وقعت في جحيم قلبه ❤
الفصل:السابع عشر
بقلم ايمان هشام
ف الفندق دخل جيك وزياد ومهند الجناح بتعب الساعة كانت٣ الفجر صحيوا البنات علي صوت كركبة فتحت نورة الباب وراحتلهم
نورة بقلق:عملتو ايه
مهند بحزن:الموضوع اتحل الحمد لله بس منه هتفضل كام يوم هناك
نورة بخوف:ف السجن لييه مش بتقول اتحل
مهند بجمود:ابيه حاتم عاوز كده مش ده احسن ما تاخد ٧ ولا ٨ سنين محبوسة
نورة بدموع:ايوة بس ليه عاوزها تتبهدل هو غاوي يتعبها وخلاص انا لو شفته الدور ده فعلا يقول ي رحمان ي رحيم علي روحه *وهي وبتحكي الباب اتفتح ودخل حاتم بهدوء ورد الباب بص مهند ل نورة ال بتتوعد لحاتم وجري عليها وهي جريت ناحية حاتم لحقها مهند وشالها من وسطها فضلت تصرخ وتشوح ب اديها ورجليها ف الهوا
نورة بزعيق:سيبني ي مهند انا هشرب من دمك ي حاتم انت السبب ورا ده كله اختي مرمية ف السجن بسببك ي مفتري ي*كمم جيك بقها وداها مهند لاوضتها ودخلها وجري لبرة قفل جيك الباب بالمفتاح فضلت تصرخ وتشتم مع نفسها وسط عياط غادة قعدو الشباب ف الرسبشن قدام حاتم ال قعد علي الاريكه وضهره لورا وحاطت اديه علي عينه بتعب
مهند بحزن:عملت كده ليه ي أبيه
حاتم بهدوء:عشان مصلحتها
مهند باستغراب:ازاي وانت من امتي بتهتم بمصلحة الشغالة ال عندك
جيك بفهم:عشان بيحبها واضح علي فكرة *الكل بصله بخوف بص جيك لحاتم ال مشافش ف عينه غير السواد قام حاتم وخد مفاتيح عربيته وخرج ورزع الباب وراه
مهند بخوف:كويس مقتلكش فيها ده انا أخوه ومقدرش اقول كده
جيك بهدوء:دي الحقيقة ا ل انتو مش شايفينها
مهند بضحك:اعقل شوية ي جيك ده لو متجوز كان بقي معاه بنت قدها
زياد بفهم:وانا رأيى من رأي مهند بردو
جيك بخبث:اومال شايل ليه همها حاتم باشا بنفسه جه عشان حته شغالة
مهند بمبرر:يعني اكيد بقي بيعزها زينا كده
زياد بقلق:هو اخوك عمره عز حد غيرك انت واختك ي مهند *كانت النظرات كفيله انها تجاوب علي سؤاله دب الرعب في قلب مهند لانه عارف ان حاتم لو حبها فعلا يبقي عداد موته اشتغل....عند نورة
غادة بحزن:خلاص ي نورة هما هيعملو ايه اكتر من كده
نورة بعصبية:يعملو ال يعملوه انا مش هسمح لاختي تبيت ليلة تاني ف الحجز وسط مجرمين ومكان معفن *بصتلها غادة بحزن وراحت لسريرها واتغطت وفضلت تعيط بهدوء .....ف القاهرة الساعة ٧ صحيت رهف بمساعدة مامتها دخلت اخدت دوش بعيد عن الجرح بتاعها غيرتلها هدومها ورجعتها لسريرها
رهف بحزن:ماما دي بلكونه
مامتها بهدوء:اه ي حبيبتي بلكونه احنا ف الدور العاشر
رهف بصدمة:طلعت ازاي كل ده اسانسير
مامتها برفض:لاء الاسانسير مش شغال اخوكي شالك لحد هنا
رهف بدموع:ربنا يخليكوا ليا ويهديكوا خديني للبلكونه ي ماما عاوزة اشم هوا حاسة اني مخنوقه
مامتها بحزن:حاضر ي قلب امك *سندتها براحة لحد كرسيها المتحرك بعد ما فتحت البلكونه ودخلتها فيها
مامتها بهدوء:هروح اعملك كوباية كراوية تخفف عنك شوية واجبلك تفطري
رهف بألم:مش هقدر ي ماما
مامتها بحزن:معلش عشان دواكي هجبلك علبه زبادي بعسل *دخلت امها بصت رهف قدامها المباني حاجبة أشعة الشمس وجمال الطبيعه اتنهدت بحزن حست حد بيفتح البلكونه جنبها بصت باستغراب واحد ف نهاية الثلاثين من عمره ماسك كوباية النسكافيه ف ايده وخرج يشم هوا ف البلكونه بصلها باستغراب وشاور
الغريب:صباح الخير انتي جديدة هنا
رهف بإحراج:صباح النور اه جايين جديد
بنت صغيرة ٥ سنين:بابا يلا سرحلي عاوزه الحق المدرسة
الغريب بضحك:حاضر ي قلب بابا اسيبك ي أستاذة
رهف بحزن: رهف
الغريب بابتسامه:اسم جميل انا عمر تشرفت بيكي
رهف بأدب:وانا كمان*ودعها ودخل جات مامتها بالفطار واكلتها نزل صابر يدور علي شغل مش حابب القعدة ف البيت زي الحريم ........عند نورة لبست نورة الهدوم ال جبهالها مهند هي وغاده وخرجوا من اوضتهم
جيك باستغراب: ايه ال صحاكم رايحين فين
غادة بغيظ:نازلين نتفسح اكيد هنروح لمنه
زياد بهدوء:تمم هوصلكم
جيك بتسرع:لاء انا ال هوصلهم *نزل جيك ومعاه زياد وركبوا العربية واتحركوا سوا
نورة بتوتر:فين مهند
زياد بهدوء:معاه شغل هيخلصه ويحصلنا علي هناك *عند منه نايمة علي سرير ف أوضة بحمامها فيها تكيف فريون صغير وطقم انتريه صغير وتلاجة قاعد حاتم وحاطت رجل فوق التانيه اتحركت منه بهدوء وهي نايمه فتحت عنيها للصقف واتاوبت بنعاس فردت اديها وشدت جسمها بحزن قامت من مكانها
منه بصدمة:ايه جابك هنا وجيت امتي
حاتم ببرود:المكان حلو
منه بدهشة:هو انا فين ف السجن بردو
حاتم بهدوء:اه بس مكان خمس نجوم مش كده
منه بصدمة:ليه جابوني هنا
حاتم ببرود:عاوزة ترجعي مكانك
منه بدموع:ده مش مكاني انا بريئة مقصدش والله *نظر لها بكل هدوء عكس ما بداخله يخشي منها ان تسمع دقات طبل قلبه حزين عليها ام مشتاق يشعر انه مغيب عن العالم اقترب منها بكل هدوء وجلس جانبها مد يده ملس علي شعرها بهدوء يستنشق ما ادمن عليه
منه بهدوء:حاتم انا هموت قولي ومش هزعل
حاتم بشرود:خايفة
منه بشرود:علي اخواتي
حاتم بحنان:متقلقيش انا معاكي مش هسيبك مهما حصل
منه بدموع:وعد
حاتم بحب:وعد *فاقوا علي خبط الباب دخل مهند بصلهم باستغراب
مهند بابتسامة: انا جيت ف وقت غلط *قامت منه بعد ما وشها بقا طماطم من جنب حاتم
منه بكسوف:لاء لا وقت غلط ولا حاجة انت تشرف ف اي وقت ي مهند
مهند بضحك:بس ايه الاوضة دي وانا يعيني ال هاري نفسي عياط عليكي من امبارح فاكرك ف مكان ضلمه كله حشرات وفران
منه بخوف:اسكت ي مهند ده انا قعدت كتير ف المكان ده
مهند بضحك:اجمدي ي منه ده انتي قتلتي قتيل *نزلت دموعها ميعرفش انه رجعها تاني للواقع قرب مهند مسح دموعها وطلع من جيبه شكولاته وادهالها ضغط حاتم بايده علي جيبه بغيظ الشرار طلع من عينه لاحظ مهند ف بعد(ايه البت الملزقه دي بتفكرني بالبطيخة كل ال رايح وال جاي يطبطب عليها😂😂)
منه بهدوء:شكرا ي مهند معلش تعبتك معايا
حاتم ببرود: اصل هو ال ساب شغله ومصالحة وجالك ف الطيارة عشان يطلعك من المصيبة دي
منه بحزن:اسفة ي حاتم باشا اخدت من وقتك كتير
حاتم بهدوء:مهند برة*بصله مهند بغيظ وطلع ورد الباب قرب منها حاتم
حاتم بهدوء:انا همشي وهطول شوية لكن هرجع متقلقيش
منه بخوف:حاتم فيه إيه مش مرتاحه
حاتم وهو خارج:سامحيني *قالها وهو مديها ضهره مد ايده علي الطربيزة وحط حاجة وفتح الباب ومشي راحت منه للطربيزة بصت بحزن شكولاته مغلفه مسكتها بس مكسرة دموعها نزلت شالتها ف جيبها وراحت للسرير وقعدت ....برة السجن حاتم ف عربيته جنبه مهند
حاتم:عملت ال قولتلك عليه
مهند بهدوء:اه واحد هيشيلها وأهل القتيل هيغيروا أقوالهم وجبت شهود منه بقا ايه ال هيقعدها ف السجن
حاتم بهدوء:مش هتطول متقلقش
مهند بتوتر:صحيح ي ابيه انا فكرت ف كلام جيك وحاسس انه صح *مردش حاتم باصص قدامه ببرود
مهند بخوف:بس دي أصغر من سنك بعدين يعني خدامة مش من ...
حاتم بعصبية:انا اصلا مستهلهاش انسانه نقية بريئة زيها انا لو مسكتها هتتوسخ انت مش شايف ال انا شايفه عارف بغسل ايدي وبستحمي كام مرة ف اليوم انا حاسس اني مليان دم دم الناس ال بتموت بسببي سلاح مخدرات غدر خيانه انتقام (رحمة) ببقي عاوز اموت نفسي انا بتنفس عشانكم
مهند بدموع:كفاية وابتدي معاها من جديد اهرب ي حاتم
حاتم بحزن:دخول الحمام مش زي خروجه ي مهند سيبني دلوقتي انا محتاج اقعد فترة لوحدي شوية *اتنهد مهند بألم وخرج من عربية حاتم ورد الباب......نروح للاقصر دخلت الشغالة علي بيت أحمد جوهر وهي بتصوت
الشغالة:الحقوا ي اهل الدار النار ف ارضكم قامت محصولكم ولع قبل ما تتهنوا بيه *اتلم احمد ووليد ويحي وقرايبهم تحت ف البيت
احمد بخوف:بتقولي ايه ارضنا احنا
الشغالة بصويت:اه والله النار قامت مخلتش حاجة
احمد بزعيق:وليد هات البندقية وتعالي ورايا
وليد بتصميم:حاضر يابه * جاب البندقية من أوضة ابوه وخرج هو ويحي وأفراد العلية وجريو على أرضهم ارض العلية كلها قامت فيها النار الناس بتطفي بالمية من الترعه والحريم بتصرخ وتلطم رفعو الرجاله والشباب جلاليبهم وراحو يطفوا مع الناس ف وسط عملية احتواء النار سمع الكل صوت ضرب نار كله بقا يبص حواليه يشوف في ايه
احمد برعب:وليد ي يحي وليد انتو فين واليييد يحيااااا ولادى *صوت صراخه هو كان أول صوت يخرج بعد ضرب النار الناس بقت تدور عليهم وناس تطفي النار....نروح للقلعة رجعت رحمة استقبلتها سعاد بفرحة
سعاد:اهلا بيكي ي رحمة هانم نورتي القلعة اتفضلي
رحمة براحة: تسلميلي ي سعاد اومال فين منه مش شيفاها
سعاد بحزن:جه عمها وخدها كلمت مهند بيه ومن وقتها معرفش عنها حاجة
رحمه بقلق:انا هكلمه واطمن عليها
سعاد بلهفة:وابقي طمنيني الله يسترك
رحمة بهدوء:حاضر سابتها وطلعت اوضتها اترمت علي السرير بتعب وغمضت عنيها ونامت .....عند منه دخلت غادة ونورة بعد ما خبطوا ومعاهم جيك وزياد
منه بفرحة:انتو كمان جيتوا وحشتوني*حضنتهم بدموع وتماسك عيطوا أخواتها ملست علي شعرهم بحنان
منه بهدوء:اهدوا يومين تلاته وأخرج
جيك بهزار:منه انا هنا خللت من الوقفه *ضحكت منه وراحت سلمت عليه وعلي زياد
جيك بضحك:اسكتي اختك كانت هتضرب حاتم باشا ليله مهند كان زمانها مدفونه
منه بشهيق:بعد الشر كده ي نورة متستوريش ف مكان ابدا
غادة بغيظ:انت فتان ي جيك زي مروة الفتانه ال فتنت علي مهند عشان اخد منها حته شكولاته *الكل بصلها بصدمة وفضلوا يضحكوا
زياد:مهند عملها غسيل مخ متقعديش معاه تاني ي عسل انت ي صغير
غادة بغيظ:انا مش صغيرة انا كبيرة *قرب جيك وحط ايده علي شعرها ونكشه بطريقة مضحكة
جيك:خلاص انتي مش صغيرة محدش يزعلها تاني ع اااااه يبت العضاضة*قالها بألم بعد ما شد ايده ال عضتها غادة
غادة بتشفي:تستاهل
*دخل مهند علي منظرهم
مهند بضحك: انتي اتعديتي من نورة لازم نلحقك بالتطعيم بسرعه قبل ما ينتشر
نورة بغيظ:طب اتلم خلي يومك يعدي
مهند بتمثيل:حاضر ي باشا تحت امرك *حلو القعدة نص ساعة ومشيوا بأمر من الظابط وطبعا الظابط بيطيع أوامر حاتم كل حاجة بالفلوس تمشي ده قانون الاغلبية لكن البعض بردوا عنده ضمير بس مينفعش ف الزمن ده ونهايته معروفه خصوصا ف شغل الشرطه ربنا يعينهم 🤲🏻
رجعت نورة وغاده للجناح ال قاعدين فيه دخلت غادة اوضتها ومعاها نورة
غادة براحة:الحمد لله شوفتي المكان ال قاعدة فيه انا مكنتش اتوقع ان بيقي فيه سجن جميل بالشكل ده اه لو يرضوا يخلوني معاهم لحد ما تطلع ولا شوفتي كمان فيه تلاجة كلها عصير وبسكوت بالشوكولاته ولا التكيف وطقم الانترية
نورة بقلق:دي حاجة متطمنش بما انها بريئة ايه ال مقعدها لحد دلوقتي انا قلقانه عليها اووي حاسة ان فيه مؤامرة بتحصل
غادة برعب:مؤامرة مع منه لكن مين متقلقيش حاتم معاها *ف فلة شهاب قاعد مع حاتم ف المكتب
حاتم بجمود:وده ال هيحصل نفذ ال بقولك عليه بالحرف
شهاب بفزع:انت بتضحي بيها حرام عليك دي ملهاش ذنب ف ال احنا بنعمله مش شايف حالها طيبة صغيرة وهي سند أخواتها فكر تاني ي حاتم ارجوك
حاتم بشرود:ده قراري وانت عارف مبرجعش ف كلامي ابتدي من الساعة ١١ بالضبط *اتنهد شهاب بألم علي قلب صاحبة ال الحديد يلين عنه ....نرجع لعند رهف قاعدة مع مامتها ف هدوء
مامتها فجأة:يارب سترك انا مش عارفة مالي
رهف بقلق:فيه اي ي ماما حاجة وجعاكي
مامتها بخوف:قلبي مقبوض مش قادرة اخد نفسي حاسة ان فيه مصيبة هتحصل
رهف بخوف:مصيبة ايه بس ي ماما لو فيه حاجة كان حد كلمنا *ختمت كلامها بصوت موبايل مامتها ال بيرن بصو ليه بقلق
مامتها بتوتر:خير ان شاء الله ربنا يستر ...الو ايوة ي نجلاء خير
نجلاء اختها بنحيب:عيالك ي سحر وليد ويحي
ام رهف بصراخ:مالهم ي نجلاء متخوفنيش عليهم
نجلاء بعياط:تعيشي انتي ي حبيبتي عبدالشافي انتقم لولده وحرق الارض وخد بتاره من عيالك
*ام رهف وقعت من طولها قربت منها رهف بفزع غير مبالية بألم جرحها
رهف بدموع وخوف: ماما ي ماماااااااااا ...الو ي خالتو نجلاء في إيه......هه*.....ف الجناح باب نورة خبط فتحت نورة
مهند بهدوء:العشا جاهز يلا عشان تاكلو
نورة بتعب:مليش نفس قومي ي غادة*بصتلها غادة بحزن وهزت راسها بالرفض بصت نورة لمهند
مهند بعتاب:عاجبك كده *اتنهدت بحزن وخرجت ووراها غادة راحوا مكان الاكل واتعشوا سوا بدون حاتم ال متغيب من وقت ما نورة حاولت تتهجم عليه الكل اكل ف صمت
نورة بجمود:اخوك ناوي علي ايه ي مهند
مهند بكدب:مش فاهم قصدك ايه
نورة بعصبية:انت فاهم قصدي ي مهند قعدة منه ف السجن دي فايدة ل حاتم
مهند بتلميح:طب ممكن تهدي عشان احنا علي الاكل*بصت لغادة بجمود وكملت اكل عادي عدا اليوم هوا الساعة ٥ الفجر ف الاقصر بيت أحمد جوهر دخل صابر الكل اتفزع نزل احمد جري بعد ما وصله الخبر
بباه:انت كسرت كلمتي ي صابر ايه جابك وسبت امك واختك وحديهم ف بلد غريبة
صابر بهدوء:يابه مقدرش اسيبك ف وقت زي ده لحالك وبعدين انا جاي اخد بتار اخواتي
بباه بعصبية:لحالي كيف انا معايا اخواتي وولاد اخواتي وناسي كلهم
صابر بزعيق:محدش منهم نفعنا لما اخواتي اتقتلوا يابه فوق بقا مش دول ال تتسند عليهم دول*مكملش كلامه أثر صفعه احمد ليه حط صابر ايده علي خده بصدمه
صابر:بتضربني يابوي ده انت عمرك ما عملتها ف حياتك
ابوه بجمود:فعلا عشان انا معرفتش اربي ارجع مطرح ما كنت عند امك واختك دول مسؤوليتك فاهم
الغفير دخل:جبوها ي سيدي وحبسوها ف أوضة البهايم زي ما حضرتك قولت
احمد بجمود:اقتلوها
صابر بدهشة:مين هي يابوي
بباه بتصميم:مديحة اخت علي
صابر برفض:يابه احنا مش كده عمرنا ما نهوب جنب الستات ولا العيال ديه مش تقاليدنا يابه
بباه بحزم:غور نفذ ال بقلك عليه وانت ارجع مطرح ما كنت امك واختك امانه فاهم
صابر بخضوع:حاضر * دخل الغفير الاوضة ومسك بندقيته شافته مديحة ال قاعدة بتعيط هتموت وهي لسه ١٦ سنه بتدرس ف اولي ثانوي
مديحة برعب:ونبي ي عموا انا معملتش حاجة عشان تقتلني
الغفير بحزن:غصب عني ي بتي سامحيني*الرصاصة عدت من قلبها موت رحيم...نروح ل ايطاليا شوية طبعا وحشنا جيمي
منه بتفوق:اااه ايه ده انتوا ليه جايبيني هنا عاوزة ارجع اوضتي لو سمحتوا *الاوضة ضلمه مفيش غير المنور ال فوقيها ب ١٠ متر جايبلها نور بسيط حست منه بالبرد اتنفضت من اول نسمه صاقعة جات من فوق بصت لفوق لقت الدنيا بتمطر تلج
منه برعب:انا فين ...أين انا وماذا تريدون
جيمي بتهنك وهو ف الضلمه:الطفلة متعلمه أيضا لا تقلقي صغيرتي انتِ في ايدٍ امينه إلي ان يأتي بطلك ونرسلكم سويا رحلة اخيرة
منه بنحيب:حاتممم
جيمي بسخرية:أجل عزيزتي هااتم
منه برفض:لا لن يأتي اقسم لك انا لا أعني له شيئاً
جيمي بمكر:لنجرب حظنا وقريبا سنعرف ان كنتي مهمة ام لا *منه وشها قلب الوان تناست البرد والتلج ال بينزل فوقيها وانها مخطوفه وهمها كله ان حاتم ميجيش متنكرش انها هتفرح لو جه بس متبقاش أنانية هتجيبه للموت برجله هي دلوقتي مصيده ليه غمضت عنيها بألم ودموعها نازلة......عند رهف الساعة ٦ونص ف بلكونتها المكان الوحيد ال بتاخد فيه نفسها بدل حبسة الاوضة طلع الراجل ال ساكن جنبهم بكوباية النسكافيه بصلها بدهشة
الراجل:صباح الخير
رهف بجمود:صباح النور
الغريب بإحراج:انا اسف الظاهر اني ازعجت حضرتك
رهف بتسرع:ابدا اصل معايا مشاكل شغلاني
الغريب بتفهم:لكل واحد مشاكله الشطارة انك تفرقي بين مشاكلك وحياتك مع ال حوليكي
رهف بهدوء:فعلا ي استاذ عمر
عمر بضحك:ايه استاذ دي مش كفاية ف المدرسة كمان هنا
رهف ياستغراب:حضرتك مدرس
عمر بهدوء:مدير مدرسة انتي معاكي ايه
رهف بحزن:معايا ربنا
عمر بتفهم:مش كل ال دخلو مدارس اتعلموا ومش كل ال مبيعرفش يكتب يبقا جاهل
رهف بصدمة:لاء انا معايا كلية تربية عام قسم بيولوجي
عمر بدهشة:زمايل يعني اسف على الكلام ال قلته مقصدش
رهف بهدوء:ولا يهمك انا هستاذن حضرتك دلوقتي
عمر بهدوء:اتفضلي *حركت رهف الكرسي بتاعها لجوة اتنهد عمر بحزن من شكلها بنت شابة بشرة خمرية عيون ملونه لسة مكتشفش لونها صغيرة ف السن متعلمه بس علي كرسي بعجل خلص كوبايته ودخل راحت رهف لمامتها ال بتزن بنحيب
رهف بضعف:ماما ممكن طلب عشان خاطري
مامتها بنحيب:عاوزة ايه ي رهف
رهف بدموع:ممكن تموتيني عشان انا مش قادرة اموت نفسي
مامتها بعياط:ده ال ناقص انا ملك الموت مفاضيش غير لعيالي ي حزني عليكي يبت بطني عاوزة تموتي نفسك وفاكرة هتروحي فين من ربنا هااا جاوبي
رهف بعياط:كل ده بسببي اخواتي ماتوا بسببي ي ماما
مامتها حضنتها بعياط: انتي ملكيش ذنب هما ال جوزوكي غصب ي ضنايا ربنا يسامحهم كلهم بس انا مش مسمحاك ي أحمد مش مسمحااك موت عيالي متعلق ف رقبتك ليوم الدين منك لله *وصل حاتم مع شهاب لانجلترا
شهاب بخوف:هنعمل ايه
حاتم بهدوء:هو مستني اتصالي
شهاب بقلق:طب هكلمه
حاتم بفحيح:لاء هنفاجئه وبعدين اكلمه وش لوش جهز القوات هنحاصر المكان بكرة بالليل *ف مصر الشرقية تحديدا
نورة بعصبية:ليه مش هيدخلونا
مهند بهدوء:ابوس ايدك اهدي شوية ده ال وصلي من الضابط ال هناك قال ممنوع
غادة بعياط:طب ما هي بريئة وكله عارف كده مش هندخل ليه
جيك بحزن:ي جماعة نصبر شوية لبكرة ونشوف الموضوع هيثبت علي ايه واحنا بحق الجحيم هنعمل ال نقدر عليه*بصله كله بجمود ومننساش نظرة غادة المصدومه
غادة ببرائة:انت كافر
جيك بضحك:ملحد
غادة بغضب طفولي:انا عمري ما هكلمك تاني انت كافر وانا مش بكلم كفرة *قامت وسابتهم ومشت لاوضتها بصتله نورة بغيظ وراحت اوضتها ورزعت الباب
زياد بضحك:انا محدش صعبان عليا ف الليله دي كلها غير الباب كتر خيره والله*بصوله يعصبية سكت علي طول حط مهند ايده علي راسه وبص ل جيك
مهند بحزم:فين منه
جيك بتوتر:معرفش
مهند بهدوء:حاتم
جيك بكدب:بردو معرفش
مهند بعصبية:جيييك
جيك بهدوء:مقدرش*قرب مهند عشان يضربه شده زياد بصعوبه وخده وخرجوا لبرة الجناح ومشوا
