الفصل العشرين...
انصرف الجميع راح كل واحد فيهم على مكتبه
مشي جاسر على مكتبه وتمارا وراه
جاسر..تمارا هاتي مواعيد انهرده و تعالي ورايا
تمارا..حاضر يامستر جاسر
دخل..جاسر على مكتبه علق چاكت البدله بتاعته عالكرسي واعد حط رجل على رجل فتح اللاب بتاعه ولع سيجاره ثواني كانت تمارا بتخبط ودخلت
وقفت ادامه وهي مرتبكه من وجودها معاه ومرتبكه من الحركه اللي عملها لما وصلها وباس ايدها لكن جاسر كان حابب ميربكهاش اكتر وأتكلم بطريقه عمليه جدا عشان تفك
تمارا وقفت ادامه وهو مركز فاللاب طالت مدت وقوفها اكتر من دقيقتين
تمارا..احمم
جاسر..رفع وشه ليها ها يا تمارا ايه المواعيد انهرده
تمارا..حضرتك انهرده مفيش اي ميتنج بره الشركة
بس في 3 مكالمات حضرتك لازم تعملها
جاسر..تمام في اي حاجه تاني
تمارا..لا مفيش غير المكالمات دي بس وفي مواعيد الاسبوع الجاي محتاجين نرتبها مع بعض
جاسر..طيب اديني ورقة الارقام
تمارا..اتفضل دي ورقة فيها الارقام واهم المعلومات اللي حضرتك ممكن تحتاجها ممكن تبص عليها بصه سريعه عشان تقدر تعرف المعلومات الكافية عن العميل اللي حضرتك هتتكم معاه
جاسر..باعجاب من طريقة شغلها كان عندي حق لما قولت انك احسن سكرتيرة لحد الوقت اشتغلت معايا
تمارا..بابتسامة احراج ميرسي لحضرتك يامستر جاسر
جاسر..بطريقة عملية ماشي ياتمارا تقدري تتفضلي الوقت وانا لما اخلص المكالمات دي هبعتلك نرتب مع بعض المواعيد وياريت تأعدي انتي ترتبيها ترتيب مبدأي كده ولما اخلص وريهولي ولو عجبني يبقى تمام
تمارا..تحت امر حضرتك
جاسر..تمارا ياريت محدش يدخل عليا عشان المكالمات اللي هعملها دي مهمه جدا مش عايز اي ازعاج
تمارا..باستفهام اي حد اي حد
فهم جاسر انها تقصد هايدي ابتسم اي حد اي حد
تمارا..بابتسامه تمام بعد اذن حضرتك
جاسر..اتفضلي
خرجت تمارا وابتدت تحاول تظبط الجدول اللي كان مليان مواعيد
اما عند ليل وعشق
دخل ليل مكتبه ووراه عشق
تحت نظرات شاهي السكرتيرة بتاعته اللي كانت مش طايقة عشق
عشق اتصدمت اول ما شافت المكتب واسع ضحم شيك جدا فضلت باصه عليه باعجاب وانبهار
اعد ليل عالكرسيي بعد ما قلع الچاكت ولع سيجارته وفضل باصص على عشق اللي كانت شارده في مكتبه وعلامات الاعجاب ظاهره على ملامحها خرجها من شرودها صوت ليل اعدي ياعشق
انتبهت عشق وبصت عليه كان اعد عالمكتب وباصص عليها حست باحراج من المده اللي استغرقتها في النظر للمكتب اعدت ادامه عالكرسي وهي عنيها عالكرسي اللي ادامها وباعده وشها تماما عن ليل كانت حاسه من خياله انه مركز جدآ معاها حست بالتوتر فضلت تدعك ايديها في بعض
ليل.عشق
عشق..وهي باصه الناحية التانية نعم
ليل..أبتسم على التوتر اللي هي فيه تشربي ايه
عشق..هاا لا شكرا مش عايزة
ليل..رفع التليفون وكلم شاهي
ليل..شاهي هاتيلي القهوة بتاعتي وهاتي عصير برتقال بسرعه
شاهي..بغيظ تحت امر حضرتك
قفل ليل وهو لسه مركز على عشق هتفضلي اعده كده
عشق..المفروض اعمل ايه
ليل..يعني لو معندكيش مانع ممكن تبتدي شغل
عشق..اكيد امال انا جيت ليه بس حضرتك قولتلي تعالي عشان اوريكي مكتبك ومش ورتهولي ولا عرفتني ابدأ ازاي
ليل..بمشاكسة طب ماانتي في مكتبك
عشق..بصتله وهي على وشها ملامح استغراب مكتبي؟
ليل..اه مكتبك صح اسف نسيت اقولك ان مكتبك هيبقى معايا في مكتبي
عشق..اللي هو ازاي المكتب مش في غير مكتب حضرتك ولا انا هأعد عالكنبه اللي هناك دي وشاورتله بايدها على كنبه عمليه مصنوعه من الجلد وحواليها كرسيين
ليل..لا بس لو بصيتي هناك كده شويه وشاورلها بايده على اخر المكتب هتلاقي في مكتب مستنيكي طلبت امبارح انهم يجهزهولك
بصت عشق بعيد لقت مكتب منفصل خاص بيها
عشق..رجعت بصت ادامها تاني تمام
وفجأة حست بليل قام وقف وفضل ياخد خطوات بطيئه لحد ما وصل للكرسي اللي هي باصه عليه واعد ادامها
عشق..كانت هتعيط
ليل..بابتسامه انا قولت اعد مكان ما انتي باصه عشان مش اكلم حد مش باصصلي
عشق..بارتباك احمم اا انا لا انا بس يعني
ليل...ششششش ايه مالك ليه كل الخوف والارتباك اللي انتي فيه ده
عشق..انا وقبل ما تكمل كلامها قاطعها صوت الباب
ليل..ادخل
دخلت شاهي بخطوات بطيئه ومايعه تحت نظرات عشق اللي كانت مشمأزه من شكلها ولبسها كانت لابسه چيبه فوق ركبتها بكتير وشيميز هيتفرتك عليها من كتر ماهو ضيق وحاطه مكياچ صارخ وكأنها رايحه حفله مش بتشتغل في شركة
ليل..حطيهم عندك واخرجي ياشاهي
شاهي وهي هتفرقع من الغيظ كملت بمياعه طيب حضرتك عايز حاجة تاني مني يامستر ليل
ليل..رفع وشه ليها بنظره مميته وقفت قلب شاهي
ليل..شكرا لو عوزت حاجة هبعتلك الوقت اخرجي واقفلي وراكي ومش عايز اي حد يدخل عندي مش عايز ازعاج مفهوم
شاهي..برسميه مفهوم بعد اذن حضرتك
خرجت شاهي وهي هتولع من الغيظ اما عشق فا كانت مبسوطه ان ليل كسفها وفضلت معلقه نظرها على شاهي لحد ما خرجت من الباب
ليل.وهو باصص عليها كمل بابتسامه هاديه ايه بتشبهي عليها ولا ايه
عشق..بسخريه لا خالص مشوفتهاش قبل كده اصل كل اللي شوفتهم كانو في الدار والحمد لله مكنوش شكلها
ليل..مش فاهم
عشق..يعني كل اللي اعرفهم اغلبهم كانو محجبين واللي كان فيهم مش لابس حجاب كان محتشم انما الانسه يعني عموما دي اول مره اشوفها
ابتسم ليل وفهم قصدها تمام نشوف شغلنا بقى
عشق..تمام
ليل..تعالي معايا ياعشق خد ليل اللاب توب وراح بيه على الكنبه وابتدا يطلع الورق ويفهمها
فالاول عشق كانت متوتره من قربها جمبه وريحة البرفيوم بتاعته اللي قالبه المكتب حاسه ان وجودها جمبه مزود ضربات قلبها ومخليها مش قادرة تركز
ابتدا يشرح ليل بعملية ويفهمها
لكن كان حاسس وهو بيشرحلها انها مش مركزة ومتوترة
سكت ليل مرة واحدة وحتى سكوته ده هي مكنتش مركزة فيه وكانت مش معاه تمااما
ليل..بصلها مرة واحدة وبكل هدوء عكس ما بتشوفه كل مره كنت بقول ايه ياعشق
عشق. حست انها هتعيط
ليل..ها ساكته ليه كنت بقول ايه
عشق..وهي باين عليها التوتر وخلاص شويه شويه هتعيط مش عارفه
ليل..بنبره هاديه مش عارفه كنت بقول ايه ولا مش فاهمه لو مش فاهمه ممكن اعيد تاني مفيش مشكله
عشق..لا خالص بس اسفه انا سرحت
ليل..سرحتي في ايه او في مين
عشق..بارتباك هااا لا خالص مش في حد ولا في حاجه خالص انا بس يعني بصراحه كده مرتبكه شويه المكان جديد عليا هشتغل في حاجه مش بفهم فيها خايفه ابوظ الدنيا او خايفه حضرتك تضيع وقتك معايا عالفاضي
ليل..بصي ياعشق انا عمري ما اديت لحد حاجه يشيلها وانا واثق انه مش ادها وانا عارف انك ادها وهتقدري وهتفهمي كل الحكايه محتاجه بس كام يوم تقدري فيهم تفهمي كل حاجه عن طبيعة الشغل بتاعنا وتجمعي معلومات وخلاص بعد كده مفيش حاجه هتقف ادامك انتي بس محتاجة تركزي مش اكتر وقبل ما تركزي محتاجه قبل ماتدخلي من باب المكتب اللي هناك ده تسيبي خوفك وتوترك وقلقك وكل حاجة وبصلها شويه وسكت ممكن
عشق..وهي بتبصله هزت دماغها ممكن
ابتدا ليل..يشرحلها تاني الشغل والمرادي ابتدت عشق تركز وتحاول تهدا اكتر
مرت كذا ساعه وكل واحد فيهم مشغول في شغله
نوح..زهره راجعتي الورقة اللي ادتهالك
زهره..ايوه راجعتها مرتين ودي المره التالته
نوح..ليه في حاجه مش فهماها
زهره..لا مش حكايه حاجه مش فهماها بس..انا حاسه ان في غلطه فالارقام دي
نوح..ازاي
زهره..انا راجعت الورق ده اكتر من مره..المفروض ان الرقم ده يوصل ل 27مليون صح
نوح..تمام
زهره..الارقام دي لو اتجمعت هتطلع 26مليون و800000الف يعني ناقص 200000الف جنيه
نوح..ازاي الورقه دي انا مراجعها انا وادم
زهره..بشك مش عارفه يمكن انا راجعتها غلط بس دي تالت مره اراجعها والله عموما اديني عشر دقايق واقولك وصلت لايه
نوح..تمام انا هاشوف نور وارجعلك
راح نوح لنور والمكتب كان كبير اوي ومتقسم بطريقه شيك ليهم هما الاربعه لكن كان في مساحه بين كل مكتب والتاني عشان يقدرو يركزو
نوح.ايه بتعملي ايه
نور..بابتسامه براجع الورق اللي مستر ادم ادهولي
نوح..ايه في حاجه واقفه ادامك
نور..انا حاسه ان في لغبطه فالورقه دي بس مش عارفه انا احساسي صح ولا لا
نوح..نور الشغل هنا ملوش علاقه باحساسك ليه علاقه بدماغك وبس انتي شايفه ان في لغبطه يبقى فيه مفيش يبقى مفيش لكن مفيش حاجه اسمها احساسي بيقول ان في لغبطه
نور..ايوه انا مقصدش بس يعني قصدي اني راجعتها مره وبراجعها تاني وبردو في لغبطه
نوح..خلاص يبقى تقولي في لغبطه
نور..انا بصراحه محرجه اقول كده عشان مبقاش بعدل على مستر ادم وفنفس الوقت انا حاسه اني مش صح ماهو مش معقول اكون انهرده تاني يوم ليا واجي انا اللي اللي اكتشف غلطه
نوح..انتي ازاي بتفكري كده يانور لا طبعا احنا كلنا وارد اننا نغلط ومحدش فينا معصوم من الغلط ومش معني ان انا و ادم مديرين قسم المراجعه يبقى منغلطش ومينفعش لو غلطنا تتحرجي انك تقولي احنا هنا بنكمل بعض وبنصحح اخطاء بعض عشان بعد ما كلنا نخلص نراجع مراجعه نهائيه مع بعض ونسلم شغلنا تمام
نور..تمام
نوح..ايوه شايفه ايه
نور..في غلطه فعلا
نوح..واللي هي
نور عادتله كل اللي زهره قالته
نوح..ازاي تعالي ورايا كده
راح بيها على زهره ها يازهره كله تمام ولا زي ما هو
زهره.للاسف زي ماتوقعت
نوح..طب تعالو ورايا
دخل بيهم على ادم
نوح..ادم الورق اللي اديته لزهره ونور يراجعوه
ادم..ماله مظبوط صح بص ادم لزهره عشان تتكلم
زهره..بجرأه وثقه مستر ادم الورق ده للاسف في غلط والمبلغ المكتوب في نقص 200000الف جنيه بص لنور
نور ..باحراج انا اسفه يا مستر ادم بس انا كمان راجعت الورق وللاسف في نقص نفس المبلغ
ادم..هاتو الورق ده كده
قربت زهره ونور ومدوله ايدهم بالورق
فضل باصص ادم شويه فالورق وهو مكشر وعاقد حواجبه رفع وشه بابتسامه جميله
ادم..براڤو يابنات قدرتو تعدو اول اختبار بنجاح
زهره ونور بصوله بصدمه
ادم..بس واضح يانور انك محرجه تقولي اني غلطت في الحساب وده مينفعش
نوح..وهو بيأعد عالكرسي لادي كانت ناقص تنتحر ولا انها تقول انك غلطان دي شويه شويه كانت هتكدب نفسها
ادم..مينفعش يا نور هو اه الغلط عندنا ممنوع واحنا هنا مركزين200٪100 بس وارد تحصل غلطه لا تذكر بس تضيع الدنيا لو شوفتي اي حاجه وانتي من جواكي واثقه ومتأكده وراجعتيها مره واتنين وتلاته وعشره وبيطلعلك نفس الغلطه يبقى تقولي في غلط ولا تتحرجي ولا تخافي الشغل هنا مفيهوش احراج الاحراج يوقع المجموعه مفهوم
نور..مفهوم
ادم..وانتي يازهره براڤو بجد مع اني
توقعت اللغبطه والاحراج ده منك انتي مش من نور بس فاجئتيني بجد
زهره..شكرا يامستر ادم
نوح..بقول ايه الله يكرمكم طول ما احنا هنا مع بعض لوحدنا قولو اسامينا عادي بلاش مستر والجو ده بتخنق لما نخرج من المكتب ده ابقو قولو مستر زي ما انتو عايزين ماشي
ادم..اسمعو كلامو اصل ده عنده ربع سليم
نور..بأبتسامه ربع سليم هي مش كانت ربع طاقق
ادم..لاده مع كل الناس بس نوح ربع سليم والباقي طاقق
ضحكو البنات وابتدو شغل كلهم مع بعض بس المرادي مكنش اختبار
الوقت بيعدي..تمارا خلصت جدول المواعيد وحاولت تظبطه على اد ما قدرت كانت اعده هتتجنن وتشوفه او تلمحه من بعيد من وقت ما خرجت الصبح من مكتبه وهي مشافتهوش فات حوالي خمس ساعات اعده في ملل و زهق ومش لاقيه حاجه تعملها حتى مفيش حد جه سأل على جاسر او طلب انه يدخله عشان تعملها حجه وتشوفه حتى قهوته مطلبهاش زي كل يوم بس اللي كان مطمنها انها سامعه صوته بيتكلم فالتليفون
فات حوالي خمس دقايق واتصل عليها
جاسر..تمارا تعاليلي حالا وهاتي معاكي جدول المواعيد
تمارا..حاضر ثواني وكانت بتخبط
تمارا..تحت امر حضرتك
جاسر..بتعب حد اتصل عليا
تمارا..لا خالص مفيش اي اتصال
جاسر..تمام فين الجدول
تمارا.اتفضل انا حاولت اظبطه بطريقه تكون مفيهاش اي ضغط على حضرتك
جاسر..خد منها الورق فضل يبص فيه بتركيز عدت كذا دقيقه وهو باصص على الجدول
جاسر..تمام يا تمارا المواعيد كويسه واهم حاجه انها مفيهاش تضيع وقت
تمارا..تمام
جاسر..مسك دماغه بتعب سند عالمكتب كان حاسس بصداع شديد جدا
تمارا..بصتله بقلق مستر جاسر حضرتك كويس
جاسر..هزلها دماغه بأيوه
تمارا..بس حضرتك شكلك تعبان
جاسر..بصوت هادي انا تمام يا تمارا صداع بسيط مش اكتر
تمارا..قربت منه شويه تمام ازاي انت شكلك تعبان اوي طيب انت فطرت
جاسر..لا مش جعان ماتقلقيش شويه صداع بسيطه يعني
تمارا..بس انت عينك حمرا اوي
جاسر..انا عيني حمرا
تمارا..جدا طيب قوم اساعدك تدخل تغسل وشك يمكن تفوق وتبقى احسن
جاسر..طيب قام جاسر وهوحاسس ان دماغه فيها وجع جامد جداا
قربت منه تمارا اساعدك
جاسر..بضعف ياريت
مسكت تمارا ايده ومشيت بيه براحه ناحيه الحمام عشان يغسل وشه
جاسر..حس ان الدنيا بتلف بيه غير اتجاهه واعد بسرعه عالكنبه
تمارا..مش هتغسل وشك
جاسر..وهو ماسك راسه اتكلم بضعف مش قادر
اعدت تمارا براحه جمبه قربت ايدها من راسه براحه رجعتهاله لورا عشان يسند عالكنبه
تمارا..اسند ورا كده افضل بلاش توطي
فجأه وبدون مقدما
