوح يابت... اكملت وهي توجه نظرها الي علي....اهدي يابني احنا ظلامنا بت اخوك اهدي اجده ونزل المخروب ده.
انزل علي سلاحه ونظر اليهم بضيق.
انتبهوا جميعا الي لينا وهو تقول :طب يا استاذ ممكن تقسم دلواقتي الورث وتديني حقي.
طارق بطمع :ايه يابت اخوي استني اجده احنا هنماشي كول حاچة زي ما ابوي الله يرحمه كان عامل وارباحك هتوصلك لحد عندك.
لينا :مرسي لكرمك بس انا عايزاه دلواقتي وكاش.
طارق :احنا اجده هنفلس انتي مبلغك كبير ولو سحبناه مرة واحدة هنفلس.
لينا ببتسام: مليش دعوة انا عايزاة فلوسي وفلوس امي كمان الدوار ده ملكي من انهاردة يعني لو سمحتوا ... اكملت في عقلها.... ... انا عايزة اشوفكوا بتشحتوا
هكون في قمة فرحي و انا بشفكم تعبانيين وزي ما عملتي يا سماح في امي انا هعمل فيكي انا من انهاردة عملكم الاسود هكون كابوسكم ه
قاطع تفكيرها صوت لم ترغب بسماعه الان.
زهرة بصدمة وغضب :لييينا.
التفتت ونظرت الي والدتها وقالت :ماما انتي بتعملي ايه هنا.ولاحظت وجود زين بجانبها.
زهرة بصدمة :ايه الكلام اللي انتي بتقوليه ده دول اهلك ازاي تعملي كده .
لينا ببراءة مزيفة : ايه يا ماما بعمل ايه جايه اخد حقي وحقك ياحبيبتي هأذيهم في ايه قصدك هيفلسوا بس دي مش
مشكلتنا ونظرت اليهم وكمان علي اللي كنتوا هتعملوا معايا انا سامحتكم انتوا برضو معذورين......اكملت في نفسها بحقد ..... انا هنتقم منهم واحد واحد كل واحد عملنا حاجة هتنقلب عليه هعيشهم نفس اللي عشته.
زهرة : لينا انتي ايه اللي حصلك جدك لسه ميت وبتفكري في الفلوس .
لينا : الحي ابقى من الميت ..... واكملت بنفسها ما تريد قوله لوالدتها...... انتي عارفة احنا اتعذبنا ازاي في حياتنا كنا بنحتاج لعيلة تسندنا ومش بنلاقي كنا بنتعب وهما مش سألين
فينا كام مرة طلبنا منهم مساعدة ورفضوا كام مرة حاولنا نتقرب منهم وهما بيبعدوا ده كمان مكتفوش بكده دول حاولوا يقتلوا طفولتي ونجحوا بكده فعلا وده وقتي اني انتقم ومش هسمح لمخلوق يوقف قصادي.
زهرة بصدمة ودموع من كلام ابنتها كيف اصبحت جافه هاكذا كيف تفكر في الأموال بهذا الشكل.
لينا :ماما لو سمحتي متعيطيش انا مش بحب اشوف دموعك انا بدور علي حقي اللي هيعوضنا عن كل اللي حصلنا وكمان دول حاولوا يقتلوني.
قاطع حديثهم زين حين قال ببرود :مش لما نسمع الاول الشرط التاني يا انسة لينا
... ثم نظر الي المحامي وقال... اتفضل.
سامر بهدوء :الشرط التاني ان الانسة تتجوز الاستاذ زين.
وقع الشرط علي مسامعهم بصدمة كبيرة وخاصة لينا التي انصدمت حقا فهي تحاول الهروب منه ويجمعها القدر معت دائما هي تعلم انه الوحيد من سيكشف سرها هو من يستطيع ايقافها هي علمت كل شئ عنه وعلمت ماضيه الاسود ولا تريد ان تدمج سوادها معه.
