وقعت في جحيم قلبه ♥️
بقلم ايمان هشام
الفصل:الرابع
ف وسط حكاوي منه ومي
منه بهبوط:صحيح ي مي هو بعد ما حاتم باشا اتغدي مين خد الاكل اصلي نسيت ما اطلع اجيبه
مي:سعاد هانم رن عليها بعد ما ودتيله الاكل ب خمس دقايق وطلعت تجري لفوق وبعدين نزلت وهي وشها اصفر قولت يبقي انتي عملتي مصيبه بعديها ب١٠دقايق طلعت بنفسها وجابت باقي الاكل
منه بفهم:همم يبقي اكيد عرفت وزعقلها وهي مرضتش تقولي عشان مزعلش اكتر ما انا زعلانه طيبه اووي سعاد هانم
*بصتلها مي بحزن وقالت ف نفسها ده انتي ال طيبه محدش هنا بيرحم بس ربنا مخفف عليكي عشان قلبك الأبيض وهما قاعدين رن جرس ف المطبخ
منه باستغراب:ايه ده
مي بعجلة:قومي ده حاتم باشا بيناديكي ده جرسك انتي
منه بدهشة:وميندهش ليه
مي بضحك:ده كمان فيه واحد ف اوضتك قومي الحقي*قامت منه براحة وطلعت لفوق وهي دايخة و بتقول ف نفسها منا كنت عنده من ربع ساعة وصلت للباب وخبطت سمحلها تدخل كان بيظبط الكرافته بتاعت البدلة ف المرايا
منه بادب:تحت امرك ي باشا
حاتم وهو بيبصلها: قولي للخدم يجهزو أوضة مهند جاي انهاردة بالليل
منه:تحت امرك
حاتم بفضول:محستيش بحاجة بعد ما دقتي من الشكولاته
منه بحماس:اه حاسة اني مهبطة ودايخة خايفة اكون اتسميت عشان هي قديمة
حاتم ببرود:لاء ده عشان غبية*وسابها وطلع اتنهدت منه بحزن وهي بتسأل نفسها هو ليه قاسي كده وراحت روقت المكان ولمت هدومه ال رحتها سجاير ونزلت غسلتها وكوتها ف مكان علي شط اسكندرية كافيه مشهور طربيزة محجوزه قاعد عليها شهاب وحاتم
شهاب بحماس:اشجيني هندخلها ازاي بر
حاتم بلؤم: هنتعاون مع شركة شوكولاتات موثوق فيها بالزوق او العافية وهتغلفهم زي ما بتغلف شكولاته عادية
شهاب باستغراب: تمم طب والكلاب استحالة متشمش ريحتها وبعدين دول بيفتحو جزء من الكراتين ويدوقو منها
حاتم بلؤم:موضوع الكلاب سهل في سائل نازل السوق السودة جديد بيخلي الكلاب مجرد ما تشمه تفقد حاسة الشم لفترة
مؤقته والبشر مبيشموش السائل ده يعني مش هيحسو بحاجة وموضوع انهم بيفتحو البضاعة ف الكراتين ال فيها البضاعة هتتحط من قدام لأنهم طبيعي بيفتشو من جوة مش بيفتحو ال قصادهم
شهاب بصفير:دماغ شغالة مبتنامش بس ايه ال خلي فكرة زي دي خطرتلك *رجع حاتم ضهره لورا وابتسم لكن سرعان ما اختفت الابتسامه واتنهد
حاتم:انهاردة انت معزوم عندي علي العشا مهند جاي بالليل من أمريكا
شهاب بطاعة:تمم ي حاتم قبل الساعة ٨ هكون عندك *في فرنسا ف مطعم راقي قعده رحمه علي طربيزة بتطل علي الشارع وبينها وبينه حاجز ازاز مستمتعه بالمزيكا الهادية علي الكمان جو رومانسي وهدوء لذيذ قاعد قصادها واحد فرنسي شاب وسيم ف بداية الثلاثينات ببدلته الأنيقة
كيفن: رحمة اريد ان احدثكي في موضوع يشغلني كثيرا
رحمه باهتمام:تفضل كيفين لست غريبا لتسألني ماذا هناك
كيفن بحماس: الحقيقة تراودني مشاعر تجاهك منذ أن التقينا من سنتين حاولت أن ابتعد لكن لم استطيع كنت دوما انكر هذه المشاعر لكن ممن اهرب ولمن انكر لنفسي انا احبك كثيرا رحمة تلك الحقيقه
رحمه بزهول:حسنا كيفن انا اقدر كل ذالك لكن للأسف الشديد لا أشعر تجاهك سوي انك صديق عزيز لي لكن لا تنتظر اكثر من ذالك انا اسفة
كيفن بحماس:دعينا نتواعد واعدك ان لم نتفق يذهب كلانا من طريق مختلف انتي قلقة لأنك لا تعرفين كم انا احبك ولو علمتي ذلك لبقيتي معي
اتنهدت رحمة:كيفن هذا لا يصح انا مسلمة لا استطيع فعل ذالك وكذالك لا استطيع الزواج بغير مسلم
كيفن :لكن هنا كل شئ مسموح يمكننا الذهاب المحكمه والزواج قانونيا
رحمة بحزن:اسفة لا استطيع ديني الذي أدين به يمنعني من القيام بذالك انت تستحق الافضل كيفن وداعا*وقامت وسابته ومشت ادايق كيفين وحاسب ومشي ف الطريق بترن رحمه علي واحدة
شيماء:اهليين يطول بعمر من سمع صوتك رحمة اشتقتلك كتير
رحمه بسعادة:وانا اكتر والله اسمعي بقا اخر السبوع هكون عندك هاخد فترة كده وبعدين هطلع علي مصر اخواتي وحشوني اووي
شيماء بفرحة: والله انتي بتنوريني بإي وقت حبيبتيي توصلي بالسلامة عيوني راح تابع معك واطمن عليكي ديما
رحمة بسعادة:تسلميلي ي شيماء يلا بقا سلام عشان بسوق دلوقتي
شيماء:سلام حبيبتي توصلي بالسلامة*قفلت معاها وهي بتسوق حست ان فيه عربية ماشية وراها سرعت شوية العربية سرعت عرفت انها مستهدفة فضلت ماشية لحد ما
وصلت قسم الشرطة ووقفت والعربية ال كانت وراها مشيت اتنهدت وخدت طريق مختلف لبيتها وصلت لبيتها وركنت العربية ونزلت دخلت البيت بعد مافتحت الباب وردته لقت البيت ضلمه استغربت
رحمة:جنجر انتي هنا.... ملهاش حس يبقي مشت بس كانت قالتلي *راحت ناحية زرار النور وولعته بس النور مطفي بردو دب الرعب في قلبها راحت تجري علي الباب حد مسكها من
شعرها وكممها ومحستش بنفسها غير وهي بتقع .......بعد ما كوت منه الهدوم وطلعتها رصتها ف الدولاب فتحت البلكونه وعطرت المكان ونزلت دخلت المطبخ
منه:سعاد هانم حاتم باشا قالي اقول لحضرتك ان مهند جاي انهاردة جهزوله اوضته
سعاد بدهشة:مهند بيه ي منه خدي بالك ده اخو حاتم باشا الصغير تمم.... ي بنات جهزو أوضة البيه وابتدو جهزو العشا
مي ومروة ورحاب:تحت امرك ي هانم
منه بفضول:وانا مش هعمل حاجه
سعاد بجمود:لاء انتي عليكي خدمة الباشا بس روحي ارتاحي ولما هتحاجك اناديكي
منه باستغراب:تمم*سابتهم وطلعت من المطبخ علي اوضتها فتحت الباب ودخلت وردته لقت نورة نايمة وغادة قعدة مشغلة التلفزيون علي القرآن الكريم وموطية الصوت وعمالة تعيط وهي حاضنة مخدتها علي السرير قربت عليها منه بدموع وحضنتها
غادة بعياط: وحشتني اووي ي منه احنا من بعدها اتيتمنا فعلا دي مكنتش ترضي شكت الشوكة فينا
منه بعياط:قدر الله وماشاء فعل هي دلوقتي ف مكان احسن من هنا*فضلت تواسي اختها وكذالك بتواسي نفسها لحد ما غلبهم النوم ....الساعة ٧ قدام باب القلعة عربية فخمه ينزل منها جنتل مان وسيم (مهند) وشنطته علي كتفه
عبدو:هات عنك يسعت الباشا
مهند بضحك:تسلم ي عبدو وسعلي بقا عشان قلعة ابليس وحشتني اوووي *ودخل القلعة بحماس ووقف جوة ف النص وبصوته العالي
مهند:اناااا جيييت يا يهود بني قريظة اي مفيش استقبال
سعاد بفرحة:نورت المكان ي بية ان شاء الله تكون قضيت اجازة سعيدة
شهاب بضحك:اه والله ي سعاد كانت اجازة سعيده أما بنات امريكا دول بنات بمعني الكلمة مش زي هنا شوية غفر بس انا سمعت ان فية خدامتين جداد صغيرين هنا
سعاد بضحك: استهدي بالله عشان حاتم باشا لو سمعك الله اعلم هنجيبك منين الدور ده مش كفاية اخر مرة لما عرف انك دايقت البت مروة واشتكتله نفاك السودان شهر بحاله
شهاب بخوف:انا بس هتعرف عليهم مش اكتر *وسابها ودخل المطبخ شاف مي وهي بتغسل المواعين
اتسحب وراها ووطي علي راسها
مهند:ازيك ي جميل
مي بخضة:بسم الله الرحمن الرحيم مين حضرتك
مهند:انا مهند أخو حاتم
مي بتوتر:اهلا ي باشا حضرتك محتاج حاجة
مهند بضحك:ايه باشا دي انا مبحبش الالقاب قوليلي مهند علي طول ممكن نتعرف بقا* مي بغيظ وهي بترفع اديها ورته الدبلة ال لبساها
مهند بابتسامه:عادي فركشي ونتعرف
مي بغيظ:انا متجوزة ي باشا
مهند بتمثيل:يا خسارة يلا محصلش نصيب فين بقا صحبتك الجديدة ال شغالة عند حاتم
مي بغيظ:ف اوضتها نايمة محتاجها ف حاجة اصحهالك
مهند بلؤم:متقلقيش عارف الطريق *وسابها وطلع
مي بعصبية: انا نسيت احظرها منه ده لعبي اووي ربنا يستر *راح مهند ف مكان اوض الخدم وقرب لاوضة منه وهو عارف اني دي الاوضة ال خاصة ب خدامة حاتم وخبط علي الباب
٣مرات بعدين خبط تاني صحيت نورة علي صوت خبيط قامت بكسل من السرير وبصت حوليها لقت أخواتها نايمين لبست شبشبها وفتحت الباب وهي بتهرش ف عنيها شافت مهند
نورة بتتاوب:افندم محتاج حاجة
مهند بابتسامة:انا مهند أخو حاتم
نورة بكسل:اهلا وسهلا محتاج حاجة
مهند بحماس: ممكن نتعرف بقا بما انك مطولة هنا
نورة ببرود:لاء مش ممكن*وردت الباب ف وشه طبعا اتصدم من جرائتها وخبط تاني بغيظ وهي فتحت
نورة:نعم عاوز ايه
مهند بهدوء:انتي شكلك متعرفنيش انا أخو حاتم باشا ال شغالة عنده
نورة باستغراب:مش انا ال شغالة دي اختي منه انا نورة
مهند باستغراب:وانتي قاعدة معاها هنا
نورة بغيظ:اه عندك مانع حاتم باشا سمحلنا نقعد مع نورة
مهند بدهشة:سمحلكم هو لسة فيه تاني
نورة بعصبية:حاجة متخصكش حل عن دماغي *ورزعت الباب
مهند بضحك:دي تاني مرة تعملها هممم صغيرة بس شرسة نوعي المفضل *ومشي علي فوق ودخل اوضته وطلع غياره عشان ياخد دش الساعة بقت ٧ونص صحت سعاد منه وخلتها غسلت وشها وطلعت معاها علي المطبخ
سعاد بحزم:كل حاجة جهزت ي بنات
البنات:اه كل حاجة جاهزة ي هانم
سعاد:تمم اجهزو لان كمان شهاب بيه هيتعشا معاهم
عبدو وهو جاي جري:الباشا وصل ي سعاد هانم
سعاد :تمم تعالي ورايا ي منه
منه:حاضر*خرجت سعاد قدام باب القصر دخل حاتم ووقف بصلهم
حاتم بجمود: مهند فين
سعاد:مهند بيه ف اوضته
حاتم:تمم جهزو السفرة شهاب قدامه عشر دقايق ويوصل
سعاد:تحت امرك ي باشا *وسابهم وطلع
سعاد:اطلعي يلا انتي هتبصيلي
منه بخوف:حاضر*وطلعت لفوق جري خبطت
حاتم:ادخل*فتحت الباب ودخلت
حاتم:روحي ل مهند قوليله ينزل لتحت
منه:تحت امرك ي باشا *وسابته وطلعت وردت الباب فضلت تلف علي الاوض لحد ما سمعت صوت جاي من الاوضة ال عدت جنبها حد بيغني خبطت وبعدين بدقيقة فتحت مهند
مهند بهيام:أهلا اكيد انتي منه
منه باحراج:اه حاتم باشا بيقول لحضرتك السفرة جهزت وطالب من حضرتك تنزل
مهند وهو بيقرب:ايه حضرتك حضرتك دي قوليلي مهند علي طول بس ايه الجمال ده انتي مصرية
منه وهي بتبعد:انا لازم انزل عشان اساعدهم*وسابته ومشيت
مهند بضحك:ال يشوف دي ميقلش انها اخت الحلبية التانية دي كان ناقص تديني قلمين بس صبرا *أبتسم بلؤم ونزل لتحت الكل اتجمع علي السفرة وسعاد ومنه واقفين ليحتاجو حاجة
شهاب وهو بياكل:ايه عملت ف امريكا ي مهند
مهند بغمز:بعدين عشان ابيه مينفخناش انا وانت
حاتم بجمود:عمرك ما هتنضف
مهند بتمثيل: لاء ممكن لو غيرت المسحوق *ابتسمت منه وكانت هتموت وتضحك شافها مهند
مهند بضحك:ايوا كدا يعم اضحكي والله عسل لقتها فين دي ي حاتم
حاتم بجمود:خليك ف حالك احسنلك
مهند بضحك:ماشي بس تصدقي انتي مختلفة نهائي عن اختك التانية
حاتم بعصبية:الدور ده هوديك سوريا عند المليشيات
مهند بخوف:خلاص ي ابيه هاكل وانا ساكت *ضحك عليه شهاب ومنه بتسأل نفسها هو أمتي شاف نورة وهببت ايه دي شكلها عكت الدنيا ربنا يستر
